Bakı Şəhəri Nəsimi Rayon Məhkəməsi Qərar — İş №3(006)-1657/2021

Azərbaycan Respublikası adından QƏRAR Bakı şəhəri İş № 3(006)-1657/2021 02.08.2021 BAKI ŞƏHƏRİ NƏSİMİ RAYON MƏHKƏMƏSİ Hakim Tağıyev Azər Heydər oğlunun sədrliyi, Cəbizadə Aybəniz Emin qızının katibliyi, Nəsimi Rayon İcra Şöbəsinin icra məmuru X2, barəsində inzibati xəta haqqında iş üzrə icraat aparılan hüquqi şəxs "xxxx" ASC-nin nümayəndəsi X1 iştirakları ilə, "xxxx" ASC-nin Azərbaycan Respublikasının İnzibati Xətalar Məcəlləsinin 528.1-ci maddəsi ilə nəzərdə tutulmuş inzibati xətanı törətməsinə dair protokola və ona əlavə olunmuş materiallara açıq məhkəmə iclasında baxaraq, məhkəmə MÜƏYYƏN ETDİ: "xxxx" ASC-nin Azərbaycan Respublikasının İnzibati Xətalar Məcəlləsinin 528.1-ci maddəsi ilə nəzərdə tutulmuş inzibati xətanı törətməsinə dair 01 iyul 2021-ci il tarixli MN seriyalı ******* saylı inzibati xəta haqqında protokol Nəsimi Rayon Məhkəməsinə təqdim edilmişdir. İnzibati xəta haqqında protokola əsasən "xxxx" ASC Şirvan Kommersiya Məhkəməsinin 21 aprel 2021-ci il tarixli, 2(86)-187/2010 saylı icra sənədinin icrası ilə bağlı icra məmurunun qanuni tələblərini yerinə yetirmir. Göstərilənlərə əsasən "xxxx" ASC Azərbaycan Respublikasının İnzibati Xətalar Məcəlləsinin 528.1-ci maddəsi ilə nəzərdə tutulmuş inzibati xətanı törətmişdir. Məhkəmə iclasında iştirak edən inzibati xəta haqqında protokolu tərtib etmiş Nəsimi rayon İcra Şöbəsinin icra məmuru R.A.Əhmədov inzibati xəta haqqında protokolu müdafiə edərək bildirmişdir ki, Şirvan Kommersiya Məhkəməsinin 21 aprel 2021-ci il tarixli, 2(86)- 187/2010 saylı icra vərəqəsinə əsasən iddia qismən təmin edilmiş, elektrik enerjisinin kəsilməsi nəticəsində "xxxx" MMC-yə vurulmuş maddi zərər 510.479 manat 63 qəpik məbləğində müəyyən edilmiş, elektrik enerjisinin kəsilməsi nəticəsində iddiaçıya vurulmuş 510.479 manat 63 qəpik məbləğində maddi zərər "xxxx" MMC-nin gələcəkdə istehlak edəcəyi elektrik enerjisinin dəyəri ilə əvəzləşdirilmiş, iddia 11.197 manat 14 qəpik məbləğində dəymiş maddi zərərin gələcəkdə istehlak ediləcək elektrik enerjisinin dəyəri ilə əvəzləşdirilməsi tələbi hissəsində rədd edilmiş, işə baxılması ilə əlaqədar "xxxx" MMC tərəfindən ödənilmiş 20 manat dövlət rüsumu cavabdeh “X3 Elektrik Şəbəkəsi” MMC-dən tutularaq iddiaçıya verilməli, məhkəmə tərəfindən təyin edilmiş ekspertiza tədqiqatlarının dəyəri 150 manat “X3 Elektrik Şəbəkəsi” MMC-dən tutularaq dövlət büdcəsinə köçürülməlidir. İcra sənədi üzrə 22 aprel 2021-ci il tarixdə icraata başlamaq haqqında qərar qəbul edilərək bildirişlə borcluya göndərilmiş, könüllü müddət ərzində məhkəmə qərarı icra edilmədiyi üçün borclu "xxxx" ASC-nə inzibati məsuliyyət barədə xəbərdarlıq göndərilərək icra sənədinin icrasının təmin olunması tələb olunmuşdur. Tələbkar şöbəyə müraciət edərək məhkəmə qərarının icra olunmamasını bildirmişdir. 24 iyun 2021-ci il tarixdə borclu "xxxx" ASC-nə müraciət olunaraq məhkəmə qərarının icrası ilə əlaqədar icra məmurunun qanuni tələblərinin yerinə yetirilmədiyi səbəbindən barəsində inzibati protokol tərtib edilməsi məqsədilə sözügedən icra sənədinin icrasına məsul edilmiş şəxsin 01 iyul 2021-ci il saat 10:00-da icra şöbəsinə gəlməsini təmin olunması tələb olunmuşdur. Eyni zamanda borcluya icra məmurunun qanuni tələblərinin yerinə yetirilməməsinə görə inzibati məsuliyyət nəzərdə tutulması barədə xəbərdarlıq edilmişdir. Qeyd olunanlara baxmayaraq borclunun nümayəndəsi şöbəyə gəlməmişdir (müvafiq akt tərtib edilmişdir) və bununla da məhkəmə qərarının icrası ilə əlaqədar icra məmurunun qanuni tələblərini yerinə yetirməmişdir. Buna görə də ASC barəsində inzibati xəta haqqında protokol tərtib edilmişdir. Daha sonra, "xxxx" ASC tərəfindən icra şöbəsinə 02 avqust 2021-ci il tarixli məktubla Şirvan Kommersiya Məhkəməsinin 21 aprel 2021-ci il tarixli, 2(86)-187/2010 saylı icra vərəqəsinin ASC tərəfindən icra edilməsi barədə məlumat daxil olmuşdur. Bununla da, "xxxx" ASC tərəfindən icra sənədi tam icra edilmişdir. Göstərilənləri nəzərə alaraq "xxxx" ASC barəsində başlanılmış inzibati iş üzrə icraata xitam verilməsini məhkəmədən xahiş etmişdir. Məhkəmə iclasında iştirak edən barəsində inzibati xəta haqqında iş üzrə icraat aparılan hüquqi şəxs "xxxx" ASC-nin nümayəndəsi C.T.Aslanov bildirmişdir ki, Şirvan Kommersiya Məhkəməsinin 21 aprel 2021-ci il tarixli, 2(86)-187/2010 saylı icra vərəqəsinin ASC tərəfindən tamamilə icra edilmişdir, həmin halı təsdiq edən sənədləri məhkəməyə təqdim edir. Göstərilənləri nəzərə alaraq "xxxx" ASC-nin barəsində başlanmış inzibati iş üzrə icraata xitam verilməsini məhkəmədən xahiş etmişdir. Məhkəmə proses iştirakçılarını dinləyib, toplanmış sübutlara məcmu halda hüquqi qiymət verərək hesab edir ki, "xxxx" ASC-nin barəsində Azərbaycan Respublikasının İXMnin 528.1-ci maddəsi ilə olan inzibati xəta haqqında iş üzrə icraata xitam verilməlidir. Belə ki, iş materiallarında olan Şirvan Kommersiya Məhkəməsinin 21 aprel 2021-ci il tarixli, 2(86)-187/2010 saylı icra vərəqəsinə əsasən iddia qismən təmin edilmiş, elektrik enerjisinin kəsilməsi nəticəsində "xxxx" MMC-yə vurulmuş maddi zərər 510.479 manat 63 qəpik məbləğində müəyyən edilmiş, elektrik enerjisinin kəsilməsi nəticəsində iddiaçıya vurulmuş 510.479 manat 63 qəpik məbləğində maddi zərər "xxxx" MMC-nin gələcəkdə istehlak edəcəyi elektrik enerjisinin dəyəri ilə əvəzləşdirilmiş, iddia 11.197 manat 14 qəpik məbləğində dəymiş maddi zərərin gələcəkdə istehlak ediləcək elektrik enerjisinin dəyəri ilə əvəzləşdirilməsi tələbi hissəsində rədd edilmiş, işə baxılması ilə əlaqədar "xxxx" MMC tərəfindən ödənilmiş 20 manat dövlət rüsumu cavabdeh “X3 Elektrik Şəbəkəsi” MMC-dən tutularaq iddiaçıya verilməli, məhkəmə tərəfindən təyin edilmiş ekspertiza tədqiqatlarının dəyəri 150 manat “X3 Elektrik Şəbəkəsi” MMC-dən tutularaq dövlət büdcəsinə köçürülməlidir. İş materiallarına əlavə edilmiş "xxxx" ASC tərəfindən Nəsimi Rayon İcra Şöbəsinə ünvanlanmış 02 avqust 2021-ci il tarixli məktubdan görünür ki, Şirvan Kommersiya Məhkəməsinin 21 aprel 2021-ci il tarixli, 2(86)-187/2010 saylı icra vərəqəsi ASC tərəfindən icra edilmişdir. Beləliklə, məhkəmə iclasında müəyyən edilmişdir ki, Şirvan Kommersiya Məhkəməsinin 21 aprel 2021-ci il tarixli, 2(86)-187/2010 saylı icra vərəqəsinə əsasən iddia qismən təmin edilmiş, elektrik enerjisinin kəsilməsi nəticəsində "xxxx" MMC-yə vurulmuş maddi zərər 510.479 manat 63 qəpik məbləğində müəyyən edilmiş, elektrik enerjisinin kəsilməsi nəticəsində iddiaçıya vurulmuş 510.479 manat 63 qəpik məbləğində maddi zərər "xxxx" MMC-nin gələcəkdə istehlak edəcəyi elektrik enerjisinin dəyəri ilə əvəzləşdirilmiş, iddia 11.197 manat 14 qəpik məbləğində dəymiş maddi zərərin gələcəkdə istehlak ediləcək elektrik enerjisinin dəyəri ilə əvəzləşdirilməsi tələbi hissəsində rədd edilmiş, işə baxılması ilə əlaqədar "xxxx" MMC tərəfindən ödənilmiş 20 manat dövlət rüsumu cavabdeh “X3 Elektrik Şəbəkəsi” MMC-dən tutularaq iddiaçıya verilməsi və məhkəmə tərəfindən təyin edilmiş ekspertiza tədqiqatlarının dəyəri 150 manat “X3 Elektrik Şəbəkəsi” MMC-dən tutularaq dövlət büdcəsinə köçürülməsi qərara alınmışdır. İcra sənədi üzrə 22 aprel 2021-ci il tarixdə icraata başlamaq haqqında qərar qəbul edilərək bildirişlə borcluya göndərilmişdir. Könüllü müddət ərzində məhkəmə qərarı icra edilmədiyi üçün borclu "xxxx" ASC-nə inzibati məsuliyyət barədə xəbərdarlıq göndərilərək icra sənədinin icrasını təmin olunması tələb olunmuşdur. Lakin dəfələrlə xəbərdarlıq edilməsinə baxmayaraq icra sənədi borclu tərəfindən icra edilmədiyindən onun barəsində inzibati xəta haqqında protokol tərtib edilərək baxılması üçün məhkəməyə göndərilmişdir. Həmçinin müəyyən edilmişdir ki, "xxxx" ASC tərəfindən Şirvan Kommersiya Məhkəməsinin 21 aprel 2021-ci il tarixli, 2(86)-187/2010 saylı icra sənədi icra edilmişdir. Məhkəmə qeyd etməyi zəruri hesab edir ki, iş materiallarından da göründüyü kimi hazırda sözügedən icra sənədi üzrə borc "xxxx" ASC tərəfindən zəruri tədbirlər görüldüyündən həmin icra sənədinin sonuncusu tərəfindən qərəzli olaraq icra edilməməsindən söhbət gedə bilməz. Azərbaycan Respublikasının İXM-nin 528.1-ci maddəsinə əsasən, məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. Təsvir olunanlardan görünür ki, məhkəmə araşdırması zamanı müəyyən edilmişdir ki, barəsində inzibati xəta haqqında iş üzrə icraat aparılan şəxs "xxxx" ASC-yə istinad edilən inzibati xəta hadisəsi hal-hazırda mövcud deyildir. Belə ki, Azərbaycan Respublikasının İXM-nin 3-cü maddəsinə əsasən, yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 8.1-ci maddəsinə əsasən, barəsində inzibati xəta haqqında iş üzrə icraat aparılan şəxsin təqsiri bu Məcəllədə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsirsiz hesab edilir. Həmin Məcəllənin 8.2-ci maddəsinə əsasən, inzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. Həmin Məcəllənin 8.3-cü maddəsinə əsasən, inzibati məsuliyyətə cəlb olunan şəxsin təqsirli olması barəsində şübhələr onun xeyrinə həll edilir. Azərbaycan Respublikasının İXM-nin 53.0.1-ci maddəsinə əsasən, inzibati xəta hadisəsi olmadıqda - inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Həmin Məcəllənin 105.1-ci maddəsinə əsasən, bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Həmin Məcəllənin 109.2-ci maddəsinə əsasən, bu Məcəllənin 53 və 104.1-ci maddələrində nəzərdə tutulmuş hallar olduqda inzibati xəta haqqında iş üzrə icraata xitam verilməsi və ya inzibati xəta haqqında iş üzrə icraatın dayandırılması barədə qərar qəbul edilir. Beləliklə məhkəmə hesab edir ki, barəsində inzibati iş üzrə icraat aparılan şəxs "xxxx" ASC-yə istinad edilən inzibati xəta hadisəsi olmadığına görə, iş üzrə icraata xitam verilməlidir. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 40, 43, 48-51, 114-117, 128-130 və 528.1-ci maddələrini rəhbər tutaraq, məhkəmə QƏRARA ALDİ: "xxxx" ASC-nin barəsində Azərbaycan Respublikasının İnzibati Xətalar Məcəlləsinin 528.1-ci maddəsi ilə başlanılmış inzibati iş üzrə icraata xitam verilsin. Qərardan 10 gün müddətində Bakı Şəhəri Nəsimi Rayon Məhkəməsi vasitəsi ilə Bakı Apelyasiya Məhkəməsinə apelyasiya şikayəti verilə bilər. Hakim: Azər Tağıyev