Bakı Şəhəri Nəsimi Rayon Məhkəməsi Qərar — İş №3(006)-318/2024

Azərbaycan Respublikası adından QƏRAR Bakı şəhəri İş № 3(006)-318/2024 22.01.2024 BAKI ŞƏHƏRİ NƏSİMİ RAYON MƏHKƏMƏSİ Hakim Mustafayeva Solmaz Rafael qızının sədrliyi, məhkəmə iclas katibi Fərəcova Təranə Aydın qızının katibliyi, Bakı şəhəri Nəsimi rayon İcra Şöbəsinin icra məmuru X1, tələbkar X2 və barəsində inzibati xəta haqqında iş üzrə icraat aparılan Şəxs iştirakı ilə, xx.xx.1961-ci ildə Naxçıvan Muxtar Respublikası, Culfa rayonu, Yaycı kəndində anadan olmuş, Azərbaycan Respublikasının vətəndaşı, evli, ali təhsilli, 38 saylı Vəkil Bürosunun vəkili işləyən, ünvan 1 ünvanında qeydiyyatda olan, Bakı şəhəri, Xəzər rayonu, Buzovna qəsəbəsində yaşayan Şəxs barəsində Bakı şəhəri Nəsimi rayon İcra Şöbəsindən daxil olmuş inzibati xəta haqqında işə açıq məhkəmə iclasında baxaraq, məhkəmə MÜƏYYƏN ETDİ: Bakı şəhəri Nəsimi rayon İcra Şöbəsinin icra məmuru oğlunun tərtib etdiyi xx.xx.2024-cü il tarixli, MN ******* saylı inzibati xəta haqqında protokola və ona əlavə edilmiş sənədlərə görə Nəsimi Rayon Məhkəməsinin xx.xx.2022-ci il tarixli, 2(006)- 2832/2022 saylı icra sənədinə əsasən cavabdeh Şəxs 9500 ABŞ dolları (tutulduğu anda Azərbaycan Respublikası Mərkəzi Bankı tərəfindən manatın ABŞ dollarına münasibətdə müəyyən edilmiş məzənnəsi nəzərə alınmaqla manat hesabı ilə) məbləğində pul və 140 manat ödənilmiş dövlət rüsumunun əvəzi alınaraq iddiaçı X4 ödənilməlidir. Lakin Şəxs icra sənədinin icrasını təmin etməmiş, bununla da, Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətmişdir. Məhkəmə iclasında Bakı şəhəri Nəsimi rayon İcra Şöbəsinin icra məmuru X3 bildirmişdir ki, Nəsimi Rayon Məhkəməsinin xx.xx.2022-ci il tarixli, 2(006)-2832/2022 saylı icra sənədinə əsasən cavabdeh Şəxs 9500 ABŞ dolları (tutulduğu anda Azərbaycan Respublikası Mərkəzi Bankı tərəfindən manatın ABŞ dollarına münasibətdə müəyyən edilmiş məzənnəsi nəzərə alınmaqla manat hesabı ilə) məbləğində pul və 140 manat ödənilmiş dövlət rüsumunun əvəzi alınaraq iddiaçı X4 ödənilməlidir. İcra sənədi icraata daxil olduqdan sonra qanuna müvafiq qaydada icraata başlamaq haqqında qərar qəbul edilərək müvafiq bildirişlə birlikdə borclunun icra sənədində qeyd olunan ünvanına göndərilmişdir. Lakin tələb borclu tərəfindən könüllü icra edilməmişdir. Görülmüş tədbirlərə baxmayaraq, borclu icra sənədinin icrasından və icra məmurunun qanuni tələblərini yerinə yetirməkdən yayınmışdır. Qeyd olunanları nəzərə alaraq barəsində inzibati xəta haqqında iş üzrə icraat aparılan şəxs barəsində qanunauyğun qərar qəbul edilməsini xahiş etmişdir. Məhkəmə iclasında tələbkar X5 ərizə təqdim edərək bildirmişdir ki, Nəsimi Rayon Məhkəməsinin 6(006)-2832/2022-010 saylı, xx.xx.2022-ci il tarixli icra sənədinə əsasən borclu 38 saylı Vəkil bürosunun vəkili xx.xx.1961-ci il təvəllüdlü Şəxs 9500 ABŞ dolları və 140 manat pulu ona ödəməlidir. O, borclunun borcu ödəməsi məqsədi ilə borclu barədə qanunda nəzərdə tutulmuş qaydada məcburi icra tədbirləri görülməsi üçün Nəsimi rayon İcra şöbəsinə xx.xx.2023-cü il və xx.xx.2023-cü il tarixlərində rəsmi müraciət etmişdir. Borclu barədə Nəsimi rayon İcra şöbəsi tərəfindən məcburi icra tədbirləri bilərəkdən görülmədiyi üçün o, Ədliyyə Nazirliyinin İcra Baş idarəsinin rəisi X8a 30 dəfəyə yaxın rəsmi ərizələrlə və xx.xx.2023-cü il, xx.xx.2023-cü il tarixlərində teleqram vasitəsilə də məlumat vermişdir. X8 tərəfindən heç bir ölçü götürülmədiyi səbəbindən Ədliyyə Nazirliyinin müavini cənab Eldar Nuriyevə 30 dəfəyə yaxın rəsmi ərizələri ilə və xx.xx.2023-cü il, xx.xx.2023-cü il, xx.xx.2023-cü il tarixlərində teleqram vasitəsi ilə də məlumat vermişdir. O, qeyd etdikləri bardə Ədliyyə Naziri cənab Fikrət Məmmədova 20 dəfəyə yaxın rəsmi ərizəsilə və xx.xx.2023-cü il, xx.xx.2023-cü il tarixlərində teleqram vasitəsi ilə məlumat vermişdir. Eyni zamanda, Vəkillər Kollegiyasının sədri və Məhkmə Hüquq şurasının üzvi cənab Anar Bağırova da 5 dəfə rəsmi ərizə ilə və teleqram vasitəsi ilə də məlumat vermişdir. Əlavə olaraq o, Ədliyyə Nazirliyinin 881 saylı qaynar xəttinə xx.xx.2023-cü il, xx.xx.2023-cü il, xx.xx.2024-cü il və xx.xx.2024-cü il tarixlərində zəng edərək qeyd etdikləri barədə məlumat vermişdir. Əfsuslar olsun ki, borclu barədə bu günə qədər heç bir məcburi icra tədbirləri görülməmişdir. Ona elə gəlir ki, görməkdə istəmirlər. Ona görə ki, Abşeron rayon İcra şöbəsinin xx.xx.2023-cü il tarixli qərarına əsasən borclu barədə axtarış elan edilmişdir və xx.xx.2023-cü il tarixində polis tərəfindən tutularaq həmin vaxt icra işi Nəsimi rayon İcra şöbəsinə qaytarıldığına görə Nəsimi rayon İcra şöbəsinin icra məmuru Pərviz Babayevə təhvil verilmişdir. İcra məmuru Pərviz Babayev axtarışla gətirilən borclunu məhkəmə qarşısına çıxartmaq əvəzinə borcludan izahat alıb buraxıb və bununlada öz işini görmüş hesab etmişdir. Bundan sonra icra məmuru borclu barədə heç bir məcburi icra tədbirləri görməmişdir. Bu cür haqsızlığa Nəsimi rayon İcra şöbəsinin rəisi vəzifəsini icra edən Yavər Allahverdiyev göz yumur. Qeyd olunanları nəzərə alaraq barəsində inzibati xəta haqqında iş üzrə icraat aparılan şəxs barəsində inzibati tənbeh tətbiq edilməsini xahiş etmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs izahatında göstərmişdir ki, o, borcun ödənilməsindən yayınmır. Bu vaxta kimi borcu ödəmək üçün maddi imkanı olmamışdır. Bir-neşə aydır ki, əmək haqqı da almır. Hazırda borcundan 500 manat ödəniş etmək istəyir. Qeyd olunanları nəzərə alaraq iş üzrə icraata xitam verilməsini xahiş etmişdir. Nəsimi Rayon Məhkəməsinin xx.xx.2022-ci il tarixli, 2(006)-2832/2022 saylı icra vərəqəsindən görünür ki, cavabdeh Şəxs 9500 ABŞ dolları (tutulduğu anda Azərbaycan Respublikası Mərkəzi Bankı tərəfindən manatın ABŞ dollarına münasibətdə müəyyən edilmiş məzənnəsi nəzərə alınmaqla manat hesabı ilə) məbləğində pul və 140 manat ödənilmiş dövlət rüsumunun əvəzi alınaraq iddiaçı X4 ödənilməlidir. Nəsimi rayon İcra şöbəsinin xx.xx.2022-ci il tarixli “icraata başlamaq” haqqında qərarının və həmin tarixli müvafiq bildirişin surətindən görünür ki, borclu Şəxs icraata başlamaq haqqında qərarın surəti göndərilmiş və o, Nəsimi Rayon Məhkəməsinin xx.xx.2022-ci il tarixli, 2(006)-2832/2022 saylı icra sənədinin üzrsüz səbəbdən icra edilməməsinin hüquqi nəticələri barədə xəbərdar edilmişdir. Azərbaycan Respublikası Konstitusiyanın 129-cu maddəsinə görə məhkəmənin qəbul etdiyi qərarlar dövlətin adından çıxarılır və onların icrası məcburidir. Məhkəmə qərarının icra olunmaması qanunla müəyyən edilmiş məsuliyyətə səbəb olur. Azərbaycan Respublikası Mülki-Prosessual Məcəlləsinin 15.2-ci maddəsinə əsasən məhkəmələrin qanuni qüvvəyə minmiş qətnaməsi, qərardadı, qərarı, əmri bütün dövlət hakimiyyəti, yerli özünüidarə orqanları, onların vəzifəli şəxsləri, ictimai birliklər, siyasi partiyalar, həmkarlar ittifaqları, onların vəzifəli şəxsləri, həmçinin fiziki və hüquqi şəxslər üçün məcburidir və Azərbaycan Respublikasının bütün ərazisində hökmən icra olunmalıdır. «İcra məmurları haqqında» Azərbaycan Respublikası Qanununun 10-cu maddəsinə əsasən icra məmurlarının öz səlahiyyətləri hüdudunda irəli sürdükləri tələblər Azərbaycan Respublikası ərazisində bütün fiziki və hüquqi şəxslər üçün məcburidir. İcra məmurlarının qanuni tələblərini yerinə yetirməyən, ona həvalə edilmiş vəzifələrin icrasına mane olan şəxslər qanunvericiliklə nəzərdə tutulmuş qaydada məsuliyyət daşıyırlar. Azərbaycan Respublikası İnzibati Xətalar Məcəlləsinin 528.1-ci maddəsinə əsasən məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə - fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. Məhkəmə iclasında tədqiq edilmiş inzibati xəta haqqında protokol, icra məmurunun, tələbkarın nümayəndəsinin, barəsində inzibati xəta haqqında iş üzrə icraat aparılan şəxsin izahatları və inzibati materialda olan digər sənədlərlə sübuta yetirilmişdir ki, Şəxs məhkəmə qərarı ilə üzərinə qoyulmuş öhdəliyi üzrsüz səbəbdən yerinə yetirməyərək icra məmuru tərəfindən müəyyən olunmuş müddətdə Nəsimi Rayon Məhkəməsinin xx.xx.2022-ci il tarixli, 2(006)-2832/2022 saylı icra sənədinin icrasını təmin etməmiş, icra vərəqəsinin icrasına səhlənkar yanaşmışdır. Bu isə öz növbəsində keçən müddət ərzində icrası məcburi olan Azərbaycan Respublikası adından qəbul edilmiş məhkəmə aktına vətəndaşın səthi və etinasız yanaşmasına dəlalət edir. Bununla da, Şəxs Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətmişdir. Şəxs Dövlət adından çıxarılmış məhkəmə qətnaməsinə etinasız yanaşmasının ictimai təhlükəliliyi ondan ibarətdir ki, bu hərəkətlərə yol verməklə o, məhkəmə orqanlarını nüfuzdan salır və bununla da, vətəndaşların məhkəmə sisteminə inamını azaldır. Azərbaycan Respublikası İXM-nin 32.1-ci maddəsinə əsasən inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınmalıdır. Məhkəmə iclasında Şəxsnın məsuliyyətini yüngülləşdirən və ağırlaşdıran hallar müəyyən edilmədi. Məhkəmə, Şəxs tərəfindən törədilən inzibati xətanın xarakterini, onun şəxsiyyətini, təqsirinin dərəcəsini və işin digər hallarını nəzərə alaraq hesab edir ki, Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirli bilinməli və ona adıçəkilən maddənin sanksiyasının hədləri daxilində inzibati cərimə növündə inzibati tənbeh tətbiq edilməlidir. Göstərilənlərə əsasən və Azərbaycan Respublikası İnzibati Xətalar Məcəlləsinin 43, 115, 117, 128, 129 və 130-cu maddələrini rəhbər tutaraq, məhkəmə QƏRARA ALDİ: Şəxs Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanı törətməkdə təqsirli bilinərək 500 (beş yüz) manat məbləğində inzibati cərimə edilsin. Qərarın surəti rəsmi qaydada verildiyi gündən 10 (on) gün müddətində Nəsimi rayon Məhkəməsi vasitəsi ilə Bakı Apelyasiya Məhkəməsinə şikayət verilə bilər. Sədrlik edən Solmaz Mustafayeva