Bakı Şəhəri Nəsimi Rayon Məhkəməsi Qərar — İş №3(006)-3179/2024

Azərbaycan Respublikası adından QƏRAR Bakı şəhəri İş № 3(006)-3179/2024 20.08.2024 BAKI ŞƏHƏRİ NƏSİMİ RAYON MƏHKƏMƏSİ Hakim: Pənahov Babək Əkbər oğlunun sədrliyi Məhkəmə iclasının katibi: X1 Barəsində icraat aparılan Şəxs QSC-nin hüquqi şəxsin nümayəndəsi: nümayəndəsi X2 iştirakları ilə Şəxs QSC (hüquqi ünvanı: Bakı şəhəri, Nəsimi rayonu, Abdulvahab Salamzadə küçəsi, ev 26; VÖEN: **********) barəsində Azərbaycan Respublikası İnzibati Xətalar Məcəlləsinin 430.4-cü maddəsi üzrə tərtib olunmuş xx.xx.2024-cü il tarixli, EP ******* saylı inzibati xəta haqqında protokola və ona əlavə edilmiş sənədlərə açıq məhkəmə iclasında baxaraq M Ü Ə Y Y Ə N E T D İ: Protokola görə Şəxs QSC 102.500,00 ABŞ dolları məbləğində olan vəsaiti bank hesabından xx.xx.2022-ci il tarixdə Azərbaycan Respublikasından kənara qabaqcadan ödəniş etməklə köçürmüş, lakin ödənişin aparıldığı gündən 02 ildən artıq müddətin keçməsinə baxmayaraq həmin vəsait hesabına alınan 20.500,00 ABŞ dəyərində malların ölkəyə idxalını təsdiq edən gömrük bəyannaməsi və ya idxal olunan xidmətlərin göstərilməsini təsdiq edən sənədi təqdim etməmiş, qabaqcadan ödənilmiş valyuta vəsaitini xaricdən geri qaytarmamışdır. Məhkəmədə barəsində icraat aparılan hüquqi şəxs Şəxs QSC-nin nümayəndəsi X4 izahatında göstərdi ki, Şəxs QSC ilə Türkiyə Respublikasında fəaliyyət göstərən "xxxx" şirkəti arasında xx.xx.2022-ci il tarixli, FJT-016 saylı müqavilə imzalanmışdır. Bu müqavilə üzrə QSC-nin "xxxx" ASC-də olan hesabından həmin şirkətə xx.xx.2022-ci il tarixli MED**********010-1 və MED**********010-2 saylı proforma invoyslar üzrə xx.xx.2022-ci il tarixdə qabaqcadan ödəniş kimi 102.500,00 ABŞ dolları məbləğində pul göndərmişdir. Protokolda qeyd olunan 20.500,00 ABŞ dəyərində olan mallar "xxxx" şirkəti tərəfindən QSC-yə göndərilmiş və bu mallar **********4461 saylı gömrük bəyannaməsi ilə ölkəyə idxal olunmuşlar. İş üzrə icraata xitam verilməsini xahiş edir. Məhkəmə iclasının yeri və vaxtı barədə xəbərdarlıq edilməsi üzər görülmüş tədbirlərə baxmayaraq, inzibati xəta haqqında protokolu tərtib etmiş Azərbaycan Respublikasının Mərkəzi Bankın nümayəndəsi gəlməmiş, bunun səbəbləri barədə məlumat verilməmişdir. Məhkəmə işə onun iştirakı olmadan baxılmasını mümkün hesab etmişdir. Təqdim edilmiş materiallara əsasən: • "xxxx" ASC tərəfindən Mərkəzi Banka göndərilmiş xx.xx.2024-cü il tarixli məlumatda qeyd olunur ki, Şəxs QSC xx.xx.2022-ci il tarixdə ölkə xaricinə 102.500,00 ABŞ dolları göndərmiş, lakin ödənişin aparıldığı gündən 2 il müddətində həmin vəsait hesabına alınan 20.500,00 ABŞ dəyərində malların ölkəyə idxalını təsdiq edən gömrük bəyannaməsi və ya idxal olunan xidmətlərin göstərilməsini təsdiq edən sənədlərin təqdim etməmişdir; • Köçürmə sənədinə əsasən Şəxs QSC tərəfindən Türkiyədə fəaliyyət göstərən "xxxx" şirkətinin hesabına xx.xx.2022-ci il tarixli, FJT-016 saylı müqavilə ilə bağlı xx.xx.2022-ci il tarixli MED**********010-1 və MED**********010-2 saylı proforma invoyslar üzrə qabaqcadan ödəniş kimi xx.xx.2022-ci il tarixdə 102.500,00 ABŞ dolları məbləğində pul göndərilmişdir; • **********4461 saylı gömrük bəyannaməsinə görə "xxxx" şirkəti tərəfindən Şəxs QSC-nin ünvanına xx.xx.2022-ci il tarixli, FJT-016 saylı müqavilə ilə bağlı xx.xx.2022-ci il tarixli MED**********010-2 saylı proforma invoys üzrə 20.570,00 ABŞ dolları dəyərində göndərilmiş mallar xx.xx.2024-cü il tarixdə ölkəyə idxal olunmuşdur; • "xxxx" ASC tərəfindən verilmiş xx.xx.2024-cü il tarixli, 149 saylı məktubda qeyd olunur ki, Şəxs QSC-nin xx.xx.2022-ci il tarixli 102.500,00 ABŞ dolları məbləğində avans ödənişinin qalığı 20.500,00 ABŞ dolları **********4461 saylı gömrük bəyannaməsinə əsasən bağlanılmışdır. Beləliklə müəyyən edilir ki, Şəxs QSC ilə Türkiyədə fəaliyyət göstərən "xxxx" şirkəti arasında xx.xx.2022-ci il tarixli, FJT-016 saylı müqavilə imzalanmışdır. Bu müqavilə üzrə QSC "xxxx" ASC-də olan hesabından həmin şirkətə xx.xx.2022-ci il tarixdə 102.500,00 ABŞ dolları məbləğində pul göndərilmiş və bu vəsait hesabına alınan malların qalığı üzrə təşkil edən 20.500,00 ABŞ dolları dəyərində mallar ölkəyə idxal olunmuşlar. Azərbaycan Respublikası İnzibati Xətalar Məcəlləsinin 430.4-cü maddəsinə avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmamasına görə məsuliyyət nəzərdə tutur. “Azərbaycan Respublikasının rezident və qeyri-rezidentlərinin xarici valyuta əməliyyatlarının aparılması Qaydaları”nın 4.3.1.3-cü bəndinə Azərbaycan Respublikası Mərkəzi X3 20 fevral 2020-ci il tarixli 06/1 nömrəli qərarı ilə edilmiş dəyişikliyə əsasən qabaqcadan ödəniş aparıldıqda banka ödənişin təyinatını, şərtlərini və məbləğini əks etdirən sənəd təqdim edilir. Qabaqcadan ödəniş müqabilində malların ölkəyə idxalını (xidmətlərin göstərilməsini) təsdiq edən gömrük bəyannaməsi (xidmətlərin göstərilməsini təsdiq edən sənəd) banka təqdim olunmalıdır və ya xeyrinə qabaqcadan ödənişin edildiyi şəxs və ya üçüncü şəxs tərəfindən qabaqcadan ödənilmiş məbləğ geri qaytarılmalıdır. Müvafiq sənədlər ödənişin aparıldığı gündənən geci 02 (iki) il müddətində banka təqdim edilmədikdə və ya qabaqcadan ödənilmiş məbləğ geri qaytarılmadıqda və bu zaman idxal edilməyən malların (göstərilməyən xidmətlərin) və ya geri qaytarılmayan məbləğin qalıq dəyəri 10.000 (on min) ABŞ dolları ekvivalenti məbləğindən çox olduqda, bank tərəfindən qabaqcadan ödəniş əməliyyatına dair bütün sənədlər 05 (beş) iş günü ərzində Azərbaycan Respublikasının Mərkəzi Bankına təqdim edilir. İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 12.1-ci maddəsinə görə bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Bu Məcəllənin 53.1.2-ci maddəsinin tələbinə görə inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Qeyd edilən Məcəllənin 105.1-ci maddəsinə görə bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Məhkəmə göstərilənləri nəzərdən keçirərək hesab edir ki, hazırkı iş üzrə inzibati xəta hadisəsi olmadığından Şəxs QSC barəsində başlanılmış iş üzrə icraata xitam verilməlidir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 40, 43, 48-50, 114-115 və 128-130-cu maddələrini rəhbər tutaraq məhkəmə Q Ə R A R A A L D İ: Şəxs QSC barəsində Azərbaycan Respublikası İnzibati Xətalar Məcəlləsinin 430.4cü maddəsi ilə başlanılmış inzibati xəta haqqında iş üzrə icraata xitam verilsin. Qərardan, onun surəti rəsmi qaydada verildiyi vaxtdan 10 (on) gün müddətində Bakı şəhəri Nəsimi Rayon Məhkəməsi vasitəsilə Bakı Apellyasiya Məhkəməsinə şikayət verilə bilər. Hakim Babək Pənahov