Bakı Şəhəri Nəsimi Rayon Məhkəməsi Qərar — İş №3(006)-266/2022

Azərbaycan Respublikası adından QƏRAR Bakı şəhəri İş № 3(006)-266/2022 15.02.2022 BAKI ŞƏHƏRİ NƏSİMİ RAYON MƏHKƏMƏSİ Hakim: Pənahov Babək Əkbər oğlunun sədrliyi Məhkəmə iclasının katibi: X2 İnzibati xəta haqqında protokolu Bakı şəhəri Nəsimi Rayon Polis İdarəsinin tərtib etmiş: Dövlət X5 nümayəndəsi X1 iştirakları ilə xx.xx.1990-cı ildə Bakı şəhərində anadan olmuş, Azərbaycan Respublikasının vətəndaşı (FİN: xxxxxxx), Bakı şəhəri, Yasamal rayonu, M.Muxtarov küçəsi, ev 26-da qeydiyyatda olan Şəxs barəsində Azərbaycan Respublikası İnzibati Xətalar Məcəlləsinin 327.1 və 333.1-ci maddələri üzrə tərtib edilmiş 20.12.2021-ci il tarixli, AP ******* saylı inzibati xəta haqqında protokola və ona əlavə olunmuş materiallara açıq məhkəmə iclasında baxaraq M Ü Ə Y Y Ə N E T D İ: Şəxs 20 dekabr 2021-ci il tarixdə, saat 02:20 radələrində Bakı şəhəri, Nəsimi rayonu, Moskva prospektində «TOYOTA PRİUS MİNİK» markalı, **-UX-*** dövlət qeydiyyat nişanlı nəqliyyat vasitəsini psixotrop vasitələrin təsiri altında sərxoş halda idarə etmişdir. Məhkəmə iclasında Bakı şəhəri Nəsimi Rayon Dövlət X5 nümayəndəsi X3 izahatında göstərdi ki, Şəxs 20 dekabr 2021-ci il tarixdə, saat 02:20 radələrində Bakı şəhəri, Nəsimi rayonu, Moskva prospektində «TOYOTA PRİUS MİNİK» markalı, **-UX-*** dövlət qeydiyyat nişanlı nəqliyyat vasitəsini psixotrop vasitələrin təsiri altında idarə etmişdir. Bununla bağlı protokol tərtib edilmiş, eyni zamanda psixotrop maddənin qanunsuz istehlakı ilə əlaqədar onun barəsində İnzibati Xətalar Məcəlləsinin 206-cı maddəsi üzrə icraata başlanılması üçün materiallar aidiyyəti üzrə göndərilmişdir. Şəxs inzibati məsuliyyətə cəlb olunmasını xahiş etdi. Məhkəmə iclasının vaxtı və yeri barədə xəbardarlıq edilməsinə baxmayaraq, barəsində icraat aparılan Şəxs məhkəməyə gəlməmiş, bunun səbəbi barədə məlumat verilməmişdir. Məhkəmə işə onun iştirakı olmadan baxılmasını mümkün hesab etmişdir. İş materiallarında olan:  20.12.2021-ci il tarixli, AP ******* saylı inzibati xəta haqqında protokola əsasən Şəxs həmin günü saat 02:20 radələrində Bakı şəhəri, Nəsimi rayonu, Moskva prospektində «TOYOTA PRİUS MİNİK» markalı, **-UX-*** dövlət qeydiyyat nişanlı nəqliyyat vasitəsini psixotrop vasitələrin təsiri altında idarə etmişdir;  21.12.2021-ci il tarixli 1/4632 saylı “Sərxoşluq vəziyyətinin tibbi müayinəsi Aktı”na görə Şəxs opioidlərin və metamfetamindən istifadə faktı aşkar olunur;  Şəxs Nəsimi Rayon Polis İdarəsinin X7 Şöbəsinə verdiyi 21.12.2021-ci il tarixli izahatından görünür ki, o, nəqliyyat vasitəsini idarə edərkən psixotrop maddə qəbul etmişdir. Məhkəmə iş materiallarını nəzərdən keçirərək hesab edir ki, Şəxs Azərbaycan Respublikası İnzibati Xətalar Məcəlləsinin 333.1-ci maddəsində nəzərdə tutulan inzibati xətanı törətməsi sübuta yetirilir və o, həmin maddə üzrə məsuliyyətə cəlb edilib təqsirli bilinməlidir. Azərbaycan Respublikası İnzibati Xətalar Məcəlləsinin 333-cü maddəsinin “Qeyd” hissəsində göstərilmişdir ki, xüsusi texniki vasitə qanda alkoqolun konsentrasiyasının 0,3 promilli və daha artıq olmasını və yaxud narkotik vasitələrin, psixotrop və digər güclü təsir edən maddələrin qəbulunu göstərdiyi halda şəxsin sərxoşluq vəziyyətində olduğu hesab edilir. İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 9.1-ci maddəsinin tələbinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. İnzibati Xətalar Məcəlləsinin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. İnzibati xəta haqqında işə baxılarkən Şəxs məsuliyyətini yüngülləşdirən və ya ağırlaşdıran hallar müəyyən edilmədi. Beləliklə məhkəmə Şəxs törətdiyi inzibati xətanın xarakterini və digər halları nəzərə alaraq hesab edir ki, ona İnzibati Xətalar Məcəlləsinin 333.1-ci maddəsində nəzərdə tutulmuş nəqliyyat vasitələrini idarə etmə hüququnun məhdudlaşdırılması növündə inzibati tənbeh tətbiq edilməlidir. Eyni zamanda inzibati xəta haqqında protokolda Şəxs İnzibati Xətalar Məcəlləsinin 327.1-ci maddəsində nəzərdə tutulmuş əməlin törətməsi məsələsinə dair işə baxılması həmin Məcəllənin 43-cü maddəsinə görə məhkəmənin səlahiyyətinə deyil, daxili işlər orqanlarının səlahiyyətlərinə aid olduğundan, məhkəmə bu məsələyə hüquqi qiymətin verilməsini məqdədəuyğun hesab etmir. Göstərilənləri nəzərə alaraq və Azərbaycan Respublikası İnzibati Xətalar Məcəlləsinin 40-cı, 43-cü, 48-50-ci, 114-115-ci və 128-130-cu maddələrini rəhbər tutaraq məhkəmə Q Ə R A R A A L D İ: Şəxs Azərbaycan Respublikası İnzibati Xətalar Məcəlləsinin 333.1-ci maddəsi ilə təqsirli bilinsin və ona nəqliyyat vasitələrini idarə etmə hüququnun 01 (bir) il müddətinə məhdudlaşdırılması növündə inzibati tənbeh tətbiq edilsin. Şəxs İnzibati Xətalar Məcəlləsinin 327.1-ci maddəsində nəzərdə tutulmuş əməlin törətməsi məsələsinə hüquqi qiymətin verilməsi ilə əlaqədar müvafiq sənədlər aidiyyəti daxili işlər orqanına göndərilsin. Qərardan, onun surəti rəsmi qaydada verildiyi vaxtdan 10 (on) gün müddətində Bakı şəhəri Nəsimi Rayon Məhkəməsi vasitəsilə Bakı Apellyasiya Məhkəməsinə şikayət verilə bilər. Hakim Babək Pənahov