Bakı Şəhəri Nəsimi Rayon Məhkəməsi Qərar — İş №3(006)-335/2025

Azərbaycan Respublikası adından QƏRAR Bakı şəhəri İş № 3(006)-335/2025 30.01.2025 BAKI ŞƏHƏRİ NƏSİMİ RAYON MƏHKƏMƏSİ Hakim - İbadzadə Anar Qənimət oğlunun sədrliyi, məhkəmə iclas katibi - Lətifov Vəli Abdurəşid oğlunun katibliyi ilə, Azərbaycan Respublikası Daxili İşlər Nazirliyinin Baş X5 İdarəsi tərəfindən tərtib edilmiş xx.xx.2025-ci il tarixli, EQ seriyalı 25443126 nömrəli “İnzibati tənbeh vermə haqqında” qərarın ləğv edilməsi və inzibati xəta haqqında iş üzrə icraata xitam verilməsi barədə qərar qəbul edilməsinə dair X1 şikayətinə məhkəmənin binasında, açıq məhkəmə iclasında baxaraq, MÜƏYYƏN ETDİ: X3 Azərbaycan Respublikası Daxili İşlər Nazirliyinin Baş X5 İdarəsi tərəfindən tərtib edilmiş xx.xx.2025-ci il tarixli, EQ seriyalı 25443126 nömrəli “İnzibati tənbeh vermə haqqında” qərarın ləğv edilməsi və inzibati xəta haqqında iş üzrə icraata xitam verilməsi barədə qərar qəbul edilməsi ilə bağlı şikayətlə məhkəməyə müraciət etmişdir. Şikayət onunla əsaslandırılmışdır ki, xx.xx.2025-ci il tarixində idarə etdiyim HAVAL H6 minik markalı, 90UN475 dövlət qeydiyyat nişanlı avtomobili icarə edərəkən yolun kənarında ikinci cərgədə dayanıb qayda pozuntusu törətdiyi üçün həmin gün - xx.xx.2025ci il tarixində İXM-nin 346.4-cü madddəsi əsasında 80 manat cərimə edilmişdir. xx.xx.2025-ci il tarixində cərimə ödənilmişdir. Bundan sonra şəxsi kabinetə baxarkən həmin inzibati xətaya görə ikinci bir inzibati tənbeh - 2 bal da əlavə təyin edilmişdir. Bu barədə müvafiq sənədlərin alınması üçün AR DYPİ-nə rəsmi müraciətinə xx.xx.2025-ci il tarixli 3-13-16/2-0-62xx/xx/2025 saylı məktubla Nəsimi rayon Polis İdarəsinə göndərilməsi barədə cavab verilmişdir. xx.xx.2025-ci il tarixində saat 14-03 də ona ***-***-**-** nömrəli telefondan zəng vuraraq Nəsimi rayon DYPİ-nə gəlib 5-ci kabinetdən tələb etdiyi sənədləri ala biləcəyini bildirmişdirlər. O, həmin gün ora yaxınlaşmış, lakin ona yalnız 80 manat cərimə haqqında elektron qərarı təqdim etmiş, bildirmişdilər ki, 2 bal əlavə cərimə İXM-nin 327-ci maddəsinə görə sistem tərəfindən avtomatik həll edilir, bu barədə heç bir sənəd verilmir. Beləliklə, verilən bu informasiyaya görə ona tətbiq edilmiş 2 bal əlavə cərimə haqqında qərar olmadığı halda 2-ci dəfə qanunsuz olaraq eyni bir inzibati xətaya görə inzibati təhbehə məruz qalmışdır. 2 bal əlavə inzibati tənbehin tətbiq edilməsi İXM-nin tələbləri baxımından, yəni İXM-nin 9.2 maddəsinin tələbləri daxilində qanunsuz oİduğundan ləğv edilməlidir. Barəsində qəbul edilmiş Azərbaycan Respublikası Daxili İşlər Nazirliyinin Bakı şəhər X5 İdarəsi tərəfindən tərtib edilmiş xx.xx.2025-ci il tarixli, EQ seriyalı 25443126 nömrəli “İnzibati tənbeh vermə haqqında” qərarın ləğv edilməsini xahiş etdi. Sonradan – xx.xx.2025-ci il tarixdə, “AZEMİS” Elektron Məhkəmə İnformasiya Sisteminə şikayətçi X3 vəsatətlə müraciət edərək məhkəmə iclasının onun iştirakı olmadan keçirilməsini, xx.xx.2025-ci il tarixli, EQ seriyalı 25443126 nömrəli “İnzibati tənbeh vermə haqqında” qərar əsasında ona əlavə olaraq tətbiq olunmuş 2 bal tənbeh qanunsuz və əsassız olduğundan ləğv edilməsini xahiş etmişdir. Məhkəmə iclasının vaxtı və yeri barədə lazımi qaydada xəbərdar olmasına baxmayaraq, tərəflər məhkəmə iclasında iştirak etməmişdir. Məhkəmə, işə tərəflərin iştirakı olmadan baxılmasını mümkün hesab etmişdir. Məhkəmə, şikayət ərizəsini və ona əlavə edilmiş sənədləri araşdıraraq hesab edir ki, şikayət təmin edilməməlidir. İş materiallarında olan DİN-in BDYPİ tərəfindən tərtib edilmiş xx.xx.2025-ci il tarixli, EQ seriyalı 25443126 nömrəli “İnzibati tənbeh vermə haqqında” qərardan görünür ki, X3 Azərbaycan Respublikası İXM-in 346.4-cü maddəsi ilə nəzərdə tutulan inzibati xətanı törətməkdə təqsirli bilinərək barəsində 80 manat məbləğində cərimə növündə tənbeh tədbiri tətbiq edilmişdir. Məhkəmə, şikayət verən şəxs X2 istinad edilən inzibati xətaya qanunvericiliyin sübutlar və sübutetmə ilə bağlı müddəaları baxımından yanaşaraq hesab edir ki, inzibati məsuliyyətə səbəb olan əməlin əsası kimi məhkəmədə tədqiq edilmiş sübutlar həqiqiliyinə, yaranma mənbəyinə və əldə edilməsi hallarına görə sübut kimi qəbul ediləndir, sübutların hüquqi qüvvəsini şübhə altına alan hallar yoxdur və sübutların məcmusu inzibati xətaya qiymət verilməsi baxımından kifayət edir və onun əməli düzgün olaraq İXM-in 346.4-cü maddəsi ilə tövsif edilmişdir. Hazırda da şikayətin dəlilləri sözügedən qərarın ləğv edilməsi üçün əsas kimi çıxış etmir. Onun hərəkətlərinə münasibətdə əməlin inzibati xəta olmasını aradan qaldıran hallar, həmçinin inzibati məsuliyyətindən azad edilməsi üçün əsaslar yoxdur. Azərbaycan Respublikası İnzibati Xətalar Məcəlləsinin 346.4-cü maddəsinə görə, dayanma və ya durma qaydalarının pozulması yanqoşqusu olmayan motosikletlər, mopedlər, velosipedlər və kiçik elektrik nəqliyyat vasitələri istisna olmaqla, digər nəqliyyat vasitələrinin yolun hərəkət hissəsinin kənarında ikinci və sonrakı cərgələrdə dayanmasına və ya durmasına görə səksən manat məbləğində cərimə edilir. Azərbaycan Respublikası İnzibati Xətalar Məcəlləsinin 128.1-ci maddəsinə əsasən barəsində qərar çıxarılmış fıziki şəxs, yetkinlik yaşına çatmayanların qanuni nümayəndəsi, hüquqi şəxsin nümayəndəsi, zərərçəkmiş şəxs, habelə müdafiəçi və nümayəndə tərəfindən inzibati xətalar haqqında işlər üzrə qərarlardan şikayət, prokuror isə protest verə bilər. Azərbaycan Respublikası İnzibati Xətalar Məcəlləsinin 128.2.3-cü maddəsinin tələblərinə əsasən, inzibati xətalar haqqında işlər üzrə qərardan şikayət və ya protest səlahiyyətli orqanın (vəzifəli şəxsin) qərarından - yuxarı səlahiyyətli orqana (vəzifəli şəxsə) və ya məhkəməyə verilir. Beləliklə, qanunvericiliyin qeyd olunan normalarına və işin faktiki hallarına əsasən məhkəmə şikayətin dəlillərini əsaslı hesab etməməklə bərabər belə qənaətə gəlir ki, inzibati icraat zamanı qanunvericiliyin tələblərinin pozulması üçün əsaslar məhkəmə baxışı zamanı müəyyən edilməmişdir. Bu səbəbdən şikayətçi X1 şikayəti təmin edilməməlidir. Azərbaycan Respublikası İXM-in 134.1, 134.1.1-ci maddələrinə əsasən inzibati xəta haqqında iş üzrə qərardan verilən şikayətə baxılarkən qərarın dəyişdirilmədən, şikayətin təmin edilmədən saxlanılması haqqında qərar qəbul edilir. Göstərilənlərə əsasən və Azərbaycan Respublikası İnzibati Xətalar Məcəlləsinin 129.1.1,130.1, 133, 134, 136, 137-ci maddələrini rəhbər tutaraq, məhkəmə QƏRARA ALDİ: Azərbaycan Respublikası Daxili İşlər Nazirliyinin Baş X5 İdarəsi tərəfindən tərtib edilmiş xx.xx.2025-ci il tarixli, EQ seriyalı 25443126 nömrəli “İnzibati tənbeh vermə haqqında” qərarının ləğv edilməsi və inzibati xəta haqqında iş üzrə icraata xitam verilməsi barədə qərar qəbul edilməsinə dair X1 şikayəti təmin edilməsin. Qərarın surəti rəsmi qaydada verildiyi vaxtdan 10 (on) gün müddətində işə baxan Bakı şəhəri Nəsimi Rayon Məhkəməsi vasitəsilə və ya birbaşa Bakı Apellyasiya Məhkəməsinə apellyasiya şikayəti və ya protesti verilə bilər. Sədrlik edən: Anar İbadzadə