Bakı Şəhəri Nəsimi Rayon Məhkəməsi Qərar — İş №3(006)-1181/2021

Azərbaycan Respublikası adından QƏRAR Bakı şəhəri İş № 3(006)-1181/2021 05.05.2021 BAKI ŞƏHƏRİ NƏSİMİ RAYON MƏHKƏMƏSİ Hakim Tağıyev Azər Heydər oğlunun sədrliyi, Lətifov Vəli Abdurəşid oğlunun katibliyi, Nəsimi Rayon İcra Şöbəsinin icra məmuru X1, barəsində inzibati xəta haqqında iş üzrə icraat aparılan şəxs Şəxs iştirakları ilə, xx xxxxxx 1985-ci il tarixdə Bakı şəhərində anadan olmuş, Azərbaycan Respublikasının vətəndaşı (xxxxxxx), ünvan 1 ünvanında qeydiyyatda olan Şəxs barəsində Azərbaycan Respublikasının İnzibati Xətalar Məcəlləsinin 528.1-ci maddəsi ilə nəzərdə tutulmuş inzibati xəta haqqında materiala baxaraq, məhkəmə MÜƏYYƏN ETDİ: Şəxs Azərbaycan Respublikasının İnzibati Xətalar Məcəlləsinin 528.1-ci maddəsi ilə nəzərdə tutulmuş inzibati xətanı törətməsinə dair 05 may 2021-ci il tarixli, MN ******* saylı inzibati xəta haqqında protokol Nəsimi Rayon Məhkəməsinə daxil olmuşdur. İnzibati xəta haqqında protokoldan və ona əlavə edilmiş sənədlərdən görünür ki, Nəsimi Rayon Məhkəməsinin 12 iyun 2020-ci il tarixli, 2(006)-2569/2020 saylı və 19 iyun 2020-ci il tarixli 2(006)-3281/2020 saylı icra sənədləri üzrsüz səbəbdən icra edilmir. Hər iki icra sənədi üzrə yığılmış borc 8.436,30 manatdır. Göstərilənlərə əsasən, Şəxs Azərbaycan Respublikasının İnzibati Xətalar Məcəlləsinin 528.1-ci maddəsi ilə nəzərdə tutulmuş inzibati xətanı törətmişdir. Məhkəmə iclasında iştirak edən Nəsimi Rayon İcra Şöbəsinin icra məmuru R.X.Quliyev tərtib etdiyi inzibati xəta haqqında protokolu müdafiə edərək bildirmişdir ki, Nəsimi Rayon Məhkəməsinin 12 iyun 2020-ci il tarixli, 2(006)-2569/2020 saylı icra sənədinə əsasən 17.04.2019-cu il tarixli, 104GTKR0203126AC saylı kredit müqaviləsinə əsasən cavabdeh Şəxs əsas borc üzrə 4876,4 (dörd min səkkiz yüz yetmiş altı manat, qırx qəpik) manat, faiz borcu 812,02 (səkkiz yüz on iki manat, iki qəpik) manat, cəmi 5688,42 (beş min altı səkkiz manat, qırx iki qəpik) manat; 10.05.2019-cu il tarixli, **********01944112 №-li kredit xətti müqaviləsinə əsasən əsas borc üzrə 1298,87 (bir min iki yüz doxsan səkkiz manat, səksən yeddi qəpik) manat, faiz borcu üzrə 347,01 (üç yüz qırx yeddi manat, bir qəpik) manat olmaqla, ümumilikdə 7334,3 (yeddi min üç yüz otuz dörd manat otuz qəpik) manat və 30 (otuz) manat ödənilmiş dövlət rüsumunun əvəzi olmaqla, ümumilikdə 7364,30 (yeddi min üç yüz altmış dörd manat, otuz qəpik) manat məbləğində pul tutularaq “xxxx” ASC-nə verilməlidir. Həmçinin, Nəsimi Rayon Məhkəməsinin 19 iyun 2020-ci il tarixli 2(006)-3281/2020 saylı icra sənədinə əsasən 11.06.2019-cu il tarixli müqaviləyə əsasən İMEİ kodu **********21915 olan “Xiaomi Redmi 7” markalı telefon üçün 612 manat ödənilməmiş hissə, 61 manat cərimə olmaqla, cəmi 673 manat; 15.07.2019-cu il tarixli müqaviləyə əsasən İMEİ kodu **********18099 olan “Samsung Galaxy A10” markalı telefon üçün 336 manat ödənilməmiş hissə, 33 manat cərimə olmaqla, cəmi 369 manat; ümumilikdə 1.042 manat borc və ödənilmiş 30 manat dövlət rüsumu olmaqla, 1.072 manat pul vəsaiti cavabdeh Şəxs iddiaçı “xxxx” MMC-nin xeyrinə tutulmalıdır. İcra sənədləri üzrə icraata 10 avqust və 02 sentyabr 2020-ci il tarixli qərarlarla başlanılmış və borcluya tələbin könüllü icrası üçün müəyyən edilmiş müddət ərzində icranı həyata keçirmək ilə bağlı bildirişlər göndərilmişdir. Buna baxmayaraq, borclu icranı təmin etməkdən mütəmadi olaraq boyun qaçırmış, həmçinin çağırış üzrə icra şöbəsinə gəlməkdən də yayınmışdır. Bundan başqa, borclunun hər hansı daşınar və ya daşınmaz əmlakının olub-olmaması, sığortaolunan və ya pensiyaçı kimi qeydiyyata alınıbalınmaması barədə aidiyyatı təşkilatlara sorğular verilmiş, lakin heç bir əmlak və ya gəlir aşkar edilməmişdir. Göründüyü kimi, borclu Şəxs icra sənədinin icrasını təmin etməkdən üzrsüz səbəbdən boyun qaçırır. Bununla da, o, Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətmişdir. Göstərilənlərə əsasən, borclu Şəxs barəsində qanuna uyğun tədbir görülməsini məhkəmədən xahiş etmişdir. Məhkəmə iclasında iştirak edən barəsində inzibati xəta haqqında iş üzrə icraat aparılan şəxs Şəxs öz izahatında bildirmişdir ki, Nəsimi Rayon Məhkəməsinin 12 iyun 2020-ci il tarixli, 2(006)-2569/2020 saylı və 19 iyun 2020-ci il tarixli 2(006)-3281/2020 saylı icra sənədlərinin icraya yönəlməsindən məlumatı var. Hal-hazırda borcun ödənilməsinə imkanı yoxdur. Göstərilənləri nəzərə alaraq, iş üzrə ədalətli qərar qəbul edilməsini məhkəmədən xahiş etmişdir. Bundan başqa, barəsində inzibati xəta haqqında iş üzrə icraat aparılan şəxs Şəxs məhkəmə iclasında ona verilmiş suallara cavab olaraq bildirmişdir ki, icra mənuru tərəfindən ona hüquq və vəzifələri izah edilmiş, müdafiəçinin pulsuz hüquqi yardımından istifadə etmək hüququ izah edilsə də, bundan özü imtina etmiş, barəsində tərtib olunmuş inzibati xəta haqqında protokolla və ona əlavə edilmiş materiallarla tanış olmuş, işgəncəyə, qeyri-insani və ya ləyaqəti alçaldan rəftara məruz qalmamış, ona heç bir fiziki təzyiq və zorakılıq göstərilməmiş, tutulduğu və harada saxlanıldığı barədə ailə üzvlərinə məlumat verilmişdir. Bundan əlavə, Şəxs məhkəməyə ərizə təqdim edərək bildirmişdir ki, hazırda məhkəmə iclasında hüquqlarının müdafiəçi tərəfindən müdafiə edilməsinə ehtiyacı yoxdur, bu, onun maddi vəziyyəti ilə əlaqədar deyildir. Heç bir əlillik dərəcəsi yoxdur. Məhkəmə proses iştirakçılarını dinləyib, inzibati xəta haqqında protokolu nəzərdən keçirib, toplanmış sübutlara məcmu halda hüquqi qiymət verərək hesab edir ki, Şəxs tərəfindən Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulan əməli törədilməsi tam sübuta yetirilir. Belə ki, iş materiallarında olan Nəsimi Rayon Məhkəməsinin 12 iyun 2020-ci il tarixli, 2(006)-2569/2020 saylı icra sənədindən görünür ki, 17.04.2019-cu il tarixli, 104GTKR0203126AC saylı kredit müqaviləsinə əsasən cavabdeh Şəxs əsas borc üzrə 4876,4 (dörd min səkkiz yüz yetmiş altı manat, qırx qəpik) manat, faiz borcu 812,02 (səkkiz yüz on iki manat, iki qəpik) manat, cəmi 5688,42 (beş min altı səkkiz manat, qırx iki qəpik) manat; 10.05.2019-cu il tarixli, **********01944112 №-li kredit xətti müqaviləsinə əsasən əsas borc üzrə 1298,87 (bir min iki yüz doxsan səkkiz manat, səksən yeddi qəpik) manat, faiz borcu üzrə 347,01 (üç yüz qırx yeddi manat, bir qəpik) manat olmaqla, ümumilikdə 7334,3 (yeddi min üç yüz otuz dörd manat otuz qəpik) manat və 30 (otuz) manat ödənilmiş dövlət rüsumunun əvəzi olmaqla, ümumilikdə 7364,30 (yeddi min üç yüz altmış dörd manat, otuz qəpik) manat məbləğində pul tutularaq “xxxx” ASC-nə verilməlidir. Belə ki, iş materiallarında olan Nəsimi Rayon Məhkəməsinin 19 iyun 2020-ci il tarixli 2(006)-3281/2020 saylı icra sənədindən görünür ki, 11.06.2019-cu il tarixli müqaviləyə əsasən İMEİ kodu **********21915 olan “Xiaomi Redmi 7” markalı telefon üçün 612 manat ödənilməmiş hissə, 61 manat cərimə olmaqla, cəmi 673 manat; 15.07.2019-cu il tarixli müqaviləyə əsasən İMEİ kodu **********18099 olan “Samsung Galaxy A10” markalı telefon üçün 336 manat ödənilməmiş hissə, 33 manat cərimə olmaqla, cəmi 369 manat; ümumilikdə 1.042 manat borc və ödənilmiş 30 manat dövlət rüsumu olmaqla, 1.072 manat pul vəsaiti cavabdeh Şəxs iddiaçı “xxxx” MMC-nin xeyrinə tutulmalıdır. İş materiallarında olan Nəsimi rayon İcra şöbəsinin 10 avqust 2020-ci il tarixli icraata başlamaq haqqında qərardan görünür ki, Nəsimi Rayon Məhkəməsinin 12 iyun 2020-ci il tarixli, 2(006)-2569/2020 saylı icra sənədi üzrə icraata başlanılmışdır. İş materiallarında olan Nəsimi rayon İcra şöbəsinin 02 sentyabr 2020-ci il tarixli icraata başlamaq haqqında qərardan görünür ki, Nəsimi Rayon Məhkəməsinin 19 iyun 2020-ci il tarixli 2(006)-3281/2020 saylı icra sənədi üzrə icraata başlanılmışdır. İş materiallarında olan Nəsimi rayon İcra şöbəsinin Şəxs ünvanladığı 10 avqust və 02 sentyabr 2020-ci il tarixli könüllü icra barədə bildirişlərdən görünür ki, icra vərəqələrində göstərilən tələbi könüllü yerinə yetirməsi üçün sonuncuya xəbardarlıq edilmiş, həmçinin icra sənədinin üzrsüz səbəbdən icra edilmədiyi təqdirdə qanunvericilikdə nəzərdə tutulmiş müvafiq tədbirlərin həyata keçiriləcəyi də onun nəzərinə çatdırılmışdır. İş materiallarında olan Nəsimi rayon İcra şöbəsini icra məmuru R.Şixəliyevin qərarından görünür ki, Nəsimi Rayon Məhkəməsinin 12 iyun 2020-ci il tarixli, 2(006)- 2569/2020 saylı və 19 iyun 2020-ci il tarixli 2(006)-3281/2020 saylı icra sənədləri ümumi icraatda birləşdirilmişdir. İş materiallarında olan Nəsimi RPİ-nin 21-ci PB-nin 05 may 2021-ci il tarixli məktubundan görünür ki, mülki-hüquqi öhdəliklərdən yayınan, barəsində 70952 saylı axtarış işi olan vətəndaş Şəxs Nəsimi RPİ-nin 21-ci PB-nin əməkdaşları tərəfindən müəyyən edilərək Nəsimi rayon İcra şöbəsində təqdim edilmişdir. Beləliklə, məhkəmə iclasında müəyyən edilmişdir ki, Nəsimi Rayon Məhkəməsinin 12 iyun 2020-ci il tarixli, 2(006)-2569/2020 saylı icra sənədinə əsasən 17.04.2019-cu il tarixli, 104GTKR0203126AC saylı kredit müqaviləsinə əsasən cavabdeh Şəxs əsas borc üzrə 4876,4 (dörd min səkkiz yüz yetmiş altı manat, qırx qəpik) manat, faiz borcu 812,02 (səkkiz yüz on iki manat, iki qəpik) manat, cəmi 5688,42 (beş min altı səkkiz manat, qırx iki qəpik) manat; 10.05.2019-cu il tarixli, **********01944112 №-li kredit xətti müqaviləsinə əsasən əsas borc üzrə 1298,87 (bir min iki yüz doxsan səkkiz manat, səksən yeddi qəpik) manat, faiz borcu üzrə 347,01 (üç yüz qırx yeddi manat, bir qəpik) manat olmaqla, ümumilikdə 7334,3 (yeddi min üç yüz otuz dörd manat otuz qəpik) manat və 30 (otuz) manat ödənilmiş dövlət rüsumunun əvəzi olmaqla, ümumilikdə 7364,30 (yeddi min üç yüz altmış dörd manat, otuz qəpik) manat məbləğində pul tutularaq “xxxx” ASC-nə verilməlidir. Həmçinin, Nəsimi Rayon Məhkəməsinin 19 iyun 2020-ci il tarixli 2(006)-3281/2020 saylı icra sənədinə əsasən 11.06.2019-cu il tarixli müqaviləyə əsasən İMEİ kodu **********21915 olan “Xiaomi Redmi 7” markalı telefon üçün 612 manat ödənilməmiş hissə, 61 manat cərimə olmaqla, cəmi 673 manat; 15.07.2019-cu il tarixli müqaviləyə əsasən İMEİ kodu **********18099 olan “Samsung Galaxy A10” markalı telefon üçün 336 manat ödənilməmiş hissə, 33 manat cərimə olmaqla, cəmi 369 manat; ümumilikdə 1.042 manat borc və ödənilmiş 30 manat dövlət rüsumu olmaqla, 1.072 manat pul vəsaiti cavabdeh Şəxs iddiaçı “xxxx” MMC-nin xeyrinə tutulmalıdır. İcra sənədləri üzrə icraata 10 avqust və 02 sentyabr 2020-ci il tarixli qərarlarla başlanılmış və borcluya tələbin könüllü icrası üçün müəyyən edilmiş müddət ərzində icranı həyata keçirmək ilə bağlı bildirişlər göndərilmişdir. Buna baxmayaraq, borclu icranı təmin etməkdən mütəmadi olaraq boyun qaçırmış, həmçinin çağırış üzrə icra şöbəsinə gəlməkdən də yayınmışdır. Bundan başqa, borclunun hər hansı daşınar və ya daşınmaz əmlakının olub-olmaması, sığortaolunan və ya pensiyaçı kimi qeydiyyata alınıb-alınmaması barədə aidiyyatı təşkilatlara sorğular verilmiş, lakin heç bir əmlak və ya gəlir aşkar edilməmişdir. Göründüyü kimi, borclu Şəxs icra sənədinin icrasını təmin etməkdən üzrsüz səbəbdən boyun qaçırır. Göstərilənlərə əsasən, məhkəmə hesab edir ki, qeyd olunan qərarın icrası ilə bağlı borclu Şəxs tərəfindən qismən ödənilən məbləğlər yalnız icra məmurun dəfələrlə etdiyi xəbərdarlıq və təsir tədbirləri nəticəsində baş vermişdir. Göstərilənlər məhkəmə qərarının icrası ilə əlaqədar icra məmurunun qanuni tələblərinin yerinə yetirilməməsi və icra məmuru tərəfindən müəyyən olunmuş müddətdə icra sənədinin üzrsüz səbəbdən icra edilməməsi kimi qiymətləndirilməlidir. «Ədalət mühakiməsinin həyata keçirilməsi zamanı «İnsan hüquqlarının və əsas azadlıqların müdafiəsi haqqında» Avropa Konvensiyası müddəalarının və İnsan Hüquqları üzrə Avropa Məhkəməsinin presedentlərinin tətbiqi haqqında» Azərbaycan Respublikası Ali Məhkəməsinin 30 mart 2006-cı il tarixli, 5 nömrəli qərarının 6-cı bəndinə əsasən mülki işlər üzrə məhkəmə baxışı müddəti iddia ərizəsinin məhkəməyə daxil olduğu vaxtdan başlayır və məhkəmə qərarının icrasının başa çatmasına kimi davam edir. «İcra haqqında» Azərbaycan Respublikası Qanununun 82.1-ci maddəsinə əsasən borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədi icra məmuru tərəfindən müəyyən olunmuş müddətdə üzrsüz səbəbdən icra olunmadıqda, icra məmuru borclunun Azərbaycan Respublikasının qanunvericiliyi ilə nəzərdə tutulmuş qaydada inzibati məsuliyyətə cəlb olunması üçün inzibati xəta haqqında protokol tərtib edir və onu işin digər materialları ilə birlikdə müvafiq məhkəməyə göndərir. Azərbaycan Respublikasının İnzibati Xətalar Məcəlləsinin 528.1-ci maddəsinə əsasən, məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə - fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. Həmin Məcəllənin 3-cü maddəsinə əsasən, yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 9.1-ci maddəsinin tələbinə görə, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmin Məcəllənin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Məhkəmə Şəxs barəsində inzibati tənbeh tətbiq edərkən onun törətdiyi inzibati xətanın xarakterini və ictimai təhlükəlilik dərəcəsini, inzibati xəta törədən şəxsin şəxsiyyətini, onun əmlak vəziyyətini, o cümlədən Azərbaycan Respublikasının İnzibati Xətalar Məcəlləsinin 32 və 33-cü maddələrində nəzərdə tutulmuş məsuliyyəti yüngülləşdirən və ağırlaşdıran halları nəzərə alır. Məhkəmə Şəxs törətdiyi inzibati xətanın hallarını nəzərə alaraq hesab edir ki, onun barəsində Azərbaycan Respublikası İnzibati Xətalar Məcəlləsinin 528.1-ci maddəsinin sanksiyasında nəzrədə tutulmuş həbs növündə inzibati tənbeh tədbirinin tətbiq edilməsi məqsədəmüvafiqdir. Məhkəmə həmçinin hesab edir ki, inzibati həbsdə saxlama müddətinin əvvəli inzibati xəta törətmiş şəxsin protokol tərtib etmək üçün gətirildiyi vaxtdan, yəni 05 may 2021-ci il tarixdən saat 15:45-dən hesablanmalıdır. Belə ki, Azərbaycan Respublikasının İnzibati Xətalar Məcəlləsinin 89.5-ci maddəsinə əsasən inzibati qaydada tutma müddəti inzibati xəta törətmiş şəxsin protokol tərtib etmək üçün gətirildiyi vaxtdan, sərxoş halda olmuş şəxsin isə ayıldığı vaxtdan hesablanır. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 21, 43, 106-112, 114.1.1, 115.1, 115.5, 117, 128.2.1, 130.1 və 528.1-ci maddələrini rəhbər tutaraq, məhkəmə QƏRARA ALDİ: Şəxs Azərbaycan Respublikasının İnzibati Xətalar Məcəlləsinin 528.1-ci maddəsi ilə təqsirli bilinərək barəsində 10 (on) gün müddətində inzibati həbs tətbiq edilsin. İnzibati həbs haqqında qərar dərhal icra edilsin. İnzibati həbsdə saxlamanın əvvəli 05 may 2021-ci il tarixdən saat 15:45-dən hesablansın. Şəxs Azərbaycan Respublikası Daxili İşlər Nazirliyi tərəfindən müəyyən edilən yerdə mühafizə altında saxlanılsın. Qərarın icrası Nəsimi Rayon İcra Şöbəsinə və Nəsimi Rayon Polis İdarəsinə həvalə edilsin. Qərardan, surəti təqdim edildiyi və ya alındığı gündən 10 (on) gün müddətində şikayət verilə bilər. Hakim: Azər Tağıyev