Bakı Şəhəri Nəsimi Rayon Məhkəməsi Qərardad — İş №3(006)-199/2021

Azərbaycan Respublikası adından QƏRARDAD Bakı şəhəri İş № 3(006)-199/2021 25.01.2021 BAKI ŞƏHƏRİ NƏSİMİ RAYON MƏHKƏMƏSİ Bakı şəhəri Nəsimi rayon Məhkəməsinin hakimi Hüseynov Elməddin Mirpaşa oğlunun sədrliyi, məhkəmə iclas katibi Mustafayeva İlhamə Mövlan qızının katibliyi, şikayətçi X1 iştirakı ilə, X1 Bakı şəhəri Binəqədi Rayon Polis İdarəsi 4-cü Polis Şöbəsi tərəfindən qəbul edilmiş xx xxxxxx 2020-ci il tarixli, MN ******* saylı inzibati təbeh vermə qərardan verdiyi şikayətə baxraq, məhkəmə MÜƏYYƏN ETDİ: Şikayətdə göstərilir ki, X2 xx.xx.2020-ci il tarixdə Bakı şəhəri, Nəsimi rayonu ərazisində tibbi maskadan düzgün istifadə etmədiyinə görə onun barəsində İnzibati Xətalar Məcəlləsinin 211.3-cü maddəsi üzrə tərtib olunmuş protokol əsasında inzibati cərimə tətbiq edilmişdir. Məhkəmə iclasında iştirak edən X2 ərizə təqdim edərək işə aidiyyəti üzrə Binəqədi rayon məhkəməsində baxılmasını xahiş etmişdir. Məhkəmə hesab edir ki, xx xxxxxx 2020-ci il tarixli, MN ******* saylı inzibati tənbeh vermə qərarından verilmiş şikayət və ona əlavə edilmiş sənədlər aidiyyəti üzrə Bakı şəhəri Binəqədi Rayon Məhkəməsinə göndərilməlidir. Azərbaycan Respublikası İnzibati Xətalar Məcəlləsinin 129.1.3-cü maddəsində səlahiyyətli orqanın (vəzifəli şəxsin) qərarından məhkəməyə verilən şikayət - şikayət verən şəxsin yaşayış yeri və ya hüquqi şəxsin ünvanının olduğu yer üzrə rayon (şəhər) məhkəməsinə verilməsi qeyd olunsa da, “Azərbaycan Respublikası İnzibati Xətalar Məcəlləsinin 129.1.3-cü maddəsinin şərh olunmasına dair” Azərbaycan Respublikası Konstitusiya Məhkəməsi Plenumunun xx xxxxxx 2020-ci il tarixli Qərarına əsasən qanunverici tərəfindən İnzibati Xətalar Məcəlləsinin 129.1.3-cü maddəsində dəyişikliklər edilənədək səlahiyyətli orqanın (vəzifəli şəxsin) qərarından məhkəməyə şikayət həmin Məcəllənin 110.1-ci maddəsində müəyyən olunmuş qaydaya uyğun olaraq inzibati xətanın törədildiyi və yaxud barəsində qərar çıxarılmış şəxsin vəsatətinə əsasən onun yaşadığı yer üzrə verilə bilər. İş materiallarından aydın olur ki, şikayət verən şəxsin yaşayış yeri Bakı şəhəri, Nəsimi rayonu, Hüseynbala Əliyev küçəsi, ev 22, mənzil 51 olsa da, inzibati xəta Bakı şəhəri Binəqədi Rayonu ərazisində törədilmiş, buna baxmayaraq şikayət baxılması üçün Bakı şəhəri Nəsimi Rayon Məhkəməsinə göndərilmişdir. Qeyd olunanlarla əlaqədar məhkəmə hesab edir ki, hazırkı şikayətə vəsatət təmin edildiyi üçün inzibati xətanın törədildiyi yer üzrə baxılmalı və bununla bağlı şikayət ona əlavə edilmiş sənədlərlə birlikdə aidiyyəti üzrə Bakı şəhəri Binəqədi Rayon Məhkəməsinə göndərilməlidir. İnzibati Xətalar Məcəlləsinin 132.1.1-ci və 132.2-ci maddələrinə görə hakim inzibati xəta haqqında iş üzrə qərardan verilən şikayətə və ya protestə baxmağa hazırlıq zamanı inzibati xəta haqqında işin həmin hakimə aid olub-olmaması məsələsini həll edir, şikayətə və ya protestə baxılma hakimin səlahiyyətinə aid olmadıqda, şikayət və ya protest bütün materiallarla birlikdə aidiyyəti üzrə göndərilir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 129.1.3-cü, 132.1.1-ci və 132.2-ci maddələrini rəhbər tutaraq, məhkəmə Q Ə R A R A A L D İ: X1 Bakı şəhəri Binəqədi Rayon Polis İdarəsi 4-cü Polis Şöbəsi tərəfindən qəbul edilmiş xx xxxxxx 2020-ci il tarixli, MN ******* saylı inzibati təbeh vermə qərardan verdiyi şikayət və ona əlavə edilmiş sənədlər aidiyyəti üzrə Bakı şəhəri Binəqədi Rayon Məhkəməsinə göndərilsin. Hakim: Elməddin Hüseynov