Bakı Şəhəri Nərimanov Rayon Məhkəməsi Qərar — İş №3(005)-3946/2024

Azərbaycan Respublikası adından QƏRAR Bakı şəhəri İş № 3(005)-3946/2024 24.12.2024 BAKI ŞƏHƏRİ NƏRİMANOV RAYON MƏHKƏMƏSİ Hakim Əsədova Gültəkin Akif qızının sədrliyi, Məmmədhəsənov Fərman Salman oğlunun katibliyi ilə, Barəsində inzibati xəta haqqında iş üzrə icraat aparılan Şəxs Açıq Səhmdar Cəmiyyətinin nümayəndəsi X1 iştirakı ilə Şəxs Açıq Səhmdar Cəmiyyəti barəsində Azərbaycan Respublikası İnzibati Xətalar Məcəlləsinin (bundan sonra - İXM) 347-ci maddəsi ilə tənbeh tədbirinin tətbiq edilməsinə dair Bakı şəhəri Xətai rayon Polis İdarəsindən daxil olmuş inzibati xəta haqqında materiala məhkəmənin inzibati binasında, açıq məhkəmə iclasında baxaraq, məhkəmə MÜƏYYƏN ETDİ: Bakı şəhəri Xətai rayon Polis İdarəsinin Dövlət X4 Şəxs ASC barəsində İXM-in 347-ci maddəsi ilə İXP seriyalı ******* nömrəli, xx.xx.2024-cü il tarixli inzibati xəta haqqında protokol tərtib edərək, baxılması üçün məhkəməyə göndərmişdir. İnzibati xəta haqqında həmin protokoldan görünür ki, Şəxs ASC tərəfindən xx.xx.2024-cü il tarixdə qəbul edilmiş sorğuya əsasən mülkiyyətində olan nəqliyyat vasitəsini inzibati xətanın törədilməsi zamanı idarə etmiş fiziki şəxs haqqında məlumat təqdim edilməmişdir. Protokol tərtib etmiş səlahiyyətli orqana (vəzifəli şəxs) məhkəmə iclasının vaxtı və yeri barədə məlumat verilməsinə baxmayaraq, məhkəmə iclasına gəlməmiş, nümayəndəsini göndərməmiş və gəlməməsinin üzrlü səbəbləri barədə məhkəməyə heç bir məlumat verməmişdir. Məhkəmə, qeyd olunan şəxsin iştirakı olmadan işə baxılmasını mümkün hesab edir. Məhkəmə iclasında iştirak edən barəsində inzibati xəta haqqında iş üzrə icraat aparılan hüquqi şəxs Şəxs Açıq Səhmdar Cəmiyyətinin nümayəndəsi X2 etiraz edərək bildirmişdir ki, iş materiallarından aydın olduğu kimi, Şəxs ASC-nin mülkiyyətində olan Wolkswagen T5 Multivan minik markalı, 90PX353 dövlət qeydiyyatlı nəqliyyat vasitəsinin sürücüsü tərəfindən xx.xx.2024-cii il tarixdə AR İXM-nin 327.1-ci maddəsi ilə nəzərdə tutulmuş inzibati xəta törədilmişdir. Protokolu tərtib edən səlahiyyətli orqanın mülahizəsinə görə, nəqliyyat vasitəsini idarə edən şəxsin kimliyinin müəyyən edilməsi məqsədilə mülkiyyətçi Şəxs ASC-yə xx.xx.2024-cii il tarixdə sorğu göndərilmiş, lakin sorğu cavablandırılmamışdır. AR İXM-nin 57.2-ci maddəsinə ünvanlanmış sənəd müvafiq vəzifəli şəxsə qəbzə və ya sənədin kötüyünə imza etdirilməklə verilir. Sözügedən sorğu Şəxs ASCyə çatdırılmamışdır. Sorğunun çatdırılmasına dair təqdim edilmiş xəbərnamədə qeyd edilmiş imza sahibinin kimliyi isə heç bir tormada “Prior Leasing ASC-yə məlum deyil. Digər tərəfdən məhkəməyə təqdim edilmiş sənədlərin bir qismində Prior Leasing ASC-nin ünvanı ünvan 1qi və faktiki ünvanı inzibati xəta haqqında Protokolda doğru qeyd edilsə də, həmin ünvana protokolun tərtib edilməsi haqqında bildiriş daxil olmamış, protokol haqqında, ümumiyyətlə, heç bir formada məlumat verilməmişdir. İnzibati xəta haqqında Protokolda hüquqi şəxsə məlumat verilməsinə dair qeydlə razılaşmayaraq bildiririk ki, protokol tərtib edilərkən, eləcə də sonradan Şəxs ASC-nin protokolla tanış olmağı üçün şərait yaradılmamışdır. Halbuki, AR İXM-nin 57.1-ci maddəsinə əsasən inzibati xətalar haqqında işlər üzrə icraatın iştirakçılarına bu Məcəllədə müəyyən edilmiş hallarda inzibati xətalar haqqında işlər üzrə sənədlər (qərarlar, qərardadlar, protokollar, bildirişlər) hakim və ya səlahiyyətli orqan (vəzifəli şəxs) tərəfindən “Poçt haqqında” Azərbaycan Respublikasının Qanununda nəzərdə tutulmuş sifarişli poçt göndərişi ilə çatdırılır, yaxud səlahiyyətli vəzifəli şəxs tərəfindən şəxsən verilir. Protokolun tərtibi zamanı qanunla nəzərədə tutulmuş müddət nəzərə alınmamışdır. AR İXM-nin 101.1-ci maddəsinə əsasən inzibati xəta haqqında protokol inzibati xətanın törədilməsi faktı aşkar edildikdən dərhal sonra, işin hallarının, eləcə də barəsində inzibati xəta haqqında iş üzrə icraat aparılan fiziki şəxsin şəxsiyyətinin və ya hüquqi şəxs barəsində məlumatların əlavə aydınlaşdırılması tələb olunduğu hallarda isə inzibati xətanın aşkar edildiyi vaxtdan iki gün müddətində tərtib edilir. İş üzrə məhkəməyə təqdim edilmiş protokol isə xx.xx.2024-cü il tarixdə-inzibali xətanın aşkar edildiyi vaxtdan 10 gün sonra tərtib edilmişdir. Bununla yanaşı, inzibati xəta haqqında protokolun göndərilməsi üçün AR İXM-nin 103cü maddəsində nəzərdə tutulmuş 48 saatlıq müddət tələbi pozulmuş, xx.xx.2024-cü il tarixli müvafiq protokol aidiyyəti üzrə xx.xx.2024-cü il tarixdə göndərilmişdir. Yuxarıda qeyd olunanlara əsasən hesab olunur ki, Şəxs ASC tərəfindən AR İXM-nin 347-ci maddəsində nəzərdə tutulmuş inzibati xəta törədilməmişdir. Qeyd olunan maddənin dispozisiyasından aydın olduğu kimi, hüquqi şəxsin mülkiyyətində və ya istifadəsində, yaxud dövlət qurumunun istifadəsində olan nəqliyyat vasitəsini inzibati xətanın törədilməsi zamanı idarə etmiş fiziki şəxs haqqında məlumatın səlahiyyətli orqanın (vəzifəli şəxsin) bu barədə sorğusu daxil olduğu vaxtdan 5 gün müddətində verilmədiyi halda inzibati xəta tərkibi formalaşır. Sözügedən sorğunun şirkətin hüquqi ünvanına daxil olmamasını nəzərə alaraq bildirilir ki, Şəxs ASC tərəfindən müvafiq inzibati xəta törədilməmişdir. Şəxs Açıq Səhmdar Cəmiyyətinin nümayəndəsi X2 “Prior Leasing" ASC barəsində inzibati xəta haqqında iş üzrə icraata xitam verilməsini xahiş etmişdir. İş materiallarında olan və məhkəmə baxışında tədqiq edilmiş: Bakı şəhəri Xətai Rayon Polis İdarəsi tərəfindən tərtib edilmiş ******* nömrəli, xx.xx.2024 nömrəli inzibati xəta haqqında protokoldan görünür ki, Şəxs ASC tərəfindən balansında olan “VOLKSWAGEN T5 MULTİVAN” minik markalı, **-PX-*** dövlət qeydiyyat nişanlı nəqliyyat vasitəsinin yol hərəkəti qaydalarını pozması ilə əlaqədar tərtib edilmiş elektron protokollar barədə məlumatı qəbul etdikləri gündən 5 gün müddətində həmin nəqliyyat vasitəsini idarə etmiş fiziki şəxs barədə rəsmi məlumat verilməmişdir. Buna görə də hüquqi şəxs barəsində İXM-in 347-ci maddəsi ilə protokol tərtib edilmişdir; DİN-in DYP Web Portalından çıxarışdan görünür ki, xx.xx.2024-cü il tarixdə saat 21:20-də Şəxs ASC-nin mülkiyyətində olan “VOLKSWAGEN T5 MULTİVAN” minik markalı, **-PX-*** dövlət qeydiyyat nişanlı avtomobillə İXM-in 327.1-ci maddəsində nəzərdə tutulmuş inzibati xəta törədilmişdir; Bakı şəhəri Xətai RPİ-nin Dövlət X4ndən Şəxs ASC-yə ünvanlanmış məktubun ünvan sahibinə çatmasını təsdiq edən sənədin rəsmi verilməsinə dair poçt xəbərnaməsindən görünür ki, məktub Şəxs ASC-nin hüquqi ünvanına 01 noyabr 2024-cü il tarixdə göndərilmiş və xx.xx.2024-cü il tarixdə “Əliyev” soyadlı şəxs tərəfindən qəbul olunmuşdur. Məhkəmə, iş materiallarında olan poçt xəbərnaməsinə dair qeyd edir ki, İXM-in 57-ci maddəsinə əsasən hüquqi şəxsə ünvanlanmış sənəd müvafiq vəzifəli şəxsə qəbzə və ya sənədin kötüyünə imza etdirilməklə verilir. Sənədi çatdırmalı olan şəxs ünvan sahibini onun yaşadığı, yaxud işlədiyi yer üzrə tapmadıqda, həmin sənəd ünvan sahibi ilə birlikdə yaşayan yetkinlik yaşına çatmış ailə üzvlərindən birinə (onların razılığı ilə), onlar olmadıqda ünvan sahibinin yaşayış yeri üzrə yerli özünüidarə orqanına, müvafiq icra hakimiyyəti orqanına, yaxud onun iş yerinin müdiriyyətinə verilir. Ünvan sahibinin əvəzinə sənədi qəbul etmiş şəxs qəbzdə və ya sənədin kötüyündə öz soyadını, adını, atasının adını, ünvan sahibinə münasibətini və ya tutduğu vəzifəni göstərməli və imkan olan kimi sənədi ünvan sahibinə verməlidir. Lakin, iş materiallarında olan poçt xəbərnaməsində isə İXMin göstərilən tələblərinə riayət edilməmişdir. Həmçinin, iş materiallarında olan poçt xəbərnaməsinin Şəxs ASC-nin nümayəndəsi tərəfindən qəbul edilməsi təsdiq olunmur. Həmin poçt xəbərnaməsi “Əliyev” soyadlı şəxs tərəfindən imzalanmışdır ki, həmin şəxs Şəxs ASC-də işləmədiyi məlum olmuşdur. Belə olan halda, məhkəmə İXM-in 8-ci maddəsində nəzərdə tutulan “Təqsirsizlik prezumpsiyası prinsipi”ni rəhbər tutur. Belə ki, barəsində inzibati xəta haqqında iş üzrə icraat aparılan şəxsin təqsiri bu Məcəllədə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsirsiz hesab edilir. İnzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. İnzibati məsuliyyətə cəlb olunan şəxsin təqsirli olması barəsində şübhələr onun xeyrinə həll edilir. İXM-in: 53.1.2-ci maddəsinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir; 105.1-ci maddəsinə əsasən İXM-in 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir; 347-ci maddəsinin dispozisiyasına əsasən hüquqi şəxsin mülkiyyətində və ya istifadəsində, yaxud dövlət qurumunun istifadəsində olan nəqliyyat vasitəsini inzibati xətanın törədilməsi zamanı idarə etmiş fiziki şəxs haqqında məlumatın səlahiyyətli orqanın (vəzifəli şəxsin) bu barədə sorğusu daxil olduğu vaxtdan 5 gün müddətində verilməməsinə görə vəzifəli şəxslər yüz əlli manat məbləğində, hüquqi şəxslər üç yüz manat məbləğində cərimə edilir vəzifəli şəxslər yüz əlli manat məbləğində, hüquqi şəxslər üç yüz manat məbləğində cərimə edilir. Qeyd olunanları rəhbər tutaraq məhkəmə hesab edir ki, inzibati xəta tərkibi olmadığı üçün Şəxs ASC inzibati məsuliyyətdən azad olunmalı və iş üzrə icraata xitam verilməlidir. Şərh olunanlara əsasən və İXM-in 8, 25, 40.0.1, 43, 48-51, 53, 55, 114, 115, 128-130 maddələrini rəhbər tutaraq, məhkəmə QƏRARA ALDİ: Şəxs ASC-nin barəsində Azərbaycan Respublikası İXM-in 347-ci maddəsi İXP seriyalı ******* nömrəli, xx.xx.2024-cü il tarixli inzibati xəta haqqında protokola əsasən inzibati xəta haqqında iş üzrə icraata xitam verilsin. Qərarın surəti rəsmi qaydada verildiyi vaxtdan 10 (on) gün müddətində işə baxan Bakı şəhəri Nərimanov Rayon Məhkəməsi vasitəsilə və ya birbaşa Bakı Apellyasiya Məhkəməsinə apellyasiya şikayəti verilə bilər. Hakim: Gültəkin Əsədova