Bakı Şəhəri Nərimanov Rayon Məhkəməsi Qərar — İş №3(005)-743/2024

Azərbaycan Respublikası adından QƏRAR Bakı şəhəri İş № 3(005)-743/2024 27.03.2024 BAKI ŞƏHƏRİ NƏRİMANOV RAYON MƏHKƏMƏSİ Hakim Əlisoy Xalidə Kəramət qızının sədrliyi, Məmmədova Rəqsanə Sulidin qızının katibliyi, Azərbaycan Respublikasının Dövlət Neft Şirkətinin Şəxs nümayəndəsi tərəfindən X1 iştirakı ilə, Azərbaycan Respublikasının Dövlət Neft Şirkətinin Şəxs barəsində Azərbaycan Respublikası İnzibati Xətalar Məcəlləsinin 499.1.1-ci maddəsi ilə tərtib olunan inzibati xəta haqqında protokola dair inzibati xəta haqqında işə açıq məhkəmə iclasında baxaraq MÜƏYYƏN ETDİ: Azərbaycan Respublikası Dövlət Gömrük Komitəsi Bakı Baş Gömrük İdarəsi tərəfindən AR DNŞ-nın Şəxs barəsində Azərbaycan Respublikası İnzibati Xətalar Məcəlləsinin 499.1.1-ci maddəsi ilə 00100-00519/24 nömrəli, xx.xx.2024-cü il tarixli inzibati xəta haqqında protokol tərtib edilərək baxılması üçün məhkəməyə göndərmişdir. İnzibati xəta haqqında həmin protokoldan görünür ki, ünvan 1 ünvanında qeydiyyatda olan AR DNŞ-nın “X4” Trestinin (VÖEN: **********) ünvanına göndərilmiş “müvəqqəti ixrac” xüsusi gömrük prosedurunda rəsmiləşdirilmiş **********4566 və **********4554 sorğu nömrəli gömrük bəyannamələri ilə müəyyən olunmuş müddətin bitməsinə baxmayaraq Gömrük Məcəlləsinin 130-cu maddəsinə və Nazirlər Kabinetinin 244 saylı qərarına uyğun olaraq “müvəqqəti ixrac” xüsusi gömrük prosedurunda bəyan olunmuş malların şirkət tərəfindən müvəqqəti ixrac müddətinin uzadılmasını və digər gömrük proseduruna keçirilməsi təmin edilməmişdir. Bakı Baş Gömrük İdarəsinin Rəsmiləşdirmə mərkəzindən gömrük postundan daxil olmuş 3-33-1100/012/002052 saylı, xx.xx.2024-cü il tarixli raporta əsasən AR DNŞ-nın "X4" Tresti tərəfindən **********4566 və **********4554 sorğu nömrəli gömrük bəyannamələri ilə müvəqqəti ixrac xüsusi gömrük prosedurunda rəsmiləşdirilmiş yüklərin öhdəlik ry müddətinin xx.xx.2023-cü il tarixində bitməsinə, baxmayaraq malların digər gömrük proseduru altında rəsmiləsdirilməsi ilə əlaqədar AR DNŞ-nın "X3" Tresti tərəfindən heç bir tədbir görülməmişdir. Bununla da AR DNŞ-nın Şəxs tərəfindən Azərbaycan Respublikası İnzibati Xətalar Məcəlləsinin 499.1.1-ci maddəsində nəzərdə tutulan inzibati xətanı törədilmişdir. AR DNŞ-nın Şəxs nümayəndəsi tərəfindən X2 protokolla razı olmadıqlarını, gecikmə olmadığını öhdəlik müddətinin uzadılması ilə bağlı müraciəti vaxtında etdiklərini bildirmişdir. İş üzrə ədalətli qərarın qəbul edilməsini məhkmədən xahiş etmişdir. İnzibati xəta haqqında protokol tərtib etmiş səlahiyyətli orqana məhkəmə iclasının vaxtı və yeri barədə lazımi qaydada xəbərdar edilməsinə baxmayaraq, məhkəmə iclasında səlahiyyətli nümayəndəinin iştirakını təmin etməyib bunun səbəbləri barədə məhkəməyə məlumat verməmiş. Buna görə də məhkəmə inzibati xəta haqqında protokolu tərtib etmiş səlahiyyətli orqanın nümayəndəsiinin iştirakı olmadan işə baxılmasını mümkün hesab etmişdir. İş materiallarında olan və məhkəmə baxışında tədqiq edilmiş: xx.xx.2024-cü il tarixli raportdan görünür ki, AR DNŞ-nın Şəxs Şəxs tərəfindən **********4566 və **********4554 sorğu nömrəli gömrük bəyannamələri ilə müvəqqəti ixrac xüsusi gömrük prosedurunda rəsmiləşdirilmiş yüklərin öhdəlik müddətinin xx.xx.2024-cü il tarixində bitməsinə baxmayaraq malların öhdəlik müddətinin uzadılması üçün xx.xx.2024-cü il tarixində müraciət edilmişdir. Məhkəmə, inzibati xəta haqqında protokolu və digər iş materiallarını nəzərdən keçirərək hesab edir ki, hüquqi şəxs AR DNŞ-nın Şəxs tərəfindən Azərbaycan Respublikasının İnzibati Xətalar Məcəlləsinin 499.1.1-ci maddəsində nəzərdə tutulan inzibati xətanın törədilməsi araşdırılmış sübutlarla öz təsdiqini tapır. Azərbaycan Respublikası Gömrük Məcəlləsinin 83.2-ci maddəsinə əsasən ixrac gömrük proseduru, daxili tranzit və ya xaricdə emal xüsusi gömrük prosedurları üçün bəyan edilən daxili mallar və nəqliyyat vasitələri müvafiq gömrük bəyannaməsi gömrük orqanı tərəfindən təsdiq olunduğu vaxtdan başlayaraq, gömrük ərazisindən aparılana, dövlətin xeyrinə imtinaya məhv edilənə, yaxud gömrük bəyannaməsinin bu Məcəllənin 154-cü maddəsinə uyğun olaraq ləğvinədək gömrük nəzarəti altında olurlar. Azərbaycan Respublikası İnzibati Xətalar Məcəlləsini 499.1.1-ci maddəsinə əsasən Azərbaycan Respublikasının gömrük ərazisindən kənara aparılması və ya bu əraziyə qaytarılması məcburi olan, əvvəllər müvəqqəti gətirilmiş və ya aparılmış mallar və ya nəqliyyat vasitələrinin müəyyən olunmuş müddətlər pozulmaqla Azərbaycan Respublikasının gömrük ərazisindən kənara aparılmasına və ya bu əraziyə qaytarılmasına görə-on beş günədək müddətə gecikdirilməklə Azərbaycan Respublikasının gömrük ərazisindən kənara aparılmasına və ya qaytarılmasına görə - fiziki şəxslər yüz əlli manat məbləğində, vəzifəli şəxslər üç yüz manat məbləğində, hüquqi şəxslər altı yüz manat məbləğində cərimə edilir. Məhkəmə iclasında Şəxs məsuliyyətini yüngülləşdirən və ya ağırlaşdıran hallar müəyyən edilmədi. Məhkəmə törədilmiş inzibati xətanın xarakterini, məsuliyyəti yüngülləşdirən və ağırlaşdıran halların müəyyən edilməməsini nəzərə alıb, iş üzrə sübutları qiymətləndirərək hesab edir ki, Şəxs barəsində Azərbaycan Respublikası İnzibati Xətalar Məcəlləsinin 499.1.1-ci maddəsinin sanksiyasının hədləri daxilində müəyyən məbləğdə cərimə növündə inzibati tənbeh tətbiq edilməlidir. Yuxarıda göstərilənlərə və Azərbaycan Respublikası İnzibati Xətalar Məcəlləsinin 31, 40, 43, 48-51, 114, 128-130-cu maddələrini rəhbər tutaraq, məhkəmə QƏRARA ALDİ: Azərbaycan Respublikasının Dövlət Neft Şirkətinin Şəxs Azərbaycan Respublikası İnzibati Xətalar Məcəlləsinin 499.1.1-ci maddəsində nəzərdə tutulmuş inzibati xətanı törətməkdə təqsirli bilinsin və barəsində 600 (altı yüz) manat məbləğində inzibati cərimə növündə tənbeh edilsin. Qərarın surəti rəsmi qaydada verildiyi vaxtdan 10 (on) gün müddətində işə baxan Bakı şəhəri Nərimanov Rayon Məhkəməsi vasitəsilə və ya birbaşa Bakı Apellyasiya Məhkəməsinə apellyasiya şikayəti verilə bilər. Hakim Xalidə Əlisoy