Bakı Şəhəri Nərimanov Rayon Məhkəməsi Qərar — İş №3(005)-3707/2025

Azərbaycan Respublikası adından QƏRAR Bakı şəhəri İş № 3(005)-3707/2025 23.09.2025 BAKI ŞƏHƏRİ NƏRİMANOV RAYON MƏHKƏMƏSİ Hakim Babayev Kamal Yunis oğlunun sədrliyi, İbrahimova Ramilə Namiq qızının katibliyi ilə, Barəsində inzibati xəta haqqında iş üzrə icraat aparılan şəxs Şəxs iştirakı ilə, Şəxs barəsində Azərbaycan Respublikası İnzibati Xətalar Məcəlləsinin (bundan sonra - İXM) 327.8-ci maddəsi ilə Azərbaycan Respublikası Daxili İşlər Nazirliyi Bakı şəhəri Nərimanov rayon Polis İdarəsindən daxil olmuş inzibati xəta haqqında iş materiallarına məhkəmənin inzibati binasında, açıq məhkəmə iclasında baxaraq, məhkəmə MÜƏYYƏN ETDİ: Azərbaycan Respublikası Daxili İşlər Nazirliyinin Bakı şəhəri Nərimanov rayon Polis İdarəsindən Şəxs barəsində xx.xx.2025-ci il tarixli İXP ******* nömrəli inzibati xəta haqqında protokol tərtib edilərək baxılması üçün məhkəməyə təqdim edilmişdir. Təqdim olunan protokoldan və “Cinayət işinin başlanmasının rədd edilməsi barədə” Nərimanov Rayon Polis İdarəsinin Təhqiqat Şöbəsinin təhqiqatçısı Toğrul Məmmədov 30 avqust 2025-ci il tarixli qərarından görünür ki, sürücü Şəxs idarə etdiyi “Toyota Aqua” markalı **-EY-*** dövlət qeydiyyat nişanlı avtomobil ilə Nərimanov rayonu Təbriz küçəsi ilə C.Hacıbəyli küçəsi istiqamətindən üzü Ə.Ağaoğlu küçəsi ilə istiqamətinə 2 zolaqdan ibarət avtomobil yolunda sağdan 2-ci zolaqla saatda 40 km/saat sürətlə düzünə hərəkətdə olan fikrinin yayınması səbəbindən onunla eyni zolaqda qarşısında hərəkət edən avtomobillərdə ara məsafəsi saxlaya bilməmiş nəticədə eyni zolaqda olan X4 idarə etdiyi “Hyundai Sonata” **-AU-*** dövlət qeydiyyat nişanlı avtomobilin arxa hissəsinə çırpılmışdır. Zərbənin təsirindən “Hyundai Sonata” **-AU-*** dövlət qeydiyyat nişanlı ön hissəsi ondan qarşıda olan X1 idarə etdiyi “Nissan Teana” **-LO-*** dövlət qeydiyyat nişanlı avtomobilin arxa hissəsinə çırpılmışdır. Bununla da Şəxs İXM-nin 327.8-ci maddəsinə əsasən inzibati xəta törətmişdir. Məhkəmə iclasında barəsində inzibati xəta haqqında protokol tərtib edilmiş şəxs Şəxs özünü təqsirli bilərək qeyd etmişdir ki, “Toyota Aqua” markalı **-EY-*** dövlət qeydiyyat nişanlı avtomobil ilə Nərimanov rayonu Təbriz küçəsi ilə C.Hacıbəyli küçəsi istiqamətindən üzü Ə.Ağaoğlu küçəsi ilə istiqamətinə 2 zolaqdan ibarət avtomobil yolunda sağdan 2-ci zolaqla saatda 40 km/saat sürətlə düzünə hərəkətdə olan fikrinin yayınması səbəbindən onunla eyni zolaqda qarşısında hərəkət edən avtomobillərdə ara məsafəsi saxlaya bilməmiş nəticədə eyni zolaqda olan X4 idarə etdiyi “Hyundai Sonata” **-AU-*** dövlət qeydiyyat nişanlı avtomobilin arxa hissəsinə çırpılmışdır. Zərbənin təsirindən “Hyundai Sonata” **-AU-*** dövlət qeydiyyat nişanlı ön hissəsi ondan qarşıda olan X1 idarə etdiyi “Nissan Teana” **-LO-*** dövlət qeydiyyat nişanlı avtomobilin arxa hissəsinə çırpılmışdır. Məhkəmədən sürücü işləməyinin nəzərə alınmasını və barəsində yüngül inzibati tənbeh tədbirinin tətbiq edilməsini xahiş etmişdir. Qeyd etmişdir ki, xətanın törədilməsində özünü təqsirli bilsə də, zərərçəkənlərin xəsarəti ilə razı deyil. Həmin vaxt zərərçəkənlərin hər hansı xəsarəti olmamışdır. Məhkəmə iclasının yeri və vaxtı barəsində məlumat verilməsinə baxmayaraq zərərçəkmiş şəxs və inzibati xəta haqqında protokol tərtib edən orqanın nümayəndəsi məhkəməyə gəlməmiş və bu barədə heç bir məlumat verməmişdirlər. Məhkəmə qeyd edilən şəxslərin iştirakı olmadan baxılmasını mümkün hesab etmişdir. Məhkəmə, İXM-nin 61.3-cü və 62.4-cü maddələrinə əsasən işə inzibati xəta haqqında protokol tərtib edən orqanın nümayəndəsinin, və zərərçəkmiş şəxsin iştirakları olmadan baxılmasını mümkün hesab etmişdir. İş materiallarında olan və məhkəmə baxışında tədqiq edilmiş: Azərbaycan Respublikası Səhiyyə Nazirliyinin Məhkəmə-Tibbi Ekspertizası və X5 publik hüquqi şəxsin canlı şəxsin ekspertizasının xx.xx.2025-ci il tarixli, 884 nömrəli rəyindən görünür ki, tibbi müayinəsi zamanı X3 adına tərtib edilmiş tibbi sənətdə qeyd edilən xəsarət –sağ bazunun hematoması, hərəkət məhdudluğu və ağır sindrom ilə müşaiyət olunan boyun əzələrinin gərilməsi, baş və boyunun küt travması, yumuşaq toxumalarının əzilməsi küt əşyanın təsirindən törənmişdir və xx.xx.2025-ci il tarixdə yol-nəqliyyat hadisəsi nəticəsində əmələ gələ bilər və dərəcəsinə görə sağlamlığın qısa müddətdə pozulmasına səbəb olmuş sağlamlığa yüngül zərər vurmaya aiddir. Azərbaycan Respublikası Səhiyyə Nazirliyinin Məhkəmə-Tibbi Ekspertizası və X5 publik hüquqi şəxsin canlı şəxsin ekspertizasının xx.xx.2025-ci il tarixli, 883 nömrəli rəyindən görünür ki, tibbi müayinəsi zamanı X2 adına tərtib edilmiş tibbi sənətdə qeyd edilən xəsarət –başın sol alın-təpə nahiyəsinin flüktasiya iləty müşayət olunan hematoması və tük dibinə qansızma hərəkət məhdudluğu və ağrı sindromu ilə müşayiət olunan boyun əzələlərinin gərilməsi, baş və boyunun küt travması, yumşaq toxumalarının əzilməsi küt əşyanın təsirindən törənib, qərarın təsviri hissəsində göstə rilən müddətdə və şəraitdə, yəni xx.xx.2025-ci il tarixdə baş vermiş yol nəqliyyat hadisəsi zamanı əmələ gəlməsi mümkündür, dərəcəsinə görə sağlamlığın qısa müddətə pozulmasına səbəb olan sağlamlığa YÜNGÜL zərər vurmaya aiddir “Cinayət işinin başlanmasının rədd edilməsi barədə” 30 avqust 2025-ci il tarixli qərardan görünür ki, əməllərində cinayət tərkibi olmadığına görə toplanmış material üzrə cinayət işinin başlanması rədd edilmiş, qərarın surətinin və toplanmış materialın sürücü Şəxs barəsində İXM-nin 327.8-ci maddəsinin tələbinə əsasən inzibati tənbeh tədbiri görülməsindən ötrü Nərimanov Rayon Polis İdarəsinin DYPŞ-nə göndərilməsi qərara alınmışdır. Hüquqi məsələlər: Azərbaycan Respublikası İXM-nin: İXM-nin 3-cü maddəsində inzibati məsuliyyətin əsasları müəyyən edilmişdir. Həmin maddənin tələbinə əsasən yalnız həmin Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir. İXM-nin 6.1-ci maddəsinin tələbinə əsasən inzibati xətalara görə inzibati tənbeh həmin Məcəlləyə uyğun olaraq tətbiq edilir. İXM-nin 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına uyğun, qanuni və əsaslı olmalıdır. İXM-nin 12.1-ci maddəsinə əsasən həmin Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. İXM-nin 327.8-ci maddəsinə əsasən bu Məcəllənin 327.1-327.6, 328 və 330-cu maddələrində nəzərdə tutulmuş xətalar nəticəsində zərər çəkmiş şəxsin sağlamlığına yüngül bədən xəsarətinin yetirilməsinə görə iki yüz manat məbləğində cərimə edilir və ya nəqliyyat vasitəsini idarə etmək hüququ bir ilədək müddətə məhdudlaşdırılır. “Yol hərəkəti haqqında” Azərbaycan Respublikası Qanununun 49-cu maddəsinin İİ hissəsinə əsasən hər istiqamətdə azı iki hərəkət zolağı olan ikitərəfli hərəkət yollarında qarşıdan hərəkət üçün nəzərdə tutulmuş tərəfə keçmək qadağandır. Sübutların qiymətləndirilməsi və məhkəmənin hüquqi mövqeyi: Məhkəmə iclasında araşdırmalar zamanı barəsində inzibati xəta haqqında iş üzrə icraat aparılan Şəxs İXM-in 327.8-ci maddəsində nəzərdə tutulan əməli törətməsi iş üzrə araşdırılmış hallarla sübuta yetdiyindən, məhkəmə hesab edir ki, Şəxs həmin maddə ilə təqsirli bilinərək inzibati məsuliyyətə cəlb edilməlidir. İXM-nin 327.8-ci maddəsində nəzərdə tutulmuş inzibati xətanın Şəxs tərəfindən törədilməsi məhkəmə iclasında tədqiq edilmiş inzibati xəta haqqında protokol, yol-nəqliyyat hadisəsinin sxemi, ekspert rəyi, barəsində inzibati xəta haqqında iş üzrə icraat aparılan şəxsin izahatı, eləcə də inzibati materialda olan digər sənədlərlə sübuta yetirilmişdir. İXM-nin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə, barəsində inzibati xəta haqqında iş üzrə icraat aparılan Şəxs əməllərində məsuliyyəti yüngülləşdirən və ya ağırlaşdıran hallar müəyyən etmir. Məhkəmə, işin faktiki hallarını, həmçinin barəsində inzibati xəta haqqında iş üzrə icraat aparılan şəxsin şəxsiyyətini nəzərə alaraq hesab edir ki, Şəxs İXM-nin 327.8-ci maddəsi ilə nəzərdə tutulmuş inzibati xətanı törətməkdə təqsirli bilinməli inzibati cərimə növündə tənbeh tədbiri inzibati tənbehin məqsədlərinə, Şəxs qanunlara əməl edilməsi ruhunda tərbiyələndirməyə, habelə onun tərəfindən yeni inzibati xəta törədilməsinin qarşısını almağa uyğundur. Qeyd olunanlara əsasən və İXM-in 43, 114 və 115-ci maddələrini rəhbər tutaraq, məhkəmə QƏRARA ALDİ: Şəxs Azərbaycan Respublikası İnzibati Xətalar Məcəlləsinin 327.8-ci maddəsində nəzərdə tutulmuş inzibati xətanı törətməkdə təqsirli bilinsin və barəsində 300 (üç yüz) manat məbləğində inzibati cərimə növündə tənbeh tədbiri tətbiq edilsin. Qərarın surəti rəsmi qaydada verildiyi vaxtdan 10 (on) gün müddətində Azərbaycan Respublikası İnzibati Xətalar Məcəlləsinin 129-cu maddəsində müəyyən edilmiş qaydada Bakı Apellyasiya Məhkəməsinə şikayət verilə bilər. Hakim Kamal Bbayev