Bakı Şəhəri Nərimanov Rayon Məhkəməsi Qərar — İş №3(005)-3779/2025

Azərbaycan Respublikası adından QƏRAR Bakı şəhəri İş № 3(005)-3779/2025 30.09.2025 BAKI ŞƏHƏRİ NƏRİMANOV RAYON MƏHKƏMƏSİ Hakim Əsədova Gültəkin Akif qızının sədrliyi, Məmmədhəsənov Fərman Salman oğlunun katibliyi ilə, Şəxs barəsində Azərbaycan Respublikası İnzibati Xətalar Məcəlləsinin (bundan sonra - İXM) 347-ci maddəsi ilə tənbeh tədbirinin tətbiq edilməsinə dair Nərimanov rayon DYPŞ-dən daxil olmuş inzibati xəta haqqında materiala məhkəmənin inzibati binasında, açıq məhkəmə iclasında baxaraq, məhkəmə MÜƏYYƏN ETDİ: Nərimanov rayon DYPŞ Şəxs barəsində İXM-in 347-ci maddəsi ilə İXP ******* nömrəli, xx.xx.2025-ci il tarixli inzibati xəta haqqında protokol tərtib edərək, baxılması üçün məhkəməyə göndərmişdir. İnzibati xəta haqqında həmin protokoldan görünür ki, Şəxs mülkiyyətində olan “Lada Granta” minik markalı, **-YS-*** dövlət qeydiyyat nişanlı nəqliyyat vasitəsi ilə inzibati xəta törətmiş fiziki şəxs barəsində olan sorğuya qanunvericiliklə müəyyən edilmiş 5 gün müddətində məlumat verməmişdir. Bu barədə Nərimanov rayon DYPŞ tərəfindən İXP ******* nömrəli, xx.xx.2025-ci il tarixli inzibati xəta haqqında protokol tərtib edilmişdir. Barəsində inzibati protokol tərtib edilmiş Şəxs və protokol tərtib etmiş səlahiyyətli orqana (vəzifəli şəxs) məhkəmə iclasının vaxtı və yeri barədə məlumat verilməsinə baxmayaraq, məhkəmə iclasına gəlməmiş, nümayəndəsini göndərməmiş və gəlməməsinin üzrlü səbəbləri barədə məhkəməyə heç bir məlumat verməmişdir. Məhkəmə, qeyd olunan şəxslərin iştirakı olmadan işə baxılmasını mümkün hesab edir. İş materiallarında olan və məhkəmə baxışında tədqiq edilmiş: Nərimanov rayon DYPŞ tərəfindən tərtib edilmiş İXP ******* nömrəli, xx.xx.2025-ci il tarixli inzibati xəta haqqında protokoldan görünür ki, Şəxs tərəfindən balansında olan “Lada Granta” minik markalı, **-YS-*** dövlət qeydiyyat nişanlı nəqliyyat vasitəsinin yol hərəkəti qaydalarını pozması ilə əlaqədar tərtib edilmiş elektron protokollar barədə məlumatı qəbul etdikləri gündən 5 gün müddətində həmin nəqliyyat vasitəsini idarə etmiş fiziki şəxs barədə rəsmi məlumat verilməmişdir. Buna görə də hüquqi şəxs barəsində İXM-in 347-ci maddəsi ilə protokol tərtib edilmişdir; DİN-in DYP Web Portalından çıxarışdan görünür ki, xx.xx.2025-cİ il tarixdə saat 07:21-da Şəxs mülkiyyətində olan “Lada Granta” minik markalı, **-YS-*** dövlət qeydiyyat nişanlı avtomobillə İXM-in 328.1-ci maddəsində nəzərdə tutulmuş inzibati xəta törədilmişdir; Nərimanov rayon DYPŞ-dən Şəxsnə ünvanlanmış məktubun ünvan sahibinə çatmasını təsdiq edən poçt xəbərnaməsindən görünür ki, məktub Şəxs rəsmi qeydiyyatda olan ünvanına göndərilmiş və xx.xx.2025-ci il tarixdə “Məmmədov İlqar” adlı şəxs tərəfindən qəbul olunmuşdur. “Elektron Məhkəmə İnformasiya” sisteminə Şəxs nümayəndəsi tərəfindən əlavə edilmiş ərizədən və işçi siyahısından görünür ki, Abızadə Anar Şəxs MMC şirkətinin direktorudur. Şirkətin balansında olan **-YS-*** dövlət nömrə nişanlı Lada markalı nəqliyyat vasitəsi sürücüsü Mais İbrahimov xx.xx.2025-ci il tarixdə Bakı şəhərində Hava yolu istiqamətdə hərəkətdə olarkən sürət həddini aşaraq Yol hərəkəti haqqında qanunun tələbini pozmuşdur. SMS radar proqramı ilə məlumat onlara daxil olduğu zaman sürücünün yol vərəqəsi olmasına baxmayaraq Hüquqi şəxslərin avtonəqliyyat vasitələrinə aid yol vərəqələrinin yerləşdirildiyi “portal.gov.az” sistemində xx.xx.2025-ci il tarixdə bitməsi tərəfimizdən müəyyən edilmişdir. xx.xx.2025-ci il tarixdə sürücü barədə məlumatlar “portal.gov.az” sisteminə yerləşdirilmişdir. Nərimanov RPİ-nin DYPŞ-nin əməkdaşı Bəhlul adlı polis nəfəri sürücü ilə telefon əlaqəsi yaradaraq Nərimanov RPİ-nin DYP-nə dəvət etmiş, sürücü Mais İbrahimov inzibati binaya yaxınlaşmış və sistemdə adının olmasına baxmayaraq cərimə ödəyə bilməməsi barədə məlumat vermişdir. Lakin Polis əməkdaşı sistemdə sürücü barədə məlumat olmasına baxmayaraq heç bir köməklik göstərməmişdir. Daha sonra Biz portal.gov.az qaynar xətt ilə əlaqə saxladıq onların köməyi ilə xx.xx.2025ci il tarixdə EQ30194674 nömrəli protokolun qərarlı olmasına nail olduq, Asanpay sistemindən sms daxil olan zaman sürücü tərəfindən 10(on) AZN cərimənin endirimli 9 azn ödəməsi həyata keçirildi. NG Group MMC-cə daxil olmuş məlumatlarda görünür ki, Nərimanov RPİ-nin DYPŞ tərəfindən xx.xx.2025-ci il tarixli bizə göndərilən, 52 saylı poçt məntəqəsinə xx.xx.2025-ci il tarixdə daxil olmuş, F.119 nömrəli xəbəmaməli məktub AZ 1052 indeksli poçt əməkdaşı İsmayılov tərəfindən NG Group MMC-nin əməkdaşı Məmmədov İlqar adlı işçiyə bildirişin təhvil verildiyi və imzalandığı bildiriş var. NG Group MMC-də İlqar Məmmədov adlı əməkdaş çalışmır. xx.xx.2025-ci il tarixdə NG Group şirkətinin əməkdaşı Bakı şəhəri Nərimanov rayonu, Ağa Neymətulla 54 ünvanında yerləşən AZ 1052 indeksli 52 nömrəli poçt şöbəsində poçt əməkdaşı İsmayılov ilə görüşmüş, xəbarnaməni NG Group MMC şirkətinə təhvili barədə məlumat alan zaman İsmayılov bildirmişdir ki, o şirkətin yerləşdiyi ünvana yaxınlaşmamış sadəcə ofisin yerləşdiyi binanın komendandlığında çalışan İlqar adlı şəxsə təhvil vermişdir. xx.xx.2025-ci il tarixədək Şirkətimizə Nərimanov DYP-dən hec bir məktub daxil olmamışdır. Göründüyü kimi NG Group olaraq Nərimanov RPİ-nin DYPŞ tərəfindən xx.xx.2025-ci il tarixdə çatmayan məktubu yazılandan 24 gün öncədən sürücü barədə məlumatlar sistemə yerləşdirilmişdir. Lakin polis əməkdaşı bilərəkdən imzalı xəbarnaməyə əsaslanaraq müddət pozuntusu ilə bağlı protokol yazmışdır. xx.xx.2025-ci ildə törətilmiş inzibati xətanın sürücüsü barədə məlumatların xx.xx.2025-ci il tarixdə Hüquqi şəxslərin avtonəqliyyat vasitələrinə aid yol vərəqələrinin yerləşdirildiyi “portal.gov.az” saytına yerləşdirilməsini və cərimənin ödənilməsini nəzərə alaraq NG Group MMC-nin inzibati məsuliyətdən azad edilməsi xahiş edilmişdir. Məhkəmə, iş materiallarında olan poçt xəbərnaməsinə dair qeyd edir ki, İXM-in 57-ci maddəsinə əsasən hüquqi şəxsə ünvanlanmış sənəd müvafiq vəzifəli şəxsə qəbzə və ya sənədin kötüyünə imza etdirilməklə verilir. Sənədi çatdırmalı olan şəxs ünvan sahibini onun yaşadığı, yaxud işlədiyi yer üzrə tapmadıqda, həmin sənəd ünvan sahibi ilə birlikdə yaşayan yetkinlik yaşına çatmış ailə üzvlərindən birinə (onların razılığı ilə), onlar olmadıqda ünvan sahibinin yaşayış yeri üzrə yerli özünüidarə orqanına, müvafiq icra hakimiyyəti orqanına, yaxud onun iş yerinin müdiriyyətinə verilir. Ünvan sahibinin əvəzinə sənədi qəbul etmiş şəxs qəbzdə və ya sənədin kötüyündə öz soyadını, adını, atasının adını, ünvan sahibinə münasibətini və ya tutduğu vəzifəni göstərməli və imkan olan kimi sənədi ünvan sahibinə verməlidir. Lakin, iş materiallarında olan poçt xəbərnaməsində isə İXM-in göstərilən tələblərinə riayət edilməmişdir. Həmçinin, iş materiallarında olan poçt xəbərnaməsinin Şəxs nümayəndəsi tərəfindən qəbul edilməsi təsdiq olunmur. Həmin poçt xəbərnaməsi “Məmmədov İlqar” adlı şəxs tərəfindən imzalanmışdır ki, həmin şəxs Şəxsndə işləmədiyi məlum olmuşdur. Belə olan halda, məhkəmə İXM-in 8-ci maddəsində nəzərdə tutulan “Təqsirsizlik prezumpsiyası prinsipi”ni rəhbər tutur. Belə ki, barəsində inzibati xəta haqqında iş üzrə icraat aparılan şəxsin təqsiri bu Məcəllədə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsirsiz hesab edilir. İnzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. İnzibati məsuliyyətə cəlb olunan şəxsin təqsirli olması barəsində şübhələr onun xeyrinə həll edilir. İXM-in: 53.1.2-ci maddəsinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir; 105.1-ci maddəsinə əsasən İXM-in 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir; 347-ci maddəsinin dispozisiyasına əsasən hüquqi şəxsin mülkiyyətində və ya istifadəsində, yaxud dövlət qurumunun istifadəsində olan nəqliyyat vasitəsini inzibati xətanın törədilməsi zamanı idarə etmiş fiziki şəxs haqqında məlumatın səlahiyyətli orqanın (vəzifəli şəxsin) bu barədə sorğusu daxil olduğu vaxtdan 5 gün müddətində verilməməsinə görə vəzifəli şəxslər yüz əlli manat məbləğində, hüquqi şəxslər üç yüz manat məbləğində cərimə edilir vəzifəli şəxslər yüz əlli manat məbləğində, hüquqi şəxslər üç yüz manat məbləğində cərimə edilir. Qeyd olunanları rəhbər tutaraq məhkəmə hesab edir ki, inzibati xəta tərkibi olmadığı üçün Şəxs inzibati məsuliyyətdən azad olunmalı və iş üzrə icraata xitam verilməlidir. Şərh olunanlara əsasən və İXM-in 8, 25, 40.0.1, 43, 48-51, 53, 55, 114, 115, 128-130 maddələrini rəhbər tutaraq, məhkəmə QƏRARA ALDİ: Şəxs barəsində Azərbaycan Respublikası İXM-in 347-ci maddəsi İXP ******* nömrəli, xx.xx.2025-ci il tarixli inzibati xəta haqqında protokola əsasən inzibati xəta haqqında iş üzrə icraata xitam verilsin. Qərarın surəti rəsmi qaydada verildiyi vaxtdan 10 (on) gün müddətində işə baxan Bakı şəhəri Nərimanov Rayon Məhkəməsi vasitəsilə və ya birbaşa Bakı Apellyasiya Məhkəməsinə apellyasiya şikayəti verilə bilər. Hakim: Gültəkin Əsədova