Bakı Şəhəri Nəsimi Rayon Məhkəməsi Qərar — İş №3(006)-2318/2021

Azərbaycan Respublikası adından QƏRAR Bakı şəhəri İş № 3(006)-2318/2021 31.08.2021 BAKI ŞƏHƏRİ NƏSİMİ RAYON MƏHKƏMƏSİ Hakim Hüseynov Elməddin Mirpaşa oğlunun sədrliyi, məhkəmə iclas katibi Mustafayeva İlhamə Mövlan qızının katibliyi, barəsində inzibati qaydada icraat aparılan şəxs Şəxs, Zərərçəkmiş şəxs, protokolu tərtib edən şəxs Bakı şəhər Nəsimi Rayon Polis İdarəsinin 21-ci Polis Bölməsinin polis sahə rəisi X1 iştirakları ilə, xx.xx.1998-ci ildə Bakı şəhərində anadan olmuş, Azərbaycan Respublikasının vətəndaşı, subay, orta təhsilli, işləməyən, əvvəllər məhkum olunmuş, ünvan 1 ünvanında qeydiyyatda olan və ünvan 2an Şəxs barəsində Azərbaycan Respublikası İnzibati Xətalar Məcəlləsinin 227-ci maddəsi üzrə Nəsimi Rayon Polis İdarəsinin 21-ci Polis Bölməsi tərəfindən tərtib olunmuş MN ******* saylı inzibati xəta haqqında protokola və ona əlavə edilmiş sənədlərə açıq məhkəmə iclasında baxaraq, məhkəmə MÜƏYYƏN ETDİ: Şəxs 17 avqust 2021-ci il tarixdə, saat 15:10 radələrində Bakı şəhəri, Nəsimi rayonu, Səməd Vurğun küçəsində yerləşən «Bravo» adlı supermarketin yan tərəfində park edilmiş “Hyundai” markalı, **-SN-*** dövlət qeydiyyat nişanlı avtomobildə qapı və pəncərələrin açıq olmasından istifadə edərək Zərərçəkmiş şəxs məxsus içərisində şəxsiyyət vəsiqəsi, 20 manata yaxın pul, bank kartı və içərisində 20 manat olan “Bakubus” kartı, “X5” adlı 150-200 manat dəyərində olan ətir, 50 manat dəyərində olan çantası və 150 manat dəyərində olan “Redmi Note 8 PRO” markalı, 8648-4904-5590-440 və 8648-4904-5590-457 İMEİ kodları olan mobil telefonu oğurluq yolu ilə ələ keçirmişdir. Bakı şəhər Nəsimi Rayon Polis İdarəsinin 21-ci Polis Bölməsinin polis sahə rəisi X3 izahatında göstərmişdir ki, 17.08.2021-ci il tarixdə Zərərçəkmiş şəxs Bakı şəhəri Nəsimi rayon Polis İdarəsinin DİN-nin 102 xidmətinə müraciət edərək, Bakı şəhəri, Nəsimi rayonu, Səməd Vurğun küçəsində yerləşən «Bravo» adlı supermarketin yan tərəfində park etdiyi “Hyundai” markalı, **-SN-*** dövlət qeydiyyat nişanlı avtomobilin qapı və pəncərələrin açıq olmasından istifadə edilərək ona məxsus içərisində şəxsiyyət vəsiqəsi, 20 manata yaxın pul, bank kartı və içərisində 20 manat olan “Bakubus” kartı, “X5” adlı 150-200 manat dəyərində olan ətir, 50 manat dəyərində olan çantası və 150 manat dəyərində olan “Redmi Note 8 PRO” markalı, 8648-4904-5590-440 və 8648-4904-5590-457 İMEİ kodları olan mobil telefonun oğurluq yolu ilə ələ keçirildiyini bildirmişdir. Bundan sonra aparılmış əməliyyat tədbirləri nəticəsində hadisəni törədən şəxsin Şəxs olduğu müəyyən edilmiş və sonuncu polis əməkdaşları tərəfindən saxlanılaraq bölməyə gətirilmiş, şəxs əməlini etiraf etməsə də, barəsində inzibati xəta haqqında protokol tərtib edilərək aidiyyəti üzrə Nəsimi rayon məhkəməsinə göndərilmişdir. Barəsində inzibati xəta haqqında iş üzrə icraat aparılan Şəxs məhkəmə iclasında törətdiyi inzibati xətada özünü təqsirli bilməyərək verdiyi izahatında göstərmişdir ki, 17.08.2021-ci il tarixdə o, Bakı şəhəri, Nəsimi rayonu, Səməd Vurğun küçəsində naməlum şəxsin qoyduğu paketi görmüş və həmin paketin nəzarətsiz vəziyyətdə olması səbəbindən götürərək hadisə yerindən uzaqlaşmışdır. Lakin sonradan polis əməkdaşları onun oğurluq etməsini bildirib saxlamış və Polis Bölməsinə aparmışlar. Halbuki o heç bir oğurluq hadisəsi törətməmiş və nəzarətsiz vəziyyətdə olan tullanmış hesab etdiyi paketi götürərək uzaqlaşmışdır. Polis bölməsində izahat verməkdən imtina etmiş, lakin barəsində inzibati xəta haqqında protokol tərtib edilərək məhkəməyə göndərilmişdir. Oğurluq əməli törətməməsini bildirərək barəsində aparılan inzibati iş üzrə icraata xitam verilməsini xahiş etdi. Məhkəmə iclasında Zərərçəkmiş şəxs verdiyi izahatında göstərmişdir ki, 17 avqust 2021-ci il tarixdə, saat 15:10 radələrində Bakı şəhəri, Nəsimi rayonu, Səməd Vurğun küçəsində yerləşən «Bravo» adlı supermarketin yan tərəfində park etdiyi “Hyundai” markalı, **-SN-*** dövlət qeydiyyat nişanlı avtomobilin qapı və pəncərələrin açıq olmasından istifadə edilərək ona məxsus içərisində şəxsiyyət vəsiqəsi, 20 manata yaxın pul, bank kartı və içərisində 20 manat olan “Bakubus” kartı, “X5” adlı 150-200 manat dəyərində olan ətir, 50 manat dəyərində olan çantası və 150 manat dəyərində olan “Redmi Note 8 PRO” markalı, 8648-4904-5590-440 və 8648-4904-5590-457 İMEİ kodları olan mobil telefon oğurluq yolu ilə ələ keçirilmişdir. Bundan sonra dərhal DİN-nin 102 xidmətinə zəng vuraraq şikayətçi olmuşdur. Sonradan ona qarşı oğurluq əməlini törədən şəxs yəni, Şəxs polis əməkdaşları tərəfindən saxlanılmış və 21-ci Polis Bölməsinə aparılmışdır. Halhazırda ona dəymiş zərər Şəxs tərəfindən ödənilmədiyindən ona qarşı şikayətçidir və sonuncu barəsində inzibati tənbeh tədbirinin tətbiq edilməsini xahiş etdi. Azərbaycan Respublikası İnzibati Xətalar Məcəlləsinin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etməkdən ötrü hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərərçəkmiş şəxslərin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Qeyd olunan Məcəllənin 84.1-ci maddəsinə əsasən inzibati xətalar haqqında işlərə baxan hakim, kollegial orqanın üzvü, vəzifəli şəxs işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. İş materiallarında olan 31 avqust 2021-ci il tarixli, ******* saylı inzibati qaydada tutma haqqında protokoldan görünür ki, Şəxs 30 avqust 2021-ci il tarixdə, saat 23:15-də inzibati qaydada tutulmuşdur. İş materiallarında olan Azərbaycan Respublikası DİN-nin Nəsimi rayon Polis İdarəsinin 21-ci Polis Bölməsinin təhqiqatçısı İlkin Nəbizadə tərəfindən qəbul edilmiş 25.08.2021-ci il tarixli qərardan görünür ki, Zərərçəkmiş şəxs ərizəsi əsasında toplanmış material üzrə əməldə cinayət tərkibi olmadığından cinayət işinin başlanılması rədd edilmişdir. Məhkəmə Bakı şəhər Nəsimi Rayon Polis İdarəsinin 21-ci Polis Bölməsinin polis sahə rəisi X3 tərəfindən tərtib edilmiş 31 avqust 2021-ci il tarixli, MN ******* saylı inzibati xəta haqqında protokolu, barəsində inzibati xəta haqqında iş üzrə icraat aparılan şəxsin və zərərçəkmiş şəxsin izahatlarını dinləyib, iş materiallarını araşdıraraq hesab edir ki, Şəxs Azərbaycan Respublikası İnzibati Xətalar Məcəlləsinin 227-ci maddəsində nəzərdə tutulan əməli törətməsi toplanmış sübutlarla təsdiqini tapır. Ona görə də o, inzibati məsuliyyətə cəlb edilməlidir. Azərbaycan Respublikası İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və hərəkətsizlik) törətmiş şəxs inzibati məsuliyyətə cəlb olunur və tənbeh edilir. Həmin Məcəllənin 12-ci maddəsinə əsasən həmin Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Qeyd olunan Məcəllənin 227-ci maddəsi xırda talama, yəni oğurlama, mənimsəmə, israfçılıq, qulluq mövqeyindən sui-istifadə və ya dələduzluq yolu ilə özgəsinin əmlakını talamağa görə inzibati məsuliyyəti müəyyən edir. Həmin maddənin “Qeyd” hissəsinə əsasən bu Məcəllənin 227-ci maddəsi həmin maddədə göstərilən əməllər Azərbaycan Respublikasının Cinayət Məcəlləsinin müvafiq maddələrinə əsasən cinayət məsuliyyətinə səbəb olmadıqda tətbiq edilir. Azərbaycan Respublikası İnzibati Xətalar Məcəlləsinin 31.2-ci maddəsinin tələbinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmədə inzibati xəta törətmiş şəxs Şəxs məsuliyyətini yüngülləşdirən və ağırlaşdıran hallar müəyyən edilmədi. İnzibati xətanın xarakterini və işin göstərilən hallarını, eləcə də inzibati xəta törədənin şəxsiyyətini və təqsirinin dərəcəsini nəzərə alaraq məhkəmə hesab edir ki, Şəxs inzibati qaydada həbs tənbeh tədbirinin tətbiq edilməsi inzibati tənbehin məqsədlərini təmin edə bilər. Göstərilənlərə əsasən və Azərbaycan Respublikası İnzibati Xətalar Məcəlləsinin 43, 115, 117, 128, 129 və 130-cu maddələrini rəhbər tutaraq, məhkəmə qərara aldı: Şəxs Azərbaycan Respublikası İnzibati Xətalar Məcəlləsinin 227-ci maddəsində nəzərdə tutulmuş inzibati xətanı törətməkdə təqsirli bilinib 01 (bir) ay müddətinə inzibati qaydada həbs edilsin. İnzibati qaydada həbs müddətinin əvvəli 30 avqust 2021-ci il tarixdən, saat 23:15dən hesablansın. Qərarın icrası Azərbaycan Respublikası Daxili İşlər Nazirliyinin İnzibati X2 Məntəqəsinə və Nəsimi rayon Polis İdarəsinə həvalə edilsin. Qərarın surəti rəsmi qaydada verildiyi gündən 10 (on) gün müddətində Bakı Apellyasiya Məhkəməsinə Nəsimi Rayon Məhkəməsi vasitəsi ilə şikayət verilə bilər. Hakim: Elməddin Hüseynov