Bakı Şəhəri Nərimanov Rayon Məhkəməsi Qərar — İş №3(005)-3100/2020

Azərbaycan Respublikası adından QƏRAR Bakı şəhəri İş № 3(005)-3100/2020 01.12.2020 BAKI ŞƏHƏRİ NƏRİMANOV RAYON MƏHKƏMƏSİ Hakim Qurbanov Vüsal Rafiq oğlunun sədrliyi, Hüseynov Elçin Rövşən oğlunun katibliyi, İnzibati xəta haqqında protokol tərtib etmiş Bakı şəhər Statistika İdarəsinin nümayəndəsi X1 iştirakı ilə, Şəxs MMCbarəsində Azərbaycan Respublikası İnzibati Xətalar Məcəlləsinin 389-cu maddəsi ilə tənbeh tədbirinin tətbiq edilməsinə dair Bakı şəhər Statistika İdarəsindən daxil olmuş inzibati xəta haqqında materiala açıq məhkəmə iclasında baxaraq MÜƏYYƏN ETDİ: Bakı şəhər Statistika İdarəsindən daxil olmuş MN seriyalı ******* nömrəli, xx xxxxxx 2020-ci il tarixli inzibati xəta haqqında protokolda göstərilmişdir ki, Şəxs MMC 2020-ci ilin İİİ rübü üzrə 1-xarici borc (xarici borc haqqında), 2- xarici borc (xarici borcun yaranması və ona xidmət edilməsi haqqında) və 1- invest (xarici investisiyalar və xidmətlər üzrə əməliyyatlar haqqında) hesabatlar, hesabat dövründən sonrakı ayın 20-dək (oktyabr ayının 20-dək) təqdim edilməmişdir. Bununla da Şəxs MMCAzərbaycan Respublikası İXM-nin 389-cu maddəsi ilə nəzərdə tutulmuş inzibati xətanı törətmişdir. İnzibati xəta haqqında protokol tərtib etmiş Bakı şəhər Statistika İdarəsinin nümayəndəsi X2 məhkəmə iclasında inzibati xəta haqqında protokolu müdafiə edərək izahatında bildirmişdir ki, Şəxs MMC 2020-ci ilin İİİ rübü üzrə (1-xarici borc (xarici borc haqqında), 2- xarici borc (xarici borcun yaranması və ona xidmət edilməsi haqqında) və 1invest (xarici investisiyalar və xidmətlər üzrə əməliyyatlar haqqında) hesabatlar, hesabat dövründən sonrakı ayın 20-dək (oktyabr ayının 20-dək) təqdim etməmişdir. Buna görə də MN seriyalı ******* nömrəli, xx xxxxxx 2020-ci il tarixli inzibati xəta haqqında protokol tərtib edilərək baxılması üçün məhkəməyə göndərilmişdir. Barəsində inzibati xəta haqqında icraat aparılan hüquqi şəxsə məhkəmə iclasının vaxtı və yeri barədə qanunla müəyyən edilmiş qaydada məlumat verilməsinə baxmayaraq məhkəmə iclasında nümayəndəsinin iştirakını təmin etməmiş və iştirak etməməsinin səbəbi barədə məhkəməyə hər hansı bir məlumat verməmişdir. Məhkəmə, Azərbaycan Respublikası İnzibati Xətalar Məcəlləsinin 61.3-cü maddəsinə əsasən işə barəsində inzibati xəta haqqında iş üzrə icraat aparılan hüquqi şəxsin nümayəndəsinin iştirakı olmadan baxılmasını mümkün hesab etmişdir. İş materiallarında olan və məhkəmə baxışında tədqiq edilmiş: X3 kommersiya qurumlarının dövlət reyestri məlumatları haqqında çıxarışdan görünür ki, Şəxs MMC -nin hüquqi ünvanı ünvan 1 olmaqla xx.xx.2019-cu ildə dövlət qeydiyyatına alınmışdır. Bakı şəhər Statistika İdarəsi tərəfindən Şəxs MMC -yə ünvanlanmış 1437 nömrəli, xx xxxxxx 2020-ci il tarixli məktubun surətindən görünür ki, Şəxs MMC tərəfindən tərəfindən 2020-ci ilin İİİ rübü üzrə (1-xarici borc (xarici borc haqqında), 2- xarici borc (xarici borcun yaranması və ona xidmət edilməsi haqqında) və 1- invest (xarici investisiyalar və xidmətlər üzrə əməliyyatlar haqqında) hesabatlar, hesabat dövründən sonrakı ayın 20-dək (oktyabr ayının 20-dək) təqdim edilmədiyi nəzərə alınaraq, xx.xx.2020-ci il tarixdə saat 10:00-da Bakı şəhər Statistika İdarəsinə dəvət olunmuşlar. “Rəsmi Statistika haqqında” Azərbaycan Respublikası Qanununun 11-ci maddəsinə əsasən, Azərbaycan Respublikasının ərazisində yerləşən bütün hüquqi şəxslər (onların nümayəndəlik və filialları) və fiziki şəxslər dövlət (region) müşahidələrinin aparılması üçün lazım olan məlumatları müəyyən edilmiş həcmdə və müddətlərdə haqqı ödənilmədən kağız və ya müvafiq qanunvericiliyə uyğun olaraq məlumatların təqdim edilməsi təsdiq oluna bilən elektron sənəd formasında dövlət statistika orqanlarına təqdim etməyə borcludurlar. Azərbaycan Respublikası İXM-in 389-cu maddəsinə əsasən statistik müşahidələrin aparılması üçün zəruri olan məlumatların təqdim edilməməsinə və ya vaxtında təqdim edilməməsinə, yaxud hesabatların təhrif edilməsinə görə üç yüz manatdan beş yüz manatadək məbləğdə cərimə edilir. Məhkəmə iclasında tədqiq edilmiş inzibati xəta haqqında protokol, inzibati materialda olan digər sənədlərlə sübuta yetirilmişdir ki, barəsində inzibati icraat aparılan hüquqi şəxs Şəxs MMC tərəfindən 2020-ci ilin İİİ rübü üzrə (1-xarici borc (xarici borc haqqında), 2xarici borc (xarici borcun yaranması və ona xidmət edilməsi haqqında) və 1- invest (xarici investisiyalar və xidmətlər üzrə əməliyyatlar haqqında) hesabatlar, son təqdim edilmə tarixi xx.xx.2020-ci il olduğu halda, qeyd edilən hesabat Bakı şəhər Statistika İdarəsinə təqdim edilməmişdir. Bununla da Şəxs MMC hüquqi şəxs olaraq İnzibati Xətalar Məcəlləsinin 389cu maddəsində nəzərdə tutulmuş inzibati xətanı törətmişdir. Məhkəmə törədilmiş inzibati xətanın xarakterini və işin digər hallarını nəzərə alıb, iş üzrə sübutları qiymətləndirərək hesab edir ki, Şəxs MMC barəsində İXM-nin 389-cu maddəsinin sanksiyasının hədləri daxilində müəyyən məbləğdə cərimə növündə inzibati tənbeh tətbiq edilməlidir. Yuxarıda göstərilənlərə və Azərbaycan Respublikası İnzibati Xətalar Məcəlləsinin 31, 40, 43, 48-51, 114, 128-130-cu maddələrini rəhbər tutaraq, məhkəmə QƏRARA ALDİ: Şəxs MMCAzərbaycan Respublikası İnzibati Xətalar Məcəlləsinin 389-cu maddəsində nəzərdə tutulmuş inzibati xətanı törətməkdə təqsirli bilinsin və barəsində 300 (üç yüz) manat miqdarında cərimə növündə tənbeh tədbiri tətbiq edilsin. Qərarın surəti təqdim edildiyi və ya alındığı gündən 10 gün müddətində Bakı Şəhəri Nərimanov Rayon Məhkəməsi vasitəsilə və ya bilavasitə Bakı Apelyasiya Məhkəməsinə şikayət verilə bilər. Sədrlik edən Vüsal Qurbanov