Bakı Şəhəri Nəsimi Rayon Məhkəməsi Qərardad — İş №3(006)-1707/2022

Azərbaycan Respublikası adından QƏRARDAD Bakı şəhəri İş № 3(006)-1707/2022 12.05.2022 BAKI ŞƏHƏRİ NƏSİMİ RAYON MƏHKƏMƏSİ Mən, Nəsimi rayon məhkəməsinin hakimi Hüseynov Elməddin Mirpaşa oğlu, X1 Azərbaycan Respublikası Daxili İşlər Nazirliyinin DYP İdarəsi və Bakı Nəqliyyat Agentliyi tərəfindən qəbul edilmiş inzibati tənbeh vermə haqqında elektron qərarlardan verdiyi şikayətini və ona əlavə edilmiş sənədləri məhkəmə iclasında baxmağa hazırlayarkən MÜƏYYƏN ETDİM: X2 şikayət ərizəsi ilə məhkəməyə müraciət edərək Azərbaycan Respublikası Daxili İşlər Nazirliyinin DYP İdarəsi və Bakı Nəqliyyat Agentliyi tərəfindən qəbul edilmiş inzibati tənbeh vermə haqqında elektron qərarların ləğv edilməsini və barəsində başlanmış inzibati işlər üzrə icraata xitam verilməsini məhkəmədən xahiş etmişdir Şikayət ərizəsini və ona əlavə olunmuş materialları nəzərdən keçirib hesab edirəm ki, şikayət ərizəsi geri qaytarılmalıdır. Belə ki, iş materiallarına əlavə edilmiş my.gov.az saytından əldə olunmuş cərimələrə dair məlumatlardan görünür ki, inzibati xətalar fərqli ərazilərdə törədilmiş və bununla bağlı da ayrı-ayrı qərarlar qəbul olunmuşdur. Azərbaycan Respublikası Konstitusiya Məhkəməsinin “Azərbaycan Respublikası İnzibati Xətalar Məcəlləsinin 129.1.3-cü maddəsinin şərh olunmasına dair” Azərbaycan Respublikası Konstitusiya Məhkəməsi Plenumunun 4 noyabr 2020-ci il tarixli qərarına əsasən qanunverici tərəfindən Azərbaycan Respublikası İnzibati Xətalar Məcəlləsinin 129.1.3-cü maddəsində dəyişikliklər edilənədək səalhiyyətli orqanın (vəzifəli şəxsin) qərarından məhkəməyə şikayət həmin Məcəllənin 110.1-ci maddəsində müəyyən olunmuş qaydaya uyğun olaraq inzibati xətanın törədildiyi və yaxud barəsində qərar çıxarılmış şəxsin vəsatətinə əsasən onun yaşadığı yer üzrə verilə bilər. Məhz bu səbəbdən də Konstitusiya Məhkəməsinin yuxarıda qeyd olunan qərarında göstərilən müddəalar nəzərə alınmalı və inzibati xəta haqqında qərarlardan şikayət inzibati xətanın törədildiyi və yaxud barəsində qərar çıxarılmış şəxsin vəsatətinə əsasən onun yaşadığı yer üzrə verilməlidir. Həmçinin şikayət ərizəsindən görünür ki, şikayətçi tərəfindən hər bir qərar üzrə ayrıayrılıqda şikayət verilməli olduğu halda bütün inzibati qərarlar bir şikayət ərizəsində öz əksini tapmışdır. Azərbaycan Respublikası İnzibati Xətalar Məcəlləsinin 34.1-ci maddəsinə əsasən bir şəxs iki və ya daha çox inzibati xəta törətdikdə, onun barəsində hər bir inzibati xətaya görə ayrılıqda inzibati tənbeh tətbiq edilir. İş materiallarından müəyyən edilir ki, müxtəlif vaxtlarda törədilmiş inzibati xətalara görə X1 barəsində ayrı-ayrı inzibati xəta haqqında protokollar tərtib edilmiş və həmin protokollar əsasında ayrı-ayrı inzibati tənbeh vermə haqqında qərarlar qəbul edilmişdir. İşin hallarını və qanunvericiliyin tələblərini nəzərə alaraq hesab edirəm ki, fərqli vaxtlarda törədilmiş müxtəlif inzibati xətaya görə X1 barəsində tərtib edilmiş protokollar əsasında qəbul edilmiş inzibati tənbeh vermə haqqında qərarlardan şikayətə bir icraatda baxıla bilməz. Qeyd olunanlara əsasən belə nəticəyə gəlirəm ki, X2 tərəfindən verilmiş şikayətə baxılması qeyri-mümkün olduğundan şikayət geri qaytarılmalıdır. Göstərilənlərə əsasən və Azərbaycan Respublikası İnzibati Xətalar Məcəlləsinin 132.1.2-ci maddəsini rəhbər tutaraq, QƏRARA ALDİM: X1 Azərbaycan Respublikası Daxili İşlər Nazirliyinin DYP İdarəsi və Bakı Nəqliyyat Agentliyi tərəfindən qəbul edilmiş inzibati tənbeh vermə haqqında elektron qərarlardan verdiyi şikayəti geri qaytarılsın. Şikayəçiyə izah edilsin ki, barəsində qəbul edilmiş inzibati xəta haqqında iş üzrə qərarların hər birindən ayrı-ayrılıqda şikayət verə bilər. Hakim: Elməddin Hüseynov