Bakı Şəhəri Nərimanov Rayon Məhkəməsi Qərardad — İş №3(005)-3951/2025

Azərbaycan Respublikası adından QƏRARDAD Bakı şəhəri İş № 3(005)-3951/2025 02.10.2025 BAKI ŞƏHƏRİ NƏRİMANOV RAYON MƏHKƏMƏSİ Mən, Bakı Şəhəri Nərimanov Rayon Məhkəməsinin hakimi Babayev Kamal Yunis oğlu, X1 Azərbaycan Respublikası Daxili İşlər Nazirliyinin Baş X5 İdarəsi tərəfindən qəbul edilmiş xx.xx.2025-ci il tarixli, 16/1-157259 saylı “İnzibati tənbeh vermə haqqında” qərarının ləğv edilməsi barədə daxil olmuş şikayətə baxaraq MÜƏYYƏN ETDİM: X2 Azərbaycan Respublikası Daxili İşlər Nazirliyinin Baş X5 İdarəsi tərəfindən qəbul edilmiş xx.xx.2025-ci il tarixli, 16/1-157259 saylı “İnzibati tənbeh vermə haqqında” qərarın ləğv edilməsi barədə şikayət ərizəsi ilə Bakı Şəhəri Nərimanov Rayon Məhkəməsinə müraciət etmişdir. Həmin qərara əsasən Azərbaycan Respublikası İnzibati Xətalar Məcəlləsinin 327.4cü maddəsində nəzərdə tutulmuş inzibati xətanı törətdiyinə görə X2 barəsində 150 manat məbləğində inzibati cərimə növündə tənbeh tətbiq edilmişdir. Məhkəmə iclasında iştirak kedən X2 bildirmişdir ki, EQ 29164589 nömrəli qərardan verdiyi şikayət Nərimanov Rayon Məhkəməsi tərəfindən təmin edilərək, qərar ləğv edilsə də, BDYPİ tərəfindən qəbul edilmiş 16/1-157259 nömrəli qərar ilə yenidən barəsində inzibati tənbeh vermə haqqında qərar qəbul edilmişdir. Bu səbəbdən yenidən məhkəməyə müraciət edərək, həmin qərarın ləğv edilməsini və iş üzrə icraata xitam verilməsin ixahiş edir. X3 ərizə ilə məhkəməyə müraciət edərək, şikayətinə qeydiyyatda olduğu və yaşadığı Bakı şəhər Suraxanı Rayon Məhkəməsinə göndərilməsini xahiş etmişdir. Məhkəmə, iş materiallarını araşdıraraq hesab edir ki, X1 şikayət ərizəsi yaşadığı yer üzrə baxılması üçün Bakı şəhəri Suraxanı Rayon Məhkəməsinə göndərilməlidir. Belə ki, inzibati xəta haqqında işə baxılması zamanı məhkəmənin elektron sistemindən çıxarılmış şəxsiyyət vəsiqəsi məlumatlarından görünür ki, X2 Bakı şəhəri, Suraxanı rayonu, Y/Günəşli qəsəbəsi, AB Y/S 139, 133 ünvanında qeydiyyatdadır. Azərbaycan Respublikasının İnzibati Xətalar Məcəlləsinin: 110.1-ci maddəsinə əsasən inzibati xəta haqqında işə onun törədildiyi yerdə baxılır. Barəsində inzibati xəta haqqında iş üzrə icraat aparılan şəxsin vəsatətinə əsasən inzibati xəta haqqında işə onun yaşadığı yer üzrə baxıla bilər. 129.1.3-cü maddəsinə əsasən, səlahiyyətli orqanın (vəzifəli şəxsin) qərarından məhkəməyə verilən şikayət - inzibati xətanın törədildiyi yer üzrə rayon (şəhər) məhkəməsinə (bu Məcəllənin 129.1.3-1-ci maddəsində nəzərdə tutulmuş hal istisna olmaqla) inzibati xəta haqqında iş üzrə qərardan şikayət və ya protest verilir. 129.1.3-1. bu Məcəllənin 122.1-ci və 127-3.2-ci maddələrində nəzərdə tutulmuş inzibati tənbeh vermə haqqında elektron qərarlardan məhkəməyə verilən şikayət – şikayət verən şəxsin yaşayış yeri və ya hüquqi şəxsin ünvanının olduğu yer üzrə rayon (şəhər) məhkəməsinə verilir. 109.1.7-ci maddəsinə əsasən əgər bu məsələnin baxılması hakimin, orqanın (vəzifəli şəxsin) səlahiyyətinə aid deyildirsə, yaxud hakimə, kollegial orqanın üzvünə, vəzifəli şəxsə etiraz etmə barədə qərardad çıxarılmışdırsa, inzibati xəta haqqında protokolun və ya digər materialların baxılması üçün aidiyyəti üzrə göndərilməsi barədə qərardad çıxarır. “Yaşayış yeri və olduğu yer üzrə qeydiyyat haqqında” Azərbaycan Respublikası Qanununun 3-cü maddəsinin 1-ci bəndinə əsasən Azərbaycan Respublikası vətəndaşının yaşayış yeri yalnız Azərbaycan Respublikası vətəndaşının şəxsiyyət vəsiqəsi ilə müəyyən edilir. 114.3-cü maddəsinə əsasən inzibati xəta haqqında işə baxılma hakimin, səlahiyyətli orqanın (vəzifəli şəxsin) səlahiyyətinə aid olmadıqda, inzibati xəta haqqında işin aidiyyəti üzrə hakimə, səlahiyyətli orqana (vəzifəli şəxsə) göndərilməsi barədə qərardad çıxarılır. Məhkəmə İnzibati Xətalar Məcəlləsinə edilmiş yeni dəyişiklikləri, o cümlədən şikayət vermiş şəxsin ərizəsini nəzərə alaraq hesab edir ki, X1 İXM-nin 327.4-cü maddəsində nəzərdə tutulan inzibati xətanı törətməsinə dair şikayət ərizəsinə baxılması üçün onun yaşadığı yer üzrə Bakı şəhəri Suraxanı Rayon Məhkəməsinə göndərilməlidir. Qeyd olunanlara əsasən və İXM-in 118-ci maddəsini rəhbər tutaraq, məhkəmə QƏRARA ALDİ: X1 Azərbaycan Respublikası Daxili İşlər Nazirliyinin Baş X5 İdarəsi tərəfindən qəbul edilmiş xx.xx.2025-ci il tarixli, 16/1-157259 nömrəli inzibati tənbeh vermə haqqında qərarından verilmiş şikayəti baxılması üçün Bakı şəhəri Suraxanı Rayon Məhkəməsinə göndərilsin. Hakim Kamal Babayev