Bakı Şəhəri Nəsimi Rayon Məhkəməsi Qərardad — İş №3(006)-2473/2020

Azərbaycan Respublikası adından QƏRARDAD Bakı şəhəri İş № 3(006)-2473/2020 08.10.2020 BAKI ŞƏHƏRİ NƏSİMİ RAYON MƏHKƏMƏSİ Nəsimi rayon məhkəməsinin hakimi Hüseynov Elməddin Mirpaşa oğlu, X1 barəsində Bakı şəhər Xətai rayon Polis İdarəsi tərəfindən qəbul olunmuş xx xxxx 2020-ci il tarixli qərarın ləğv edilməsi barədə şikayətini məhkəmədə baxmağa hazırlayarkən m ü ə y y ə n e t d i m: X2 şikayət ərizəsi ilə məhkəməyə müraciət edərək Bakı şəhər Xətai rayon Polis İdarəsi tərəfindən xx xxxx 2020-ci il tarixdə cərimə olunmasına dair qərarın ləğv edilməsini xahiş etmişdir. Şikayət ərizəsini və ona əlavə edilmiş sənədləri araşdıraraq hesab edirəm ki, şikayət geri qaytarılmalıdır. Belə ki, X2 Bakı şəhər Xətai rayon Polis İdarəsi tərəfindən xx xxxx 2020-ci il tarixdə cərimə olunmasına dair qərarın ləğv edilməsini xahiş etsə də, lakin inzibati xəta haqqında protokolu və inzibati tənbeh vermə haqqında qərarı şikayət ərizəsinə əlavə etməmişdir. Məhkəməyə təqdim edilmiş sənədlərdən mübahisələndirilən inzibati xəta haqqında iş üzrə hansı tarixdə və kimin tərəfindən qərar qəbul edilməsi müəyyən edilmir. Azərbaycan Respublikası İnzibati Xətalar Məcəlləsinin 128.2-ci maddəsinə əsasən inzibati xətalar haqqında işlər üzrə qərardan şikayət və ya protest aşağıdakı qaydada verilir: 128.2.1. hakimin qərarından - apellyasiya instansiyası məhkəməsinə; 128.2.2. kollegial orqanın qərarından - kollegial orqanın olduğu yerin məhkəməsinə; 128.2.3. səlahiyyətli orqanın (vəzifəli şəxsin) qərarından - yuxarı səlahiyyətli orqana (vəzifəli şəxsə) və ya məhkəməyə. Bundan başqa, məhkəməyə ərizə təqdim edilərkən həmin ərizənin nəticə hissəsində müraciətin hansı qərar üzrə olması qeyd edilməmişdir. Qeyd olunanlara əsasən hesab edirəm ki, X1 Bakı şəhər Xətai rayon Polis İdarəsi tərəfindən xx xxxx 2020-ci il tarixdə cərimə olunmasına dair qərarın ləğv edilməsi barədə şikayət ərizəsi Azərbaycan Respublikası İXM-nin 128-ci maddəsinin tələblərinə uyğun olmadığından geri qaytarılmalıdır. Göstərilənlərə əsasən və Azərbaycan Respublikası İnzibati Xətalar Məcəlləsinin 128-130-cu maddələrini rəhbər tutaraq Q Ə R A R A A L D İ M: X1 barəsində Bakı şəhər Xətai rayon Polis İdarəsi tərəfindən xx xxxx 2020-ci il tarixli qərarın ləğv edilməsi barədə şikayət ərizəsi geri qaytarılsın. Hakim: Elməddin Hüseynov