Bakı Şəhəri Nəsimi Rayon Məhkəməsi Qərar — İş №3(006)-120/2021

Azərbaycan Respublikası adından QƏRAR Bakı şəhəri İş № 3(006)-120/2021 22.01.2021 BAKI ŞƏHƏRİ NƏSİMİ RAYON MƏHKƏMƏSİ Bakı şəhəri Nəsimi Rayon Məhkəməsi Hakim Pənahov Babək Əkbər oğlunun sədrliyi, Məhkəmə iclasının katibi X4, İnzibati xəta haqqında protokolu tərtib etmiş Azərbaycan Respublikası Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin nümayəndəsi X3 iştirakları ilə Şəxs MMC (hüquqi ünvanı: ünvan 1 2572; VÖEN: **********) barəsində Azərbaycan Respublikası İnzibati Xətalar Məcəlləsinin 192.1-ci maddəsi üzrə tərtib olunmuş xx.xx.2020-ci il tarixli, MN ******* saylı inzibati xəta haqqında protokola və ona əlavə edilmiş sənədlərə açıq məhkəmə iclasında baxaraq məhkəmə M Ü Ə Y Y Ə N E T D İ: Şəxs MMC tərəfindən xx.xx.2020-ci il tarixdə, saat 10:54 radələrində Bakı şəhəri, Nəsimi rayonu, 5-ci mkr., 3005-ci məhəllə, 20 Yanvar küçəsində aparılan tikinti işləri zamanı 02 nəfər şəxs Azərbaycan Respublikasının Əmək Məcəlləsində nəzərdə tutulmuş qaydada əmək müqaviləsi (kontraktı) hüquqi qüvvəyə minmədən işlərin (xidmətlərin) yerinə yetirilməsinə cəlb edilmişdir. Məhkəmə iclasında Azərbaycan Respublikası Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin nümayəndəsi X6 izahat verərək bildirdi ki, “Tikinti sahəsində qeyri-rəsmi əmək münasibətlərinin qarşısının alınması ilə bağlı nəzarətin gücləndirilməsinə dair tədbirlər haqqında” Azərbaycan Respublikası Prezidentinin xx.xx.2017-ci il tarixli Fərmanına uyğun olaraq Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi tərəfindən xx.xx.2020-ci il tarixdə Bakı şəhəri, Nəsimi rayonu, 5-ci mkr., 3005-ci məhəllə, 20 Yanvar küçəsində tikilməkdə olan çoxmənzilli yaşayış binasının podratçısı Şəxs MMCdə qeyri-rəsmi əmək münasibətlərinin olub-olmaması hallarının monitorinqi aparılmışdır. Şirkətdə keçirilmiş yoxlama nəticəsində məlum olmuşdur ki, həmin tikinti obyektində Şəxs MMC tərəfindən işə cəlb edilən 13 nəfərdən 02 nəfəri ilə əmək müqaviləsi bağlanmamışdır. Bununla bağlı aidiyyatı materiallar inzibati xəta haqqında iş üzrə icraatın başlanılması üçün Dövlət Əmək Müfəttişliyi Xidmətinə göndərilmiş və aşkar edilmiş faktda İnzibati Xətalar Məcəlləsinin 192.1-ci maddəsinin tərkib əlamətləri olduğudan Şəxs MMC barəsində inzibati xəta haqqında protokol tərtib olunmuşdur. İş üzrə təyin olunmuş üç məhkəmə iclaslarının vaxtı və yeri barədə rəsmi qaydada xəbardarlıq edilməklə bildirişləri müvafiq qaydada almasına baxmayaraq, barəsində inzibati xəta haqqında iş üzrə icraat aparılan hüquqi şəxsin nümayəndəsi məhkəməyə gəlməmiş, bunun səbəbləri barədə məlumat verilməmişdir. Məhkəmə işə nümayəndənin iştirakı olmadan baxılmasını mümkün hesab etmişdir. İş materiallarında olan: - Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin xx.xx.2020-ci il tarixli, **********32 saylı qərarı ilə “Tikinti sahəsində qeyri-rəsmi əmək münasibətlərinin qarşısının alınması ilə bağlı nəzarətin gücləndirilməsinə dair tədbirlər haqqında” Azərbaycan Respublikası Prezidentinin xx.xx.2017-ci il tarixli, 1349 saylı Fərmanına uyğun olaraq Bakı şəhəri, Nəsimi rayonu, 5-ci mkr., 3005-ci məhəllə, 20 Yanvar küçəsində tikilməkdə olan çoxmənzilli yaşayış binasının podratçısı Şəxs MMC-də 2020-ci ilin 19-23 noyabr tarixlərində plandankənar yoxlamanın həyata keçirilməsi qərara alınmışdır; - “Sahibkarlıq sahəsində aparılan yoxlamaların vahid məlumat reyestri”ndən xx.xx.2020-ci il tarixli, KY201543741 çıxarışın surətindən görünür ki, Şəxs MMC-də yoxlama xx.xx.2020-ci il tarixdə başlanır, xx.xx.2020-ci il tarixdə bitir; - Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi tərəfindən tərtib edilmiş xx.xx.2020-ci il tarixli, 00195 saylı yoxlama aktında və 1 və 2 saylı cədvəllərdə göstərilmişdir ki, Şəxs MMC tərəfindən Bakı şəhəri, Nəsimi rayonu, 5-ci mkr., 3005-ci məhəllə, 20 Yanvar küçəsində çoxmənzilli yaşayış binasının tikintisində çalışan 13 nəfərdən 02 nəfər şəxs müqavilə bağlanmadan əmək münasibətlərinə cəlb edilmişdir. Yoxlamanın müddəti: xx.xx.2020-ci il, saat 10:54- 11:51; - Yoxlama aktına əlavə edilmiş “Tikinti obyektində yoxlanılan şəxslərin” siyahılarında Şəxs MMC-də çalışan 15 nəfərin adı göstərilmiş, həmin şəxslərdən 02 nəfərin – 1972-cı il təvəllüdlü (FİN 6F77ZW6) X2, 1980-ci il təvəllüdlü (FİN 3UJ5WYL) X1 əmək və ya xidməti (mülki) müqaviləsinin olmadığı göstərilmişdir. Bu siyahılar orada adları qeyd edilən bütün şəxslər tərəfindən imzalanmışdır; - Kompakt diskdəki görüntülərdə yuxarıda adları çəkilən şəxslərin həqiqətən də Şəxs MMC-də onlar barəsində əmək müqavilə bağlanmadan işlədiklərini etiraf etdikləri görünür. Məhkəmə, proses iştirakçısının izahatını dinləyib, habelə iş materiallarını araşdırıb hesab edir ki, Şəxs MMC tərəfindən Azərbaycan Respublikası İnzibati Xətalar Məcəlləsinin 192.1-ci maddəsində nəzərdə tutulmuş inzibati xətanın törədilməsi tam sübuta yetirilir. Məhkəmə iclasında müəyyən edildi ki, işəgötürən Şəxs MMC tərəfindən Bakı şəhəri, Nəsimi rayonu, 5-ci mkr., 3005-ci məhəllə, 20 Yanvar küçəsində çoxmənzilli yaşayış binasının tikintisində 02 nəfər şəxslə Azərbaycan Respublikasının Əmək Məcəlləsində nəzərdə tutulmuş qaydada əmək müqaviləsi (kontraktı) bağlamadan və hüquqi qüvvəsini almadan müxtəlif işlərin (xidmətlərin) yerinə yetirilməsinə cəlb edilmiş və bu fakt xx.xx.2020-ci il tarixdə, saat 10:54-11:51 radələrində Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin əməkdaşları tərəfindən aparılan yoxlama zamanı aşkar edilmişdir. Azərbaycan Respublikası Əmək Məcəlləsinin: - 3-cü maddəsinə əsasən əmək müqaviləsi (kontraktı) işəgötürənlə işçi arasında fərdi qaydada bağlanan əmək münasibətlərinin əsas şərtlərini, tərəflərin hüquq və vəzifələrini əks etdirən yazılı müqavilədir (5-ci hissə); əmək müqaviləsi bildirişi bu Məcəllənin 7-ci maddəsinin 2-1-ci hissəsi ilə müəyyən edilmiş hallar istisna olmaqla, əmək müqaviləsinin bağlanılmasının, ona dəyişiklik edilməsinin və ya xitam verilməsinin müvafiq icra hakimiyyəti orqanının elektron informasiya sistemində (bundan sonra - elektron informasiya sistemi) elektron qaydada qeydiyyata alınması məqsədi ilə işəgötürən tərəfindən həmin elektron informasiya sisteminə gücləndirilmiş elektron imza vasitəsi ilə daxil edilən elektron sənəddir 5-1-ci hissə); - 7-ci maddəsinin 2-ci hissəsinə görə bu Məcəllənin 7-ci maddəsinin 2-1-ci hissəsi ilə müəyyən edilmiş hallar istisna olmaqla, əmək münasibətləri elektron informasiya sisteminə gücləndirilmiş elektron imza vasitəsi ilə daxil edilmiş əmək müqaviləsi bildirişinin qeydiyyata alınmasından və bu barədə işəgötürənə elektron qaydada məlumat göndərilməsindən sonra yaranır; - 49-cu maddəsinin 1-ci hissəsinə əsasən bu Məcəllənin 7-ci maddəsinin 2-1-ci hissəsi ilə müəyyən edilmiş hallar istisna olmaqla, əmək müqaviləsinin bağlanılması, ona dəyişiklik edilməsi və ya xitam verilməsi bununla bağlı elektron informasiya sisteminə gücləndirilmiş elektron imza vasitəsi ilə daxil edilmiş əmək müqaviləsi bildirişinin həmin elektron informasiya sistemində qeydiyyata alınmasından və bu barədə işəgötürənə elektron qaydada məlumat göndərilməsindən sonra hüquqi qüvvəyə minir. Azərbaycan Respublikası İnzibati Xətalar Məcəlləsinin 192.1-ci maddəsi Azərbaycan Respublikasının Əmək Məcəlləsində nəzərdə tutulmuş qaydada əmək müqaviləsi (kontraktı) hüquqi qüvvəyə minmədən işəgötürən tərəfindən fiziki şəxsləri hər hansı işlərin (xidmətlərin) yerinə yetirilməsinə cəlb edilməsinə görə məsuliyyət nəzərdə tutur. İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 9.1-ci maddəsinin tələbinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmçinin bu Məcəllənin 84-cü maddəsinə görə inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. İnzibati Xətalar Məcəlləsinin 31.3-cü maddəsinə görə hüquqi şəxslər barəsində inzibati tənbeh tətbiq edilərkən, inzibati xətanın xarakteri, inzibati xəta nəticəsində hüquqi şəxsin əldə etdiyi xeyrin həcmi və ya onun maraqlarının təmin edilməsinin xarakteri və dərəcəsi, hüquqi şəxsi xarakterizə edən hallar, o cümlədən onun maliyyə və əmlak vəziyyəti, xeyriyyəçilik və ya digər ictimai faydalı fəaliyyətlə məşğul olması, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə iclasında Şəxs MMC-nin məsuliyyətini yüngülləşdirən və ya ağırlaşdıran hallar müəyyən edilmədi. Beləliklə, məhkəmə Şəxs MMC-nin törətdiyi inzibati xətanın xarakterini, bu xətanın 02 nəfər şəxslə bağlı törədilməsini, inzibati xəta nəticəsində onun maraqlarının təmin edilməsinin dərəcəsini, hüquqi şəxsi xarakterizə edən halları və s. nəzərə alaraq hesab edir ki, ona İnzibati Xətalar Məcəlləsinin 192.1-ci maddəsində nəzərdə tutulmuş cərimə tətbiq olunmalıdır. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40-cı, 43-cü, 48-50-ci, 114-115-ci və 128-130-cu maddələrini rəhbər tutaraq məhkəmə Q Ə R A R A A L D İ: Şəxs MMC Azərbaycan Respublikası İnzibati Xətalar Məcəlləsinin 192.1-ci maddəsində nəzərdə tutulmuş əməli törətməkdə təqsirli bilinərək 25.000 (iyirmi beş min) manat məbləğində cərimə edilsin. Qərardan, onun surəti rəsmi qaydada verildiyi vaxtdan 10 (on) gün müddətində Bakı şəhəri Nəsimi Rayon Məhkəməsi vasitəsilə Bakı Apellyasiya Məhkəməsinə şikayət verilə bilər. Hakim Babək Pənahov