Bakı Şəhəri Nərimanov Rayon Məhkəməsi Qərardad — İş №3(005)-3766/2024

Azərbaycan Respublikası adından QƏRARDAD Bakı şəhəri İş № 3(005)-3766/2024 29.11.2024 BAKI ŞƏHƏRİ NƏRİMANOV RAYON MƏHKƏMƏSİ Mən, Bakı Şəhəri Nərimanov Rayon Məhkəməsinin hakimi Əlisoy Xalidə Kəramət qızı, X1 Azərbaycan Respublikasının DİN BDYPİ tərəfindən xx.xx.2024-cü il tarixli EQ seriyalı 23243789 saylı protokol əsasında qəbul edilmiş xx.xx.2024-cü il tarixli inzibati tənbeh vermə haqqında qərardan verdiyi şikayəti məhkəmə iclasında baxılmağa hazırlayarkən Müəyyən etdim: X2 Azərbaycan Respublikasının DİN BDYPİ tərəfindən xx.xx.2024-cü il tarixli EQ seriyalı 23243789 saylı protokol əsasında qəbul edilmiş xx.xx.2024-cü il tarixli inzibati tənbeh vermə haqqında qərardan verdiyi şikayətlə Bakı Şəhəri Nərimanov Rayon Məhkəməsinə müraciət etmişdir. İş materialları araşdırılarkən müəyyən edildi ki, X2 barəsində Azərbaycan Respublikasının İnzibati Xətalar Məcəlləsinin 346.4-cü maddələri ilə tərtib olunmuş inzibati tənbeh vermə haqqında qərardan verilmiş şikayət və əlavə edilmiş sənədlər aidiyyəti üzrə baxılması üçün Bakı şəhəri Sabunçu Rayon Məhkəməsinə göndərilməlidir. Belə ki, əlavə edilmiş inzibati tənbeh vermə haqqında qərardan göründüyü kimi görünür ki, inzibati xətanın baş verdiyi ünvan Bakı şəhəri, Sabunçu rayonu, Möhsün Sənani 123 ünvanıdır. İXM-nin 109.1 və 109.1.7-ci maddələrinə əsasən inzibati xəta haqqında işin baxılmağa hazırlanması zamanı əgər bu məsələnin baxılması hakimin, orqanın (vəzifəli şəxsin) səlahiyyətinə aid deyildirsə, yaxud hakimə, kollegial orqanın üzvünə, vəzifəli şəxsə etiraz etmə barədə qərardad çıxarılmışdırsa, inzibati xəta haqqında protokolun və ya digər materialların baxılması üçün aidiyyəti üzrə göndərilməsi barədə qərardad qəbul edilir. İXM-nin 110.1-ci maddəsinə əsasən inzibati xəta haqqında işə onun törədildiyi yerdə baxılır. Həmçinin İXM-nin 129.1.3. səlahiyyətli orqanın (vəzifəli şəxsin) qərarından məhkəməyə verilən şikayət - şikayət verən şəxsin yaşayış yeri və ya hüquqi şəxsin ünvanının olduğu yer üzrə rayon (şəhər) məhkəməsində baxılır. Azərbaycan Respublikası İnzibati Xətalar Məcəlləsinin 129.1.3-cü maddəsinin şərh edilməsinə dair Azərbaycan Respublikası Konstitusiya Məhkəməsi Plenumunun 04 noyabr 2020-ci il tarixli Qərara əsasən müəyyən edilir ki, İXM-nin 129.1.3-cü maddəsində dəyişikliklər edilənədək səlahiyyətili orqan (vəzifəli şəxsin) qərarından məhkəməyə şikayət həmin Məcəlləsinin 110.1-ci maddəsində müəyyən olunmuş qaydaya uyğun olaraq inzibati xətanın törədildiyi və yaxud barəsində qərar çıxarılmış şəxsin vəsatətinə əsasən onun yaşadığı yer üzrə baxılır. Qeyd olunanları nəzərə alaraq, məhkəmə hesab edir ki, X1 şikayət ərizəsinə baxılması üçün inzbati xətanın törədildiyi yer üzrə Bakı şəhəri Sabunçu Rayon Məhkəməsinə göndərilməlidir. Göstərilənlərə əsasən və İXM-in 109-cu maddəsini rəhbər tutaraq , QƏRARA ALDİM: X1 Azərbaycan Respublikasının DİN BDYPİ tərəfindən xx.xx.2024-cü il tarixli EQ seriyalı 23243789 saylı protokol əsasında qəbul edilmiş xx.xx.2024-cü il tarixli inzibati tənbeh vermə haqqında qərardan verdiyi şikayət ərizəsi və ona əlavə edilmiş sənədlər aidiyyəti üzrə baxılması üçün Bakı şəhəri Sabunçu Rayon Məhkəməsinə göndərilsin. Hakim Xalidə Əlisoy