Bakı Şəhəri Nəsimi Rayon Məhkəməsi Qərar — İş №3(006)-3096/2025

Azərbaycan Respublikası adından QƏRAR Bakı şəhəri İş № 3(006)-3096/2025 30.05.2025 BAKI ŞƏHƏRİ NƏSİMİ RAYON MƏHKƏMƏSİ Nəsimi rayon məhkəməsinin hakimi Hüseynov Elməddin Mirpaşa oğlunun sədrliyi, məhkəmə iclas katibi Mehdiyev Nihal Elbəyi oğlunun katibliyi, barəsində inzibati xəta haqqında iş üzrə icraat aparılan Şəxs iştirakı ilə, xx xxxxxx 1990-cı ildə Naxçıvan MR-da doğulmuş, Azərbaycan Respublikasının vətəndaşı, orta təhsilli, evli, fərdi əməklə məşğul olan, ünvan 1 ünvanda qeydiyyatda olan və ünvan 2 ünvanda yaşayan Şəxs barəsində Bakı şəhəri Nəsimi rayon Polis İdarəsi tərəfindən daxil olmuş inzibati xəta haqqında materiallara baxaraq məhkəmə müəyyən etdi: xx.xx.2025-ci il tarixdə saat 16 radələrində sürücü Şəxs Rəfail oğlu etibarnamə əsasında idarə etdiyi, texniki cəhətdən saz vəziyyətdə olan Lada Vesta markalı **-UE-*** d.q.n-lı avtomobillə Bakı şəhəri, Nəsimi rayonu, A.Məhərrəmov küçəsi ilə hərəkət edərək A.Məhərrəmov küçəsində olan yolayırıcından sol istiqamətdə ara məhəllə yoluna dönmə edərkən, sürücü X1 idarə etdiyi, texniki cəhətdən saz vəziyyətdə olan Tufan M-50 markalı 99-G-457 d.q.n-lı motosikletə yol verməli olduğu halda buna riayət etməyərək toqquşmuş və toqquşma nəticəsində sonuncuya YÜNGÜL dərəcəli bədən xəsarətinin yetirilməsi ilə nəticələnən ehtiyatsızlıqdan yol nəqliyyat hadisəsi törətmişdir. Məhkəmə iclasında barəsində inzibati xəta haqqında iş üzrə icraat aparılan Şəxs özünü təqsirli bilərək izahatında göstərdi ki, xx.xx.2025-ci il tarixdə saat ixminən 16 radələrində o etibarnamə əsasında idarə etdiyi, texniki cəhətdən saz vəziyyətdə olan Lada Vesta markalı **-UE-*** d.q.n-lı avtomobillə Bakı şəhəri, Nəsimi rayonu, Məhərrəmov küçəsi ilə üzü Kapital bank istiqamətində hərəkət etmişdir. Həmin vaxt Məhərrəmov küçəsində olan yolayırıcından sol istiqamətdə ara məhəllə yoluna keçməklə yaşadığı ünvana getmək istəmişdir. Həmin vaxt ehtiyatsızlıq edərək müəyyən olunmamış hissədən manevr etdiyi zaman sağ tərəfdən A.Məhərrəmov küçəsi ilə üzü Şamaxinka istiqamətində hərəkətdə olan Tufan M-50 markalı 99-G-457 d.q.n-lı motosikletlə toqquşma baş vermişdi. Motosiklet avtomobilin ön sağ qanad hissəsindən toqquşmuşdu. Hadisə nəticəsində mopedin sürücüsü yüngül sıyrılmış xəsarət almışdı. Hadisədən sonra adı ona məlum olan Seyhun ilə öz aralarında razılığa gəlmişlər və o onun motosikletini təmir etdirməyi öz üzərinə götürüb sağollaşıb ayrılmışlar. Həmin gün ona 20 manat pul vermiş və motosikleti Nəsimi rayonu S.Vurğun küçəsində olan Brend Moto servisə aparmışdır. Servisdə motosiklet tam təmir edilmişdi. Lakin sonradan Seyhun ondan əlavə pul istəmişdi və təmirlə əlaqədar narazılığını bildirib onun barəsində şikayət etmişdir. Hadisə onun ehtiyatsızlığı nəticəsində baş vermişdir. O hadisə yerindən yayınmamışdır. Eyni zamanda o hadisə zamanı ayıq olmuş və heç bir spirtli içki təsiri altında olmamışdır. Ona görə də barəsində cərimə cəzasının təyin edilməsini xahiş etdi. Məhkəmə iclasının yeri və vaxtı barədə qanunla müəyyən olunmuş qaydada xəbərdarlıq edilməsinə baxmayaraq zərərçəkmiş şəxs X3 məhkəmə iclasına gəlməmiş və gəlməməsinin səbəbi barədə məhkəməyə məlumat verməmişdir. Məhkəmə işə zərərçəkmiş şəxs X1 iştirakı olmadan baxılmasını mümkün hesab edir. İşdə olan Azərbaycan Respublikası Səhiyyə Nazirliyi “Məhkəmə-Tibbi Ekspertiza və Pataloji Anatomiya Birliyi” X6 tərəfindən verilən xx.xx.2025-ci il tarixli 428 saylı ekspert rəyindən görünür ki, Vət. S.C.Əhmədovun bədən səthində aşkar olunmuş xəsarətlər - sol diz oynağı və baldır nahiyələrinin diz oynağında hərəkət məhdudluğu ilə müşayiət olunan geniş həcmli qançır-şişkinliyi (hematoması) və sıyrığı, sol bazunun qançırı və sağ budun sıyrıqları küt əşyanın (əşyaların) təsirindən müayinədən 5-7 gün əvvəl əmələ gəlmişdirlər, qərarın təsviri hissəsində göstərilən xx.xx.2025-ci il tarixdə əmələ gələ bilərdilər və dərəcəsinə görə ümumilikdə sağlamlığın qısa müddətə pozulmasına səbəb olan sağlamlığa YÜNGÜL zərər vunnaya aiddirlər. Azərbaycan Respublikası Daxili İşlər Nazirliyi Nəsimi rayon Polis İdarəsinin Təhqiqat Şöbəsinin baş təhqiqatçısı Babək Mirzəyev tərəfindən qəbul edilmiş 01 may 2025-ci il tarixli cinayət işi başlanmasının rədd edilməsi haqqında qərara əsasən 1 saylı HK-382 nömrəli material üzrə cinayət işinin başlanması rədd edilmişdir. Azərbaycan Respublikası İnzibati Xətalar Məcəlləsinin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etməkdən ötrü hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxslərin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Qeyd olunan Məcəllənin 84.1-ci maddəsinə əsasən inzibati xətalar haqqında işlərə baxan hakim, kollegial orqanın üzvü, vəzifəli şəxs işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Məhkəmə iclasda iştirak edən şəxsi dinləyib, inzabati xəta haqqında iş üzrə materialları araşdırıb, sübutlara qiymət verərək hesab edir ki, Şəxs Azərbaycan Respublikası İnzibati Xətalar Məcəlləsinin 327.8-ci maddəsində nəzərdə tutulmuş əməli törətməsi Bakı şəhəri Nəsimi rayon Polis İdarəsi DYPŞ YNH üzrə inspektoru X2 tərəfindən tərtib edilmiş 12 may 2025-ci il tarixli, İXP ******* nömrəli inzibati xəta haqqında protokol və digər iş materialları ilə sübuta yetirilir. Məhkəmədə Şəxs törətdiyi inzibati xətaya görə məsuliyyətini yüngülləşdirən və ağırlaşdıran hallar müəyyən edilmədi. Azərbaycan Respublikası İnzibati Xətalar Məcəlləsinin 9.1-ci maddəsinin tələbinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına uyğun, qanuni və əsaslı olmalıdır. Həmin Məcəllənin 21-ci maddəsinin tələbinə görə inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 31.2-ci maddəsinin tələbinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə inzibati tənbeh tədbiri tətbiq edərkən inzibati xətanın xarakterini, təqsirin dərəcəsini, barəsində inzibati xəta haqqında iş üzrə icraat aparılan şəxsin şəxsiyyətini və işin digər hallarını nəzərə alaraq hesab edir ki, Şəxs Azərbaycan Respublikası İnzibati Xətalar Məcəlləsinin 327.8-ci maddəsinin sanksiyasında nəzərdə tutulan cərimə növündə inzibati tənbeh tədbirinin tətbiq edilməsi məqsədə müvafiqdir. Göstərilənlərə əsasən və Azərbaycan Respublikası İnzibati Xətalar Məcəlləsinin 43, 49-51, 114-115, 117, 129 və 130-cu maddələrini rəhbər tutaraq məhkəmə qərara aldı: Şəxs Azərbaycan Respublikası İnzibati Xətalar Məcəlləsinin 327.8-ci maddəsində nəzərdə tutulmuş inzibati xətanın törədilməsində təqsirli bilinərək 300 (üç yüz) manat miqdarında inzibati qaydada cərimə edilsin. Qərarın surəti rəsim qaydada alındığı gündən 10 (on) gün müddətində Bakı Apellyasiya Məhkəməsinə şikayət və ya protest verilə bilər. Hakim: Elməddin Hüseynov