Bakı Şəhəri Nəsimi Rayon Məhkəməsi Qərar — İş №3(006)-1875/2022

Azərbaycan Respublikası adından QƏRAR Bakı şəhəri İş № 3(006)-1875/2022 25.05.2022 BAKI ŞƏHƏRİ NƏSİMİ RAYON MƏHKƏMƏSİ Hakim: Pənahov Babək Əkbər oğlunun sədrliyi Məhkəmə iclasının katibi: X7 İnzibati xəta haqqında Nəsimi rayon İcra şöbəsinin icra məmuru protokolu tərtib etmiş: X1 Zərər çəkmiş şəxs: X4 Barəsində inzibati xəta haqqında Şəxs iş üzrə icraat aparılan şəxs: iştirakları ilə xx.xx.1987-ci ildə Bakı şəhərində anadan olmuş, Azərbaycan Respublikasının vətəndaşı (FİN:xxxxxxx), subay, Bakı şəhəri, Nəsimi rayonu, Ş.Əzizbəyov küçəsi, ev 197, mənzil 10-da qeydiyyatda olan Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi üzrə tərtib olunmuş 25.05.2022-ci il tarixli, MN ******* saylı inzibati xəta haqqında protokola və ona əlavə edilmiş sənədlərə açıq məhkəmə iclasında baxaraq M Ü Ə Y Y Ə N E T D İ: Bakı şəhəri Nəsimi Rayon Məhkəməsinin 13.02.2020-ci il tarixli, 2(006)-1062/2020 saylı icra sənədinə əsasən X3 13.11.2017-ci il tarixli kredit müqaviləsi üzrə 160.000 ABŞ dolları məbləğində pul, habelə 30 manat ödənilmiş dövlət rüsumunun əvəzi alınaraq X5 verilməlidir. Borclu icra sənədində göstərilən tələbi heç bir üzürlü səbəb olmadan qərəzli olaraq icra etmir. Məhkəmə iclasında icra məmuru X2 izahat verərək bildirdi ki, Bakı şəhəri Nəsimi Rayon Məhkəməsinin 13.02.2020-ci il tarixli, 2(006)-1062/2020 saylı icra sənədinə əsasən X3 13.11.2017-ci il tarixli kredit müqaviləsi üzrə 160.000 ABŞ dolları məbləğində pul, habelə 30 manat ödənilmiş dövlət rüsumunun əvəzi alınaraq X5 verilməlidir. 05.05.2020-ci il tarixdə icraata başlamaq haqqında qərar qəbul edilmiş, tələbin könüllü icrası barədə bildiriş borclunun nümayəndəsinə 03.06.2020-ci il tarixdə imza etdirilməklə təqdim olunmuş və Şəxs izahatı alınmışdır. Daha sonra borclu icra şöbəsinə gəlməkdən yayındığı üçün onun məcburi gətirilməsi barədə qərar verilmiş, 12.06.2021-ci il tarixli izahatında borclu guya tələbkara 90.000 ABŞ dollarının ödənilməsini bildirsə də, bu öz təsdiqini tapmamışdır. X8 qeydiyyatda olduğu ünvanda yaşamadığı üçün onun axtarışı elan olunmuş və o, bu gün icra şöbəsinə təqdim edilmişdir. Borclu müxtəlif bəhanələr gətiməklə icra sənədinin icrasından qərəzli olaraq yayınır. Məhkəmə iclasında zərər çəkmiş şəxs X9 izahatında göstərdi ki, Şəxs icra sənədi üzrə ona indiyə kimi heç bir ödəniş etməmiş, qeydiyyatda olduğu ünvanda da yaşamır. Onun yaxınları da borcun ödənilməsi üçün tədbirlər görəcəyinə söz versələr də, sonradan onun telefon zənglərinə cavab verməmiş, hətta “blok” etmişlər. İcra sənədi üzrə borcun ödənilməsini tələb edir, əks təqdirdə ona ən ağır tənbehin tətbiq olunmasını xahiş edir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs izahat verərək bildirdi ki, o, Bakı şəhəri Nəsimi Rayon Məhkəməsinin 13.02.2020-ci il tarixli, 2(006)-1062/2020 saylı icra sənədi üzrə ondan tutulmalı olan 160.000 ABŞ dollarından 70.000 ABŞ dollarını tələbkara ödəsə də, sonuncu bunu danır. Hazırda aralarında bağlanılmış 13.11.2017-ci il tarixli kredit müqaviləsinin ləğvi ilə bağlı məhkəməyə müraciət etmiş, lakin həm birinci instansiya, həm də apellyasiya instansiya məhkəmələri tərəfindən tələbi təmin olunmamışdır. Qətnamədən kassasiya şikayəti vermək fikrindədir. Bununla belə borcu üzrə hər ay 5-10 min manat ödəmək fikrindədir. Qeyd olunanların nəzərə alınmasını xahiş etdi. Məhkəmə tərəflərin izahatlarını və iş materiallarını nəzərdən keçirib müəyyən edir ki, Şəxs Bakı şəhəri Nəsimi Rayon Məhkəməsinin 13.02.2020-ci il tarixli, 2(006)-1062/2020 saylı icra sənədinin icrası ilə əlaqədar icra məmurunun qanuni tələblərini yerinə yetirməmiş, 160.000 ABŞ dolları üzrə tələbkara heç bir ödəniş etməmiş, üzrsüz olaraq icra sənədini şəkildə icra etməmişdir. Azərbaycan Respublikası Konstitusiyanın 129-cu maddəsinə görə məhkəmənin qəbul etdiyi qərarlar dövlətin adından çıxarılır və onların icrası məcburidir. Məhkəmə qərarının icra olunmaması qanunla müəyyən edilmiş məsuliyyətə səbəb olur. İnsan Hüquqları üzrə Avropa Məhkəməsi “Hornsbi Yunanıstana qarşı” iş üzrə 19 mart 1997-ci il tarixli Qərarında vurğulayır ki, Razılığa gələn Dövlətlərin daxili hüquq sistemləri məcburi qüvvəyə malik yekun məhkəmə qərarının tərəflərdən birinin ziyanına olaraq icra olunmadan qalmasına yol versəydi, 6-cı maddə ilə təmin olunan məhkəməyə müraciət hüququ xəyali hüquq olardı. Həmçinin Avropa Məhkəməsi “Burdov Rusiyaya qarşı” iş üzrə 7 may 2002-ci il tarixli Qərarında qeyd edir ki, məhkəmə qərarının icrasının gecikdirilməsinə xüsusi hallarda haqq qazandırıla bilər. Amma bu gecikdirmə Konvensiyanın 6-cı maddəsinin 1-ci bəndi ilə qorunan hüququn mahiyyətinə xələl gətirməməlidir. “İcra haqqında” Azərbaycan Respublikası Qanununun 2-ci və 3-cü maddələrinə əsasən Azərbaycan Respublikasında məhkəmə və digər orqanların qərarlarının məcburi icrası icra məmurları tərəfindən həyata keçirilir. Məhkəmə və digər orqanların qərarlarının icrası ilə əlaqədar icra məmurunun tələbləri Azərbaycan Respublikasının ərazisində bütün orqanlar, hüquqi şəxslər, onların vəzifəli şəxsləri və fiziki şəxslər üçün məcburidir. Məhkəmə və digər orqanların qərarlarının icrası ilə əlaqədar icra məmurlarının tələblərini yerinə yetirməyən, onlara həvalə edilmiş vəzifələrin icrasına mane olan şəxslər Azərbaycan Respublikasının qanunvericiliyi ilə nəzərdə tutulmuş qaydada məsuliyyət daşıyırlar. Azərbaycan Respublikası İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 9.1-ci maddəsinin tələbinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmçinin bu Məcəllənin 84-cü maddəsinə görə inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. İnzibati Xətalar Məcəlləsinin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə iclasında Şəxs məsuliyyətini yüngülləşdirən və ağırlaşdıran hallar müəyyən edilmədi. Məhkəmə Şəxs tərəfindən törədilən inzibati xətanın xarakterini, onun şəxsiyyətini və təqsirinin dərəcəsini, əmlak vəziyyətini və işin digər hallarını nəzərə alaraq belə nəticəyə gəlir ki, ona Azərbaycan Respublikası İnzibati Xətalar Məcəlləsinin 528.1-ci maddəsinin sanksiyasında nəzərdə tutulan həbs növündə inzibati tənbeh növü tətbiq olunmalıdır. Göstərilənləri nəzərə alaraq və Azərbaycan Respublikası İnzibati Xətalar Məcəlləsinin 40-cı, 43-cü, 48-50-ci, 114-115-ci və 128-130-cu maddələrini rəhbər tutaraq məhkəmə Q Ə R A R A A L D İ: Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirli bilinsin və ona 10 (on) gün müddətinə inzibati həbs tətbiq edilsin. İnzibati həbs müddətinin əvvəli 25 may 2022-ci il tarixdən, saat 17:45-dən hesablansın. Qərarın icrası Bakı şəhər Nəsimi rayon İcra şöbəsinə, Bakı şəhəri Nəsimi Rayon Polis İdarəsinə və Daxili İşlər Nazirliyinə bilavasitə tabe olan İnzibati həbs olunanların saxlanılma mərkəzinə həvalə edilsin. Qərardan, onun surəti rəsmi qaydada verildiyi vaxtdan 10 (on) gün müddətində Bakı şəhəri Nəsimi Rayon Məhkəməsi vasitəsilə Bakı Apellyasiya Məhkəməsinə şikayət verilə bilər. Hakim Babək Pənahov