Bakı Şəhəri Nəsimi Rayon Məhkəməsi Qərar — İş №3(006)-1654/2021

Azərbaycan Respublikası adından QƏRAR Bakı şəhəri İş № 3(006)-1654/2021 21.09.2021 BAKI ŞƏHƏRİ NƏSİMİ RAYON MƏHKƏMƏSİ Hakim Mustafayeva Solmaz Rafael qızının sədrliyi, məhkəmə iclas katibi Fərəcova Təranə Aydın qızının katibliyi, barəsində inzibati xəta haqqında iş üzrə icraat aparılan Şəxs, tələbkar X2 və Nəsimi rayon İcra Şöbəsinin icra məmuru X1 iştirakı ilə, xx.xx.1962-ci ildə Quba şəhərində anadan olmuş, Azərbaycan Respublikasının vətəndaşı, subay, ünvan 1 ünvanında qeydiyyatda olan Şəxs barəsində Bakı şəhəri Nəsimi rayon İcra şöbəsindən daxil olmuş inzibati xəta haqqında materiallara baxaraq, MÜƏYYƏN ETDİ: Nəsimi rayon İcra Şöbəsinin icra məmuru X1 tərtib etdiyi 01.07.2021-ci il tarixli, MN ******* saylı inzibati xəta haqqında protokola görə Bakı Apelyasiya Məhkəməsinin 13.11.2019-cu il tarixli, 2(103)-12972/2019 saylı icra vərəqəsinə əsasən borclu Şəxs 3.750 manat məbləğində pul tutularaq tələbkar X3 ödənilməlidir. Lakin borclu öz üzərinə düşən vəzifələri icra etməmiş, icra sənədi üzrə yaranmış borcunu ödəməmişdir. Məhkəmə iclasında Nəsimi rayon İcra Şöbəsinin icra məmuru X4 bildirmişdir ki, Bakı Apelyasiya Məhkəməsinin 13.11.2019-cu il tarixli, 2(103)-12972/2019 saylı icra vərəqəsinə əsasən borclu Şəxs əsas borc üzrə 3.750 manat məbləğində pul tutularaq tələbkar X3 ödənilməlidir. Lakin borclu Şəxs edilmiş xəbərdarlığa baxmayaraq o, icra sənədi üzrə yaranmış borcunu ödəməkdən boyun qaçırmışdır. Qeyd olunanlara əsasən Şəxs inzibati məsuliyyətə cəlb olunmasını xahiş etmişdir. Məhkəmə iclasında tələbkar X6 izahatında göstərdi ki, borclu Şəxs məhkəmə qətnaməsinin icrasına etinasız yanaşır. Məhkəmə qətnaməsinin icrasından bu və ya digər formada yayınma məhkəmə hakimiyyətinin nüfuzuna zərər vurulmasıdır. Şəxs icra vərəqəsinin 13.11.2019-cu il tarixdə verilməsinə baxmayaraq bu vaxta kimi məhkəmə qətnaməsini qərəzli olaraq icra etməmişdir. Borclu 3750 manat borcundan bugünədək heç bir ödəniş etməmişdir. Göstərilənləri nəzərə alaraq məhkəmədən barəsində inzibati xəta haqqında iş üzrə icraat aparılan şəxs barəsində qanunauyğun qərar qəbul edilməsini xahiş etmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs izahatında göstərdi ki, o, icra sənədinin icrasından boyun qaçırmamışdır. Satıcı işləyir, ailənin yeganə qazanc gətirənidir. İcra sənədi ilə bağlı borcundan 450 manat ödəmiş və qalan borcu da ödəməyə çalışacaqdır. Qeyd olunanların nəzərə alınmasını xahiş etmişdir. Bakı Şəhəri Bakı Apelyasiya Məhkəməsi tərəfindən verilmiş 2(103)-12972/2019 saylı, 13.11.2019-cu il il tarixli icra vərəqəsindən görünür ki, Bakı Şəhəri Nəsimi Rayon Məhkəməsinin 07.08.2019-cu il tarixli 2(006)-4060/2019 saylı qətnaməsi dəyişdirilmiş, iddia qismən təmin edilməklə cavabdeh Şəxs əsas borcdan 3750 manat məbləğində pul vəsaitinin alınaraq iddiaçı X5 ödənilməsi qərara alınmışdır. Bakı Şəhəri Nəsimi rayon İcra və probasiya şöbəsinin 21.12.2020-ci il tarixli “icraata başlamaq” haqqında qərarının və həmin tarixli, e226208/2020-5-33 nömrəli müvafiq bildirişin surətindən görünür ki, borclu Şəxs icraata başlama haqqında qərarın surəti göndərilmiş və o, Bakı Apellyasiya Məhkəməsi tərəfindən verilmiş 2(103)-12972/2019 saylı, 13.11.2019-cu il tarixli icra sənədinin üzrsüz səbəbdən icra edilməməsinin hüquqi nəticələri barədə 10.03.2021-ci il və 17.04.2021-ci il tarixlərində xəbərdar edilmişdir. Bakı Şəhəri Nəsimi rayon İcra və probasiya şöbəsinin icra məmuru tərəfindən xəbərdarlıqlar edilməsinə baxmayaraq, Şəxs 2(103)-12972/2019 saylı, 13.11.2019-cu il tarixli icra vərəqəsi üzrə yaranmış 3750 manat aliment borcundan lazımı qaydada ödəniş etməmiş və ona görə də onun barəsində 01.07.2021-ci il tarixdə, MN ******* nömrəli inzibati xəta haqqında protokol tərtib olunmuşdur Belə ki, Bakı Şəhəri Nəsimi rayon İcra və probasiya şöbəsinin icra məmuru X4 tərəfindən tərtib olunmuş 01.07.2021-ci il tarixdə, MN ******* nömrəli inzibati xəta haqqında protokoldan da görünür ki, icra sənədi üzrə tələb borclu tərəfindən hazırki tarixədək təmin edilməmişdir. Azərbaycan Respublikası Konstitusiyanın 129-cu maddəsinə görə məhkəmənin qəbul etdiyi qərarlar dövlətin adından çıxarılır və onların icrası məcburidir. Məhkəmə qərarının icra olunmaması qanunla müəyyən edilmiş məsuliyyətə səbəb olur. Azərbaycan Respublikası Mülki-Prosessual Məcəlləsinin 15.2-ci maddəsinə əsasən məhkəmələrin qanuni qüvvəyə minmiş qətnaməsi, qərardadı, qərarı, əmri bütün dövlət hakimiyyəti, yerli özünüidarə orqanları, onların vəzifəli şəxsləri, ictimai birliklər, siyasi partiyalar, həmkarlar ittifaqları, onların vəzifəli şəxsləri, həmçinin fiziki və hüquqi şəxslər üçün məcburidir və Azərbaycan Respublikasının bütün ərazisində hökmən icra olunmalıdır. «İcra məmurları haqqında» Azərbaycan Respublikası Qanununun 10-cu maddəsinə əsasən icra məmurlarının öz səlahiyyətləri hüdudunda irəli sürdükləri tələblər Azərbaycan Respublikası ərazisində bütün fiziki və hüquqi şəxslər üçün məcburidir. İcra məmurlarının qanuni tələblərini yerinə yetirməyən, ona həvalə edilmiş vəzifələrin icrasına mane olan şəxslər qanunvericiliklə nəzərdə tutulmuş qaydada məsuliyyət daşıyırlar. Azərbaycan Respublikası İnzibati Xətalar Məcəlləsinin 528.1-ci maddəsinə əsasən məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə - fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. Məhkəmə iclasında tədqiq edilmiş inzibati xəta haqqında protokol, icra məmurunun, barəsində inzibati xəta haqqında iş üzrə icraat aparılan şəxsin izahatları və inzibati materialda olan digər sənədlərlə sübuta yetirilmişdir ki, Şəxs məhkəmə qərarı ilə üzərinə qoyulmuş öhdəliyi üzrsüz səbəbdən yerinə yetirməyərək icra məmuru tərəfindən müəyyən olunmuş müddətdə Bakı Apelyasiya Məhkəməsinin 13.11.2019-cu il tarixli, 2(103)- 12972/2019 saylı icra sənədinin icrasını təmin etməmişdir. Bununla da, Şəxs məhkəmə qərarında göstərildiyi qaydada üzərinə düşən öhdəliyi icra etməmiş və icra vərəqəsinin icrasına səhlənkar yanaşmışdır. Bu isə öz növbəsində keçən müddət ərzində icrası məcburi olan Azərbaycan Respublikası adından qəbul edilmiş məhkəmə aktına vətəndaşın səthi və etinasız yanaşmasına dəlalət edir. Bununla da, Şəxs Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətmişdir. Şəxs Dövlət adından çıxarılmış məhkəmə qərarına etinasız yanaşmasının ictimai təhlükəliliyi ondan ibarətdir ki, bu hərəkətlərə yol verməklə o, məhkəmə orqanlarını nüfuzdan salır və bununla da, vətəndaşların məhkəmə sisteminə inamını azaldır. Azərbaycan Respublikası İXM-nin 32.2-ci maddəsinə əsasən inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınmalıdır. Məhkəmə iclasında Şəxs məsuliyyətini yüngülləşdirən və ağırlaşdıran hallar müəyyən edilmədi. Məhkəmə, Şəxs tərəfindən törədilən inzibati xətanın xarakterini, onun şəxsiyyətini, təqsirinin dərəcəsini və işin digər hallarını nəzərə alaraq, iş üzrə sübutları qiymətləndirərək, hesab edir ki, Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirli bilinməli və ona adıçəkilən maddənin sanksiyasının hədləri daxilində inzibati cərimə növündə inzibati tənbeh tətbiq edilməlidir. Göstərilənlərə əsasən və Azərbaycan Respublikası İnzibati Xətalar Məcəlləsinin 43, 115, 117, 128, 129 və 130-cu maddələrini rəhbər tutaraq, məhkəmə QƏRARA ALDİ: Şəxs Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətməkdə təqsirli bilinib, 500 (beş yüz) manat məbləğində inzibati qaydada cərimə edilsin. Qərarın surəti rəsmi qaydada verildiyi gündən 10 (on) gün müddətində Nəsimi rayon Məhkəməsi vasitəsi ilə Bakı Apelyasiya Məhkəməsinə şikayət verilə bilər. Sədrlik edən Solmaz Mustafayeva