Bakı Şəhəri Nərimanov Rayon Məhkəməsi Qərar — İş №3(005)-3565/2022

Azərbaycan Respublikası adından QƏRAR Bakı şəhəri İş № 3(005)-3565/2022 05.11.2022 BAKI ŞƏHƏRİ NƏRİMANOV RAYON MƏHKƏMƏSİ Hakim Əsədova Gültəkin Akif qızının sədrliyi, Məmmədhəsənov Fərman Salman oğlunun katibliyi ilə, inzibati xəta haqqında protokolu tərtib etmiş şəxs Bakı şəhəri Nərimanov Rayon Polis İdarəsinin 18-ci Polis Şöbəsinin sahə inspektoru X1, barəsində inzibati xəta haqqında iş üzrə icraat aparılan şəxs Şəxs və onun vəkili “Arbitrium” Vəkil Bürosunun Bagırov Namiq İmran oglunun iştirakları ilə, xx.xx.1958-ci il tarixdə Qəbələ rayonunda anadan olmuş, Azərbaycan Respublikasının vətəndaşı, evli, ali təhsilli, ünvan 1 ünvanında qeydiyyatda olan Şəxs Azərbaycan Respublikası İnzibati Xətalar Məcəlləsinin (bundan sonra - İXM) 510-cu maddəsində nəzərdə tutulan inzibati xətanı törətməsinə dair Azərbaycan Respublikası Daxili İşlər Nazirliyinin Bakı şəhəri Nərimanov rayon Polis İdarəsinin 18-ci Polis Şöbəsindən daxil olmuş materiallara məhkəmənin inzibati binasında, açıq məhkəmə iclasında baxaraq, məhkəmə MÜƏYYƏN ETDİ: Bakı şəhəri Nərimanov Rayon Polis İdarəsinin 18-ci Polis Şöbəsinin sahə inspektoru X2 tərəfindən Şəxs barəsində İXM-in 510-cu maddəsi ilə nəzərdə tutulmuş inzibati xətanı törətməsinə dair xx.xx.2022-ci il tarixli, MN ******* nömrəli inzibati xəta haqqında protokol tərtib edilərək baxılması üçün məhkəməyə göndərilmişdir. xx.xx.2022-ci il tarixli, MN ******* nömrəli inzibati xəta haqqında protokolda göstərilir ki, Şəxs xx.xx.2022-ci il tarixdə saat 18-də Mayakovski 7 ünvanında "xxxx" MTK-nın işinə maneçilik törətməklə işçilərə qarşı nalayiq ifadələr işlətməklə xırda xuliqanlıq etmişdir. Nəticədə Şəxs İXM-in 510-cu maddəsində nəzərdə tutulan inzibati xətanı törətmişdir. Məhkəmə iclasında inzibati xəta haqqında protokolu tərtib etmiş şəxs Bakı şəhəri Nərimanov Rayon Polis İdarəsinin 18-ci Polis Şöbəsinin sahə inspektoru X3 inzibati xəta haqqında protokolun məzmununa uyğun çıxış edərək bildirdi ki, vət. Şəxs xx.xx.2022-ci il tarixdə saat 18-də Mayakovski 7 ünvanında "xxxx" MTK-nın işçilərinə qarşı nalayiq ifadələr işlətməklə xuliqanlıq etmiş, onların iş şəraitini pozmuşdur. Bu səbəbdən Şəxs barəsində qanuni qərar qəbul edilməsini xahir edir. İş materiallarında olan və məhkəmə iclasında tədqiq edilmiş: Məhkəmə iclasında barəsində inzibati xəta haqqında iş üzrə icraat aparılan şəxs Şəxs izahatında bildirmişdir ki, o, heç kimə qarşı nalayiq ifadələr işlətməmişdir. protokolla razı deyil. Göstərilənləri nəzərə alaraq inzibati iş üzrə icraata xitam verilməsini xahiş etdi. Məhkəmə iclasında Şəxs vəkili “Arbitrium” Vəkil Bürosunun X5 inzibati iş üzrə icraata xitam verilməsini xahiş etdi. Məhkəmə iclasında şahid X4 bildirdi ki, barəsində inzibati xəta haqqında iş üzrə icraat aparılan şəxs Şəxs ona qarşı nalayiq ifadələr işlətmişdir. Bu hal 3-4 aydır ki davam edir. Bu barədə “102”-ə məlumat vermişəm. Məhkəmə iclasında şahid X6 bildirdi ki, Şəxs şirkətlə arasında şəxsi qərəzliliyi vardır. Mən "xxxx" MTK-da fəhlə işləyirəm. Şəxs davamlı olaraq ona və digər işçilərə qarşı nalayiq ifadələr işlədir. Məhkəmə, proses iştirakçılarının izahatlarını dinləyib, inzibati material üzrə araşdırılan sübutların məcmusunu hərtərəfli, tam və obyektiv qiymətləndirərək hesab edir ki, Şəxs İXM-in 510cu maddəsində nəzərdə tutulan inzibati xətanı törətməsi özünün etirafedici izahatı və araşdırılmış sübutlarla tam sübuta yetir. Belə ki, Şəxs "xxxx" MTK-nın işçilərə qarşı nalayiq ifadələr işlətməsi, yəni - xırda xuliqanlıq etməsi məhkəmə iclasında araşdırılan sübutlarla təsdiqini tapmışdır. "xxxx" MTK-nın xx.xx.2022-ci il tarixli, 77№-li məktubdan görünür ki, müvafiq qurumların sərəncamına və İcazələrinə uyğun olaraq "xxxx" MTK tərəfindən Hidayətzadə küçəsi 130 ünvanda tikinti işləri aparılaraq başa çatdırılmışdır. Hal hazırda ərazidə abadlıq və tamamlama işləri aparılmaqdadır. Lakin, daha öncə müraciətlərimizdə sizə bildirdiyimiz kimi qonşuluqda qəzalı mənzildə məskunlaşmış Şəxs məhkəmə qərardadı ilə ona tikinti sahəsinə daxil olmaq və müdaxilə etmək qadağan edilsə də, ona məhəl qoymayaraq müntəzəm olaraq tikintiyə mane olmağa çalışmışdır və bu gün də həmin hərəkətlərini davam etdirir. Bununla bağlı dəfələrlə polis bölməsinə müraciət etmişik. Lakin, bütün görülən tədbirlərə baxmayaraq Şəxs ona heç bir aidiyyatı olmadığı halda inşaat gedən əraziyə icazəsiz və qanunsuz olaraq müşahidə kameraları quraşdırır, soma həmin videodan fraqmentləri götürüb müxtəlif internet kanallarda paylaşır ki, bu da haqlı olaraq həm MTK-nın həm də podratçı şirkətlərin işçilərinin haqlı narazılığına səbəb olur. Bundan əlavə Cəlilov Rəşid intensiv olaraq tikinti ərazisinə birbaşa müdaxilə etməklə və ya mənzilinin pəncərəsindən çıxaraq "xxxx" MTK-nın əməkdaşlarını söyür, küçə söyüşləri ilə təhqir edir və bu davamlı olaraq baş verməkdədir. Şəxs bu və digər qanunsuz xuliqanlıq hərəkətləri ilə bağlı dəfələrlə polisə müraciət etsək də polis əməkdaşlarının onun yaşma göstərdiyi sayğıdan və humanistlikdən nəticə çıxarmayaraq, cəzasızlıqdan sui-istifadə edərək xuliqanlıq hərəkətlərini daha da aqressiv formada davam etdirir. Sonuncu dəfə 24 oktyabr tarixdə təxminən saat 17:00-18:00 arasında Rəçidov Cəlil yenidən pəncərəsindən boylanaraq həyətdə iş başında olan MTK-nın əməkdaşı Qocayev Elşəni heş bir səbəb olmadan kəskin söyüncləıiə hamının gözü qarşısında təhqir etmiş və onu provakasiyaya çəkmişdir. Belə halda həmin əməkdaşı kifayət qədər çətinliklə və demək olar ki, güclə sakitləşdirə bildik. Sözsüz ki, hər bir insanın özünə uyğun şərəf ləyaqəti vardır və onun Şəxs tamahı üzündən təhqir olunması yolverilməzdir. Belə halın ictimai şəraitdə digər əməkdaşların gözü qarşısında baş verməsi isə ümumiyyətlə dözülməz olur və qarşılıqlı emosional reaksiya doğurur. Baş vermiş hadisə ilə bağlı Şəxs elədiyi xuliqanlıq hərəkətinə görə ciddi cəzalandırılmasını və belə halların qarşısısmn alınması üçün müvafiq tədbir görməyinizi Sizdən xahiş edirik! Əks təqdirdə Şəxs davam edən provakasiyalarınm nəticəsində gələcəkdə baş verə biləcək xoşagəlməz hadisələrə görə bütün məsuliyyət Şəxs üzərinə düşəcək Beləliklə, barəsində inzibati xəta haqqında iş üzrə icraat aparılan Şəxs İXM-in 510-cu maddəsində nəzərdə tutulan inzibati xətanı törətməsi iş üzrə araşdırılmış digər hallarla sübuta yetdiyindən məhkəmə hesab edir ki, Şəxs İXM-in 510-cu maddəsində nəzərdə tutulan inzibati xətanı törətməkdə təqsirli bilinərək inzibati məsuliyyətə cəlb edilməlidir. İXM-in: 3-cü maddəsində inzibati məsuliyyətin əsasları müəyyən edilmişdir. Həmin maddənin tələbinə əsasən, yalnız həmin Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir; 6.1-ci maddəsinə əsasən inzibati xətalara görə inzibati tənbeh İXM-ə uyğun olaraq tətbiq edilir; 12.1-ci maddəsinə əsasən İXM-lə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur; 510-cu maddəsinə əsasən xırda xuliqanlıq, yəni ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə görə əlli manatdan yüz manatadək məbləğdə cərimə edilir, işin hallarına görə, pozuntunu törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda, on beş günədək müddətə inzibati həbs tətbiq olunur. İXM-in 510-cu maddəsinin dispozisiyasından göründüyü kimi xırda xuliqanlıq, yəni ictimai qaydanı pozan hərəkətlər fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilmədikdə həmin maddədə nəzərdə tutulan məsuliyyətə səbəb olur. Azərbaycan Respublikası Ali Məhkəməsi Plenumunun “Xuliqanlıq işləri üzrə məhkəmə təcrübəsi haqqında” xx.xx.2004-cü il tarixli 1 saylı Qərarının 2-3-cü bəndlərində göstərilir ki, Azərbaycan Respublikası Cinayət Məcəlləsinin xuliqanlığa görə məsuliyyət müəyyən edən 221-ci maddəsinin mətnində nəzərdə tutulan mənada ictimai qayda dedikdə, cəmiyyətdə insanlar arasında təşəkkül tapmış, adət və ənənələrlə, əxlaq normaları ilə, habelə qüvvədə olan qanunvericiliklə müəyyən edilən qarşılıqlı davranış və birgəyaşayış qaydalarının sistemi başa düşülür. İctimai qaydanı kobud surətdə pozan hərəkətlər dedikdə, ictimai və ya şəxsi mənafelərə əhəmiyyətli zərər vuran və ya cəmiyyətdə insanlar arasında bərqərar olmuş birgəyaşayış və davranış qaydalarının qərəzli surətdə pozulmasında ifadə olunan hərəkətlər başa düşülür. Cəmiyyətə açıqca hörmətsizlik etmə dedikdə isə, təqsirkarın ətrafdakı şəxslər üçün aşkar surətdə ictimai qaydaya əhəmiyyətli dərəcədə laqeydlik, etinasızlıq göstərməsi, cəmiyyətdə hamı tərəfindən qəbul olunmuş davranış qaydaları, əxlaq və mənəviyyat normalarına qarşı saymamazlıq, bir çox insanın və ya cəmiyyətin hər hansı bir üzvünün mənafelərinə toxunan hərəkətlər etməsi başa düşülür. Azərbaycan Respublikası Konstitusiya Məhkəməsi Plenumunun “Azərbaycan Respublikası Cinayət Məcəlləsinin 221.3-cü maddəsinin şərh edilməsinə dair” 20 may 2011-ci il tarixli qərarında qeyd edilir ki, xuliqanlıq obyektiv cəhətdən Azərbaycan Respublikası Cinayət Məcəlləsinin 221-ci maddəsinin dispozisiyasında sadalanan müxtəlif hərəkətlərdə ifadə olunsa da, onların hamısı üç əsas əlamətə malik olmalıdır. Birincisi, bu hərəkətlər ictimai qaydanı kobud surətdə pozmalıdır; ikincisi, belə pozuntu cəmiyyətə açıqca hörmətsizlik ifadə etməlidir; üçüncüsü isə vətəndaşlar üzərində zor tətbiq olunması ilə və ya belə zorun tətbiq edilməsi hədəsi ilə, habelə özgənin əmlakının məhv edilməsi, yaxud zədələnməsi ilə müşayiət edilməlidir. Qeyd olunmalıdır ki, cəmiyyətə açıqca hörmətsizlikdə ifadə olunan ictimai qaydanın kobud surətdə pozulması özözlüyündə inzibati hüquqpozmadır və İXM-in 296-cı maddəsi ilə nəzərdə tutulmuş inzibati məsuliyyətə səbəb olur. İXM-in 31.2-ci maddəsinə əsasən fiziki şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. İXM-in: 4-cü maddəsinə əsasən İXM insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır; 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına uyğun, qanuni və əsaslı olmalıdır. Məhkəmə, barəsində inzibati xəta haqqında iş üzrə icraat aparılan Şəxs şəxsiyyətini, törədilmiş xətanın xarakterini və hallarını, məsuliyyəti yüngülləşdirən və ağırlaşdıran halları, onun şəxsiyyətini xarakterizə edən halları, təqsirinin dərəcəsini və tətbiq olunacaq inzibati tənbehin şəxsin islah olunmasına təsirini, həmçinin işin digər hallarını nəzərə alaraq hesab edir ki, Şəxs barəsində inzibati cərimə növündə tənbeh tədbiri tətbiq edilməlidir. Məhkəmə hesab edir ki, inzibati tənbehin məqsədi Şəxs barəsində inzibati cərimə növündə tənbeh tədbiri tətbiq olunduğu təqdirdə təmin edilə bilər və ona inzibati cərimə növündə tənbeh tədbiri tətbiq edilməsi qanuni və ədalətli olmaqla yanaşı, həm də inzibati tənbehin məqsədinə uyğundur. Qeyd olunanlara əsasən və İXM-in 40, 43, 48-51, 61, 114, 128-131-ci maddələrini rəhbər tutaraq, məhkəmə QƏRARA ALDİ: Şəxs İXM-in 510-cu maddəsində nəzərdə tutulan inzibati xətanı törətməkdə təqsirli bilinsin və barəsində 50 (əlli) manat miqdarında inzibati cərimə növündə tənbeh tədbiri tətbiq edilsin. Qərarın surəti rəsmi qaydada verildiyi vaxtdan 10 (on) gün müddətində Bakı Şəhəri Nərimanov Rayon Məhkəməsi vasitəsilə və ya bilavasitə Bakı Apellyasiya Məhkəməsinə şikayət verilə bilər. Hakim: Gültəkin Əsədova