Bakı Şəhəri Nəsimi Rayon Məhkəməsi Qərar — İş №3(006)-2122/2023

Azərbaycan Respublikası adından QƏRAR Bakı şəhəri İş № 3(006)-2122/2023 10.05.2023 BAKI ŞƏHƏRİ NƏSİMİ RAYON MƏHKƏMƏSİ Hakim Tağıyev Azər Heydər oğlunun sədrliyi, Lətifov Vəli Abdurəşid oğlunun katibliyi, şikayətçi X1 iştirakı ilə, Bakı Şəhər Baş Polis İdarəsinin X4 İdarəsinin xx.xx.2022-ci il tarixli, EQ 12556269 saylı qərar əsasında qəbul edilmiş xx.xx.2023-cü il tarixli, EQ 12556269 saylı inzibati tənbeh vermə haqqında qərarından X2 tərəfindən verilmiş şikayətə açıq məhkəmə iclasında baxaraq, məhkəmə MÜƏYYƏN ETDİ: X2 şikayətlə məhkəməyə müraciət edərək Bakı Şəhər Baş Polis İdarəsinin X4 İdarəsinin xx.xx.2022-ci il tarixli, EQ 12556269 saylı qərar əsasında qəbul edilmiş xx.xx.2023-cü il tarixli, EQ 12556269 saylı inzibati tənbeh vermə haqqında qərarının ləğv edilməsini və inzibati iş üzrə icraata xitam verilməsini məhkəmədən xahiş etmişdir. Şikayətçi ərizəsini onunla əsaslandırmışdır ki, xx.xx.2023-cü il tarixdə Asan Ödəniş tətbiqi vasitəsilə ona İnzibati Xətalar Məcəlləsinin 327.4-cü maddəsi ilə inzibati tənbeh barədə qərarla 100 manat cərimə olunması barədə bildiriş göndərilmişdir. Məsələni araşdırdıqdan sonra ona həmin inzibati xətanın “Toyota Prado” markalı **-TU-*** nömrəli dövlət qeydiyyat nişanlı avtomobillə törədilməsi məlum olmuşdur. Lakin o, həmin nəqliyyat vasitəsini idarə etmir, onun ümumiyyətlə mülkiyyətində və istifadəsində “Toyota Prado” markalı avtomobil yoxdur. O, bildirişi aldıqdan sonra dərhal Asan Ödəniş sistemindən çıxarışlar əldə etmiş və barəsində icra olunmamış və ya ödənilməmiş inzibati xəta haqqında iş uzrə qərar və ya yol hərəkəti qaydaları əleyhinə olan inzibatı xəta, yaxud Azərbaycan Respublikası İnzibatı Xətalar Məcəlləsinin 353.2-ci maddəsində nəzərdə tutulmuş inzibatı xəta haqqında protokollar aşağıdakılar, 1. EQ13433191 saylı, xx.xx.2023cü il tarixli, 2.EQ 14174549 saylı, xx.xx.2023-cü il tarixli, 3. EQ14254909 saylı, xx.xx.2023-cü il tarixli, 4. EQ 12632147 saylı, xx.xx.2022-ci il tarixli, 5. EQ 12555269 saylı, xx.xx.2023-cü il tarixli qərarlardır. Bakı şəhəri X4 İdarəsinin Mərkəzi İnformasiya Sistemi tərəfindən tərtib edilmiş onun inzibati qaydada cərimə olunması barədə xx.xx.2023 cu il tarixli qərarını xx.xx.2023-cu il tarixdə əldə etmişdir. Nəsimi Rayon Məhkəməsinin 3(006)- 1373/2023 saylı xx.xx.2023-cü il tarixli qərarı ilə Bakı Şəhər Baş Polis İdarəsinin X4 İdarəsinin xx.xx.2022-ci il tarixli, EQ 12556269 saylı inzibati tənbeh vermə haqqında qərarı ləğv edilmiş və qeyd olunan inzibati xəta haqqında iş baxılması üçün yenidən Bakı Şəhər Baş Polis İdarəsinin X4 İdarəsinə göndərilmişdir. Lakin buna baxmayaraq Bakı Şəhər X4 idarəsi inzibati qaydada tənbeh olunması barədə yeni qərar qəbul etmiş və bu fakt “Asan Ödəniş” portalında öz əksini tapmışdır. Azərbaycan Respublikası İnzibatı Xətalar Məcəlləsinın 53.2-ci maddəsinə əsasən hər hansı şəxs barəsində başlanılmış inzibati xətalar haqqında işlər üzrə icraata, həmçinin onun inzibati xəta törədilməsinə aidiyyəti oİmadıqda və ya təqsirliliyi sübuta yetirilmədikdə o cümlədən təqsirliliyi sübuta yetirilməsində qanuna zidd olaraq əldə edilmiş sübutlardan istifadə edildikdə xitam verilir. Həmin Məcəllənin 75-ci maddəsinə əsasən, inzibati xətalar haqqında iş üzrə inzibatı xəta hadisəsi mövcudluğu, (inzibati xəta törədilmişdirmi), inzibatı xəta törətməkdə şəxsin təqsiri müəyyən edilməlidir. Göstərilənlərə əsasən Bakı şəhəri X4 İdarəsinin Mərkəzi İnformasiya Sistemi tərəfindən tərtib edilmiş onun inzibati qaydada cərimə olunması barədə EİQ 12556269 saylı, xx.xx.2023 cü il tarixli qərarın ləğv edilməsi və inzibati icraata xitam verilməsi xahiş edilmişdir. Məhkəmə iclasında iştirak edən şikayətçi E.A.Tağıyev şikayət ərizəsinin məzmununa uyğun izahat verərək şikayətinin təmin edilməsini məhkəmədən xahiş etmişdir. Məhkəmə iclasının vaxtı və yeri barədə Bakı Şəhər BPİ-nin DYPİ-nə lazımi qaydada məlumat verilsə də, Bakı Şəhər BPİ-nin DYPİ-nin nümayəndəsi məhkəmə iclasında iştirak etməmiş və iştirak etməməsinin səbəbləri haqqında məhkəməyə məlumat verməmişdir. Məhkəmə Azərbaycan Respublikasının İnzibati Xətalar Məcəlləsinin 133.2.4-cü maddəsinə əsasən işə Bakı Şəhər BPİ-nin DYPİ-nin nümayəndəsinin iştirakı olmadan baxılmasını mümkün hesab edir. Belə ki, iş materiallarına əlavə edilmiş xx.xx.2023-cü il tarixli bildirişindən görünür ki, Bakı Şəhər BPİ-nin DYPİ-nin ünvanına Nəsimi Rayon Məhkəməsi tərəfindən inzibati xəta haqqında işə məhkəmədə baxılmasının vaxtı və yeri barədə məlumat göndərilmişdir (xx.xx.2023-cü il tarixli reyestrin 4 sıra nömrəsi ilə). Məhkəmə proses iştirakçısını dinləyib, şikayət ərizəsini və digər iş materiallarını araşdıraraq hesab edir ki, şikayət qismən təmin olunmalı və yenidən araşdırılması üçün qərarı qəbul edən orqan Bakı Şəhər BPİ-nin DYPİ-nə göndərilməlidir. Belə ki, iş materiallarında olan xx.xx.2023-cü il tarixli, EQ 12556269 saylı yol hərəkəti qaydaları, yol hərəkəti təhlükəsizliyinin təmin edilməsi və avtomobil yollarından istifadə qaydaları əleyhinə olan və bu qaydaların pozulması ilə əlaqədar digər inzibati xətalarla bağlı çıxarılan inzibati tənbeh vermə haqqında qərardan görünür ki, E.A.Tağıyev xx.xx.2022-ci il tarixdə, saat 09:59-da S.Rüstəm küçəsi ilə Rəfili küçəsinin kəsişməsində “Toyota Prado” minik markalı, **-TU-*** nömrəli dövlət qeydiyyat nişanlı avtomobillə hərəkətdə olan zaman Bakı şəhəri DYPİ-nin MMX-nin rəisi E.Xasiyev tərəfindən o, xx.xx.2022-ci il tarixli, EQ 12556269 saylı qərarla Azərbaycan Respublikası İnzibati Xətalar Məcəlləsinin 327.4-cü maddəsi ilə təqsirli bilinərək 100 (yüz) manat məbləğində cərimə edilmişdir. İş materiallarında olan “Asan Ödəniş” sistemindən olan çıxarışdan görünür ki, E.A.Tağıyevin xx.xx.2023-cü il tarixinədək qüvvədə olan (icra olunmamış, ödənilməmiş) inzibati xəta haqqında iş üzrə qərar və ya yol hərəkəti qaydaları əleyhinə olan inzibati xəta, yaxud Azərbaycan Respublikasının İnzibati Xətalar Məcəlləsinin 353.2-ci maddəsində nəzərdə tutulmuş inzibatı xəta haqqında 1. EQ13433191 saylı, xx.xx.2023-cü il tarixli, 2.EQ 14174549 saylı, xx.xx.2023-cü il tarixli, 3. EQ14254909 saylı, xx.xx.2023-cü il tarixli, 4. EQ 12632147 saylı, xx.xx.2022-ci il tarixli, 5. EQ 12555269 saylı, xx.xx.2023-cü il tarixli protokollar təqdim edilmişdir. İş materiallarında olan Nəsimi Rayon Məhkəməsinin xx.xx.2023-cü il tarixli, 3(006)- 1373/2023 saylı qərarından görünür ki, E.A.Tağıyevin şikayəti qismən təmin edilmiş, Bakı Şəhər BPİ-nin DYPİ-nin xx.xx.2022-ci il tarixli, EQ 12556269 saylı qərarı ləğv edilmiş və iş yenidən baxılması üçün Bakı Şəhər BPİ-nin DYPİ-nə göndərilmişdir. Beləliklə, məhkəmə iclasında müəyyən edilmişdir ki, “Toyota Prado” minik markalı, **- TU-*** nömrəli dövlət qeydiyyat nişanlı avtomobil E.A.Tağıyevin mülkiyyətində olmadığı və sonuncu tərəfindən idarə edilmədiyi halda xx.xx.2022-ci il tarixdə, saat 09:59-da S.Rüstəm küçəsi ilə Rəfili küçəsinin kəsişməsində baş vermiş inzibati xəta hadisəsinə dair Bakı şəhəri DYPİ-nin MMX-nin rəisi E.Xasiyev tərəfindən E.A.Tağıyev barəsində xx.xx.2022-ci il tarixli, EQ 12556269 saylı qərar qəbul edilərək sonuncu Azərbaycan Respublikası İnzibati Xətalar Məcəlləsinin 327.4-cü maddəsi ilə təqsirli bilinərək 100 (yüz) manat məbləğində cərimə edilmiş, E.A.Tağıyev həmin qərardan şikayətlə Nəsimi Rayon Məhkəməsinə şikayət etmiş və Nəsimi Rayon Məhkəməsinin xx.xx.2023-cü il tarixli qərarı ilə şikayəti qismən təmin edilərək Bakı Şəhər BPİ-nin DYPİ-nin xx.xx.2022-ci il tarixli, EQ 12556269 saylı qərarı ləğv edilmiş və iş yenidən baxılması üçün Bakı Şəhər BPİ-nin DYPİ-nə göndərilmişdir. Həmçinin məhkəmə iclasında müəyyən edilmişdir ki, “Toyota Prado” minik markalı, **-TU-*** nömrəli dövlət qeydiyyat nişanlı avtomobilin şikayətçi E.A.Tağıyevə aid olubolmaması araşdırılmamış, eyni zamandan Bakı Şəhər BPİ-nin DYPİ tərəfindən Nəsimi Rayon Məhkəməsinin xx.xx.2023-cü il tarixli məhkəmə qərarı nəzərə alınmamış və yenidən qanunsuz olaraq xx.xx.2022-ci il tarixli, EQ 12556269 saylı qərar əsasında xx.xx.2023-cü il tarixli yol hərəkəti qaydaları, yol hərəkəti təhlükəsizliyinin təmin edilməsi və avtomobil yollarından istifadə qaydaları əleyhinə olan və bu qaydaların pozulması ilə əlaqədar digər inzibati xətalarla bağlı çıxarılan inzibati tənbeh vermə haqqında qərar qəbul edilmişdir. Bundan başqa məhkəmə hesab edir ki, məhkəmə iclasının vaxtı və yeri barədə Bakı Şəhər BPİ-nin DYPİ-nə lazımi qaydada məlumat verilsə də, Bakı Şəhər BPİ-nin DYPİ-nin nümayəndəsi məhkəmə iclasında iştirak etməmiş, həmçinin inzibati xəta hadisəsinə dair qəbul olunmuş qərarda göstərilən halları təsdiq edən heç bir mötəbər sübutu məhkəməyə təqdim etməmişlər. Beləliklə, məhkəmə hesab edir ki, şikayətçi E.A.Tağıyev barəsində Bakı Şəhər BPİnin DYPİ-də aparılan inzibati iş üzrə icraat zamanı Azərbaycan Respublikasının İnzibati Xətalar Məcəlləsi ilə müəyyən edilmiş tələblər işin hallarının hərtərəfli, tam və obyektiv araşdırılmasına maneə törədəcək dərəcədə pozulmuş, sonuncu barəsində inzibati tənbeh vermə haqqında qərar qəbul edilərkən göstərilən hallar tam araşdırılmamış və inzibati xəta hadisəsi törədilmiş “Toyota Prado” minik markalı, **-TU-*** nömrəli dövlət qeydiyyat nişanlı avtomobilin kimə məxsus olması araşdırılmadan əsassız qərar qəbul olunmuşdur. Yuxarıda göstərilən səbəblərdən də, qərar qanunvericiliyin tələblərinə cavab verməyən sübut növü olmaqla onlardan, inzibati icraat üzrə sübut edilməli olan halların sübuta yetirilməsində istifadə edilə bilməz. Azərbaycan Respublikası İnzibati Xətalar Məcəlləsinin 8.1-ci maddəsinə əsasən barəsində inzibati xəta haqqında iş üzrə icraat aparılan şəxsin təqsiri bu Məcəllədə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsirsiz hesab edilir. Həmin Məcəllənin 48-ci maddəsinə əsasən inzibati xətalar haqqında işlər üzrə icraatın vəzifələri şəxslərin hüquqlarını və azadlıqlarını, onların qanuni mənafelərini qorumaqdan, inzibati xəta haqqında hər bir işin hallarını vaxtında, hərtərəfli, tam və obyektiv surətdə aydınlaşdırmaqdan, inzibati xəta törətmiş şəxsi aşkar etməkdən və onu inzibati məsuliyyətə cəlb etməkdən, çıxarılmış qərarın icrasını təmin etməkdən, habelə inzibati xətanın törədilməsinə kömək edən səbəbləri və şəraiti aşkar etməkdən və inzibati xətaların qarşısını almaqdan ibarətdir. Həmin Məcəllənin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, müvafiq icra hakimiyyəti orqanının müəyyən etdiyi orqanın (qurumun) informasiya sistemində, habelə digər dövlət informasiya sistemlərində (ehtiyatlarında) aşkar olunan məlumatlarla, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Həmin Məcəllənin 129.1.3-cü maddəsinə əsasən inzibati xəta haqqında iş üzrə səlahiyyətli orqanın (vəzifəli şəxsin) qərarından məhkəməyə verilən şikayət - şikayət verən şəxsin yaşayış yeri və ya hüquqi şəxsin ünvanının olduğu yer üzrə rayon (şəhər) məhkəməsinə verilir. Həmin Məcəllənin 134.1.4-cü maddəsinə əsasən inzibati xəta haqqında iş üzrə qərardan verilən şikayətə və ya protestə baxılaraq bu Məcəllənin 135.1.1 və 135.1.6-cı maddələri ilə müəyyən edilmiş hallarda qərarın ləğv edilməsi və inzibati xəta haqqında işin yenidən baxılmaq üçün hakimə, səlahiyyətli orqana (vəzifəli şəxsə) göndərilməsi haqqında qərar qəbul edilir. Həmin Məcəllənin 135.1.6-cı maddəsinə əsasən isə bu Məcəllə ilə müəyyən edilmiş tələblərin işin hallarının hərtərəfli, tam və obyektiv araşdırılmasına maneə törədəcək dərəcədə pozulması inzibati xəta haqqında iş üzrə qərarın ləğv edilməsi və ya dəyişdirilməsi üçün əsaslardır. Beləliklə, məhkəmə hesab edir ki, şikayət qismən təmin edilməli, Bakı Şəhər Baş Polis İdarəsinin X4 İdarəsinin xx.xx.2022-ci il tarixli, EQ 12556269 saylı qərar əsasında qəbul edilmiş xx.xx.2023-cü il tarixli, EQ 12556269 saylı inzibati tənbeh vermə haqqında qərarı ləğv edilməli, qeyd olunan inzibati xəta haqqında iş Azərbaycan Respublikasının İnzibati Xətalar Məcəlləsinin tələblərinə əməl edilməklə baxılması üçün yenidən Bakı Şəhər BPİ-nin DYPİ-nə göndərilməlidir. Yuxarıda göstərilənlərə əsasən və Azərbaycan Respublikasının İXM-nin 133-137-ci maddələrini rəhbər tutaraq, məhkəmə QƏRARA ALDİ: X1 şikayəti qismən təmin olunsun. Bakı Şəhər Baş Polis İdarəsinin X4 İdarəsinin xx.xx.2022-ci il tarixli, EQ 12556269 saylı qərar əsasında qəbul edilmiş xx.xx.2023-cü il tarixli, EQ 12556269 saylı inzibati tənbeh vermə haqqında qərarı ləğv edilsin və qeyd olunan inzibati xəta haqqında iş baxılması üçün yenidən Bakı Şəhər Baş Polis İdarəsinin X4 İdarəsinə göndərilsin. Qərarın surəti təqdim edildiyi və ya alındığı gündən 10 (on) gün müddətində Bakı şəhəri Nəsimi Rayon Məhkəməsi vasitəsilə Bakı Apelyasiya Məhkəməsinə şikayət və ya protest verilə bilər. Hakim: Azər Tağıyev