Bakı Şəhəri Nəsimi Rayon Məhkəməsi Qərardad — İş №3(006)-1248/2025

Azərbaycan Respublikası adından QƏRARDAD Bakı şəhəri İş № 3(006)-1248/2025 18.03.2025 BAKI ŞƏHƏRİ NƏSİMİ RAYON MƏHKƏMƏSİ Hakim: Pənahov Babək Əkbər oğlunun sədrliyi Məhkəmə iclasının katibi: X3 iştirakı ilə Şəxs barəsində Azərbaycan Respublikası İnzibati Xətalar Məcəlləsinin 327.8-ci maddəsi üzrə tərtib olunmuş xx.xx.2025-ci il tarixli, İXP ******* saylı inzibati xəta haqqında protokola və ona əlavə edilmiş materiala açıq məhkəmə iclasında baxaraq məhkəmə M Ü Ə Y Y Ə N E T D İ: Təqdim edilmiş sənədlərə görə Şəxs xx.xx.2024-cü il tarixdə, saat 03:00 radələrində etibarnamə olmadan idarə etdiyi “TOYOTA COROLLA FİLDER” markalı, **-BN-*** dövlət qeydiyyat nişanlı avtomobilli ünvan 1 ünvanda hərəkətdə olan zaman sükan arxasında yuxuya getməsi səbəbindən idarəetməni itirmiş, yolun sağ kənarında dayanmış sürücü Zərərçəkmiş şəxs2 idarə etdiyi “Daewoo Gentra” markalı, **-VU-*** dövlət qeydiyyat nişanlı avtomobilin, sonuncu avtomobil qarşısında dayanmış vəziyyətdə olan sürücü Zərərçəkmiş şəxs1 idarə etdiyi “Daewoo Gentra” markalı, **-UK-*** dövlət qeydiyyat nişanlı avtomobilin arxa hissəsindən dəyərək toqquşmuş, nəticədə Zərərçəkmiş şəxs2 yüngül dərəcəli bədən xəsarətinin yetirilməsinə səbəb olan yol-nəqliyyat hadisəsini törətmişdir. Aparılmış araşdırma nəticəsində Şəxs törətdiyi əməldə cinayət tərkibi olmadığından Bakı şəhər Nəsimi Rayon Polis İdarəsinin Təhqiqat şöbəsinin baş təhqiqatçısı X2 tərəfindən qəbul edilmiş xx.xx.2025-ci il tarixli qərarla cinayət işinin başlanılması rədd olunmuş, eyni zamanda həmin qərarda Şəxs əməlində Azərbaycan Respublikası İnzibati Xətalar Məcəlləsinin 327.8-ci maddəsinin tərkib əlamətlərinin mövcudluğu qeyd olunaraq toplanılmış materiallar onun inzibati məsuliyyətə cəlb olunması üçün aidiyyəti üzrə göndərilmişdir. Məhkəmə iclasının vaxtı və yeri barədə xəbardarlıq edilməsinə baxmayaraq, inzibati xəta haqqında protokolu tərtib etmiş Bakı şəhəri Nəsimi Rayon Polis İdarəsinin Dövlət Yol Polis Şöbəsinin nümayəndəsi, barəsində inzibati xəta haqqında iş üzrə icraat aparılan şəxs və zərər çəkmiş şəxslər gəlməmiş, bunun səbəbləri barədə məlumat verilməmişdir. Məhkəmə işə onların iştirakı olmadan baxılmasını mümkün hesab etmişdir. İş materiallarında olan: • Şəxs tərəfindən verilmiş xx.xx.2025-ci il tarixli izahatda qeyd olunur ki, nitq qüsuru olduğu üçün o, atası X4 iştirakı ilə izahat verir; • 29.02.2024-cü il tarixli, BA seriyalı, 444389 saylı sürücülük vəsiqəsinə əsasən Şəxs «B1, B» kateqoriyaları üzrə nəqliyyat vasitəsini idarə etmək hüququna malikdir; • 22.05.2024-cü il tarixli, BB 578220 saylı nəqliyyat vasitəsinin qeydiyyat şəhadətnaməsinin surətindən görünür ki, “TOYOTA FİLDER” markalı, **- BN-*** dövlət qeydiyyat nişanlı nəqliyyat vasitəsi X5 məxsusdur və bu avtomobil xx.xx.2024-cü il tarixli etibarnamə ilə xx.xx.2034-cü il tarixədək idarə edilməsi üçün X1 verilib. Məhkəmə iş materiallarını araşdırıb hesab edir ki, inzibati xəta haqqında protokol tərtib edilərkən inzibati xətalar qanunvericiliyin tələbləri pozulmuş, barəsində icraat aparılan şəxs Şəxs nitq qüsuru olmasına baxmayaraq ona müdafiəçi təqdim olunmamış, habelə onun “TOYOTA COROLLA FİLDER” markalı, **-BN-*** dövlət qeydiyyat nişanlı nəqliyyat vasitəsini müvafiq etibarnamə olmadan idarə etməsinə baxmayaraq, polis orqanı tərəfindən avtomobilin sahibi barədə zəruri tədbirlər görülməmişdir. Azərbaycan Respublikası İnzibati Xətalar Məcəlləsinin 66.1-ci maddəsinə əsasən inzibati qaydada tutulan yetkinlik yaşına çatmayanların, nitq, eşitmə, görmə qabiliyyəti tam məhdud olan, fiziki və ya psixi pozuntularına görə özlərinin müdafiə hüququnu həyata keçirə bilməyən digər şəxslərin işlərində vəkilin iştirakı məcburidir. Göstərilən hallarda barəsində inzibati xəta haqqında iş üzrə icraat aparılan şəxsin müdafiəçidən imtinası qəbul olunmur. Lakin təqdim edilmiş materiallarda baş vermiş yol nəqliyyat hadisəsi ilə əlaqədar barəsində icraat aparılan şəxs Şəxs müdafiəçisinin cəlb edilməsi görünmür. İnzibati Xətalar Məcəlləsinin 106.0.3 və 106.0.5-ci maddələrinə əsasən hakim, səlahiyyətli orqan (vəzifəli şəxs) inzibati xətalar haqqında işlərə baxarkən inzibati xəta haqqında protokol və işin digər materialları bu Məcəllənin tələblərinə müvafiq olaraq tərtib edilib-edilməməsini və mahiyyəti üzrə baxılması üçün işdə kifayət qədər sübutların toplanıb-toplanmaması məsələlərini həll edir. Bu Məcəllənin 109.1.6-cı maddəsinə görə inzibati xəta haqqında işin baxılmağa hazırlanması zamanı protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda, işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması barəsində qərardad qəbul edilir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 109-cu maddəsini rəhbər tutaraq məhkəmə Q Ə R A R A A L D İ: Şəxs barəsində Azərbaycan Respublikası İnzibati Xətalar Məcəlləsinin 327.8-ci maddəsi üzrə tərtib olunmuş xx.xx.2025-ci il tarixli, İXP ******* saylı inzibati xəta haqqında protokol və ona əlavə edilmiş sənədlər geri qaytarılsın. Hakim Babək Pənahov