Bakı Şəhəri Nərimanov Rayon Məhkəməsi Qərar — İş №3(005)-6/2021

Azərbaycan Respublikası adından QƏRAR Bakı şəhəri İş № 3(005)-6/2021 07.12.2021 BAKI ŞƏHƏRİ NƏRİMANOV RAYON MƏHKƏMƏSİ Hakim Kamranov Hafiz Eldar oğlunun sədrliyi, X1 oğlunun katibliyi, Şəxs oğlu barəsində Azərbaycan Respublikası İnzibati Xətalar Məcəlləsinin 334.1-ci maddəsi ilə tərtib olunan inzibati xəta haqqında protokol üzrə inzibati xəta haqqında işə açıq məhkəmə iclasında baxaraq, MÜƏYYƏN ETDİ: Məhkəmənin icraatına 11 sentyabr 2020-ci il tarixdə Azərbaycan Respublikası Daxili İşlər Nazirliyi Bakı Şəhər Baş Polis İdarəsi Dövlət Yol Polisi İdarəsindən Şəxs oğlu barəsində tərtib olunmuş inzibati xəta haqqında İXP seriyalı ******* nömrəli 15.05.2020-ci il tarixli protokol və ona əlavə edilmiş sənədlər daxil olmuşdur. İXH protokolda göstərilir ki, Şəxs oğlu nəqliyyat vasitəsini idarə etmək hüququ olmadığı halda, “Daewo Racer” minik markalı, **-KA-*** dövlət qeydiyyat nişanlı avtomobili alkoqoldan istifadə olunması nəticəsində, yəni sərxoş vəziyyətdə idarə etmişdir. Bununla da Şəxs oğlu tərəfindən Azərbaycan Respublikası İnzibati Xətalar Məcəlləsinin 334.1-ci maddəsi ilə nəzərdə tutulan inzibati xəta törədimişdir. Həmin iş üzrə ilkin məhkəmə iclasında baxılması “24” sentyabr 2020-ci il tarixə təyin edilmiş və bu barədə barəsində inzibati xəta haqqında iş üzrə icraat aparılan fiziki şəxs Şəxs məlumat verilərək məhkəməyə çağırılmışdır. Lakin o, məhkəməyə gəlməmiş və bu barədə məhkəməyə məlumat verməmişdir. Barəsində inzibati xəta haqqında iş üzrə icraat aparılan fiziki şəxs Şəxs məhkəmə iclasında iştirakının təmin edilməsi üçün məhkəmə iclası 02 oktyabr 2020-ci il, 08.10.2020ci il və 20.10.2021-ci il tarixlərə təxir edilmişdir. Buna baxmayaraq barəsində inzibati xəta haqqında iş üzrə icraat aparılan fiziki şəxs Şəxs məhkəməyə gəlməmiş və bu barədə məhkəməyə məlumat verməmişdir. Məhkəmənin 20.10.2021-ci il tarixli qərardadı ilə Şəxs məcburi qaydada məhkəməyə gətirilməsi qərara alınmışdır. Lakin Şəxs məcburi qaydada məhkəməyə gətirilməsi qərar qəbul edilməsinə baxmayaraq qeyd olunan qərarın icrası mümkün olmamışdır. Məhkəmə iş materiallarını araşdıraraq, hesab edir ki, inzibati xətanın aşkar edildiyi vaxtdan qanunla müəyyən edilmiş müddət keçdiyindən inzibati xəta haqqında iş üzrə icraata xitam verilməlidir. Azərbaycan Respublikası İnzibati Xətalar Məcəlləsinin: 38.1-ci maddəsinə əsasən inzibati tənbeh inzibati xətanın törədildiyi gündən ən geci üç ay keçənədək verilə bilər. 38.3-ci maddəsinə əsasən cinayət işinin başlanması rədd edildikdə və ya cinayət işinə xitam verildikdə, lakin şəxsin əməllərində inzibati xəta tərkibinin bütün əlamətləri olduqda, inzibati tənbeh cinayət işinin başlanmasının rədd edilməsi və ya ona xitam verilməsi haqqında qərar qəbul edildiyi gündən ən geci üç ay keçənədək verilə bilər. 38.5-ci maddəsinə əsasən inzibati xəta törətmiş şəxs qaçıb gizlənərsə, müddətin axımı dayanır. Bu halda müddətin axımı, həmin şəxsin aşkarlandığı vaxtdan bərpa olunur. Lakin inzibati xətanın törədildiyi vaxtdan bir il keçərsə, qaçıb gizlənən şəxs inzibati məsuliyyətə cəlb oluna bilməz. 53.0, 53.0.6-ci maddələrinə əsasən Məcəllənin 38-ci maddəsində nəzərdə tutulmuş müddətlər başa çatdıqda, inzibati xəta haqqında işlər üzrə icraat başlanıla bilməz, başlanmış icraata isə xitam verilir. 105.1-ci maddəsinə əsasən bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Qanunvericiliyin tələbindən göründüyü kimi, inzibati xətanın törədildiyi vaxtdan bir il keçərsə, qaçıb gizlənən şəxs inzibati məsuliyyətə cəlb oluna bilməz. Hazırki iş üzrə inzibati xətanın 15.05.2020-ci il tarixdə aşkar edildiyini və həmin vaxtdan 1 ildən çox müddət keçdiyini nəzərə alaraq Şəxs oğlu İXP seriyalı ******* nömrəli 15.05.2020-ci il tarixli inzibati xəta haqqında protokol əsasında inzibati məsuliyyətə cəlb oluna bilməz. Odur ki, Şəxs oğlu oğlu İXP seriyalı ******* nömrəli 15.05.2020-ci il tarixli inzibati xəta haqqında protokol üzrə inzibati məsuliyyətdən azad edilməli və inzibati xəta haqqında iş üzrə icraata xitam verilməlidir. Şərh olunanlara əsasən və Azərbaycan Respublikası İXM-nin 38, 40.0.1, 43, 48-51, 53, 55, 105, 114.1.4, 115,128-130 maddələrini rəhbər tutaraq, məhkəmə QƏRARA ALDİ: Şəxs oğlu barəsində Azərbaycan Respublikası İnzibati Xətalar Məcəlləsinin 38.5-ci maddəsi tətbiq edilməklə, oğlu İXP seriyalı ******* nömrəli 15.05.2020-ci il tarixli inzibati xəta haqqında protokol üzrə inzibati məsuliyyətdən azad edilsin. Şəxs oğlu barəsində Azərbaycan Respublikası İnzibati Xətalar Məcəlləsinin 334.1-ci maddəsi ilə inzibati xəta haqqında iş üzrə icraata xitam verilsin. Qərarın surəti rəsmi qaydada verildiyi vaxtdan 10 (on) gün müddətində işə baxan Bakı şəhəri Nərimanov Rayon Məhkəməsi vasitəsilə və ya birbaşa Bakı Apellyasiya Məhkəməsinə apellyasiya şikayəti verilə bilər. Hakim Hafiz Kamranov