Bakı Şəhəri Nərimanov Rayon Məhkəməsi Qərar — İş №3(005)-982/2024

Azərbaycan Respublikası adından QƏRAR Bakı şəhəri İş № 3(005)-982/2024 09.04.2024 BAKI ŞƏHƏRİ NƏRİMANOV RAYON MƏHKƏMƏSİ Hakim Əlisoy Xalidə Kəramət qızının sədrliyi, Məhkəmə iclas katibi Məmmədova Rəqsanə Sulidin qızının katibliyi ilə, Azərbaycan Respublikası Dövlət Statistika Komitəsinin Bakı şəhər Statistika İdarəsinin nümayəndəsi X2, Şəxs MMC-nin nümayəndəsi X1 iştirakı ilə, Şəxs MMC barəsində Azərbaycan Respublikası İnzibati Xətalar Məcəlləsinin (bundan sonra - İXM) 389-cu maddəsi ilə tənbeh tədbirinin tətbiq edilməsinə dair Azərbaycan Respublikası Dövlət Statistika Komitəsinin Bakı şəhər Statistika İdarəsindən daxil olmuş inzibati xəta haqqında materiala məhkəmənin inzibati binasında, açıq məhkəmə iclasında baxaraq, məhkəmə Müəyyən etdi: Bakı şəhər Statistika İdarəsi tərəfindən Şəxs MMC barəsində İXM-nin 389-cu maddəsi ilə MN seriyalı ******* nömrəli, 29 mart 2024-cü il tarixli inzibati xəta haqqında protokol tərtib edilərək baxılması üçün məhkəməyə göndərilmişdir. İnzibati xəta haqqında həmin protokoldan görünür ki, Bakı şəhəri 2024-cü ilin (aylıq) 4-əmək, işçilərin sayı, hərəkəti və əmək haqqı fondu haqqında hesabat fevral ayı üzrə mart ayının 15-dək təqdim edilməli olduğu halda mart ayının 29-da 14 gün gecikmə ilə təqdim edilmişdir. Belə ki, xəta mart aynın 16-da baş vermişdir. Məhkəmə iclasında Azərbaycan Respublikası Dövlət Statistika Komitəsinin Bakı şəhər Statistika İdarəsinin nümayəndəsi X4 iş materialları üzrə tərtib etdiyi protokolu müdafiə edərək Şəxs MMC barəsində inzibati tənbeh tətbiq edilməsini xahiş etdi. Məhkəmə iclasında Şəxs MMC-nin nümayəndəsi X3 əvvəlki mühasib tərəfindən vaxtında məlumat verilmədiyini bildirmi və ilk dəfə bu formada barələrində protokol tərtib edildiyini, yüngül inzibati tənbeh tədbirinin tətbiq edilməsini xahiş etmişdir. Azərbaycan Respublikası Dövlət Statistika Komitəsinin Bakı şəhər Statistika İdarəsinin xx.xx.2024-cü il tarixli Şəxs MMC-yə ünvanlanmış məktubdan görünür ki, “Elektron hökumət” portalının inkişafı və elektron xidmətlərin genişləndirilməsi, statistika sahəsində aparılan islahatlar hər bir idarə, müəssisə və təşkilatın rahat, əlavə vaxt itkisi olmadan elektron qaydada hesabat təqdim etməsi üçün şərait yaratmışdır. Şəxs MMC vergi orqanında hüquqi şəxslərin dövlət qeydiyyatından keçməsinə baxmayaraq elektron hesabat təqdim etməyə dair müqavilə, yaxud fəaliyyətinin olub olmaması haqqında arayış təqdim etmədiyi bildirilərək, gələcəkdə rəsmi statistika formaları üzrə hesabatların təqdim olunmaması və ya vaxtında təqdim edilməməsi, yaxud onların natamam və ya təhrif olunmuş şəkildə təqdim edilməsi halları baş verərsə xəbərdarlıq edilmədən cərimə tətbiq olunacaqları barədə xəbərdalıq edilmişdirlər. Protokola əlavə edilmiş 2024-cü ilin (aylıq) 4-əmək, işçilərin sayı, hərəkəti və əmək haqqı fondu haqqında hesabat cədvəlindən aydın olur ki, Şəxs MMC tərəfindən fevral ayı üzrə hesabat təqdim olunmamışdır. Xəta mart ayının 16-da baş vermişdir. İXM-nin 31.3-cü maddəsinə əsasən hüquqi şəxslər barəsində inzibati tənbeh tətbiq edilərkən, inzibati xətanın xarakteri, inzibati xəta nəticəsində hüquqi şəxsin əldə etdiyi xeyrin həcmi və ya onun maraqlarının təmin edilməsinin xarakteri və dərəcəsi, hüquqi şəxsi xarakterizə edən hallar, o cümlədən onun maliyyə və əmlak vəziyyəti, xeyriyyəçilik və ya digər ictimai faydalı fəaliyyətlə məşğul olması, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə iclasında Şəxs MMC-nin məsuliyyətini yüngülləşdirən və ya ağırlaşdıran hallar müəyyən edilmədi. İXM-nin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. İXM-nin 84-cü maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. İXM-nin 389-cu maddəsinə əsasən statistik müşahidələrin aparılması üçün zəruri olan məlumatların təqdim edilməməsinə və ya vaxtında təqdim edilməməsinə, yaxud hesabatların təhrif edilməsinə görə üç yüz manatdan beş yüz manatadək məbləğdə cərimə edilir. Məhkəmə, inzibati xətanın xarakterini, Şəxs MMC-nin nümayəndəsinin hesabatın vaxtında verilməməsi halını təsdiq etməsini, məsuliyyəti yüngülləşdirən və ağırlaşdıran halların olmamasını nəzərə alaraq hesab edir ki, Şəxs MMC barəsində İXM-nin 389-cu maddəsinin sanksiyasının hədləri daxilində cərimə növündə inzibati tənbeh tətbiq edilməlidir. Qeyd olunanlara əsasən və İXM-nin 43, 48-51, 55, 114, 115, 128-130 maddələrini rəhbər tutaraq, məhkəmə QƏRARA ALDİ: Şəxs MMC Azərbaycan Respublikası İnzibati Xətalar Məcəlləsinin 389-cu maddəsində nəzərdə tutulmuş inzibati xətanı törətməkdə təqsirli bilinsin və barəsində 300 (üç yüz) manat məbləğində inzibati cərimə növündə tənbeh tədbiri tətbiq edilsin. Qərarın surəti rəsmi qaydada verildiyi vaxtdan 10 (on) gün müddətində Azərbaycan Respublikası İnzibati Xətalar Məcəlləsinin 129-cu maddəsində müəyyən edilmiş qaydada Bakı Apellyasiya Məhkəməsinə şikayət verilə bilər. Hakim Xalidə Əlisoy