Bakı Şəhəri Nərimanov Rayon Məhkəməsi Qərar — İş №3(005)-877/2021

Azərbaycan Respublikası adından QƏRAR Bakı şəhəri İş № 3(005)-877/2021 27.04.2021 BAKI ŞƏHƏRİ NƏRİMANOV RAYON MƏHKƏMƏSİ Hakim Qurbanov Vüsal Rafiq oğlunun sədrliyi, Hüseynov Elçin Rövşən oğlunun katibliyi ilə, Bakı şəhəri Nərimanov Rayon Polis İdarəsinin 16-cı PB-nin polis sahə rəisi X3 tərəfindən qəbul edilmiş EPQ seriyalı ******* nömrəli, 01.04.2021-ci il tarixli “İnzibati tənbeh vermə haqqında” qərardan X2 verdiyi şikayətə məhkəmənin binasında, açıq məhkəmə iclasında baxaraq MÜƏYYƏN ETDİ: Bakı şəhəri Nərimanov Rayon Polis İdarəsinin 16-cı PB-nin polis sahə rəisi X3 tərəfindən qəbul edilmiş EPQ seriyalı ******* nömrəli, 01.04.2021-ci il tarixli “İnzibati tənbeh vermə haqqında” qərardan X4 şikayətlə məhkəməyə müraciət etmişdir. Şikayət onunla əsaslandırılmışdır ki, 29.03.2021-ci il tarixdə saat 12:30 radələrində “Gənclik” metrostansiyasının yaxınlığında açıqlıq və insanların çox olmadığı bir yerdə maskasını aşağı salıb siqaret çəkməyə başlayarkən, qəflətən bir mülki maşın onun yanında saxlayaraq maşından düşən bir polis işçisi ona yaxınlaşmış və ondan ad, soyadını soruşmuşdur. Polis planşetində nə isə qeyd edərək maskasını taxmadığına görə xəbərdarlıq edildiyini bildirmişdir. Ümumiyyətlə o, hər zaman qayda qanuna riayət etməyə çalışmışdır. Evə gəldikdən sonra da “Asan Pay”da qeydiyyatdan keçərək cəriməsinin olubolmaması barədə maraqlanmışdır. Yalnız 01.04.2021-ci il tarixdə onun mobil nömrəsinə 100 manat məbləğində cərimə olunması və inzibati xəta haqqında protokolun qüvvəyə minməsi ilə bağlı sms gəlmişdir. Onu da qeyd edir ki, dörd nəfərdən ibarət bir ailənin başçısıdır. Ailəsində 5 və 8 yaşlı iki azyaşlı uşaq var. Özü və yoldaşı heç bir yerdə işləmirlər. Maddi cəhətdən çətinliklər çəkirlər. Qeyd etdiklərini nəzərə alaraq, barəsində Bakı şəhəri Nərimanov Rayon Polis İdarəsinin 16-cı PB-nin polis sahə rəisi X3 tərəfindən qəbul edilmiş EPQ seriyalı ******* nömrəli, 01.04.2021-ci il tarixli “İnzibati tənbeh vermə haqqında” qərarın ləğv edilməsini xahiş etmişdir. Məhkəmədə inzibati işə baxılması zamanı görülmüş müvafiq tədbirlərə baxmayaraq, proses iştirakçıları məhkəmə iclasında iştirak etməmişdir. Məhkəmə proses iştirakçılarının iştirakı olmadan işə baxılmasını mümkün hesab etmişdir. Məhkəmə, şikayətin dəlillərini nəzərdən keçirərək və iş materiallarını araşdıraraq, hesab edir ki, şikayət əsassızdır və təmin edilməməlidir. İş materiallarında olan və məhkəmə iclasında tədqiq edilmiş: Bakı şəhəri Nərimanov Rayon Polis İdarəsinin 16-cı PB-nin əməkdaşı tərəfindən qəbul edilmiş EXP seriyalı ******* nömrəli, 29.03.2021-ci il tarixli “İnzibati xəta haqqında protokol”un surətindən görünür ki, X4 tərəfindən karantin rejimi qaydalarının pozulduğu aşkar edilmişdir. Bakı şəhəri Nərimanov Rayon Polis İdarəsinin 16-cı PB-nin polis sahə rəisi X3 tərəfindən qəbul edilmiş EPQ seriyalı ******* nömrəli, 01.04.2021-ci il tarixli “İnzibati tənbeh vermə haqqında” qərarın surətindən görünür ki, X4 tibbi maskadan istifadə etmədən karantin rejimini pozmuşdur. X1 Azərbaycan Respublikası İXM-nin 211.2-ci maddəsində nəzərdə tutulmuş inzibati xətanı törətdiyinə görə barəsində 100 manat inzibati cərimə tənbeh tədbiri tətbiq edilmişdir. Məhkəmə, işin faktiki hallarına hüquqi qiymət verərək hesab edir ki, şikayətdə X4 tərəfindən inzibati xətaya yol verilməməsi barədə dəlillər hər hansı tutarlı sübutla əsaslandırılmamışdır. Məhkəməyə təqdim edilən sənədlərlə onun İXM-nin 211.2-ci maddəsində nəzərdə tutulan inzibati xətanı törətməsi öz təsdiqini tapır. Azərbaycan Respublikası İnzibati Xətalar Məcəlləsinin 211.2-ci maddəsinə əsasən pandemiya əleyhinə rejim, sanitariya-gigiyena və karantin rejimləri dövründə fərdi qoruyucu vasitələrdən istifadə ilə bağlı müvafiq icra hakimiyyəti orqanı tərəfindən müəyyən edilən tələblərin pozulmasına, habelə vəzifəli şəxslər və hüquqi şəxslər tərəfindən həmin tələblərin pozulmasının qarşısının alınmamasına görə fiziki şəxslər yüz manat məbləğində, vəzifəli şəxslər üç yüz manat məbləğində, hüquqi şəxslər altı yüz manat məbləğində cərimə edilir. Azərbaycan Respublikası İnzibati Xətalar Məcəlləsinin 128.1-ci maddəsinə əsasən barəsində qərar çıxarılmış fıziki şəxs, yetkinlik yaşına çatmayanların qanuni nümayəndəsi, hüquqi şəxsin nümayəndəsi, zərərçəkmiş şəxs, habelə müdafıəçi və nümayəndə tərəfındən inzibati xətalar haqqında işlər üzrə qərarlardan şikayət, prokuror isə protest verə bilər. Azərbaycan Respublikası İnzibati Xətalar Məcəlləsinin 128.2.3-cü maddəsinin tələblərinə əsasən, inzibati xətalar haqqında işlər üzrə qərardan şikayət və ya protest səlahiyyətli orqanın (vəzifəli şəxsin) qərarından - yuxarı səlahiyyətli orqana (vəzifəli şəxsə) və ya məhkəməyə verilir. Beləliklə, qanunvericiliyin qeyd olunan normalarına və işin faktiki hallarına əsasən məhkəmə şikayətin dəlillərini əsaslı hesab etməməklə bərabər belə qənaətə gəlir ki, inzibati icraat zamanı qanunvericiliyin tələblərinin pozulması üçün əsaslar məhkəmə baxışı zamanı müəyyən edilməmişdir. Bu səbəbdən şikayət verən şəxs X2 şikayəti təmin edilməməlidir. Azərbaycan Respublikası İXM-in 134.1, 134.1.1-ci maddələrinə əsasən inzibati xəta haqqında iş üzrə qərardan verilən şikayətə baxılarkən qərarın dəyişdirilmədən, şikayətin təmin edilmədən saxlanılması haqqında qərar qəbul edilir. Şərh olunanlara əsasən və Azərbaycan Respublikası İnzibati Xətalar Məcəlləsinin 133, 134, 135-ci maddələrini rəhbər tutaraq, məhkəmə QƏRARA ALDİ: Bakı şəhəri Nərimanov Rayon Polis İdarəsinin 16-cı PB-nin polis sahə rəisi X3 tərəfindən qəbul edilmiş EPQ seriyalı ******* nömrəli, 01.04.2021-ci il tarixli “İnzibati tənbeh vermə haqqında” qərardan X2 verdiyi şikayət təmin edilməsin. Qərarın surəti təqdim edildiyi və ya alındığı gündən 10 gün müddətində Bakı Şəhəri Nərimanov Rayon Məhkəməsi vasitəsilə Bakı Apelyasiya Məhkəməsinə şikayət verilə bilər. Hakim Vüsal Qurbanov