Bakı Şəhəri Nəsimi Rayon Məhkəməsi Qərardad — İş №3(006)-2586/2023

Azərbaycan Respublikası adından QƏRARDAD Bakı şəhəri İş № 3(006)-2586/2023 24.05.2023 BAKI ŞƏHƏRİ NƏSİMİ RAYON MƏHKƏMƏSİ Hakim Mustafayeva Solmaz Rafael qızı Şəxs MMC tərəfindən Azərbaycan Respublikası İnzibati Xətalar Məcəlləsinin 598.1.3-cü maddəsində nəzərdə tutulmuş inzibati xətanın törədilməsinə dair Azərbaycan Respublikası İqtisadiyyat Nazirliyi yanında Dövlət Vergi Xidməti Bakı Şəhəri Lokal Gəlirlər Baş İdarəsindən daxil olmuş inzibati xəta haqqında materiala baxaraq, MÜƏYYƏN ETDİM: Şəxs MMC tərəfindən Azərbayсan Respublikası İnzibati Xətalar Məсəlləsinin 598.1.3-cü maddəsində nəzərdə tutulan inzibati xətanın törədilməsi barədə protokol baxılması üçün Bakı şəhəri Nəsimi Rayon Məhkəməsinə göndərilmişdir. İnzibati xəta haqqında materialı araşdırıb belə qənaətə gəlirəm ki, inzibati xəta haqqında protokol və ona əlavə edilmiş materiallar geri qaytarılmalıdır. Belə ki, iş materiallarında olan nəzarət olunan subyektin səyyar yoxlanılmasına dair **********151200 nömrəli xx.xx.2023-cü il tarixli aktın 5-ci vərəqəsinin sonuncu abzasından qeyd edilmişdir ki, “İXM-nin 598.1.3-cü maddəsinə əsasən “Cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında” Azərbaycan Respublikasının Qanununa uyğun olaraq monitorinq iştirakçıları və monitorinqdə iştirak edən digər şəxslər tərəfindən daxili nəzarət sisteminin tətbiq edilməməsinə, yaxud tam tətbiq edilməməsinin inzibati məsuliyyətə səbəb olur.” Həmçinin Azərbaycan Respublikası İqtisadiyyat Nazirliyi yanında Dövlət Vergi Xidməti Bakı Şəhəri Lokal Gəlirlər Baş İdarəsi tərəfindən Şəxs MMC barəsində tərtib edilmiş 22 may 2023-cü il tarixli protokolda da ünvan 1 ünvanında xx.xx.2023-cü il tarixdə saat 16:00-da CYLTMM haqqında Qanunun tələbləri pozularaq Şəxs MMC tərəfindən daxili nəzarət sisteminin tətbiq edilməməsi qeyd edilmişdir. Lakin maliyyə institutları tərəfindən daxili nəzarət sisteminin tətbiq edilməməsi, yaxud tam tətbiq edilməməsi İXM-nin 598.1.2-ci maddəsi ilə inzibati məsuliyyətə səbəb olduğu halda, Azərbaycan Respublikası İqtisadiyyat Nazirliyi yanında Dövlət Vergi Xidməti Bakı Şəhəri Lokal Gəlirlər Baş İdarəsi tərəfindən Şəxs MMC barəsində Azərbayсan Respublikası İXM-nin 598.1.3-cü maddəsində nəzərdə tutulmuş inzibati xətanın törədilməsi barədə protokol tərtib edilmişdir. Göründüyü kimi protokolun məhkəməyə göndərilməsinə qədər yol verilmiş yuxarıda sadalanan nöqsanı işin məhkəmə hazırlıq və ya baxışı mərhələsində aradan qaldırmaq mümkünsüzdür. Həmin pozuntu protokol tərtib edilənədək yol verilmiş pozuntudur və bu pozuntunu protokol tərtib etmiş səlahiyyətli orqan aradan qaldırmalıdır. Qeyd nöqsanlar aradan qaldırılmadan isə işə baxmaq mümkün deyildir. Belə ki, Azərbaycan Respublikasının İXM-nin 106-cı maddəsinə əsasən hakim inzibati xəta haqqında işin baxılmağa hazırlanması zamanı işin baxılmasının onun səlahiyyətinə aid olub-olmamasını (mad 106.0.1), inzibati xəta haqqında protokol və işin digər materiallarının İXM-in tələblərinə müvafiq olaraq tərtib edilib-edilmədiyini (mad. 106.0.3), işin icraatını rədd edən hallar mövcud olub-olmadığını (mad 106.0.4), mahiyyəti üzrə baxılması üçün işdə kifayət qədər sübutlar toplanıb-toplanılmamasını (106.0.5) həll etməlidir. Azərbaycan Respublikasının İXM-nin 109.1.6-cı maddəsinə əsasən inzibati xəta haqqında işin baxılmağa hazırlanması zamanı protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması barəsində qərardad qəbul edilir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48-51, 109, 114-cü maddərini rəhbər tutaraq, QƏRARA ALDİM: Şəxs MMC tərəfindən Azərbaycan Respublikası İXM-nin 598.1.3-cü maddəsində nəzərdə tutulmuş inzibati xətanın törədilməsinə dair Azərbaycan Respublikası İqtisadiyyat Nazirliyi yanında Dövlət Vergi Xidməti Bakı Şəhəri Lokal Gəlirlər Baş İdarəsindən daxil olmuş inzibati xəta haqqında protokoln və ona əlavə edilmiş sənədlər protokolu tərtib etmiş orqana geri qaytarılsın. Hakim Solmaz Mustafayeva