Bakı Şəhəri Nərimanov Rayon Məhkəməsi Qərardad — İş №3(005)-739/2023

Azərbaycan Respublikası adından QƏRARDAD Bakı şəhəri İş № 3(005)-739/2023 13.03.2023 BAKI ŞƏHƏRİ NƏRİMANOV RAYON MƏHKƏMƏSİ Mən, Bakı Şəhəri Nərimanov Rayon Məhkəməsinin hakimi Əlisoy Xalidə Kəramət qızı, X1 Nəsimi Rayon DYPŞ Yol Patrul Xidməti tərəfindən qəbul edilmiş xx.xx.2023-cü il tarixli, TP ******* nömrəli inzibati tənbeh vermə haqqında qərardan verdiyi şikayəti və ona əlavə edilmiş sənədləri məhkəmə iclasında baxılmağa hazırlayarkən MÜƏYYƏN ETDİM: X1 Nəsimi Rayon DYPŞ Yol Patrul Xidməti tərəfindən qəbul edilmiş xx.xx.2023-cü il tarixli, TP ******* nömrəli inzibati tənbeh vermə haqqında qərarın ləğv edilməsi barədə qərar qəbul edilməsini xahiş etmişdir. Məhkəmə şikayəti, inzibati xəta haqqında qərarı nəzərdən keçirib hesab edir ki, inzibati xəta haqqında qərardan verilmiş şikayət şikayət vermiş şəxsə geri qaytarılmalıdır. Belə ki, X3 xx.xx.2023-cü il tarixli ərizəsini qanunvericiliyin tələblərinə zidd olaraq hazırlamış, həmçinin X3 ərizəsində barəsində polis əməkdaşları tərəfindən avtoxuliqanlıqla bağlı cərimə yazıldığını qeyd etmişdir, halbuki İnzibati Xətalar Məcəlləsinin 40-cı maddəsinin tələbinə əsasən İXM-nin 511-ci maddəsi ilə nəzərdə tutulmuş inzibati tənbeh tədbirləri ilə bağlı hazırlanmış inzibati xəta haqqında protokola məhkəmələr tərəfindən baxılır. İXM-nin 109.1.6-cı maddəsinə əsasən inzibati xəta haqqında işin baxılmağa hazırlanması zamanı protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması barədə qərardad qəbul edilir. Qeyd olunanları nəzərə alaraq, məhkəmə hesab edir ki, inzibati xəta haqqında protokol və ona əlavə olunmuş sənədlər natamam və yalnış şəkildə tərtib olunduğundan və işə baxılarkən tamamlanması mümkün olmadığından X1 Nəsimi Rayon DYPŞ Yol Patrul Xidməti tərəfindən qəbul edilmiş xx.xx.2023-cü il tarixli, TP ******* nömrəli inzibati tənbeh vermə haqqında qərardan verdiyi şikayəti və ona əlavə olunmuş sənədlər Bakı şəhəri Nərimanov rayon Polis İdarəsinə geri qaytarılmalıdır. Qeyd olunanlara əsasən və İXM-nin 43, 109, 114 və 115-ci maddələrini rəhbər tutaraq QƏRARA ALDİM: X1 Nəsimi Rayon DYPŞ Yol Patrul Xidməti tərəfindən qəbul edilmiş xx.xx.2023-cü il tarixli, TP ******* nömrəli inzibati tənbeh vermə haqqında qərardan verdiyi şikayəti və ona əlavə olunmuş sənədlər X2 geri qaytarılsın. Hakim Xalidə Əlisoy