Bakı Şəhəri Nəsimi Rayon Məhkəməsi Qərar — İş №3(006)-2847/2023

Azərbaycan Respublikası adından QƏRAR Bakı şəhəri İş № 3(006)-2847/2023 20.06.2023 BAKI ŞƏHƏRİ NƏSİMİ RAYON MƏHKƏMƏSİ Hakim Pənahov Babək Əkbər oğlunun sədrliyi Məhkəmə iclasının katibi: X1 Barəsində inzibati xəta haqqında Şəxs MMC-nin nümayəndəsi iş üzrə icraat aparılan hüquqi şəxs: Nümayəndə iştiraki ilə Şəxs MMC (hüquqi ünvanı: Bakı şəhəri Nəsimi rayonu, Kövkəb xanım Səfərəliyeva küçəsi, ev 64, VÖEN: **********) barəsində Azərbaycan Respublikası İnzibati Xətalar Məcəlləsinin 339.1-ci maddəsi üzrə tərtib olunmuş xx.xx.2023-cü il tarixli, İXP ******* saylı inzibati xəta haqqında protokola və ona əlavə edilmiş sənədlərə açıq məhkəmə iclasında baxaraq məhkəmə M Ü Ə Y Y Ə N E T D İ: Şəxs MMC tərəfindən “Yol hərəkəti haqqında” Azərbaycan Respublikasının Qanunu ilə müəyyən edilmiş qaydada dövlət qeydiyyatından keçirilmiş “LEXUS ES 250 MİNİK” markalı, **-AZ-*** dövlət qeydiyyat nişanlı nəqliyyat vasitəsini lizinq müqaviləsinə əsasən ona verilərkən onu təkrar dövlət qeydiyyatından keçirməmişdir. Məhkəmə iclasında barəsində inzibati xəta haqqında iş üzrə icraat aparılan Şəxs MMC-nin nümayəndəsi Nümayəndə izahatında göstərdi ki, “LEXUS ES 250 MİNİK” markalı, **-AZ-*** dövlət qeydiyyat nişanlı avtomobil şirkət tərəfindən xx.xx.2021-ci il tarixdə “Daxili maliyyə lizinqi” müqaviləsinə əsasən "xxxx" QSC-dən lizinqə götürülmüşdür. Şirkət bu nəqliyyat vasitəsi ilə bağlı verdiyi etibarnamələr barədə məlumatı aidiyyəti üzrə Baş Dövlət Yol Polisi İdarəsinə təqdim etmişdir. Lakin xx.xx.2023-cü il tarixdə bu avtomobil ilə törədilmiş xəta barədə sorğu Şəxs MMC-yə gəlməmişdir. Məhkəmə iclasının vaxtı və yeri barədə rəsmi məlumatlandırılması üzrə görülmüş tədbirlərə baxmayaraq, inzibati xəta haqqında protokolu tərtib etmiş qurumun nümayəndəsi məhkəməyə gəlməmiş, bunun səbəbləri barədə məlumat verilməmişdir. Məhkəmə işə onun iştirakı olmadan baxılmasını mümkün hesab etmişdir. İş materiallarında olan: • Bakı şəhəri Yasamal Rayon Dövlət Yol Polisi şöbəsinin məktubu və müvafiq poçt qəbzinə əsasən "xxxx" QSC-nin mülkiyyətində olan “LEXUS ES 250 MİNİK” markalı, **- AZ-*** dövlət qeydiyyat nişanlı avtomobil ilə 05 mart 2023-cü il tarixdə İnzibati Xətalar Məcəlləsinin 328.1-ci maddəsində nəzərdə tutulmuş xətanı törədən şəxs barəsində şöbəyə 05 gün ərzində məlumatın verilməsi xahiş olunur; • "xxxx" QSC tərəfindən Bakı şəhəri Yasamal Rayon Dövlət Yol Polisi şöbəsinə ünvanlanmış müraciətdə QSC-nin mülkiyyətində olan və müvafiq lizinq müqavilələri əsasında lizinq alanlara (fiziki və hüquqi şəxslər) lizinqə verilmiş bütün növ nəqliyyat vasitələri üzə məlumatlar təqdim edilir. Bu məlumata görə “LEXUS ES 250 MİNİK” markalı, **-AZ-*** dövlət qeydiyyat nişanlı avtomobil Şəxs MMC-yə lizinqə verilmişdir; • xx.xx.2021-ci il tarixli “Daxili maliyyə lizinqi” müqaviləsindən və ona əlavədən aydın olur ki, "xxxx" QSC lizinq verən qismində, Şəxs MMC lizinq alan qismində və "xxxx" MMC satıcı qismində çıxış edirlər. Müqavilənin predmeti – 2021-ci il buraxılışlı “LEXUS ES 250 MİNİK” markalı avtomobildir. Beləliklə məhkəmədə müəyyən edilir ki, Şəxs MMC “LEXUS ES 250 MİNİK” markalı, **-AZ-*** dövlət qeydiyyat nişanlı avtomobili "xxxx" QSC-dən xx.xx.2021-ci il tarixdə lizinqə götürsə də, onu öz adına onu təkrar dövlət qeydiyyatından keçirməmişdir. Məhkəmə proses iştirakçısını dinləyib və iş materiallarını araşdıraraq hesab edir ki, Şəxs MMC tərəfindən Azərbaycan Respublikası İnzibati Xətalar Məcəlləsinin 339.1-ci maddəsində nəzərdə tutulmuş inzibati xətanın törədilməsi tam sübuta yetirilir. Azərbaycan Respublikası İnzibati Xətalar Məcəlləsinin 339.1-ci maddəsi nəqliyyat vasitələrinin sahibləri və ya sürücüləri tərəfindən “Yol hərəkəti haqqında” Azərbaycan Respublikasının Qanunu ilə müəyyən edilmiş qaydada və müddətdə nəqliyyat vasitəsini dövlət qeydiyyatından keçirmədən idarə etməyə və ya dövlət qeydiyyatından keçirilmiş nəqliyyat vasitəsi icarə və ya digər əşya hüquqlarına dair müqavilə (notarius tərəfindən təsdiq edilən müqavilələr istisna olmaqla) əsasında başqa şəxsə verildikdə onu təkrar dövlət qeydiyyatından keçirməməyə, yaxud nəqliyyat vasitəsinin geri qaytarılması barədə öhdəçiliyə əməl etməməyə və ya nəqliyyat vasitəsinin özgəninkiləşdirilməsinin rəsmiləşdirilməsi və ya girov qoyulması qaydalarını pozmağa görə məsuliyyət müəyyən edir. “Yol hərəkəti haqqında” Azərbaycan Respublikası Qanununun 27-ci maddəsinin Xİİİ hissəsinə əsasən Azərbaycan Respublikası ərazisində dövlət qeydiyyatına alınmış nəqliyyat vasitəsi icarə və ya digər əşya hüquqlarına dair müqavilə, etibarnamə əsasında başqa şəxsə verildikdə, bu maddənin ikinci hissəsində nəzərdə tutulmuş müvafiq orqanlarda təkrar dövlət qeydiyyatından keçirilməlidir. İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 9.1-ci maddəsinin tələbinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Bu Məcəllənin 31.3-cü maddəsinə əsasən hüquqi şəxslər barəsində inzibati tənbeh tətbiq edilərkən, inzibati xətanın xarakteri, inzibati xəta nəticəsində hüquqi şəxsin əldə etdiyi xeyrin həcmi və ya onun maraqlarının təmin edilməsinin xarakteri və dərəcəsi, hüquqi şəxsi xarakterizə edən hallar, o cümlədən onun maliyyə və əmlak vəziyyəti, xeyriyyəçilik və ya digər ictimai faydalı fəaliyyətlə məşğul olması, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə iclasında Şəxs MMC-nin məsuliyyətini yüngülləşdirən və ya ağırlaşdıran hallar müəyyən edilmədi. Beləliklə, məhkəmə Şəxs MMC-nin törətdiyi inzibati xətanın xarakterini, inzibati xəta nəticəsində onun maraqlarının təmin edilməsinin dərəcəsini, hüquqi şəxsi xarakterizə edən halları və s. nəzərə alaraq hesab edir ki, ona İnzibati Xətalar Məcəlləsinin 339.1-ci maddəsində nəzərdə tutulmuş cərimə növündə tənbeh tətbiq olunmalıdır. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48-50, 114-115 və 128-130-cu maddələrini rəhbər tutaraq məhkəmə Q Ə R A R A A L D İ: Şəxs MMC Azərbaycan Respublikası İnzibati Xətalar Məcəlləsinin 339.1-ci maddəsində nəzərdə tutulmuş əməli törətməkdə təqsirli bilinərək 300 (üç yüz) manat məbləğində cərimə edilsin. Qərardan, onun surəti rəsmi qaydada verildiyi vaxtdan 10 (on) gün müddətində Bakı şəhəri Nəsimi Rayon Məhkəməsi vasitəsilə Bakı Apellyasiya Məhkəməsinə şikayət verilə bilər. Hakim Babək Pənahov