Bakı Şəhəri Nəsimi Rayon Məhkəməsi Qərardad — İş №3(006)-272/2021

Azərbaycan Respublikası adından QƏRARDAD Bakı şəhəri İş № 3(006)-272/2021 12.01.2021 BAKI ŞƏHƏRİ NƏSİMİ RAYON MƏHKƏMƏSİ Hakim Tağıyev Azər Heydər oğlunun sədrliyi ilə, Kheiri Behrouzun Bakı şəhər DYPi-nin xx xxxxxx 2020-ci il tarixli, İXP ******* saylı inzibati xəta haqqında tərtib olunmuş protokola əsasən qəbul edilmiş qərarının ləğv edilməsinə dair şikayətinə açıq məhkəmə iclasında baxaraq, məhkəmə MÜƏYYƏN ETDİ: Kheiri Behrouz məhkəməyə müraciət edərək Bakı şəhər DYPi-nin xx xxxxxx 2020-ci il tarixli, İXP ******* saylı inzibati xəta haqqında tərtib olunmuş protokola əsasən qəbul edilmiş qərarının ləğv edilməsini xahiş etmişdir. Məhkəmə şikayət ərizəsini nəzərdən keçirərək hesab edir ki, şikayət ərizəsi geri qaytarılmalıdır. Belə ki, Azərbaycan Respublikasının İXM-nin 106.0.4-cü maddəsinə əsasən hakim, səlahiyyətli orqan (vəzifəli şəxs) inzibati xətalar haqqında işlərə baxarkən işin icraatını rədd edən halların mövcud olub-olmaması məsələsini, 106.0.5-ci maddəsinə əsasən isə işə mahiyyəti üzrə baxılması üçün işdə kifayət qədər sübutlar toplanıb-toplanmaması məsələlərini həll edir. Hazırki iş üzrə məhkəməyə yalnız şikayət ərizəsi daxil olmuş, lakin şikayət verilmiş qərarın surəti iş materiallarına əlavə edilməmişdir. Belə olan halda isə şikayətçinin qeyd etdiyi qərarın həqiqətən də mövcud olub-olmamasını müəyyən etmək mümkün olmamışdır. Göstərilən xüsusatlar isə, yəni şikayət verilmiş qərarın surətinin iş materiallarına əlavə edilməməsi hazırda işin məhkəmə icraatını rədd edən hal kimi qiymətləndirilməlidir. Göstərilənlərə əsasən məhkəmə hesab edir ki, hazırki iş üzrə məhkəməyə təqdim edilmiş sənədlərə əsasən inzibati xəta haqqında işin baxılmağa hazırlanması mümkün deyil, ona görə də Z Kheiri Behrouzun Bakı şəhər DYPi-nin xx xxxxxx 2020-ci il tarixli, İXP ******* saylı inzibati xəta haqqında tərtib olunmuş protokola əsasən qəbul edilmiş qərarının ləğv edilməsinə dair şikayəti geri qaytarılmalı, həmçinin şikayətçiyə izah edilməlidir ki, qərarın təsviri hissəsində göstərilmiş çatışmazlıqlar aradan qaldırıldıqdan sonra yenidən məhkəməyə müraciət edə bilər. Göstərilənlərə əsasən və Azərbaycan Respublikasının İXM-nin 106 və 109-cu maddələrini rəhbər tutaraq, məhkəmə Q Ə R A R A A L D İ: Kheiri Behrouzun Bakı şəhər DYPi-nin xx xxxxxx 2020-ci il tarixli, İXP ******* saylı inzibati xəta haqqında tərtib olunmuş protokola əsasən qəbul edilmiş qərarının ləğv edilməsinə dair şikayəti geri qaytarılsın. Qərarın təsviri hissəsində göstərilmiş çatışmazlıqlar aradan qaldırıldıqdan sonra yenidən məhkəməyə müraciət etmək hüququnun olması şikayətçi Kheiri Behrouza izah edilsin. Sədrlik edən: Azər Tağıyev