Bakı Şəhəri Nərimanov Rayon Məhkəməsi Qərar — İş №3(005)-959/2024

Azərbaycan Respublikası adından QƏRAR Bakı şəhəri İş № 3(005)-959/2024 09.04.2024 BAKI ŞƏHƏRİ NƏRİMANOV RAYON MƏHKƏMƏSİ Hakim Əlisoy Xalidə Kəramət qızının sədrliyi, Məhkəmə iclas katibi Məmmədova Rəqsanə Sulidin qızının katibliyi ilə, Azərbaycan Respublikası Dövlət Statistika Komitəsinin Bakı şəhər Statistika İdarəsinin nümayəndəsi X1 iştirakı ilə, “Zirve Yatırım və Dış Ticarət Limited Şirkəti”nin Azərbaycan Respublikası Filialı barəsində Azərbaycan Respublikası İnzibati Xətalar Məcəlləsinin (bundan sonra - İXM) 389-cu maddəsi ilə tənbeh tədbirinin tətbiq edilməsinə dair Azərbaycan Respublikası Dövlət Statistika Komitəsinin Bakı şəhər Statistika İdarəsindən daxil olmuş inzibati xəta haqqında materiala məhkəmənin inzibati binasında, açıq məhkəmə iclasında baxaraq, məhkəmə Müəyyən etdi: Bakı şəhər Statistika İdarəsi tərəfindən “Zirve Yatırım və Dış Ticarət Limited Şirkəti”nin Azərbaycan Respublikası Filialı barəsində İXM-nin 389-cu maddəsi ilə MN seriyalı ******* nömrəli, 28 mart 2024-cü il tarixli inzibati xəta haqqında protokol tərtib edilərək baxılması üçün məhkəməyə göndərilmişdir. İnzibati xəta haqqında həmin protokoldan görünür ki, Bakı şəhəri 2023-cü ilin (aylıq) 4-əmək, işçilərinin sayı, hərəkəti və orta aylıq əmək haqqı haqqında hesabat fevral ayı üzrə mart ayının 28-də, 13 gün gücikmə ilə təqdim edilmişdir. Belə ki, xəta mart ayının 16da baş vermişdir. Məhkəmə iclasında Azərbaycan Respublikası Dövlət Statistika Komitəsinin Bakı şəhər Statistika İdarəsinin nümayəndəsi X2 iş materialları üzrə tərtib etdiyi protokolu müdafiə edərək “Zirve Yatırım və Dış Ticarət Limited Şirkəti”nin Azərbaycan Respublikası Filialı barəsində inzibati tənbeh tətbiq edilməsini xahiş etdi. Məhkəmə iclasının vaxtı və yeri barədə barəsində lazımi qaydada xəbərdar olmasına baxmayaraq, barəsində inzibati xəta haqqında iş üzrə icraat aparılan hüquqi şəxs «Zirve Yatırım və Dış Ticarət Limited Şirkəti»nin Azərbaycan Respublikası Filialının nümayəndəsi məhkəmə iclasında iştirak etməmiş və məhkəmə iclasının təxirə salınması barədə ondan vəsatət daxil olmamışdır. Azərbaycan Respublikası Dövlət Statistika Komitəsinin Bakı şəhər Statistika İdarəsinin 22 dekabr 2023-cü il tarixli “Zirve Yatırım və Dış Ticarət Limited Şirkəti”nin Azərbaycan Respublikası Filialına ünvanlanmış olduğu məktubdan görünür ki, Azerbaycan Respublikası Dövlət Statistika Komitəsinin 2014-cü il 25 fevral 15/06 Nte-li qərarı ilə təsdiq edilmiş və Azərbaycan Respublikasının Hüquqi Aktların Dövlət Reyestrinə daxil edilərək normativ hüquqi akt statusu almış 4-əmək (aylıq) hesabatı noyabr ayı üzrə dekabr ayının 15-dək təqdim edilməli olduğu halda, ayın 20-də gecikmə ilə təqdim edilməsi bildirilərək, gələcəkdə rəsmi statistika hesabatlarının təqdim edilməməsi, vaxtında təqdim edilməməsi, yaxud onların natamam və ya təhrif olunmuş şəkildə təqdim edilməsi halları baş verərsə xəbərdarlıq edilmədən cərimə tətbiq olunacacaqları barədə məlumat verilmişdir. Protokola əlavə edilmiş Bakı şəhəri 2023-cü ilin (aylıq) 4-əmək, işçilərinin sayı, hərəkəti və orta aylıq əmək haqqı haqqında hesabat cədvəlindən aydın olur ki, “Zirve Yatırım və Dış Ticarət Limited Şirkəti”nin Azərbaycan Respublikası Filialı tərəfindən fevral ayı üzrə hesabat təqdim olunmamışdır.Xəta mart ayının 16-da baş vermişdir. İXM-nin 31.3-cü maddəsinə əsasən hüquqi şəxslər barəsində inzibati tənbeh tətbiq edilərkən, inzibati xətanın xarakteri, inzibati xəta nəticəsində hüquqi şəxsin əldə etdiyi xeyrin həcmi və ya onun maraqlarının təmin edilməsinin xarakteri və dərəcəsi, hüquqi şəxsi xarakterizə edən hallar, o cümlədən onun maliyyə və əmlak vəziyyəti, xeyriyyəçilik və ya digər ictimai faydalı fəaliyyətlə məşğul olması, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə iclasında “Zirve Yatırım və Dış Ticarət Limited Şirkəti”nin Azərbaycan Respublikası Filialının məsuliyyətini yüngülləşdirən və ya ağırlaşdıran hallar müəyyən edilmədi. İXM-nin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. İXM-nin 84-cü maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. İXM-nin 389-cu maddəsinə əsasən statistik müşahidələrin aparılması üçün zəruri olan məlumatların təqdim edilməməsinə və ya vaxtında təqdim edilməməsinə, yaxud hesabatların təhrif edilməsinə görə üç yüz manatdan beş yüz manatadək məbləğdə cərimə edilir. Məhkəmə, inzibati xətanın xarakterini, “Zirve Yatırım və Dış Ticarət Limited Şirkəti”nin Azərbaycan Respublikası Filialının nümayəndəsinin hesabatın vaxtında verilməməsi halını təsdiq etməsini, məsuliyyəti yüngülləşdirən və ağırlaşdıran halların olmamasını nəzərə alaraq hesab edir ki, “Zirve Yatırım və Dış Ticarət Limited Şirkəti”nin Azərbaycan Respublikası Filialı barəsində İXM-nin 389-cu maddəsinin sanksiyasının hədləri daxilində cərimə növündə inzibati tənbeh tətbiq edilməlidir. Qeyd olunanlara əsasən və İXM-nin 43, 48-51, 55, 114, 115, 128-130 maddələrini rəhbər tutaraq, məhkəmə QƏRARA ALDİ: “Zirve Yatırım və Dış Ticarət Limited Şirkəti”nin Azərbaycan Respublikası Filialı Azərbaycan Respublikası İnzibati Xətalar Məcəlləsinin 389-cu maddəsində nəzərdə tutulmuş inzibati xətanı törətməkdə təqsirli bilinsin və barəsində 300 (üç yüz) manat məbləğində inzibati cərimə növündə tənbeh tədbiri tətbiq edilsin. Qərarın surəti rəsmi qaydada verildiyi vaxtdan 10 (on) gün müddətində Azərbaycan Respublikası İnzibati Xətalar Məcəlləsinin 129-cu maddəsində müəyyən edilmiş qaydada Bakı Apellyasiya Məhkəməsinə şikayət verilə bilər. Hakim Xalidə Əlisoy