Bakı Şəhəri Nəsimi Rayon Məhkəməsi Qərar — İş №3(006)-3153/2024

Azərbaycan Respublikası adından QƏRAR Bakı şəhəri İş № 3(006)-3153/2024 19.08.2024 BAKI ŞƏHƏRİ NƏSİMİ RAYON MƏHKƏMƏSİ Hakim: Pənahov Babək Əkbər oğlunun sədrliyi Məhkəmə iclasının katibi: X2 iştirakı ilə Şəxs MMC (hüquqi ünvanı: Bakı şəhəri, Nəsimi rayonu, 20 Yanvar küçəsi, ev 31/39; VÖEN: **********) barəsində Azərbaycan Respublikası İnzibati Xətalar Məcəlləsinin 210.1ci maddəsi üzrə tərtib olunmuş 05 avqust 2024-cü il tarixli, MN ******* saylı inzibati xəta haqqında protokola və ona əlavə edilmiş sənədlərə açıq məhkəmə iclasında baxaraq məhkəmə M Ü Ə Y Y Ə N E T D İ: ünvan 2 ünvanda yerləşən “SÜRƏT 2022“ MMC-yə məxsus klinikada lisenziya olmadan özəl tibb fəaliyyət (stomatoloji) ilə məşğul olunmuş və bu fakt 07 iyun 2024-cü il tarixdə aşkar edilmişdir. Məhkəmə iclasının vaxtı və yeri barədə rəsmi xəbardarlıq edilməsi üzrə görülmüş tədbirlərə baxmayaraq, inzibati xəta haqqında protokolu tərtib etmiş qurumun və barəsində icraat aparılan hüquqi şəxsin nümayəndəsi məhkəməyə gəlməmiş, bunun səbəbləri barədə məlumat verilməmişdir. Məhkəmə işə onların iştirakı olmadan baxılmasını mümkün hesab etmişdir. İş materiallarında olan: “ “Operativ vergi nəzarətinin həyata keçirilməsi haqqında” xx.xx.2024-cü il tarixli qərara əsasən “SÜRƏT 2022“ MMC-də xüsusi razılıq (lisenziya) tələb olunan fəaliyyət növləri ilə belə razılıq (lisenziya) olmadan məşğul olan şəxslərin aşkar edilməsi və s. məqsədi ilə xx.xx.2024-cü il tarixdən xx.xx.2024-cü il tarixədək operativ vergi nəzarəti həyata keçirilmişdir; “ xx.xx.2024-cü il tarixli, KY242116355 saylı “Sahibkarlıq sahəsində aparılan yoxlamaların vahid məlumat reyestrindən” olan çıxarışa əsasən ünvan 2 ünvanda yerləşən “SÜRƏT 2022“ MMC-yə məxsus klinikada xüsusi razılıq (lisenziya) tələb olunan fəaliyyət növləri ilə belə razılıq (lisenziya) olmadan məşğul olan şəxslərin aşkar edilməsi faktı ilə bağlı plandankənar (növbədənkənar) yoxlamanın aparılmasına icazə verilir, yoxlama müddəti 06.06-xx.xx.2024-cü il; “ xx.xx.2024-cü il tarixli, DVX 000798 saylı “Lisenziya tələb olunan fəaliyyət növləri ilə belə lisenziya olmadan məşğul olan şəxslərin aşkar edilməsi üzrə operativ vergi nəzarətinin nəticələri haqqında” olan aktda göstərilmişdir ki, Şəxs MMC-yə məxsus “Stom” klinikada lisenziya tələb olunduğu halda belə lisenziya olmadan stomatoloji xidmətlər – terapevtik stomatologiya, dişlərin plomblanması, diş ərpinin təmizlənməsi, protezlərin qoyulması və s. xidmətlər ilə məşğul olunmuşdur. Operativ vergi nəzarəti zamanı texniki tələblərə cavab verən xüsusi cihazla obyektdə video və audio müşahidə aparıldı. Vergi ödəyicisinə qeyd olunan fəaliyyət növü ilə lisenziya olduqdan sonra fəaliyyət göstərməsi tövsiyə olundu; “ Şəxs MMC-nin direktoru X1 xx.xx.2024-cü il tarixli izahatında qeyd olunur ki, o, xx.xx.2024-cü il tarixdən ünvan 3 ünvanda yerləşən stomatoloji (diş) klinikasında fəaliyyət göstərir. xx.xx.2024-cü il tarixə Şəxs MMC-nin qeyd olunan ünvanda tibb fəaliyyəti ilə məşğul olmaq üçün tələb olunan xüsusi razılığı (lisenziya) yoxdur. Müəssisənin işlədiyi dövr ərzində bu fəaliyyətdən (stomatologiyadan) əldə etdiyi gəlir 500 manat olmuşdur. Məhkəmə iş materiallarını araşdıraraq hesab edir ki, “SÜRƏT 2022“ MMC tərəfindən Azərbaycan Respublikası İnzibati Xətalar Məcəlləsinin 210.1-ci maddəsində nəzərdə tutulmuş inzibati xətanın törədilməsi tam sübuta yetirilir. Buna görə də qurum həmin maddə ilə təqsirli bilinərək inzibati məsuliyyətə cəlb edilməlidir. “Özəl tibbi fəaliyyət haqqında” Azərbaycan Respublikası Qanununun 4-cü maddəsinə əsasən özəl tibb müəssisəsi tibbi fəaliyyətin müəyyən növləri üzrə qanunvericiliyə uyğun olaraq verilən xüsusi razılıq olduqda və tibbi fəaliyyətin hər bir növü üzrə müvafiq ixtisasa malik mütəxəssislərlə əmək müqaviləsi bağladıqda özəl tibbi fəaliyyətlə məşğul ola bilər. Tibb fəaliyyəti ilə məşğul olan şəxslər tərəfindən özəl tibb fəaliyyəti sahəsində onlara verilmiş xüsusi razılıqda (lisenziyada) göstərilən işlər və xidmətlərdən kənar (ilkin tibbi yardım istisna olmaqla) tibb fəaliyyətinin həyata keçirilməsinə yol verilmir. Azərbaycan Respublikası Nazirlər Kabinetinin 2017-ci il 15 may tarixli 206 nömrəli Qərarı ilə təsdiq edilmiş “Özəl tibb fəaliyyəti üzrə lisenziyalaşdırılan xidmətlərin və işlərin Siyahısı”nda “stomatologiya” fəaliyyət də öz əksini tapmışdır. Azərbaycan Respublikası İnzibati Xətalar Məcəlləsinin 210.1-ci maddəsi lisenziya olmadan özəl tibbi fəaliyyətlə və ya əczaçılıqla məşğul olmağa görə məsuliyyət nəzərdə tutur. Beləliklə müəyyən edilir ki, “SÜRƏT 2022“MMC tərəfindən ünvan 2 ünvanda yerləşən klinikada 07 iyun 2024-cü il tarixdə lisenziya olmadan özəl tibb fəaliyyət (stomatologiya) ilə məşğul olunmuşdur. İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 9.1-ci maddəsinin tələbinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Bu Məcəllənin 31.3-cü maddəsinə əsasən hüquqi şəxslər barəsində inzibati tənbeh tətbiq edilərkən, inzibati xətanın xarakteri, inzibati xəta nəticəsində hüquqi şəxsin əldə etdiyi xeyrin həcmi və ya onun maraqlarının təmin edilməsinin xarakteri və dərəcəsi, hüquqi şəxsi xarakterizə edən hallar, o cümlədən onun maliyyə və əmlak vəziyyəti, xeyriyyəçilik və ya digər ictimai faydalı fəaliyyətlə məşğul olması, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə iclasında Şəxs MMC-nin məsuliyyətini yüngülləşdirən və ya ağırlaşdıran hallar müəyyən edilmədi. Məhkəmə Şəxs MMC-nin törətdiyi inzibati xətanın xarakterini, inzibati xəta nəticəsində onun maraqlarının təmin edilməsinin dərəcəsini, hüquqi şəxsi xarakterizə edən halları və s. nəzərə alaraq hesab edir ki, ona İnzibati Xətalar Məcəlləsinin 210.1-ci maddəsində nəzərdə tutulmuş cərimə tənbeh növü tətbiq olunmalıdır. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48-50, 114-115 və 128-130-cu maddələrini rəhbər tutaraq məhkəmə Q Ə R A R A A L D İ: Şəxs MMC Azərbaycan Respublikası İnzibati Xətalar Məcəlləsinin 210.1-ci maddəsində nəzərdə tutulmuş əməli törətməkdə təqsirli bilinərək 20.000 (iyirmi min) manat məbləğində cərimə edilsin. Qərardan, onun surəti rəsmi qaydada verildiyi vaxtdan 10 (on) gün müddətində Bakı şəhəri Nəsimi Rayon Məhkəməsi vasitəsilə Bakı Apellyasiya Məhkəməsinə şikayət verilə bilər. Hakim Babək Pənahov