Bakı Şəhəri Nərimanov Rayon Məhkəməsi Qərar — İş №3(005)-3144/2020

Azərbaycan Respublikası adından QƏRAR Bakı şəhəri İş № 3(005)-3144/2020 19.11.2020 BAKI ŞƏHƏRİ NƏRİMANOV RAYON MƏHKƏMƏSİ Hakim Ələkbərov Tural Mehman oğlunun sədrliyi, Məmmədhəsənov Fərman Salman oğlunun katibliyi, İnzibati xəta haqqında protokolu tərtib etmiş şəxs Bakı şəhəri Nərimanov Rayon Polis İdarəsinin 18-ci Polis Şöbəsinin polis sahə inspektoru X2, Müdafiəçi Bakı şəhəri 14 saylı Vəkil Bürosunun vəkili Vəkil, Barəsində inzibati xəta haqqında iş üzrə icraat aparılan şəxs Şəxs iştirakları ilə, xx.xx.1975-ci ildə Füzuli rayonunun Horadiz kəndində anadan olmuş, Azərbaycan Respublikasının vətəndaşı, ali təhsilli, evli, “xxxxxxxxxxx” MMC-də işləyən, ünvan 1 mənzil 31 ünvanında qeydiyyatda olan, ünvan 2 ünvanında yaşayan Şəxs Azərbaycan Respublikası İnzibati Xətalar Məcəlləsinin (bundan sonra - İXM) 510 və 535.1-ci maddələrində nəzərdə tutulan inzibati xətanı törətməsinə dair Azərbaycan Respublikası Daxili İşlər Nazirliyinin Bakı şəhəri Nərimanov Rayon Polis İdarəsinin 18-ci Polis Şöbəsindən daxil olmuş materiallara məhkəmənin inzibati binasında, açıq məhkəmə iclasında baxaraq, məhkəmə MÜƏYYƏN ETDİ: Bakı şəhəri Nərimanov rayon Polis İdarəsinin 18-ci polis şöbəsindən Şəxs İXM-in 510-cu maddəsində nəzərdə tutulmuş inzibati xətanı törətməsi ilə bağlı material xx xxxxxx 2020-ci il tarixdə baxılması üçün Bakı Şəhəri Nərimanov Rayon Məhkəməsinə göndərilmişdir. xx xxxxxx 2020-ci il tarixli MN seriyalı ******* nömrəli inzibati xəta haqqında protokolda göstərilmişdir ki, Şəxs xx.xx.2020-ci il tarixdə saat 20:50 radələrində Nərimanov rayonu, Aşıq Qərib küçəsi, ev 26 ünvanında həyat yoldaşı Könül Quliyeva ilə mübahisə edərək nalayiq ifadələrlə onu təhqir etmişdir. Məhkəmənin icraatına həmin tarixdə Bakı şəhəri Nərimanov Rayon Polis İdarəsinin 18-ci Polis Şöbəsindən daxil olmuş xx xxxxxx 2020-ci il tarixli MN seriyalı ******* nömrəli inzibati xəta haqqında protokoldan görünür ki, Şəxs xx.xx.2020-ci il tarixdə saat 20:50 radələrində Nərimanov rayonu, Aşıq Qərib küçəsi, ev 26 ünvanında polis əməkdaşının qanuni tələblərinə qəsdən tabesizlik göstərmiş, bununla da İXM-in 535.1-ci maddəsində nəzərdə tutulan inzibati xətanı törətmişdir. Barəsində inzibati xəta haqqında iş üzrə icraat aparılan Şəxs törətdiyi inzibati xətalarla bağlı ayrı-ayrı inzibati materiallar xx xxxxxx 2020-ci il tarixdə məhkəmənin icraatına daxil olduğundan, qeyd olunan materialların tam, ətraflı, obyektiv və vaxtında araşdırılmaqla ədalətli həll olunmasını təmin etmək məqsədi ilə məhkəmə İXM-in 34.2-ci maddəsini rəhbər tutaraq, Bakı şəhəri Nərimanov rayon Polis İdarəsinin 18-ci Polis Şöbəsindən daxil olmuş inzibati işlərin bir icraatda birləşdirilərək baxılmasını mümkün hesab etmişdir. Məhkəmə iclasında inzibati xəta haqqında protokolu tərtib etmiş Azərbaycan Respublikası Daxili İşlər Nazirliyi Bakı şəhəri Nərimanov rayon Polis İdarəsinin 18-ci polis şöbəsindən polis sahə inspektoru X3 inzibati xəta haqqında protokolların məzmununa uyğun çıxış edərək bildirdi ki, xx.xx.2020-ci il tarixdə saat 20:50 radələrində Nərimanov rayonu, Aşıq Qərib küçəsi, ev 26 ünvanında yaşayan vətəndaş İsmayılova Könül Bilal qızı 102 “Xidməti-Zəng Mərkəzi”nə müraciət edərək həyat yoldaşının onu öldürməklə hədələdiyini bildirmişdir. Hadisə ilə əlaqədar olaraq polis əməkdaşları qeyd olunan ünvanda olarkən, 1975-ci il təvəllüdlü vətəndaş Şəxs yaxınlaşan zaman ondan kəskin spirt qoxusu gəldiyini və sərxoş olduğunu görmüşlər. Daha sonra Şəxs küçədə olan zaman ucadan danışdığına, ünvansız nalayiq söyüşlər söydüyünə görə və ailə üzvlərinin ondan qorxub onu evdən uzaqlaşdırılması tələbi nəzərə alınaraq tərəflərindən 18-ci Polis Şöbəsinə dəvət olunmuşdur. Şəxs polis şöbəsinə getməkdən imtina edərək təkrar olaraq ünvansız nalayiq söyüşlər söyməyə başlamış və polis şöbəsinə getməyəcəyini bildirərək polis əməkdaşlarının əlləri ilə itələmişdir. Ondan sakitləşməsi və dəfələrlə tələblərinə riayət edilməsi xahiş olunsa da, o, tabesizlik göstərərək polis maşınına minməkdən imtina etdiyinə görə fiziki qüvvə tətbiq edərək maşına mindirilib 18-ci PŞ-yə gətirilmişdir. Şəxs polis şöbəsinin inzibati binasına daxil olduqdan sonra iradəsiz davranışları, rabitəsiz nitqi ilə sərxoş olması təəssüratı yaratmış, həm şöbənin inzibati binasının daxilində, həm də həyətyanı ərazisində polis şöbəsinin əməkdaşlarına qarşı qeyri-etik hərəkətlərə yol verməklə, yüksək səslə ünvansız nalayiq ifadələr işlətməklə, eləcə də səs-küy salaraq ətrafdakıların üzərinə hücum edib şöbənin normal iş fəaliyyətini pozmağa cəhd göstərmiş, bununla bağlı o, aidiyyəti üzrə Səhiyyə Nazirliyinin Respublika Narkoloji Mərkəzində sərxoşluq hallarının bütün növlərinin təyini məqsədi ilə tibbi müayinədən keçirilmiş və həmin tarixli, 2/12173 saylı protokola əsasən ona orta dərəcəli sərxoşluq diaqnozu təyin edilmişdir. Göstərilənlərə əsasən, Şəxs barəsində inzibati tənbeh tədbirinin tətbiq edilməsini məhkəmədən xahiş etdi. Məhkəmə iclasında barəsində inzibati xəta haqqında iş üzrə icraat aparılan şəxs Şəxs özünü təqsirli bilməyərək izahatında göstərdi ki, xx xxxxxx 2020-ci il tarixdə saat 20:00 radələrində evdə olan zaman həyat yoldaşı Könül İsmayılova ilə aralarında mübahisə yaranmışdır. Bu zaman polis əməkdaşları evə gələrək Könül İsmayılova ilə mübahisə etdiyi üçün onu Polis Şöbəsinə aparmışlar. Həmin gün spirtli içki qəbul etməmiş, Polis Bölməsində olarkən heç bir qeyri-etik hərəkətlərə yol verməmiş və polis əməkdaşlarına tabesizlik göstərməmişdir. Həmçinin onun tərəfindən ictimai qaydanı pozan və ya polisin qanuni tələbinə tabe olmama kimi hərəkətlərə yol verilməmişdir. Könül İsmayılova ilə mübahisə edərkən ona qarşı heç bir nalayiq ifadələr işlətməmiş və onu ölümlə hədələməmişdir. Buna görə də barəsində olan inzibati işin icraatına xitam verilməsini məhkəmədən xahiş etdi. Məhkəmə iclasında şahid qismində dindirilmiş Bakı şəhəri Nərimanov RPİ-nin 18-ci Polis şöbəsinin polis sahə inspektoru X1 izahatında göstərdi ki, xx.xx.2020-ci il tarixdə əməliyyat qrupunda xidmət apararkən İsmaylıova Könül Bilal qızının həyat yoldaşı tərəfindən onu öldürməklə hədələməsi barədə 102 çağrı xidməti vasitəsi ilə məlumat daxil olmuşdur. Hadisə ilə əlaqədar olaraq qeyd olunan ünvanda olarkən Şəxs yaxınlaşan zaman ondan kəskin spirt qoxusu gəldiyini və sərxoş olduğunu görmüşlər. Şəxs içkili olmadığını bildirmiş, nalayiq ünvansız söyüşlər söyməyə və arvadı İsmayılova Könülü öldürməklə hədələmişdir. Daxil olmuş məlumata əsasən və ailə üzvlərinin ondan qorxub onu evdən uzaqlaşdırılması tələbi nəzərə alınaraq Şəxs polis şöbəsinə dəvət etsələr də, o, polis şöbəsinə getməkdən imtina edərək təkrar olaraq ünvansız nalayiq söyüşlər söyməyə başlamış və polis şöbəsinə getməyəcəyini bildirərək onları əlləri ilə itələmişdir. Ondan sakitləşməsini və dəfələrlə tələblərinə riayət etməsini xahiş etsələr də o, tabesizlik göstərərək polis maşınına minməkdən imtina etdiyinə görə ona fiziki qüvvə tətbiq edilərək maşına mindirilib 18-ci PŞ-nə gətirilmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs vəkili Vəkil hüquqlarını müdafiə etdiyi şəxsin barəsində inzibati işin icraatına xitam verilməsini xahiş etdi. İş materiallarında olan və məhkəmə baxışında tədqiq olunmuş: Nərimanov RPİ-nin 18-ci Polis şöbəsinin polis sahə inspektoru X1 tərəfindən Nərimanov RPİ-nin 18-ci Polis Şöbəsinin rəhbərliyinə ünvanlanan xx xxxxxx 2020-ci il tarixli raportdan görünür ki, xx.xx.2020-ci il tarixdə əməliyyat qrupunda xidmət apararkən saat 20:50 radələrində 102 çağrı xidməti vasitəsi ilə Nərimanov rayonu, Aşıq Qərib küçəsi, ev 26 ünvanında yaşayan vətəndaş İsmayılova Könül Bilal qızının həyat yoldaşı tərəfindən onu öldürməklə hədələməsi barədə məlumat daxil olmuşdur. Məlumat hadisələr barədə kitab 1-də qeydə alınmışdır. Hadisə ilə əlaqədar olaraq polis əməkdaşları qeyd olunan ünvanda olarkən 1975-ci il təvəllüdlü vətəndaş Şəxs yaxınlaşan zaman ondan kəskin spirt qoxusu gəldiyini və sərxoş olduğunu görmüşlər. Vətəndaş Şəxs küçədə olan zaman ucadan danışdığına, ünvansız nalayiq söyüşlər söydüyünə, daxil olmuş məlumata görə və ailə üzvlərinin ondan qorxub onu evdən uzaqlaşdırılması tələbi nəzərə alınaraq tərəflərindən 18-ci Polis Şöbəsinə dəvət olunmuşdur. Şəxs polis şöbəsinə getməkdən imtina edərək təkrar olaraq ünvansız nalayiq söyüşlər söyməyə başlamış və polis şöbəsinə getməyəcəyini bildirərək onları əlləri ilə itələmişdir. Ondan sakitləşməsini və dəfələrlə tələblərinə riayət etməsi xahiş edilsə də o, tabesizlik göstərərək polis maşınına minməkdən imtina etdiyinə görə ona fiziki qüvvə tətbiq edilərək maşına mindirilib 18-ci PŞ-nə gətirilmişdir. Göstərilənləri nəzərə alaraq tədbir görülməsi üçün göstəriş verilməsi xahiş olunmuşdur; Nərimanov RPİ-nin 18-ci Polis şöbəsinin məsul növbətçisi Zabil Məmmədov tərəfindən Nərimanov RPİ 18-ci Polis Şöbəsinin rəhbərliyinə ünvanlanan xx xxxxxx 2020ci il tarixli raportdan görünür ki, xx.xx.2020-ci il tarixdə xidmətdə olduğu zaman “102 Xidməti-Zəng Mərkəzi”ndən daxil olmuş məlumat əsasında Nərimanov RPİ-nin 18-ci PŞnın əməliyyat qrupu tərəfindən Şəxs arvadı İsmayılova Könül Bilal qızına qarşı qanunazidd hərəkətlərə yol verdiyinə görə Nərimanov RPİ-nin 18-ci PŞ-ya gətirilmişdir. Şəxs polis şöbəsinin inzibati binasına daxil olduqdan sonra iradəsiz davranışları, rabitəsiz nitqi ilə sərxoş olması təəssüratı yaratmış, həm şöbənin inzibati binasının daxilində, həm də həyətyanı ərazisində polis şöbəsinin əməkdaşlarına qarşı qeyri-etik hərəkətlərə yol verməklə, yüksək səslə ünvansız nalayiq ifadələr işlətməklə, eləcə də səs-küy salaraq ətrafdakıların üzərinə hücum edib şöbənin normal iş fəaliyyətini pozmağa cəhd göstərmiş, bununla bağlı o, aidiyyəti üzrə AR Səhiyyə Nazirliyinin Republika Narkoloji Mərkəzində sərxoşluq hallarının bütün növlərinin təyini məqsədi ilə tibbi müayinədən keçirilmiş və həmin tarixli, 2/12173 saylı Protokola əsasən ona orta dərəcəli sərxoşluq diaqnozu təyin edilmişdir. Faktla bağlı qanuna müvafiq tədbir görülməsinə dair aidiyyəti üzrə göstəriş verilməsi xahiş olunmuşdur; “İnzibati qaydada tutma haqqında” xx xxxxxx 2020-ci il tarixli protokoldan görünür ki, Şəxs həmin tarixdə saat 23:50-də inzibati qaydada tutulmuşdur. xx.xx.2020-ci il tarixli, 2/12173 nömrəli “Sərxoşluq hallarının bütün növlərinin təyini məqsədi ilə aparılan tibbi müayinə” protokolundan görünür ki, Şəxs həmin tarixdə orta dərəcəli alkoqol sərxoşluğu vəziyyətində olmuşdur; Nərimanov RPİ-nin 18-ci Polis şöbəsinin rəisi Bayram Əliyev tərəfindən tərtib olunmuş xx.xx.2020-ci il tarixli arayışdan görünür ki, xx.xx.1975-cı ildə Füzuli rayonu Horadiz kəndində anadan olmuş, Azərbaycan Respublikasının vətəndaşı, ailəli, vətəndaş Şəxs xx.xx.2020-ci il tarixdə, saat 20:50 radələrində Nərimanov rayonu, A.Qərib küçəsi ev 26 ünvanda polis əməkdaşlarının qanuni tələblərinə qəsdən tabe olmadığına görə Nərimanov RPİ-nin 18-ci PŞ-nə gətirilmişdir. 18-ci PŞ-də olan zaman ünvansız nalayiq söyüşlər söymüş və polis əməkdaşlarının qanuni tələblərinə qəsdən tabesizlik göstərmişdir. Araşdırma zamanı vətəndaş Şəxs sərxoş olduğu müəyyən olunmuşdur. Vətəndaş Şəxs sərxoşluq dərəcəsini təyin etmək məqsədilə Sərxoşluq hallarının bütün növlərinin təyini məqsədilə aparılan tibbi müayinəyə aparılmışdır. Vətəndaş Şəxs tibbi müayinədən keçərkən “Orta” dərəcəli sərxoş olduğu barədə rəy verilmişdir. Vətəndaş Şəxs xx.xx.2020-ci il tarixdə saat 10:00-da “Orta” sərxoşluq dərəcəsindən ayılmışdır. Məhkəmə, iş üzrə toplanmış sübutlara və onların məcmusuna tam, hərtərəfli və obyektiv baxılmasına əsaslanmaqla belə nəticəyə gəlir ki, Şəxs İXM-in 510 və 535.1-ci maddələrində nəzərdə tutulmuş inzibati xətanın törədilməsində təqsiri özü etiraf etməsə də, inzibati xəta haqqında protokollar şahid izahatı, habelə digər sübutlarla tam sübuta yetirilmiş və onun əməli düzgün olaraq İXM-in 510 və 535.1-ci maddələri ilə tövsif edilmişdir. Onun hərəkətlərinə münasibətdə əməlin inzibati xəta olmasını aradan qaldıran hallar yoxdur, Şəxs inzibati məsuliyyətdən azad edilməsi üçün əsaslar müəyyən edilməmişdir. Odur ki, təqsiri tam sübuta yetirildiyinə görə Şəxs inzibati məsuliyyətə cəlb edilməli və tənbeh edilməlidir. İXM-in: 12-ci maddəsinə əsasən İXM-lə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur; 34.2-ci maddəsinə əsasən şəxsin eyni və ya müxtəlif vaxtlarda törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin işlərə eyni vaxtda baxılmalıdır; 34.3-cü maddəsinə əsasən şəxsin eyni vaxtda öz hərəkətləri (hərəkətsizliyi) ilə törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin şəxs daha ciddi xətaya görə müəyyən edilmiş sanksiya çərçivəsində tənbeh edilir. Bu halda törədilmiş xətalardan hər hansı birinə görə nəzərdə tutulmuş əlavə tənbehlərdən biri əsas tənbehə əlavə edilə bilər; 510-cu maddəsinə əsasən xırda xuliqanlıq, yəni ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə görə əlli manatdan yüz manatadək məbləğdə cərimə edilir, işin hallarına görə, pozuntunu törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda, on beş günədək müddətə inzibati həbs tətbiq olunur. İXM-in 510-cu maddəsinin dispozisiyasından göründüyü kimi xırda xuliqanlıq, yəni ictimai qaydanı pozan hərəkətlər fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilmədikdə həmin maddədə nəzərdə tutulan məsuliyyətə səbəb olur. Azərbaycan Respublikası Ali Məhkəməsi Plenumunun “Xuliqanlıq işləri üzrə məhkəmə təcrübəsi haqqında” xx.xx.2004-cü il tarixli 1 saylı Qərarının 2-3-cü bəndlərində göstərilir ki, Azərbaycan Respublikası Cinayət Məcəlləsinin xuliqanlığa görə məsuliyyət müəyyən edən 221-ci maddəsinin mətnində nəzərdə tutulan mənada ictimai qayda dedikdə, cəmiyyətdə insanlar arasında təşəkkül tapmış, adət və ənənələrlə, əxlaq normaları ilə, habelə qüvvədə olan qanunvericiliklə müəyyən edilən qarşılıqlı davranış və birgəyaşayış qaydalarının sistemi başa düşülür. İctimai qaydanı kobud surətdə pozan hərəkətlər dedikdə, ictimai və ya şəxsi mənafelərə əhəmiyyətli zərər vuran və ya cəmiyyətdə insanlar arasında bərqərar olmuş birgəyaşayış və davranış qaydalarının qərəzli surətdə pozulmasında ifadə olunan hərəkətlər başa düşülür. Cəmiyyətə açıqca hörmətsizlik etmə dedikdə isə, təqsirkarın ətrafdakı şəxslər üçün aşkar surətdə ictimai qaydaya əhəmiyyətli dərəcədə laqeydlik, etinasızlıq göstərməsi, cəmiyyətdə hamı tərəfindən qəbul olunmuş davranış qaydaları, əxlaq və mənəviyyat normalarına qarşı saymamazlıq, bir çox insanın və ya cəmiyyətin hər hansı bir üzvünün mənafelərinə toxunan hərəkətlər etməsi başa düşülür. Azərbaycan Respublikası Konstitusiya Məhkəməsi Plenumunun “Azərbaycan Respublikası Cinayət Məcəlləsinin 221.3-cü maddəsinin şərh edilməsinə dair” xx xxx 2011-ci il tarixli qərarında qeyd edilir ki, xuliqanlıq obyektiv cəhətdən Azərbaycan Respublikası Cinayət Məcəlləsinin 221-ci maddəsinin dispozisiyasında sadalanan müxtəlif hərəkətlərdə ifadə olunsa da, onların hamısı üç əsas əlamətə malik olmalıdır. Birincisi, bu hərəkətlər ictimai qaydanı kobud surətdə pozmalıdır; ikincisi, belə pozuntu cəmiyyətə açıqca hörmətsizlik ifadə etməlidir; üçüncüsü isə vətəndaşlar üzərində zor tətbiq olunması ilə və ya belə zorun tətbiq edilməsi hədəsi ilə, habelə özgənin əmlakının məhv edilməsi, yaxud zədələnməsi ilə müşayiət edilməlidir. Qeyd olunmalıdır ki, cəmiyyətə açıqca hörmətsizlikdə ifadə olunan ictimai qaydanın kobud surətdə pozulması öz-özlüyündə inzibati hüquqpozmadır və İXM-in 296-cı maddəsi ilə nəzərdə tutulmuş inzibati məsuliyyətə səbəb olur. Məhkəmə hesab edir ki, barəsində inzibati xəta haqqında iş üzrə icraat aparılan Şəxs xx xxxxxx 2020-ci tarixdə saat 20:50 radələrində ictimai yerdə ətrafdakı şəxslər üçün aşkar surətdə ictimai qaydaya əhəmiyyətli dərəcədə laqeydlik, etinasızlıq göstərərək nalayiq ifadələr işlətmiş, bununla da cəmiyyətdə hamı tərəfindən qəbul olunmuş davranış qaydalarına, əxlaq və mənəviyyat normalarına qarşı saymamazlıq nümayiş etdirmiş, cəmiyyətə açıqca hörmətsizlikdə ifadə olunan ictimai qaydanı kobud surətdə pozan hərəkətlərə yol verməklə İXM-in 510-cu maddəsində nəzərdə tutulan inzibati xətanı törətmişdir. İXM-in 535.1-ci maddəsinə əsasən polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmama həmin maddədə nəzərdə tutulmuş inzibati məsuliyyətə səbəb olur və fiziki şəxslər iki yüz manat miqdarında cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Qeyd edilən maddənin dispozisiyasından göründüyü kimi, polis işçisi və ya hərbi qulluqçu ictimai qaydanın mühafizəsi ilə bağlı vəzifələrini icra edərkən, ictimai qaydanı pozan şəxs tərəfindən onların qanuni tələblərinə qəsdən tabe olmama İXM-in 535.1-ci maddəsində nəzərdə tutulan məsuliyyətə səbəb olur. Hazırki halda Şəxs hərəkətlərində də həmin halların mövcud olması məhkəmə iclasında öz təsdiqini tapmışdır. Belə ki, tərtib edilmiş inzibati xəta haqqında protokollar və məhkəmə iclasında araşdırılan sübutlarla müəyyən edildi ki, Şəxs xx xxxxxx 2020-ci il tarixdə ictimai qaydanın mühafizə vəzifələrini icra edən polis əməkdaşlarının qanuni tələbinə tabe olmamışdır. Bütün bunlar məhkəməyə Şəxs hərəkətlərində ictimai qaydanın mühafizə vəzifələrini icra edərkən qanuni tələb irəli sürən yol polis xidməti əməkdaşının qanuni tələbinə tabe olmama kimi halların, yəni İXM-in 535.1-ci maddəsində nəzərdə tutulmuş inzibati xətanın tərkibinin də olması barədə nəticəyə gəlməyə əsas verir. Məhkəmə, Şəxs törətdiyi inzibati xətaları etiraf etməməsi barədə izahatına tənqidi yanaşır və həmin izahatı inzibati məsuliyyətdən yayınmaq məqsədilə verilməsi qənaətinə gəlir. Barəsində inzibati xəta haqqında iş üzrə icraat aparılan Şəxs əməlində inzibati xətaya görə məsuliyyəti yüngülləşdirən hallar müəyyən olunmadı. Məhkəmə, Şəxs inzibati xətaları sərxoş vəziyyətdə törətməsini məsuliyyəti ağırlaşdıran hal kimi nəzərə alır. İXM-in: 4-cü maddəsinə əsasən İXM insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır; 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına uyğun, qanuni və əsaslı olmalıdır; 34.3-cü maddəsinə əsasən şəxsin eyni vaxtda öz hərəkətləri (hərəkətsizliyi) ilə törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin şəxs daha ciddi xətaya görə müəyyən edilmiş sanksiya çərçivəsində tənbeh edilir. Bu halda törədilmiş xətalardan hər hansı birinə görə nəzərdə tutulmuş əlavə tənbehlərdən biri əsas tənbehə əlavə edilə bilər. Məhkəmə, Şəxs barəsində inzibati tənbeh tətbiq edərkən, xətanın xarakterini, onun şəxsiyyətini xarakterizə edən halları, onun təqsirinin dərəcəsini, əmlak vəziyyətini, habelə məsuliyyəti yüngülləşdirən halların olmamasını, məsuliyyəti ağırlaşdıran halı nəzərə alır və hesab edir ki, Şəxs İXM-in 510 və 535.1-ci maddələri ilə nəzərdə tutulan inzibati xətaları törətməkdə təqsirli bilinməli və barəsində İXM-in 34.3-cü maddəsinə əsasən daha ciddi xətaya görə müəyyən edilmiş sanksiya çərçivəsində tənbeh tədbiri, yəni İXMin 535.1-ci maddəsinin sanksiyasında nəzərdə tutulan 150 (yüz əlli) manat cərimə növündə tənbeh tədbiri tətbiq edilməlidir. Məhkəmə qeyd edir ki, inzibati həbs növündə tənbeh tədbiri inzibati tənbehin məqsədlərinə, yəni Şəxs qanunlara əməl edilməsi ruhunda tərbiyələndirməyə, habelə onun tərəfindən yeni inzibati xəta törədilməsinin qarşısını almağa uyğundur. Əlavə olaraq məhkəmə qeyd edir ki, İXM-in 66.3-cü maddəsinə əsasən maddi vəziyyətinə görə öz hesabına vəkil tutmaq imkanı olmadıqda, inzibati qaydada tutulmuş şəxsə hüquqi yardım dövlətin vəsaiti hesabına göstərilir. Belə halda vəkil öz vəzifələrini yerinə yetirməkdən imtina edə bilməz. “Müdafiəçilərə, tərcüməçilərə, mütəxəssislərə və ekspertlərə ödənilməli olan məbləğlərin miqdarı haqqında” Azərbaycan Respublikası Nazirlər Kabinetinin 2001-ci il 1 fevral tarixli 31 nömrəli Qərarının: 1-ci bəndinə əsasən Azərbaycan Respublikasının Cinayət-Prosessual Məcəlləsinin 193.2, 193.4-cü və 194-cü maddələrində nəzərdə tutulmuş hallarda hüquqi yardımın göstərilməsinə görə müdafiəçiyə (vəkilə) ödənilən haqq hər iş saatı üçün 6 manat məbləğində müəyyən edilmişdir; 4-cü bəndinə əsasən bu qərarla müəyyən edilən məbləğlər müdafiəçinin (vəkilin) təqdim etdiyi hesabata müvafiq olaraq məhkəmənin əsaslandırılmış qərarı əsasında bu məhkəmənin yerləşdiyi ərazinin maliyyə orqanları tərəfindən dövlət büdcəsində həmin məqsədlər üçün nəzərdə tutulmuş vəsait hesabına vəkillərin müvafiq ərazi qurumu hesabına ödənilir; 5-ci bəndinə əsasən bu qərarın 1-ci və 4-cü hissələri İXM-in 66.3-cü maddəsində nəzərdə tutulmuş hallara, həmçinin mülki işlər və inzibati mübahisələrə dair işlər üzrə şəxsin Azərbaycan Respublikasının Ali Məhkəməsində təmsil edilməsi zamanı vəkilin xidmətlərini ödəmək üçün kifayət qədər vəsaiti olmadıqda, vəkil tərəfindən göstərilən hüquqi yardım hallarına da şamil edilir. Məhkəmə hesab edir ki, Şəxs məhkəmə iclasında dövlət hesabına hüquqlarını müdafiə etmiş Bakı şəhəri 14 saylı Vəkil Bürosunun vəkili Vəkil dövlət büdcəsi hesabına vəsait ödənilməlidir. Məhkəmə, həmçinin Vəkil tərəfindən təqdim edilmiş hesabatı nəzərdən keçirərək hesab edir ki, Şəxs göstərilmiş hüquqi xidmətə görə Bakı şəhəri 14 saylı Vəkil Bürosunun vəkili Vəkil məhkəmədə iştirak etdiyi 3 (üç) iş saatı üçün cəmi 18 (on səkkiz) manat məbləğində vəsait Azərbaycan Respublikası Dövlət büdcəsi hesabından Bakı şəhəri 14 saylı Vəkil Bürosunun hesabına köçürülməlidir. Qeyd olunanlara əsasən və İXM-in 40.0.1, 43, 48-51, 55, 114, 115, 120, 128-130 maddələrini rəhbər tutaraq, məhkəmə QƏRARA ALDİ: Şəxs Azərbaycan Respublikası İnzibati Xətalar Məcəlləsinin 510 və 535.1-ci maddələrində nəzərdə tutulan inzibati xətaları törətməkdə təqsirli bilinsin və barəsində 150 (yüz əlli) manat cərimə növündə tənbeh tədbiri tətbiq edilsin. İnzibati qaydada tutulmuş Şəxs dərhal məhkəmə iclas zalında həbsdən azad edilsin. Bakı şəhəri 14 saylı Vəkil Bürosunun vəkili Vəkil tərəfindən Şəxs hüquqlarının məhkəmə iclaslarında müdafiə edilməsinə görə sərf etdiyi hər iş saatına görə 6 (altı) manat hesab edilməklə, 3 (üç) iş saatı üçün cəmi 18 (on səkkiz) manat məbləğində vəsait dövlət büdcəsindən tutularaq Bakı şəhəri 14 saylı Vəkil Bürosunun Bakı şəhəri “xxxxxxxxxxxx” ASC-nin Bakı şəhəri 1 nömrəli “Nəsimi” filialında olan hesabına (H/h AZ41AİİİB********************, Bank rekvizitləri: “xxxxxxxxxxxx” ASC-nin Bakı şəhəri 1 nömrəli “Nəsimi” filialı, VÖEN: **********, Kod: 200112) köçürülsün. Qərarın surəti təqdim edildiyi və ya alındığı gündən 10 gün müddətində Bakı Şəhəri Nərimanov Rayon Məhkəməsi vasitəsilə və ya bilavasitə Bakı Apellyasiya Məhkəməsinə şikayət verilə bilər. Hakim Tural Ələkbərov