Bakı Şəhəri Nərimanov Rayon Məhkəməsi Qərar — İş №3(005)-777/2023

Azərbaycan Respublikası adından QƏRAR Bakı şəhəri İş № 3(005)-777/2023 04.04.2023 BAKI ŞƏHƏRİ NƏRİMANOV RAYON MƏHKƏMƏSİ Hakim Əlisoy Xalidə Kəramət qızının sədrliyi, İsmayılov Pərvin Pərviz oğlunun katibliyi ilə, Şəxs MMC barəsində Azərbaycan Respublikası İnzibati Xətalar Məcəlləsinin (bundan sonra - İXM) 505-ci maddəsi üzrə tərtib olunmuş inzibati xəta haqqında protokola və ona əlavə edilmiş sənədlərə məhkəmənin inzibati binasında, açıq məhkəmə iclasında baxaraq, məhkəmə MÜƏYYƏN ETDİ: Şəxs MMC barəsində İnzibati Xətalar Məcəlləsinin 505-ci maddəsi ilə nəzərdə tutulmuş inzibati xətanı törətməsinə dair Azərbaycan Respublikası Dövlət Gömrük Komitəsinin Bakı Baş Gömrük İdarəsinin Əməliyyat və Təhqiqat İdarəsinin Təhqiqat Şöbəsi tərəfindən tərtib edilmiş 07 mart 2023-cü il tarixli, EP seriyalı ******* nömrəli inzibati xəta haqqında protokol və ona əlavə edilmiş materiallar aidiyyəti üzrə baxılması üçün məhkəməyə göndərilmişdir. Protokolda qeyd edilmişdir ki, Bakı şəhəri Nərimanov rayonu, Ak.Həsən Əliyev,ev 51 ünvanında qeydiyyatda olan Şəxs MMC-nin ünvanına-İtalyadan 33CTE87/33AEG697 nömrəli avtomaşında A221407 nömrəli xx.xx.2022- ci ii tarixli invoysla daxil olmuş 9 verdən ibarət, brutto çəkisi 353 kq olan mallar **********4342 sorğu nömrəli, xx.xx.2022-ci il tarixli, 33CTE87/33AEG697 nömrəli avtomaşında 698 nömrəli xx.xx.2022-ci il tarixli invoysla daxil olmuş 30 verdən ibarət, brutto çəkisi 275 kq olan mallar **********4302 sorğu nömrəli xx.xx.2022-ci il tarixli və həmin avtomaşında 221 saylı xx.xx.2022- ci il tarixli invoysla daxil olmuş 134 verdən ibarət, brutto çəkisi 920 kq olan mallar **********4344 sorğu nömrəli xx.xx.2022-ci il tarixli, 90 nömrəli xx.xx.2022-ci il tarixli invoysla daxil olmuş 1 verdən ibarət brutto çəkisi 184,89 kq olan yük **********4275 sorğu nömrəli gömrük bəyannamələri ilə rəsmiləşdirilmişdir. Qeyd olunan gömrük bəyannamələri üzrə gömrük rəsmiləşdirilməsi üçün təqdim olunan A221407 nömrəli xx.xx.2022-ci ii tarixli, 698 nömrəli xx.xx.2022-ci il tarixli, 221 saylı xx.xx.2022-ci il tarixli, 90 nömrəli xx.xx.2022-ci il tarixli invoyslarda qeyd edilən dəyərin araşdırılması üçün DGK-nın Beynəlxalq Əməkdaşlıq idarəsi tərəfindən İtaliya Respublikasının Aksiz, Gömrük və inhisarçılıq Agentliyinə sorğu göndərilmişdir. Həmin sorğuya cavab olaraq DGK tərəfindən 3-33/2-002958/2023 saylı xx.xx.2023-cü il tarixli məktubla BBGİ-yə göndərilən İtaliya Respublikasının Aksiz, Gömrük və İnhisarçılıq Agentliyindən alınmış 88118/RU/RV nömrəli xx.xx.2023-cü il tarixli cavab məktubunda göstərilən qiymətlərlə "Casamia” MMC tərəfindən gömrük rəsmiləşdirilməsi zamanı təqdim edilən A221407 nömrəli xx.xx.2022-ci il tarixli invoys sənədində qeyd olunan yükün dəyəri 5786,00 avro deyil, 11597,40 avro olduğu,halda 1551.03 azn idxal gömrük rüsumu, 2140,42 azn əlavə dəyər vergisi, 369,15 azn dəbbə pulu, 698 nömrəli xx.xx.2022-ci il tarixli invoys sənədində qeyd olunan yükün dəyəri 12466,00 avro deyil, 15611,26 avro olduğu halda 839.45 azn idxal gömrük rüsumu, 1158,45 azn əlavə dəyər vergisi, 199,79 azn dəbbə pulu, 221 saylı xx.xx.2022-ci il tarixli invoys sənədində qeyd olunan yükün dəyəri 13125,00 avro deyil, 18728,23 avro olduğu halda 1495.48 azn idxal gömrük rüsumu, 2063.76 azn əlavə dəyər vergisi, 355.92 azn dəbbə pulu, 90 nömrəli xx.xx.2022-ci il tarixli invoys sənədində qevd olunan yükün dəyəri ilə sözügedən cavab məktubunda göstərilən yükün invoys dəyəri eynilik təşkil etdiyi üçün əlavə ödəniş yaranmır. BununladaŞəxs MMC-nin əməlində İnzibati Xətalar Məcəlləsinin 505-ci maddəsinin tərkib əlamətlərinin olduğu müəyyən edilmişdir. Barəsində inzibati protokol tərtib edilmiş müəssisəyə və səlahiyyətli orqana məhkəmə iclasının vaxtı və yeri barədə lazımi qaydada xəbərdar edilməsinə baxmayaraq, məhkəmə iclasında nümayəndələrinin iştirakını təmin etməyib bunun səbəbləri barədə məhkəməyə məlumat verməmişdir. Buna görə də məhkəmə onların nümayəndələrinin iştirakları olmadan işə baxılmasını mümkün hesab etmişdir İş materiallarında olan və məhkəmə baxışında tədqiq edilmiş 07 mart 2023-cü il tarixli 00100-00642/23 saylı protokoldan aydın olur ki, Şəxs MMC tərəfindən xx.xx.2022-ci il tarixli **********4342, **********4302 və **********4344 sorğu nömrəli gömrük bəyannamələri üzrə 9248.59 azn gömrük ödənişi və 924.86 azn dəbbə pulu gömrük borcu təşkil edir. Məhkəmə, iş materiallarını araşdıraraq hesab edir ki, Şəxs tərəfindən Azərbaycan Respublikası İnzibati Xətalar Məcəlləsinin 505-ci maddəsində nəzərdə tutulmuş inzibati xətanın törədilməsi tam sübuta yetirilir. Buna görə də cəmiyyət həmin maddə ilə təqsirli bilinərək inzibati məsuliyyətə cəlb edilməlidir. Azərbaycan Respublikası İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 4-cü maddəsinə əsasən bu Məcəllə insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır. Həmin Məcəllənin 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmin Məcəllənin 12.1-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Həmin Məcəllənin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Azərbaycan Respublikası İnzibati Xətalar Məcəlləsinin 505-ci maddəsinə əsasən Gömrük ödənişlərini (borcunu) ödəməkdən yayınmağa görə, bu az miqdarda olduqda ödənilməli olan gömrük ödənişlərinin məbləğinin yetmiş faizindən yüz əlli faizinədək məbləğdə cərimə edilir. Qeyd: 1. Bu maddədə “az miqdarda olduqda” dedikdə, iyirmi min manatdan yuxarı olmayan məbləğ başa düşülür. 2. Bu maddədə nəzərdə tutulmuş əməli ilk dəfə törətmiş şəxs inzibati xəta nəticəsində vurulmuş ziyanı tamamilə ödədikdə inzibati məsuliyyətdən azad olunur. Azərbaycan Respublikası İnzibati Xətalar Məcəlləsinin 31.3-cü maddəsinə görə hüquqi şəxslər barəsində inzibati tənbeh tətbiq edilərkən, inzibati xətanın xarakteri, inzibati xəta nəticəsində hüquqi şəxsin əldə etdiyi xeyrin həcmi və ya onun maraqlarının təmin edilməsinin xarakteri və dərəcəsi, hüquqi şəxsi xarakterizə edən hallar, o cümlədən onun maliyyə və əmlak vəziyyəti, xeyriyyəçilik və ya digər ictimai faydalı fəaliyyətlə məşğul olması, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə iclasında Şəxs məsuliyyətini yüngülləşdirən və ya ağırlaşdıran hallar müəyyən edilmədi. Məhkəmə törədilmiş inzibati xətanın xarakterini, məsuliyyəti yüngülləşdirən və ağırlaşdıran halların müəyyən edilməməsini nəzərə alıb, iş üzrə sübutları qiymətləndirərək hesab edir ki, Şəxs barəsində Azərbaycan Respublikası İnzibati Xətalar Məcəlləsinin 505-ci maddəsi ilə təqsirli bilinməli və barəsində inzibati xətanın obyekti olmuş pul məbləğinin 70 faizi məbləğində cərimə tənbeh növü təyin edilməlidir. Yuxarıda göstərilənlərə və Azərbaycan Respublikası İnzibati Xətalar Məcəlləsinin 31, 40, 43, 48-51, 114, 128-130-cu maddələrini rəhbər tutaraq, məhkəmə QƏRARA ALDİ: Şəxs Azərbaycan Respublikası İnzibati Xətalar Məcəlləsinin 505-ci maddəsi ilə təqsirli bilinsin və inzibati xətanın bilavasitə obyekti olmuş valyuta vəsaitinin, yəni 9248,59 manat məbləğinin 70 (yetmiş) faizi miqdarında, yəni 6.474,013 (altı min dörd yüz yetmiş dörd manat, on üç qəpik) manat məbləğində cərimə edilsin. Qərarın surəti rəsmi qaydada verildiyi vaxtdan 10 gün müddətində Bakı şəhəri Nərimanov Rayon Məhkəməsi vasitəsilə və ya bilavasitə Bakı Apellyasiya Məhkəməsinə şikayət verilə bilər. Hakim Xalidə Əlisoy