Bakı Şəhəri Nəsimi Rayon Məhkəməsi Qərar — İş №3(006)-2096/2025

Azərbaycan Respublikası adından QƏRAR Bakı şəhəri İş № 3(006)-2096/2025 14.04.2025 BAKI ŞƏHƏRİ NƏSİMİ RAYON MƏHKƏMƏSİ Hakim Mustafayeva Solmaz Rafael qızının sədrliyi, Məhkəmə iclasının katibi Qasımova Leyla Nurəddin qızının katibliyi, Barəsində inzibati xəta haqqında iş üzrə icraat aparılan Şəxs QSC-nin nümayəndəsi X1 iştirakı ilə, Şəxs QSC (hüquqi ünvanı: Bakı şəhəri, Nəsimi rayonu, C.Məmmədquluzadə, ev 102A, X11, 11-ci mərtəbə; VÖEN: **********) barəsində Azərbaycan Respublikası İnzibati Xətalar Məcəlləsinin 347-ci maddəsi üzrə tərtib olunmuş xx.xx.2025-ci il tarixli, İXP ******* saylı inzibati xəta haqqında protokola və ona əlavə edilmiş sənədlərə açıq məhkəmə iclasında baxaraq, MÜƏYYƏNETDİ: Bakı şəhəri Nəsimi Rayon Polis İdarəsindən daxil olmuş xx.xx.2025-ci il tarixli, İXP ******* saylı inzibati xəta haqqında protokola görə Şəxs QSC-nin mülkiyyətində olan «İSUZU NMR85» yük markalı, **-JN-*** dövlət qeydiyyat nişanlı avtomobillə xx.xx.2025ci il tarixdə saat 10:50-də inzibati xətanı törətmiş fiziki şəxs barəsində olan sorğuya qanunvericiliklə müəyən edilmiş 5 gün müddətində məlumat verməmişdir. Şəxs QSC-nin baş direktoru X5 məhkəməyə etiraz ərizəsi ünvanlayaraq bildirmişdir ki, Nəsimi rayon DYPŞ-nin polis mayoru X2 tərəfindən Şəxs Qapalı Səhmdar Cəmiyyətinin mülkiyyətində olan “İSUZU NMR 85 YÜK” markalı, “** JN ***” dövlət qeydiyyat nişanlı nəqliyyat vasitəsini xx.xx.2025-ci il tarixdə saat 10:50-də ünvan 3 ünvanında idarə etmiş fiziki şəxs haqqında məlumatın səlahiyyətli orqanın (vəzifəli şəxsin) bu barədə sorğusu daxil olduğu vaxtdan 5 gün müddətində verilməməsinə görə Şəxs Qapalı Səhmdar Cəmiyyəti tərəfindən Azərbaycan Respublikası İnzibati Xətalar Məcəlləsinin 347-ci maddəsi ilə inzibati xəta törədilməsi barədə xx.xx.2025-ci il tarixdə qanunsuz və əsassız olaraq İXP ******* nömrəli “İnzibati xəta haqqında” protokol tərtib edilmişdir. Aşağıdakılara görə inzibati xəta haqqında iş üzrə icraata xitam verilməlidir. Belə ki, Azərbaycan Respublikası İnzibati Xətalar Məcəlləsinin 347-ci maddəsində hüquqi şəxsin mülkiyyətində və ya istifadəsində, yaxud dövlət qurumunun istifadəsində olan nəqliyyat vasitəsini inzibati xətanın törədilməsi zamanı idarə etmiş fiziki şəxs haqqında məlumatın səlahiyyətli orqanın (vəzifəli şəxsin) bu barədə sorğusu daxil olduğu vaxtdan 5 gün müddətində verilməməsinə görə inzibati məsuliyyət nəzərdə tutulmuşdur. Şəxs Qapalı Səhmdar Cəmiyyətinin mülkiyyətində olan “İSUZU NMR 85 YÜK” markalı, “** JN ***” dövlət qeydiyyat nişanlı nəqliyyat vasitəsini xx.xx.2025-ci il tarixdə saat 10:50-də ünvan 3 ünvanında idarə etmiş fiziki şəxs haqqında məlumatın verilməsi barədə Nəsimi RPİ-nin DYPŞ-nin tarixsiz və hər hansı bir vəzifəli şəxsi tərəfindən imzalanmamış (anonim) ******* nömrəli sorğusu həftənin beşinci iş günü, nahardan sonra xx.xx.2025-ci il tarixdə Şəxs Qapalı Səhmdar Cəmiyyətinə daxil olmuşdur. Şəxs Qapalı Səhmdar Cəmiyyətinin mülkiyyətində olan “İSUZU NMR 85 YÜK” markalı, “** JN ***” dövlət qeydiyyat nişanlı nəqliyyat vasitəsini xx.xx.2025-ci il tarixdə saat 10:50-də ünvan 3 ünvanında sürücü X6 (sürücülük vəsiqəsi AC 095535) tərəfindən idarə edilməsi barədə ”AZZA” Qapalı Səhmdar Cəmiyyəti tərəfindən sorğunun daxil olduğu tarixdən 3 (üç) gün sonra,yəni xx.xx.2025-ci il tarixli 021/02/25 nömrəli məktubla Nəsimi RPİ-nin dəftərxanasında işləyən “Əliyev” soyadlı işçiyə imza etdirməklə şəxsən təqdim edilmişdir. Azərbaycan Respublikası İnzibati Xətalar Məcəlləsinin 347-ci maddəsində nəzərdə tutulan inzibati xəta hadisəsi olmadığı halda, Şəxs Qapalı Səhmdar Cəmiyyəti tərəfindən Azərbaycan Respublikası İnzibati Xətalar Məcəlləsinin 347-cı maddəsi ilə inzibati xəta törədilməsi barədə Nəsimi rayon DYPŞ-nin polis mayoru X2 tərəfindən xx.xx.2025-ci il tarixdə İXP ******* nömrəli “İnzibati xəta haqqında” protokolun qanunsuz və əsassız olaraq tərtib edilməsi nəzərə alınıb, inzibati xəta haqqında iş üzrə icraata xitam verilməsi barədə qərar qəbul edilməlidir. Məhkəmə iclasında barəsində inzibati xəta haqqında iş üzrə icraat aparılan hüquqi şəxs Şəxs QSC-nin nümayəndəsi X3 etiraz ərizəsinə uyğun izahat verərək göstərilənləri nəzərə alaraq inzibati xəta haqqında iş üzrə icraata xitam verilməsini məhkəmədən xahiş etdi. Məhkəmə iclasının vaxtı və yeri barədə məlumatlandırılması üzrə görülmüş tədbirlərə baxmayaraq inzibati xəta haqqında protokolu tərtib etmiş qurumun nümayəndəsi məhkəməyə gəlməmiş, bunun səbəbləri barədə məhkəməyə məlumat verilməmişdir. Məhkəmə işə nümayəndənin iştirakı olmadan baxılmasını mümkün hesab etmişdir. İş materiallarında olan Bakı şəhəri Nəsimi Rayon Polis İdarəsinin Dövlət Yol Polis Şöbəsinin məktubu və müvafiq poçt qəbzindən aydın olur ki, Şəxs QSC-yə məxsus «İSUZU NMR85» yük markalı, **-JN-*** dövlət qeydiyyat nişanlı avtomobillə xx.xx.2025ci il tarixdə saat 10:50-də İnzibati Xətalar Məcəlləsinin 327.1-ci maddəsində nəzərdə tutulmuş xətanı törədən şəxs barəsində şöbəyə 5 gün ərzində məlumat verilməsi xahiş olunmuş və bu sorğu xx.xx.2025-ci il tarixdə həmin cəmiyyətə çatdırılmışdır. İş materiallarında olan Şəxs QSC tərəfindən Bakı şəhəri Nəsimi Rayon Polis İdarəsinin Dövlət Yol Polis Şöbəsinə ünvanlanmış məktubda «İSUZU NMR85» yük markalı, **-JN-*** dövlət qeydiyyat nişanlı avtomobili X4 idarə etdiyi qeyd olunmuşdur. Beləliklə aydın olur ki, Şəxs QSC-nin mülkiyyətində olan «İSUZU NMR85» yük markalı, **-JN-*** dövlət qeydiyyat nişanlı avtomobili X4 idarə etdiyi etməsi barədə məlumat Bakı şəhəri Nəsimi Rayon Polis İdarəsinin Dövlət Yol Polis Şöbəsinə təqdim edilmişdir. Belə olan halda isə iş üzrə inzibati xəta hadisəsi mövcud deyil. Azərbaycan Respublikası İXM-nin 347-ci maddəsi hüquqi şəxsin mülkiyyətində və ya istifadəsində, yaxud dövlət qurumunun istifadəsində olan nəqliyyat vasitəsini inzibati xətanın törədilməsi zamanı idarə etmiş fiziki şəxs haqqında məlumatın səlahiyyətli orqanın (vəzifəli şəxsin) bu barədə sorğusu daxil olduğu vaxtdan 5 gün müddətində verilməməsinə görə məsuliyyət müəyyən edir. Həmin Məcəllənin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 8-ci maddəsinə əsasən barəsində inzibati xəta haqqında iş üzrə icraat aparılan şəxsin təqsiri bu Məcəllədə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsirsiz hesab edilir. Bu Məcəllənin 53.1.1-ci maddəsinin tələbinə görə inzibati xəta hadisəsi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Qeyd edilən Məcəllənin 105.1-ci maddəsinə görə bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Yuxarıda göstərilənlərə əsasən və Azərbaycan Respublikası İXM-nin 40, 43, 48- 50, 114-115 və 128-130-cu maddələrini rəhbər tutaraq, məhkəmə QƏRARAALDİ: Şəxs QSC barəsində Azərbaycan Respublikası İXM-nin 347-ci maddəsi ilə başlanmış inzibati xəta haqqında iş üzrə icraata xitam verilsin. Qərarın surəti rəsmi qaydada verildiyi vaxtdan 10 (on) gün müddətində işə baxan Bakı şəhəri Nəsimi Rayon Məhkəməsi vasitəsilə və ya bilavasitə Bakı Apellyasiya Məhkəməsinə apellyasiya şikayəti və ya protesti verilə bilər. Sədrlik edən Solmaz Mustafayeva