Bakı Şəhəri Nəsimi Rayon Məhkəməsi Qərar — İş №3(006)-2074/2020

Azərbaycan Respublikası adından QƏRAR Bakı şəhəri İş № 3(006)-2074/2020 14.09.2020 BAKI ŞƏHƏRİ NƏSİMİ RAYON MƏHKƏMƏSİ Bakı şəhəri Nəsimi rayon məhkəməsinin hakimi Hüseynov Elməddin Mirpaşa oğlunun sədrliyi, məhkəmə iclas katibi Əzizova Şəbnur Rəfail qızının katibliyi, barəsində inzibati xəta haqqında iş üzrə icraat aparılan X2 iştirakı ilə xx.xx.1968-ci ildə Salyan şəhərində anadan olmuş, Azərbaycan Respublikasının vətəndaşı, subay, orta təhsilli, işləməyən, Salyan şəhəri, Y.Zərgərli küçəsi, ev 75-də qeydiyyatda olan X2 barəsində Bakı şəhər Baş Polis İdarəsi Dövlət X6 daxil olmuş materiala baxaraq məhkəmə m ü ə y y ə n e t d i: X5 xx.xx.2020-ci il tarixdə, saat 06:51-də idarə etdiyi **-ST-*** dövlət nömrə nişanlı, «BMW 535 MİNİK» markalı avtomobillə Bakı şəhəri, Nəsimi rayonu, Şamaxinka küçəsi ilə hərəkətdə olan zaman saxlanılmış, yoxlama zamanı avtomaşını sərxoş vəziyyətdə idarə etməsi müəyyən edilmişdir. Məhkəmə iclasında barəsində inzibati xəta haqqında iş üzrə icraat aparılan X5 özünü təqsirli bilərək verdiyi izahatında göstərmişdir ki, xx.xx.2020-ci il tarixdə idarə etdiyi **-ST- *** dövlət nömrə nişanlı, «BMW 535 MİNİK» markalı avtomobillə Bakı şəhəri, Nəsimi rayonu, Şamaxinka küçəsi ilə hərəkətdə olan zaman DYPİ Yol patrul xidmətinin əməkdaşı tərəfindən saxlanılmışdır. Yol patrul xidmətinin əməkdaşı ondan avtomobilinin sənədlərini təqdim etməsini tələb etmiş, o da, heç bir etiraz etmədən sənədlərini ona təqdim etmişdir. Yol patrul xidmətinin inspektoru onun sənədlərinə baxış keçirən zaman spirtli içki qəbul etməsindən şübhələnmiş və bu məqsədlə onun tibbi yoxlamadan keçməsini istəmişdir. O, isə inspektora cavabında spirtli içki qəbul etdiyini etiraf etmişdir. Yol patrul xidmətinin inspektoru onun tibbi müayinədən keçməsini təmin etmiş və tibbi yoxlamanın nəticəsində onun sərxoş vəziyyətdə olması müəyyən olunmuşdur. Bundan sonra, onun barəsində protokol tərtib edilmişdir. İzahatının sonunda törətdiyi əməldən peşman olmasını bildirərək, məhkəmədən barəsində yüngül cəza təyin edilməsini xahiş etmişdir. Azərbaycan Respublikası İnzibati Xətalar Məcəlləsinin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etməkdən ötrü hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxslərin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Qeyd olunan Məcəllənin 84.1-ci maddəsinə əsasən inzibati xətalar haqqında işlərə baxan hakim, kollegial orqanın üzvü, vəzifəli şəxs işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. İşdə olan Sərxoşluq vəziyyətini müəyyən etmək üçün xüsusi texniki vasitədən istifadə haqqında 00341 saylı protokoldan görünür ki, xx.xx.2020-ci il tarixdə, saat 06:51-də müayinə edilmiş 1968-ci il təvəllüdlü X1 vəziyyətində olması halı müəyyən olunmuşdur. Məhkəmə inzibati xəta haqqında iş üzrə materialları araşdırıb, sübutlara qiymət verərək hesab edir ki, X2 Azərbaycan Respublikası İnzibati Xətalar Məcəlləsinin 333.1-ci maddəsində nəzərdə tutulmuş əməli törətməsi özü tərəfindən etiraf edilir və Bakı şəhər BPİ DYPİ YPX-nin inspektoru X3 tərəfindən tərtib edilmiş xx.xx.2020-ci il tarixli, İXP ******* nömrəli inzibati xəta haqqında protokol, tibbi müayinə aktı və digər iş materialları ilə sübuta yetirilir. Azərbaycan Respublikası İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və hərəkətsizlik) törətmiş şəxs inzibati məsuliyyətə cəlb olunur və tənbeh edilir. Qeyd olunan Məcəllənin 12-ci maddəsinə əsasən həmin Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Azərbaycan Respublikası İnzibati Xətalar Məcəlləsinin 9.1-ci maddəsinin tələbinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına uyğun, qanuni və əsaslı olmalıdır. Həmin Məcəllənin 21-ci maddəsinin tələbinə görə inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 31.2-ci maddəsinin tələbinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə X2 ilk dəfə inzibati məsuliyyətə cəlb olunmasını, törətdiyi inzibati xətanı səmimi olaraq etiraf etdiyini və peşman olduğunu məsuliyyətini yüngülləşdirən hal kimi qiymətləndirir. MəhkəməX2 məsuliyyətini ağırlaşdıran halları müəyyən etmədi. Məhkəmə inzibati tənbeh tədbiri tətbiq edərkən inzibati xətanın xarakterini, təqsirin dərəcəsini, barəsində inzibati xəta haqqında iş üzrə icraat aparılan şəxsin şəxsiyyətini və işin digər hallarını nəzərə alaraq hesab edir ki, X4 təqsirli bilindiyi Azərbaycan Respublikası İnzibati Xətalar Məcəlləsinin 333.1-ci maddəsinin sanksiyasında nəzərdə tutulan cərimə növündə inzibati tənbeh tətbiq edilməlidir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin43, 115, 117, 128, 129 və 130-cu maddələrini rəhbər tutaraq məhkəmə q ə r a r a a l d ı: X5 Azərbaycan Respublikası İnzibati Xətalar Məcəlləsinin 333.1-ci maddəsində nəzərdə tutulmuş inzibati xətanı törətməkdə təqsirli bilinib 400 (dörd yüz) manat məbləğində inzibati qaydada cərimə edilsin. Qərardan rəsmi qaydada alındığı gündən 10 (on) gün müddətində Bakı Apellyasiya Məhkəməsinə şikayət və ya protest verilə bilər. Hakim: Elməddin Hüseynov