Bakı Şəhəri Nərimanov Rayon Məhkəməsi Qərardad — İş №3(005)-3583/2024

Azərbaycan Respublikası adından QƏRARDAD Bakı şəhəri İş № 3(005)-3583/2024 15.11.2024 BAKI ŞƏHƏRİ NƏRİMANOV RAYON MƏHKƏMƏSİ Mən, Bakı Şəhəri Nərimanov Rayon Məhkəməsinin hakimi Əlisoy Xalidə Kəramət qızı, X2 Azərbaycan Yerüstü Nəqiliyyat Agentliyinin xx.xx.2024-cü il tarixli, EQ saylı 24512802 nömrəli inzibati xəta haqqında qərardan verdiyi şikayəti və ona əlavə edilmiş sənədləri məhkəmə iclasında baxılmağa hazırlayarkən MÜƏYYƏN ETDİM: X1 şikayət ərizəsi ilə məhkəməyə müraciət edərək Azərbaycan Yerüstü Nəqiliyyat Agentliyinin əməkdaşları tərəfindən qəbul edilmiş xx.xx.2024-cü il tarixli, EQ saylı 24512802 nömrəli inzibati xəta haqqında qərarın ləğv edilməsi və iş üzrə icraata xitam verilməsi barədə qərar qəbul edilməsini xahiş etmişdir. Şikayəti və ona əlavə edilmiş sənədləri nəzərdən keçirərək hesab edirəm ki, şikayət geri qaytarılmalıdır. Belə ki, Azərbaycan Respublikası İnzibati Xətalar Məcəlləsinin 128.1-ci maddəsinə əsasən barəsində qərar çıxarılmış fiziki şəxs, yetkinlik yaşına çatmayanların qanuni nümayəndəsi, hüquqi şəxsin nümayəndəsi, zərər çəkmiş şəxs, müdafiəçi və nümayəndə, həmçinin bu Məcəllənin 43.2-ci maddəsində nəzərdə tutulan vəzifəli şəxs inzibati xəta haqqında iş üzrə qərardan şikayət, prokuror isə protest verə bilər. Həmin Məcəllənin 128.2, 128.2.3-cü maddələrinə əsasən isə inzibati xəta haqqında iş üzrə qərardan şikayət və ya protest səlahiyyətli orqanın (vəzifəli şəxsin) qərarından yuxarı səlahiyyətli orqana (vəzifəli şəxsə) və ya məhkəməyə verilir. Göründüyü kimi, X1 xx.xx.2024-cü il tarixli, EQ saylı 24512802 nömrəli inzibati tənbeh vermə haqqında qərarın ləğv edilməsini xahiş etməsinə baxmayaraq, xx.xx.2024cü il tarixli, EQ saylı 24512802 nömrəli inzibati tənbeh vermə haqqında qərarı şikayətə əlavə etməmişdir. Bu da öz növbəsində X3 tərəfindən mübahisələndirilən qərarın üzrə inzibati xətanın hansı ərazidə törədildiyini və şikayətə hansı aidiyyəti məhkəmə tərəfindən baxılmalı olduğunu müəyyənləşdirməkdə çətinlik yaratmışdır. “Azərbaycan Respublikası İnzibati Xətalar Məcəlləsinin 129.1.3-cü maddəsinin şərh olunmasına dair” Azərbaycan Respublikası Konstitusiya Məhkəməsi Plenumunun 4 noyabr 2020-ci il tarixli qərarına əsasən qanunverici tərəfindən Azərbaycan Respublikası İnzibati Xətalar Məcəlləsinin 129.1.3-cü maddəsində dəyişikliklər edilənədək səlahiyyətli orqanın (vəzifəli şəxsin) qərarından məhkəməyə şikayət həmin Məcəllənin 110.1-ci maddəsində müəyyən olunmuş qaydaya uyğun olaraq inzibati xətanın törədildiyi və yaxud barəsində qərar çıxarılmış şəxsin vəsatətinə əsasən onun yaşadığı yer üzrə verilə bilər. Hazırki şikayətdə qərarın Azərbaycan Yerüstü Nəqliyyat Agentliyinin əməkdaşları tərəfindən qəbul edildiyini göstərsə də qərar şikayətə əlavə edilməmiş, həmçinin şikayətə Nərimanov Rayon Məhkəməsi tərəfindən baxılması ilə bağlı hər hansı vəsatət əlavə olunmamışdır. Qeyd olunanlara əsasən məhkəmə hesab edir ki, şikayətə baxılmadan onu verən şəxsə geri qaytarılmalıdır. Qeyd olunanlara əsasən və Azərbaycan Respublikası İnzibati Xətalar Məcəlləsinin 128, 132-ci maddələrini rəhbər tutaraq, QƏRARA ALDİM: X2 Azərbaycan Yerüstü Nəqliyyat Agentliyi tərəfindən qəbul edilmiş xx.xx.2024-cü il tarixli, EQ saylı 24512802 nömrəli inzibati tənbeh vermə haqqında qərardan verdiyi şikayət geri qaytarılsın. Hakim Xalidə Əlisoy