Bakı Şəhəri Nəsimi Rayon Məhkəməsi Qərar — İş №3(006)-1050/2024

Azərbaycan Respublikası adından QƏRAR Bakı şəhəri İş № 3(006)-1050/2024 27.03.2024 BAKI ŞƏHƏRİ NƏSİMİ RAYON MƏHKƏMƏSİ Hakim: Pənahov Babək Əkbər oğlunun sədrliyi Məhkəmə iclasının katibi: X2 Barəsində icraat aparılan şəxs: Şəxs iştirakları ilə xx.xx.1986-cı il tarixdə Qusar rayonunda anadan olmuş, Azərbaycan Respublikasının vətəndaşı (FİN: xxxxxxx), subay, orta təhsilli, işləməyən, Bakı şəhəri, Xətai rayonu, 2 saylı Zeytun Sovxozu, Naximov küçəsi, 2-ci döngə, ev 41c-də qeydiyyatda olan Şəxs barəsində Azərbaycan Respublikası İnzibati Xətalar Məcəlləsinin 327.2 və 327.8-ci maddələri üzrə tərtib olunmuş xx.xx.2024-cü il tarixli, İXP ******* saylı inzibati xəta haqqında protokola və ona əlavə edilmiş materiala açıq məhkəmə iclasında baxaraq məhkəmə M Ü Ə Y Y Ə N E T D İ: Şəxs xx.xx.2023-cü il tarixdə Bakı şəhəri, Nəsimi rayonu, H.Ələsgərov küçəsi ilə M.Qaşqay küçəsinin kəsişməsində etibarnamə əsasında idarə etdiyi “Toyota Prius” markalı, **-UV-*** dövlət qeydiyyat nişanlı avtomobillə H.Ələsgərov küçəsində işıqforun qırmızı işığında yolayrıcına daxil olub hərəkətini davam etdirərək yolayırıcını keçərkən sol tərəfdən M.Qaşqay küçəsi ilə işıqforun hərəkətə icazə verən yaşıl işığında hərəkət edən “Honda City” markalı, **-SR-*** dövlət qeydiyyat nişanlı avtomobillə toqquşmuş, idarəetməni itirərək yol kənarında olan qaz borusuna dəymiş, nəticədə “Honda City” markalı avtomobilin sürücüsü X5 yüngül dərəcəli bədən xəsarəti almışdır. Aparılmış araşdırma nəticəsində Şəxs törətdiyi əməldə cinayət tərkibi olmadığından Bakı şəhər Nəsimi Rayon Polis İdarəsinin Təhqiqat şöbəsinin təhqiqatçısı Saleh Salahzadə tərəfindən qəbul edilmiş xx.xx.2024-cü il tarixli qərarla cinayət işinin başlanılması rədd olunmuş, eyni zamanda həmin qərarda Şəxs əməlində Azərbaycan Respublikası İnzibati Xətalar Məcəlləsinin 327.2 və 327.8-ci maddələrinin tərkib əlamətlərinin mövcudluğu qeyd olunaraq toplanılmış materiallar onun inzibati məsuliyyətə cəlb olunması üçün aidiyyəti üzrə göndərilmişdir. Məhkəmədə barəsində inzibati xəta haqqında iş üzrə icraat aparılan şəxs Şəxs izahatında bildirdi ki, o, xx.xx.2023-cü il tarixdə, saat 12:50 radələrində etibarnamə əsasında idarə etdiyi “Toyota Prius” markalı, **-UV-*** dövlət qeydiyyat nişanlı avtomobillə metronun “Gənclik” stansiyası istiqamətindən üzü Azadlıq prospekti istiqamətinə H.Ələsgərov küçəsi ilə iki zolaqlı yolun soldan birinci zolağı ilə təxminən 40 km/saat sürətlə hərəkət etmiş və H.Ələsgərov küçəsi ilə M.Qaşqay küçəsinin kəsişməsində fikirli olduğundan işıqforun hərəkəti qadağan edən qırmızı işığında yol ayrıcına daxil olmuş və bu zaman soldan M.Qaşqay küçəsi ilə işıqforun hərəkətə icazə verən yaşıl işığında hərəkət edən, sonradan ona məlum olan X5 idarə etdiyi “Honda City” markalı, **-SR-*** dövlət qeydiyyat nişanlı avtomobilin qabaq hissəsi ilə onun idarə etdiyi avtomobilin qabaq sol qanadından toqquşmuşdur. O, idarəetməni itirərək avtomobilin qabaq hissəsi ilə yolun sağ kənarında olan qaz borusuna dəymişdir. Hadisə nəticəsində “Honda City” markalı, **- SR-*** dövlət qeydiyyat nişanlı avtomobilin sürücüsü X5 yüngül dərəcəli bədən xəsarəti, onun avtomobilində sərnişin qismində əyləşmiş X6, X4 və X7 isə dərəcəsi təyin edilməyən xəsarətlər almışlar. N.Məmmədov ondan şikayətçidir, avtomobilinə dəymiş zərərin ödənilməsini tələb edir. Məhkəmə iclasının yeri və vaxtı barədə xəbərdarlıq edilməsi üzrə görülmüş tədbirlərə baxmayaraq, inzibati xəta haqqında protokolu tərtib etmiş Bakı şəhəri Nəsimi Rayon Polis İdarəsinin Dövlət yol polisi şöbəsinin nümayəndəsi və zərər çəkmiş şəxs məhkəməyə gəlməmiş, bunun səbəbi barədə məlumat verilməmişdir. Məhkəmə işə onların iştirakı olmadan baxılmasını mümkün hesab etmişdir. Təqdim edilmiş materiallarda olan: - “Yol-nəqliyyat hadisəsi yerinə baxış keçirilməsi haqqında” xx.xx.2023-cü il tarixli protokol, fotoşəkillər və sxemə əsasən hadisə Bakı şəhəri, Nəsimi rayonu, H.Ələsgərov ilə M.Qaşqay küçələrinin kəsişməsində baş vermişdir; - Azərbaycan Respublikası Səhiyyə Nazirliyi “Məhkəmə-Tibbi Ekspertiza və X3” X12 Nəsimi rayon şöbəsinin xx.xx.2023-cü il tarixli, 1775 saylı rəyinə əsasən 1986-cı il təvəllüdlü X1 bədən səthində aşkar olunmuş xəsarətlər - sol diz oynağının hərəkət məhdudluğu ilə müşayiət olunan diz oynağı nahiyəsinin qançırı-şişkinlik halında əzilməsi (hematoması), sol saidin sıyrığı və bel nahiyəsinin qançırı küt əşyanın (əşyaların) təsirindən xx.xx.2023-cü il tarixdə əmələ gələ bilərdilər və dərəcəsinə görə ümumilikdə sağlamlığın qısa müddətə pozulmasına səbəb olan sağlamlığa yüngül zərər vurmaya aiddirlər. Xəsarətin xarakteri və lokalizasiyasını nəzərə alaraq demək olar ki, onların yolnəqliyyat hadisəsi nəticəsində əmələ gələ bilmələri istisna olunmur; - xx.xx.2021-ci il tarixli, BB seriyalı, 112865 saylı sürücülük vəsiqəsinə əsasən Şəxs “B1, B, C1, C” kateqoriyaları üzrə nəqliyyat vasitəsini idarə etmək hüququna malikdir; - xx.xx.2023-cü il tarixli portaldan çıxarışdan aydın olur ki, X8 tərəfindən “Toyota Prius” markalı, **-UV-*** dövlət qeydiyyat nişanlı nəqliyyat vasitəsi xx.xx.2023-cü il tarixli etibarnamə ilə xx.xx.2031-ci il tarixədək Şəxs verilib. Məhkəmə proses iştirakçısının izahatını, habelə iş materiallarını araşdıraraq hesab edir ki, Şəxs tərəfindən Azərbaycan Respublikası İnzibati Xətalar Məcəlləsinin 327.8-ci maddəsində nəzərdə tutulmuş inzibati xətanın törədilməsi tam sübuta yetirilir. “Yol hərəkəti haqqında” Azərbaycan Respublikası Qanununun 60-cı maddəsinin İİ hissəsinə görə svetoforun və ya nizamlayıcının qadağanedici siqnalı verildikdə sürücülər nəqliyyat vasitələrini stop-xətt (1.12 yol xətti) qarşısında (əgər bu xətt yoxdursa, piyadaların hərəkətinə maneə törətmədən kəsişən yolun hərəkət hissəsi qarşısında), piyada keçidi qarşısında, digər yolayrıclarında isə hərəkətinə icazə verilən nəqliyyat vasitələrinə və piyadalara maneə yaratmadan svetofor və ya nizamlayıcı qarşısında dayanmalıdırlar. Azərbaycan Respublikası İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 9.1-ci maddəsinin tələbinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. İnzibati Xətalar Məcəlləsinin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə iclasında Şəxs məsuliyyətini yüngülləşdirən və ya ağırlaşdıran hallar müəyyən olunmadı. Məhkəmə inzibati xəta törədən Şəxs şəxsiyyətini, əmlak vəziyyətini və iş üzrə tədqiq olunmuş digər halları araşdırıb hesab edir ki, o, Azərbaycan Respublikası İnzibati Xətalar Məcəlləsinin 327.8-ci maddəsi ilə təqsirli bilinərək ona həmin maddənin sanksiyasında nəzərdə tutulmuş nəqliyyat vasitələrini idarə etmə hüququnun məhdudlaşdırılması növündə inzibati tənbeh tətbiq edilməlidir. Eyni zamanda məhkəmə qeyd edir ki, inzibati xəta haqqında protokolda Şəxs İnzibati Xətalar Məcəlləsinin 327.2-ci maddəsində nəzərdə tutulmuş əməlin törətməsi məsələsinə baxılması daxili işlər orqanlarının səlahiyyətlərinə aid olduğundan, məhkəmə bu məsələyə hüquqi qiymətin verilməsini məqsədəuyğun hesab etmir. Yuxarıda göstərilənləri nəzərə alaraq və Azərbaycan Respublikası İnzibati Xətalar Məcəlləsinin 40, 43, 48-50, 114-115 və 128-130-cu maddələrini rəhbər tutaraq məhkəmə Q Ə R A R A A L D İ: Şəxs Azərbaycan Respublikası İnzibati Xətalar Məcəlləsinin 327.8-ci maddəsində nəzərdə tutulmuş əməli törətməkdə təqsirli bilinərək ona nəqliyyat vasitələrini idarə etmə hüququnun 06 (altı) ay müddətinə məhdudlaşdırılması növündə inzibati tənbeh tətbiq edilsin. Şəxs İnzibati Xətalar Məcəlləsinin 327.2-ci maddəsində nəzərdə tutulmuş əməlin törətməsi məsələsinə hüquqi qiymətin verilməsi ilə əlaqədar müvafiq sənədlər aidiyyəti daxili işlər orqanına göndərilsin. Qərardan, onun surəti rəsmi qaydada verildiyi vaxtdan 10 (on) gün müddətində Bakı şəhəri Nəsimi Rayon Məhkəməsi vasitəsilə Bakı Apellyasiya Məhkəməsinə şikayət verilə bilər. Hakim Babək Pənahov