Bakı Şəhəri Nəsimi Rayon Məhkəməsi Qərar — İş №3(006)-2697/2025

Azərbaycan Respublikası adından QƏRAR Bakı şəhəri İş № 3(006)-2697/2025 21.05.2025 BAKI ŞƏHƏRİ NƏSİMİ RAYON MƏHKƏMƏSİ Hakim Mustafayeva Solmaz Rafael qızının sədrliyi, Məhkəmə iclasının katibi Qasımova Leyla Nurəddin qızının katibliyi, Azərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Ağentliyinin nümayəndəsi X1 iştirakları ilə, Şəxs MMC (hüquqi ünvanı: Bakı şəhəri, Nəsimi rayonu, Mərdanov qardaşları, ev 137; VÖEN: **********) barəsində Azərbaycan Respublikası İnzibati Xətalar Məcəlləsinin (bundan sonra Azərbaycan Respublikası İXM) 447.0.1-ci maddəsi üzrə tərtib olunmuş xx.xx.2025-ci il tarixli, MN ******* saylı inzibati xəta haqqında protokola və ona əlavə edilmiş sənədlərə açıq məhkəmə iclasında baxaraq, MÜƏYYƏNETDİ: Şəxs MMC-nin Azərbaycan Respublikasının İXM-nin 447.0.1-ci maddəsi ilə nəzərdə tutulmuş inzibati xətanı törətməsinə dair xx.xx.2025-ci il tarixli, MN ******* saylı inzibati xəta haqqında protokol və ona əlavə edilmiş sənədlər Nəsimi Rayon Məhkəməsinə daxil olmuşdur. İnzibati xəta haqqında protokola əsasən ünvan 2 ünvanında fəaliyyət göstərən «Araz Spar» marketdə xx.xx.2025-ci il tarixdə “Slavyanka JB İtal” adlı məhsulun üzərində qiymətinin 14,00 manat göstərilməsinə baxmayaraq kassada 15,50 manata hesablanaraq satılmış, bununla da Cəmiyyət tərəfindən İXM-in 447.0.1-ci maddəsində nəzərdə tutulmuş inzibati xəta törədilmişdir. Məhkəmə iclasında iştirak edən inzibati xəta haqqında protokol tərtib etmiş Azərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Ağentliyinin səlahiyyətli nümayəndəsi X2 inzibati xəta haqqında protokolu müdafiə edərək izahatında bildirmişdir ki, vətəndaş Xəyalə Əliyevanın xx.xx.2025-ci il tarixli və Vüsal Əhmədovun xx.xx.2025-ci il tarixli müraciətləri və təqdim etdikləri kassa qəbzləri və qiymət kağızlarının fotoşəkilləri Azərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Ağentliyində araşdırılan zaman Şəxs MMC-yə məxsus ünvan 2 ünvanında fəaliyyət göstərən «Araz Spar» marketdə “Slavyanka JB İtal” adlı məhsulun qiymət kağızında qiymətinin 14,00 manat qeyd olunmasına baxmayaraq, kassada 15,50 manata hesablanaraq satılması faktı müəyyən olunmuşdur. “İstehlakçıların hüquqlarının müdafiəsi haqqında” Azərbaycan Respublikası Qanununun 13-cü maddəsinin 1-ci bəndinə əsasən, satıcı (icraçı) istehlakçını maraqlandıran malın (işin, xidmətin) qiyməti, istehlak xassələri (qida məhsulları barəsində isə; həm də qida və enerji dəyəri, tərkibi, miqdarı, keyfiyyət göstəriciləri, istehsal tarixi, yararlılıq müddəti, tərkibindəki allergenlər, mənşəyi), əldə edilməsi şərtləri, təminat öhdəlikləri və iddiaların irəli sürülməsi, malın işlədilməsi, saxlanılması və təhlükəsiz istifadəsi üsulları və qaydaları barəsində istehlakçıya zəruri və düzgün məlumat verməlidir. Göstərilənlərə əsasən Şəxs MMC-nin barəsində müvafiq inzibati tənbeh tətbiq edilməsini məhkəmədən xahiş etmişlər. Məhkəmə iclasının vaxtı və yeri barədə lazımi qaydada məlumat verilməsinə baxmayaraq barəsində inzibati xəta haqqında iş üzrə icraat aparılan hüquqi şəxs Şəxs MMC-nin nümayəndəsi məhkəmə iclasına gəlməmişdir. Məhkəmə barəsində inzibati xəta haqqında iş üzrə icraat aparılan hüquqi şəxs Şəxs MMC-nin nümayəndəsinin iştirakı olmadan məhkəmə iclasının keçirilməsini mümkün hesab etmişdir. Məhkəmə inzibati xəta haqqında protokolu və iş materiallarını araşdıraraq hesab edir ki, Şəxs MMC tərəfindən Azərbaycan Respublikası İXM-nin 447.0.1-ci maddəsində nəzərdə tutulmuş inzibati xətanın törədilməsi tam sübuta yetirilir. Buna görə də qurum həmin maddə ilə təqsirli bilinərək inzibati məsuliyyətə cəlb edilməlidir. Belə ki, iş materiallarında olan X3 Azərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Ağentliyinin elektron poçt ünvanına göndərdiyi müraciətindən görünür ki, o, ünvan 3a yerləşən «Araz Spar» supermarketindən 300 qram “Slavyanka” şokoladı almış, ödəniş etdikdən sonra qəbzə və malın üzərindəki qiymətə baxarkən görmüşdür ki, kassada yüksək qiymət yazılaraq onu aldatmışlar. Belə ki, malın üzərindəki qiymət 4 manat 20 qəpik yazılsa da, kassada 4 manat 65 qəpik qeyd edilmişdir. Bu qanunsuzluğun araşdırılaraq müvafiq tədbir görülməsini xahiş etmişdir. İş materiallarında olan Vüsal Əhmədovun Azərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Ağentliyinin elektron poçt ünvanına göndərdiyi müraciətindən görünür ki, o, xx.xx.2025-ci il tarixində S.Vurğun küçəsi, ev 19 ünvanında yerləşən «Araz Spar» marketdən “Slavyanka” şokoladı alıb tərəzidə çəkdirmiş və tərəzidən 3 manat 70 qəpik malın üzərinə vurulsa da, kassada verilən qəbzdə 4 manat 09 qəpik olduğunu görmüşdür. Mağazanın rəhbərliyinə bu qanunsuzluq barədə yerində məlumat versə də, onlar təkidlə düz olduqlarını sübut etməyə çalışmışlar, heç bir üzrxahlıq da etməmişlər. Bu qanunsuzluq barədə obyektiv araşdırma aparılaraq qanuni tədbir görülməsini xahiş etmişdir. “İstehlakçıların hüquqlarının müdafiəsi haqqında” Azərbaycan Respublikası Qanununun 13-cü maddəsinin 1-ci bəndinə əsasən, satıcı (icraçı) istehlakçını maraqlandıran malın (işin, xidmətin) qiyməti, istehlak xassələri (qida məhsulları barəsində isə; həm də qida və enerji dəyəri, tərkibi, miqdarı, keyfiyyət göstəriciləri, istehsal tarixi, yararlılıq müddəti, tərkibindəki allergenlər, mənşəyi), əldə edilməsi şərtləri, təminat öhdəlikləri və iddiaların irəli sürülməsi, malın işlədilməsi, saxlanılması və təhlükəsiz istifadəsi üsulları və qaydaları barəsində istehlakçıya zəruri və düzgün məlumat verməlidir. Məhkəmə araşdırması nəticəsində müəyyən edildi ki, xx.xx.2025-ci il tarixdə vətəndaş X4 ünvan 2 ünvanında fəaliyyət göstərən «Araz Spar» marketdən “Slavyanka JB İtal.” adlı məhsulu alan zaman məhsulun qiymət kağızında qiymətinin 4.20 manat (1 kq – 14,00 manat) qeyd olunmasına baxmayaraq, kassada 4.65 manata (1 kq – 15,50 manat) hesablanaraq satılmışdır. Həmçinin, xx.xx.2025-ci il tarixdə vətəndaş Vüsal Əhmədov ünvan 2 ünvanında fəaliyyət göstərən «ArazSpar» marketdən “Slavyanka JB İtal.” adlı məhsulu alan zaman məhsulun qiymət kağızında qiymətinin 3.70 manat (1 kq – 14,00 manat) qeyd olunmasına baxmayaraq, kassada 4.09 manata (1 kq – 15,50 manat) hesablanaraq satılmışdır. X4 və X6 və İstehlak Bazarına Nəzarət Dövlət Ağentliyinin elektron poçt ünvanına şikayətlə müraciət etmişdir. Bu səbəbdən də Azərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Ağentliyinin Bakı şəhər şöbəsi tərəfindən xx.xx.2025-ci il tarixdə Şəxs MMC barəsində Azərbaycan Respublikası İXM-nin 447.0.1-ci maddəsi ilə inzibati xəta haqqında protokol tərtib olunmuşdur. Azərbaycan Respublikası İXM-nin 447.0.1-ci maddəsi mal satan və ya əhaliyə xidmət göstərən şəxslər tərəfindən malın (xidmətin) ölçüsünə, çəkisinə, hesabına, habelə istehlak xüsusiyyətinə və ya keyfiyyətinə dair istehlakçıların az miqdarda aldadılmasına görə - fiziki şəxslər üç yüz əlli manatdan beş yüz manatadək məbləğdə, vəzifəli şəxslər min beş yüz manatdan iki min manatadək məbləğdə, hüquqi şəxslər dörd min manatdan altı min manatadək məbləğdə cərimə edilir. Həmin Məcəllənin 9.1-ci maddəsinin tələbinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmin Məcəllənin 84-cü maddəsinə görə inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Həmin Məcəllənin 31.3-cü maddəsinə görə hüquqi şəxslər barəsində inzibati tənbeh tətbiq edilərkən, inzibati xətanın xarakteri, inzibati xəta nəticəsində hüquqi şəxsin əldə etdiyi xeyrin həcmi və ya onun maraqlarının təmin edilməsinin xarakteri və dərəcəsi, hüquqi şəxsi xarakterizə edən hallar, o cümlədən onun maliyyə və əmlak vəziyyəti, xeyriyyəçilik və ya digər ictimai faydalı fəaliyyətlə məşğul olması, habelə məsuliyyəti yüngülləşdirən və ağırlaşdıran hallar nəzərə alınır. Məhkəmədə Şəxs MMC-nin məsuliyyətini yüngülləşdirən və ya ağırlaşdıran hallar müəyyən edilmədi. Beləliklə, məhkəmə Şəxs MMC-nin törətdiyi inzibati xətanın xarakterini, inzibati xəta nəticəsində onun maraqlarının təmin edilməsinin dərəcəsini, hüquqi şəxsi xarakterizə edən halları və s. nəzərə alaraq hesab edir ki, ona Azərbaycan Respublikası İXM-nin 447.0.1-ci maddəsində nəzərdə tutulmuş cərimə tətbiq olunmalıdır. Yuxarıda göstərilənlərə əsasən və Azərbaycan Respublikası İXM-nin 40-cı, 43-cü, 48-50-ci, 114-115-ci və 128-130-cu maddələrini rəhbər tutaraq məhkəmə QƏRARA ALDİ: Şəxs MMC Azərbaycan Respublikası İXM-nin 447.0.1-ci maddəsində nəzərdə tutulmuş əməli törətməkdə təqsirli bilinərək 4000 (dörd min) manat məbləğində inzibati cərimə edilsin. Qərardan, onun rəsmi qaydada verildiyi gündən 10 (on) gün müddətində Bakı şəhəri Nəsimi Rayon Məhkəməsi vasitəsilə və ya bilavasitə Bakı Apellyasiya Məhkəməsinə apellyasiya şikayəti verilə bilər. Sədrlik edən Solmaz Mustafayeva