Bakı Şəhəri Nərimanov Rayon Məhkəməsi Qərar — İş №3(005)-626/2022

Azərbaycan Respublikası adından QƏRAR Bakı şəhəri İş № 3(005)-626/2022 03.03.2022 BAKI ŞƏHƏRİ NƏRİMANOV RAYON MƏHKƏMƏSİ Hakim Qurbanov Vüsal Rafiq oğlunun sədrliyi, Ələkbərova Aysel Ceyhun qızının katibliyi, şikayət vermiş şəxs X1 iştirakı ilə, Azərbaycan Respublikası DİN Baş X4 İdarəsi tərəfindən qəbul edilmiş EQ seriyalı ******* nömrəli, 17.02.2022-ci il tarixli “İnzibati tənbeh vermə haqqında” qərardan X1 verdiyi şikayətə məhkəmənin inzibati binasında, açıq məhkəmə iclasında baxaraq, məhkəmə MÜƏYYƏN ETDİ: X2, Azərbaycan Respublikası DİN Baş X4 İdarəsi tərəfindən qəbul edilmiş EQ seriyalı ******* nömrəli, 17.02.2022-ci il tarixli “İnzibati tənbeh vermə haqqında” qərardan şikayətlə məhkəməyə müraciət etmişdir. Şikayət onunla əsaslandırılmışdır ki, 17.02.2022 saat 12:44-də sükan arxasında atası Əliyev Eldar ona məxsus **-GY-*** nömrəli HYUNDAİ SANTA FE minik avtomobilini idarə edərək Ə.Əbdürəhiməov küçəsindən qanuni olaraq sağa manevr edərək AtaTürk prospektinə çıxarkən xüsusi dirəkdə quraşdırılmiş X4 kamerası tərəfindən çəkilərək EG9039918 nömrəli protokol tərtib edilib və 40 AZN cərimə edilmişdir. Protokolun onun adına yazılması səbəbi odur ki ,atası ona avtomobili idarə etmək uçün etibarnamə verib. Atası BDYP-yə gedib iradını bildirsə də ,onun iradlarına məhəl qoymayıblar. Ona 40 manata görə ora getməsinə irad tutmuşlar. Atam 3-cü qrup əlildir, o, universitetdə 4-cu kurs tələbəsidir. 40 AZN bizim üçün az məbləğ deyil. Həmin ərazidə Azərbaycan DYP-i qanun qaydalarının yolları nizamlama və nişan qaydaları pozulmuşdur. Belə ki, göstərilən yolda işiqfora qədər 150 metr qədər düz xətt çəkilmişdir və 3 xüsusi ayrılmış yerdə sola manevr etmək üçün qısa qırıq-qırıq xətlər çəkilmişdir. Kamera şəkillərində göründüyü kimi avtobus zolağı nişanı qırıq-qırıq xətdən öndə quraşdırılmışdır. Açıq şəkildə görünür ki, bu sürücülər üçün tələdir və DYP yol-nişan qaydaları düzgün qurulmamışdır. Qanun DYP əməkdaşları tərəfindən pozulmuşdur. Sağa manavr edən hər bir sürücü məcburən qaydaları pozur. Avtobus zolağını bildirən nişanda zolağın neçə metrdən sonra başlaması qeyd edilməmişdir. Sağa manevr edən hər-bir sürücü avtobus zolağını xəbardar edən bu nişanı görə bilmir. Həmin avtobus zolağını bildirən nişan qırıq xətlərdən öndə qoyulduğundan sürücü qəza etməsin deyə, öndəki xüsusi ayrılmiş hər 3 qırıq-qırıq xətlərlə göstərilmiş yerlərdən avtobus zolağını tərk edə bilər. Tıxaç olduğundan atası Əliyev Eldar 1-ci göstərilən qırıq-qırıq xətdən sola manevr edə bilmədiyindən ,hər hansı bir qəza olmaması üçün qanuna tam uyğun olaraq 2-ci qırıq-qırıq xətdən lazımı qanuni yerdən sola manevr etmiş və avtobuslara ayrılmış hərəkət zolağını tərk etmişdir. Onlar hesab edirik ki, heç bir qanun pozuntusu olmamışdır. DYP qanunlara zidd olaraq protokol tərtib olunmuşdur. Onların hüquqları pozulmuşdur. Qeyd edək ki, şəhərdə çox ərazilərdə sürücülərə bu cür tələlər DYP əməkdaşları tərəfindən çox sayda qurulmuşdur və minlərlə qanunsuz protokollar tərtib olunur. Xahiş edirik humanist qərar verərək yazılan protokolu ləğv edilməsinə dair qərar çıxarasınız və onların hüquqlarını bərpa edəsiniz. Əlavə olaraq sizə, yazılan protokolun və kamera vasitəsilə çəkilmiş fotoşəkilin surətini göndərirlər. Məhkəmə iclasında şikayət vermiş şəxs X2 şikayətin məzmununa uyğun çıxış edərək təmin olunmasını məhkəmədən xahiş etdi. Məhkəmə iclasının vaxtı və yeri barədə lazımi qaydada xəbərdar olmasına baxmayaraq, inzibati xəta haqqında qərarı qəbul etmiş Azərbaycan Respublikası Daxili İşlər Nazirliyi Baş X4 İdarəsinin nümayəndəsi məhkəmə iclasında iştirak etməmiş və məhkəmə iclasının təxirə salınması barədə ondan vəsatət daxil olmamışdır. Məhkəmə, işə inzibati xəta haqqında qərarı qəbul etmiş Azərbaycan Respublikası Daxili İşlər Nazirliyi Baş X4 İdarəsinin nümayəndəsinin iştirakı olmadan baxılmasını mümkün hesab etmişdir. Məhkəmə işdə iştirak edən şəxsin izahatını dinləyib, şikayətin dəlillərini nəzərdən keçirərək və iş materiallarını araşdıraraq hesab edir ki, şikayət qismən təmin edilməli, X1 İXM-in 327.1-ci maddəsi ilə təqsirli bilinərək cərimə olunmasına dair Azərbaycan Respublikası DİN Baş X4 İdarəsi tərəfindən qəbul edilmiş EQ seriyalı ******* nömrəli, 17.02.2022-ci il tarixli “İnzibati tənbeh vermə haqqında” qərar ləğv edilməli, işə yenidən baxılması Azərbaycan Respublikası DİN Baş X4 İdarəsinə tapşırılmalıdır. İş materiallarında olan və məhkəmə iclasında tədqiq edilmiş Azərbaycan Respublikası DİN Baş X4 İdarəsi tərəfindən qəbul edilmiş EQ seriyalı ******* nömrəli, 17.02.2022-ci il tarixli “İnzibati tənbeh vermə haqqında” qərardan görünür ki, X2 17.02.2022-ci il tarixdə, saat 12:44-də Ə.Əbdülrəhimov küçəsi ilə Atatürk prospektinin kəsişməsində “HYUNDAİ SANTA FE” minik markalı, **-GY-*** dövlət qeydiyyat nişanlı nəqliyyat vasitəsini idarə edərkən Azərbaycan Respublikası İnzibat Xətalar Məcəlləsinin 327.1-ci maddəsində nəzərdə tutulmuş inzibati xətanı törətmişdir. Məhkəmə, işin faktiki hallarına hüquqi qiymət verərək hesab edir ki, X2 tərəfindən yol hərəkəti qaydasının pozulması ilə bağlı inzibati icraat qanun pozuntularına yol verilməsi ilə aparılmışdır. Belə ki, İXM-in: 120-ci maddəsinə əsasən bu Məcəllənin 327-348-ci maddələrində nəzərdə tutulmuş yol hərəkəti qaydaları əleyhinə olan inzibati xətalar haqqında işlərə, bu fəsillə müəyyən edilmiş xüsusiyyətlər nəzərə alınmaqla, bu Məcəllə ilə müəyyən edilmiş qaydada baxılır; 124.2-ci maddəsinə əsasən inzibati xətalar haqqında işlərə baxmaq hüququ səlahiyyətli orqana (vəzifəli şəxsə) aid edilmiş yol hərəkəti qaydaları əleyhinə olan inzibati xətalar səlahiyyətli vəzifəli şəxs tərəfindən bilavasitə aşkar edildikdə və barəsində inzibati xəta haqqında iş üzrə icraat aparılan şəxs inzibati xəta hadisəsinin mövcudluğu ilə razılaşdıqda, inzibati tənbeh tətbiq etmə haqqında qərar çıxarılır; 124.3-cü maddəsinə əsasən barəsində inzibati xəta haqqında iş üzrə icraat aparılan şəxs inzibati xəta hadisəsinin mövcudluğu ilə razılaşmadıqda, səlahiyyətli vəzifəli şəxs inzibati xəta haqqında protokol tərtib edir; 124.4.-cü maddəsinə əsasən inzibati tənbeh tətbiq etmə haqqında qərar və ya inzibati xəta haqqında protokol operativ nəqliyyat vasitəsində quraşdırılmış bort-kompüter vasitəsilə tərtib olunaraq dərhal, yaxud belə kompüter olmadıqda həmin günün sonunadək müvafiq icra hakimiyyəti orqanının mərkəzi informasiya sistemində yerləşdirilir və barəsində inzibati xəta haqqında iş üzrə icraat aparılan şəxsə bu Məcəllənin 125.2.1-ci maddəsində nəzərdə tutulmuş qaydada bu barədə məlumat verilir. İnzibati tənbeh tətbiq etmə haqqında qərarın və ya inzibati xəta haqqında protokolun kağız daşıyıcıda surəti səlahiyyətli orqan (vəzifəli şəxs) tərəfindən yerindəcə barəsində inzibati xəta haqqında iş üzrə icraat aparılan şəxsə, həmçinin belə müraciəti olduqda inzibati xəta haqqında iş üzrə zərər çəkmiş şəxsə verilir. Bu Məcəllənin 124.3-cü maddəsində nəzərdə tutulmuş hallarda inzibati xəta haqqında protokol baxılması üçün yuxarı səlahiyyətli orqana (vəzifəli şəxsə) göndərilir. Yuxarı səlahiyyətli orqan (vəzifəli şəxs) tərəfindən həmin iş üzrə qəbul edilən qərar qəbul edildiyi gün müvafiq icra hakimiyyəti orqanının mərkəzi informasiya sistemində yerləşdirilir və barəsində inzibati xəta haqqında iş üzrə icraat aparılan şəxsə həmin qərar barədə bu Məcəllənin 125.2-ci maddəsində nəzərdə tutulmuş qaydada məlumat verilir. Məhkəmə qeyd edir ki, barəsində inzibati xəta haqqında iş üzrə icraat aparılan şəxs X2 inzibati xətanın mövcudluğu ilə razılaşmadığı halda, inzibati orqan heç bir araşdırma aparmadan barəsində inzibati xəta haqqında EQ seriyalı ******* nömrəli, 17.02.2022-ci il tarixli “İnzibati tənbeh vermə haqqında” qərar qəbul edərək onun hüquqlarını pozmuşdur. Bununla da inzibati orqan inzibati xəta haqqında protokola baxaraq qərar qəbul edərkən X1 iştirakını təmin etməmiş və bununla onun hüquqlarını pozmuşdur. İXM-in: 134.1, 134.1.4-cü maddələrinə əsasən inzibati xəta haqqında iş üzrə qərardan verilən şikayətə və ya protestə baxılaraq bu Məcəllənin 135.1.1 və 135.1.6-cı maddələri ilə müəyyən edilmiş hallarda qərarın ləğv edilməsi və inzibati xəta haqqında işin yenidən baxılmaq üçün hakimə, səlahiyyətli orqana (vəzifəli şəxsə) göndərilməsi haqqında qərar qəbul edilir; 135.1, 135.1.6-cı maddələrinə əsasən hakimin, səlahiyyətli orqanın (vəzifəli şəxsin) bu Məcəllə ilə müəyyən edilmiş tələbləri işin hallarının hərtərəfli, tam və obyektiv araşdırılmasına maneə törədəcək dərəcədə pozulması inzibati xəta haqqında iş üzrə qərarın ləğv edilməsi üçün müəyyən edilən əsaslar sırasına daxildir. Beləliklə, məhkəmə hesab edir ki, inzibati xəta haqqında icraat aparılarkən səlahiyyətli orqan (vəzifəli şəxs) İXM-lə müəyyən edilmiş tələbləri işin hallarının hərtərəfli, tam və obyektiv araşdırılmasına maneə törədəcək dərəcədə pozaraq, X2 barəsində inzibati xəta haqqında qərar qəbul edərək, sonuncunun hüquqlarını pozmuşdur. X2 inzibati xətanın mövcudluğu ilə razı olmadığından iş üzrə yenidən araşdırma aparılmalı və müvafiq qərar qəbul edilməlidir. Ona görə də, şikayət qismən təmin edilməli, Azərbaycan Respublikası DİN Baş X4 İdarəsi tərəfindən qəbul edilmiş EQ seriyalı ******* nömrəli, 17.02.2022-ci il tarixli “İnzibati tənbeh vermə haqqında” qərar ləğv edilməli, X2 barəsində işə yenidən baxılması Bakı şəhəri X4 İdarəsinə tapşırılmalı, inzibati tənbeh vermə haqqında qərardan verilmiş şikayətdə göstərilən xüsusatlar yenidən ətraflı araşdırılmalı, müvafiq sübutlar əldə olunmaqla iş üzrə obyektiv qərar qəbul edilməlidir.. Qeyd olunanlara əsasən və İXM-in 133, 134, 135-ci maddələrini rəhbər tutaraq, məhkəmə QƏRARA ALDİ: X1 şikayəti qismən təmin edilsin. Azərbaycan Respublikası DİN Baş X4 İdarəsi tərəfindən qəbul edilmiş EQ seriyalı ******* nömrəli, 17.02.2022-ci il tarixli “İnzibati tənbeh vermə haqqında” qərar ləğv edilsin və işə yenidən baxılması Azərbaycan Respublikası DİN Baş X4 İdarəsinə tapşırılsın. Qərarın surəti rəsmi qaydada verildiyi vaxtdan 10 (on) gün müddətində işə baxan Bakı Şəhəri Nərimanov Rayon Məhkəməsi vasitəsilə və ya birbaşa Bakı Apelyasiya Məhkəməsinə şikayət verilə bilər. Hakim Vüsal Qurbanov