Bakı Şəhəri Nəsimi Rayon Məhkəməsi Qərar — İş №3(006)-2694/2020

Azərbaycan Respublikası adından QƏRAR Bakı şəhəri İş № 3(006)-2694/2020 13.11.2020 BAKI ŞƏHƏRİ NƏSİMİ RAYON MƏHKƏMƏSİ Hakim Hüseynov Elməddin Mirpaşa oğlunun sədrliyi, Mustafayeva İlhamə Mövlan qızının katibliyi ilə, Bakı Nəqliyyat Agentliyinin xx xxxxxxxx 2020-ci il tarixli, BNA ******* saylı inzibati tənbeh vermə haqqında qərarından X1 tərəfindən verilmiş şikayətə açıq məhkəmə iclasında baxaraq, məhkəmə MÜƏYYƏN ETDİ: X1 şikayətlə məhkəməyə müraciət edərək Bakı Nəqliyyat Agentliyinin xx xxxxxxxx 2020-ci il tarixli, BNA ******* saylı inzibati tənbeh vermə haqqında qərarının ləğv edilməsini və inzibati iş üzrə icraata xitam verilməsini xahiş etmişdir. Şikayət onunla əsaslandırılmışdır ki, xx xxxxxxx 2020-ci il tarixdə mənzilinə Bakı Nəqliyyat Agentliyindən məktub gəlmişdir. Məktubda zərfin içində qərar və fotoşəkillər olmuşdur. Belə ki, Bakı Nəqliyyat Agentliyinin Maliyyə və büdcə proqnozlaşdırılması şöbəsinin müdiri X2 imzaladığı BNA ******* nömrəli İnzibati tənbeh vermə haqqında Qərara görə o, Azərbaycan Respublikası İnzibati Xətalar Məcəlləsinin 346.1-ci maddəsində nəzərdə tutulmuş inzibati xətanı törətdiyi üçün 20 manat məbləğində cərimə edilmişdir. Qərara əlavə edilmiş fotoşəkillərə baxdıqda aşkar məlum olur ki, şəkildəki nəqliyyat vasitəsi ona məxsus deyil. Belə ki, fotoşəkildəki avtomaşının dövlət qeydiyyat nişanı **-UV-***-dir. Ona məxsus avtomaşının dövlət qeydiyyat nişanı **-UV-***-dir. Bu səbəbdən qərarın ləğv edilməsini xahiş edir. İXM-nin 53.0.1-ci maddəsinə görə inzibati xəta hadisəsi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. İXM-nin müvafiq maddəsinə görə inzibati xətalar haqqında işlərin icraatı üzrə aşağıdakılar müəyyən edilməlidir: 385.0.1. inzibati xəta hadisəsi (inzibati xəta törədilmişdirmi): 385.0.2. inzibati xət törətmiş şəvs. inzibati xəta törətməkdə şəxsin təqsiri; inzibati məsuliyyəti ağırlaşdıran və yüngülləşdirən hallar; inzibati xəta nəticəsində vurulan zərərin xarakteri və miqdarı; inzibati xətalar haqqında işlər üzrə icraatı rədd edən hallar; işin düzgün həlli üçün əhəmiyyətli olan digər hallar, habelə inzibati xətanın törədilməsinə kömək edən səbəblər və şərait. Göründüyü kimi bütün bunlar öz. təsdiqini tapmamış və müvafiq şəkildə əks olunmamışdır. Azərbaycan Respublikası İnzibati Xətalar Məcəlləsinin müvafiq maddəsinə görə barəsində qərar çıxarılmış fiziki şəxs, yetkinlik yaşma çatmayanların qanuni nümayəndəsi, hüquqi şəxsin nümayəndəsi, zərərçəkmiş şəxs, habelə müdafiəçi və nümayəndə inzibati xətalar haqqında işlər üzrə qərarlardan şikayət, prokuror isə protest verə bilər. İXM-nin müvafiq maddəsinə görə inzibati xətalar haqqında işlər üzrə qərardan şikayət və va protest səlahiyyətli orqanın (vəzifəli şəxsin) qərarından yuxan səlahiyyətli orqana (vəzifəli şəxsə) və ya məhkəməyə verilir. Digər maddəyə görə səlahiyyətli orqanın (vəzifəli şəxsin) qərarından məhkəməyə verilən şikay ət - şikayət verən şəxsin yaşayış yeri və ya hüquqi şəxsin ünvanının olduğu yer üzrə rayon (şəhər) məhkəməsinə verilir. Aşağıda istinad etdiyi maddəələr onun xeyrinə təfsir olunduğu üçün onları qeyd etməyi vacib sayır. İXM-nin 12-ci maddəsinə əsasən Bu Məcəllə ilə qorunan ictimai münasibətlərə qəsd edən, hüquqa zidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Lakin, onun hərəkətlərində, yaxud hərəkətsizliyində hüquqazidd hər hansı hərəkətlər olmamışdır. İXM-nin 32.1-ci maddəsinə əsasən inzibati xətaya görə tənbeh bu Məcəlləyə uyğun olaraq tətbiq edilir. Bütün yuxarıda göstərilənlər onu göstərir ki, BNA-nın Maliyyə və büdcə proqnozlaşdırılması şöbəsinin müdiri X4 qərarı qəbul edərkən ciddi səhvə yol verərək inzibati xətalar məcəllənin tələblərini kobud pozmaqla yanaşı, ona mənəvi zərər də yetirmişdir. Göstərilənləri nəzərə alaraq, qanunsuz olaraq qəbul edilmiş BNA ******* saylı inzibati tənbeh vermə haqqında qərarın ləğv edilməsi barədə qərar qəbul edilməsi xahiş edilmişdir. Məhkəmə iclasının vaxtı və yeri barədə Bakı Nəqliyyat Agentliyinə və şikayətçiyə lazımi qaydada məlumat verilsə də, Bakı Nəqliyyat Agentliyinin nümayəndəsi və şikayətçi məhkəmə iclasında iştirak etməmiş və iştirak etməmələrinin səbəbləri barədə məhkəməyə məlumat verməmişlər. Məhkəmə Azərbaycan Respublikasının İnzibati Xətalar Məcəlləsinin 133.2.4-cü maddəsinə əsasən işə Bakı Nəqliyyat Agentliyinin nümayəndəsinin və şikayətçinin iştirakı olmadan baxılmasını mümkün hesab edir. Məhkəmə şikayət ərizəsini və digər iş materiallarını araşdıraraq hesab edir ki, şikayət qismən təmin olunmalıdır. Belə ki, şikayət ərizəsinə əlavə edilmiş fotoşəkildən və inzibati tənbeh tətbiq etmə haqqında qərardan görünür ki, Bakı Nəqliyyat Agentliyinin səlahiyyətli nümayəndəsi tərəfindən inzibati tənbeh tətbiq etmə haqqında qərar qəbul olunarkən həmin Agentliyə məxsus kamera vasitəsilə qeydə alınmış Opel Vectra minik markalı **-UV-*** dövlət qeydiyyat nişanlı avtomaşının sahibi barəsində deyil, səhvən ** UV *** dövlət qeydiyyat nişanlı avtomaşının sahibi barəsində inzibati tənbeh tətbiq etmə barədə qərar qəbul olunmuşdur. Azərbaycan Respublikası İnzibati Xətalar Məcəlləsinin 48-ci maddəsinə əsasən inzibati xətalar haqqında işlər üzrə icraatın vəzifələri şəxslərin hüquqlarını və azadlıqlarını, onların qanuni mənafelərini qorumaqdan, inzibati xəta haqqında hər bir işin hallarını vaxtında, hərtərəfli, tam və obyektiv surətdə aydınlaşdırmaqdan, inzibati xəta törətmiş şəxsi aşkar etməkdən və onu inzibati məsuliyyətə cəlb etməkdən, çıxarılmış qərarın icrasını təmin etməkdən, habelə inzibati xətanın törədilməsinə kömək edən səbəbləri və şəraiti aşkar etməkdən və inzibati xətaların qarşısını almaqdan ibarətdir. Həmin Məcəllənin 5.2-ci maddəsinə əsasən bu Məcəllə insan və vətəndaş hüquqlarının və azadlıqlarının dövlət orqanları (vəzifəli şəxslər) tərəfindən pozulmasının qarşısının alınmasını və onlara hörmət olunmasını təmin edir. Bu Məcəllənin 6.2-ci maddəsinə əsasən inzibati xətalar haqqında işlər üzrə icraatın təmin edilməsi tədbirləri tətbiq edilərkən, qanunvericiliyin tələblərinə əməl olunması yuxarı orqanların və vəzifəli şəxslərin idarə nəzarəti ilə, məhkəmə və prokuror nəzarəti ilə və şikayət etmək hüquqi ilə təmin edilir. İnzibati Xətalar Məcəlləsinin 61.3-cü maddəsinə əsasən inzibati xəta haqqında işə barəsində inzibati xəta haqqında iş üzrə icraat aparılan şəxsin iştirakı ilə baxılır. Həmin işə şəxsin iştirakı olmadan, yalnız o hallarda baxılır ki, işə baxılmasının yeri və müddətinin ona vaxtında bildirilməsi barədə məlumat olsun və ya işə baxılmasını təxirə salmaq haqqında ondan vəsatət daxil olmasın, yaxud belə vəsatət rədd edilmiş olsun. Bakı Nəqliyyat Agentliyi tərəfindən qeyd edilən inzibati xəta haqqında işə baxılarkən qanunvericiliyin yuxarıda göstərilmiş tələblərinə riayət olunmamış, barəsində icraat aparılan şəxsin iştirakı təmin olunmadan və zəruri araşdırma aparılmadan işə baxılaraq qərar qəbul olunmuşdur. İnzibati Xətalar Məcəlləsinin 135.1.6-cı maddəsinə görə bu Məcəllə ilə müəyyən edilmiş tələblərin işin hallarının hərtərəfli, tam və obyektiv araşdırılmasına maneə törədəcək dərəcədə pozulması inzibati xəta haqqında iş üzrə qərarın ləğv edilməsi və ya dəyişdirilməsi üçün əsasdır. Həmin Məcəllənin 134.1.4-cü maddəsinə görə inzibati xəta haqqında iş üzrə qərardan verilən şikayətə və ya protestə baxılaraq bu Məcəllənin 135.1.1 və 135.1.6-cı maddələri ilə müəyyən edilmiş hallarda qərarın ləğv edilməsi və inzibati xəta haqqında işin yenidən baxılmaq üçün hakimə, səlahiyyətli orqana (vəzifəli şəxsə) göndərilməsi haqqında qərar qəbul edilə bilər. Göstərilənləri nəzərə alaraq məhkəmə hesab edir ki, şikayət qismən təmin edilməli, Bakı Nəqliyyat Agentliyi tərəfindən xx xxxxxxxx 2020-ci il tarixli, BNA ******* saylı inzibati tənbeh vermə haqqında qərar ləğv edilməli və iş yenidən baxılması üçün həmin quruma göndərilməlidir. Qeyd edilənlərə əsasən və Azərbaycan Respublikası İnzibati Xətalar Məcəlləsinin 128-130-cu və 133-135-ci maddələrini rəhbər tutaraq məhkəmə QƏRARA ALDİ: Şikayət qismən təmin edilsin. Bakı Nəqliyyat Agentliyi tərəfindən qəbul edilmiş xx xxxxxxxx 2020-ci il tarixli, BNA ******* saylı inzibati tənbeh vermə haqqında qərar ləğv edilsin və iş baxılması üçün həmin quruma göndərilsin. Qərardan, onun surəti rəsmi qaydada verildiyi andan 10 gün müddətində Bakı şəhəri Nəsimi Rayon Məhkəməsi vasitəsi ilə Bakı Apellyasiya Məhkəməsinə şikayət verilə bilər. Hakim: Elməddin Hüseynov