Bakı Şəhəri Nəsimi Rayon Məhkəməsi Qərar — İş №3(006)-3361/2021

Azərbaycan Respublikası adından QƏRAR Bakı şəhəri İş № 3(006)-3361/2021 03.11.2021 BAKI ŞƏHƏRİ NƏSİMİ RAYON MƏHKƏMƏSİ Hakim: Pənahov Babək Əkbər oğlunun sədrliyi Məhkəmə iclasının katibi: X2 İnzibati xəta haqqında X1 protokolutərtib etmiş şəxs: Zərər çəkmiş şəxs: Zərərçəkmiş şəxs1 Amin oğlunun Barəsində inzibati xəta Şəxs haqqında iş üzrə icraat iştirakları ilə aparılan şəxs: xx.xx.1993-cü ildə Göyçay rayonu, Xəlitli kəndində anadan olmuş, Azərbaycan Respublikasının vətəndaşı (FİN:xxxxxxx), subay, orta təhsilli, işləməyən, Göyçay rayonu, Çərəkə kəndində qeydiyyatda olan Şəxs barəsində Azərbaycan Respublikası İnzibati Xətalar Məcəlləsinin 227-ci maddəsi üzrə tərtib olunmuş 03 noyabr 2021-ci il tarixli, MN ******* və ******* saylı inzibati xəta haqqında protokollara və ona əlavə edilmiş sənədlərə açıq məhkəmə iclasında baxaraq məhkəmə M Ü Ə Y Y Ə N E T D İ: Şəxs 06.10.2021-ci il tarixdə Zərərçəkmiş şəxs1 Amin oğlunun işlədiyi, ünvan 1 ünvanda yerləşən köşkdən sonuncuya məxsus 92 manat pulu oğurlamışdır. Bundan başqa o, 23.10.2021-ci il tarixdə ünvan 2 ünvanda saxlanılmış, Zərərçəkmiş şəxs2 məxsus “Geely MK 5 minik” markalı, **-OF-*** dövlət qeydiyyat nişanlı avtomobilin salonundan 150 manat dəyərində “Samsung Galaxy A10” markalı mobil telefon aparatını oğurlamışdır. İnzibati xəta haqqında protokolu tərtib etmiş Bakı şəhəri Nəsimi Rayon Polis İdarəsinin 19-cu polis şöbəsinin sahə inspektoru X3 izahatında göstərdi ki, Zərərçəkmiş şəxs1 Amin oğlu və Zərərçəkmiş şəxs2 şikayətləri əsasında aparılmış araşdırma nəticəsində məlum olmuşdur ki, Şəxs 06.10.2021-ci il tarixdə Zərərçəkmiş şəxs1 Amin oğlunun işlədiyi ünvan 1 ünvanda yerləşən köşkdən sonuncuya məxsus 92 manat pulu, 23.10.2021-ci il tarixdə isə ünvan 2 ünvanda saxlanılmış, Zərərçəkmiş şəxs2 məxsus “Geely MK 5 minik” markalı, **-OF-*** dövlət qeydiyyat nişanlı avtomobilin salonundan 150 manat dəyərində “Samsung Galaxy A10” markalı mobil telefon aparatını oğurlamışdır. Onun əməllərində cinayət tərkibi olmadığından barəsində müvafiq olaraq 16.10.2021-ci il və 01.11.2021-ci il tarixli qərarlarla cinayət işinin başlanılması rədd edilmiş, hər iki inzibati iş üzrə icraat bir icraatda birləşdirilməklə müvafiq qaydada inzibati xəta haqqında protokol tərtib edilmişdir. Şəxs barəsində hazırda Bakı şəhəri Binəqədi Rayon Polis İdarəsində iki epizod üzrə belə araşdırmalar aparılır. Qeyd olunanlara əsasən Şəxs inzibati məsuliyyətə cəlb edilməsini xahiş edir. Məhkəmə iclasında zərər çəkmiş şəxs Zərərçəkmiş şəxs1 Amin oğlu izahatında göstərdi ki, 06.10.2021-ci il tarixdə gecə saatlarında işlədiyi ünvan 1 ünvanda yerləşən köşkdə olarkən mürgüləyib yuxuya getmiş, oyandıqdan sonra içəridə olan 92 manat pulunu yerində tapmamışdır. Baş vermiş oğurluqla bağlı dərhal polisə məlumat vermişdir. Ona vurulmuş zərər ödənilməmiş, Şəxs şikayətçidir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs izahat verərək göstərdi ki, 06.10.2021-ci il tarixdə ünvan 1 ünvanda yerləşən köşkdə satıcının yatdığını görüb yavaşca içəriyə girərək sonuncuya məxsus 92 manat pulu, 23.10.2021-ci il tarixdə isə ünvan 2 ünvanda saxlanılmış “Geely MK 5 minik” markalı, **- OF-*** dövlət qeydiyyat nişanlı avtomobilin salonundan 150 manat dəyərində “Samsung Galaxy A10” markalı mobil telefon aparatını oğurlamışdır. Əməllərindən peşmandır. İmkan olduqca hər iki zərər çəkmişlərə vurulmuş zərəri ödəməyə çalışacaq. Məhkəmə, proses iştirakçılarının izahatlarını dinləyib, habelə iş materiallarını araşdırıb hesab edir ki, Şəxs tərəfindən Azərbaycan Respublikası İnzibati Xətalar Məcəlləsinin 227-ci maddəsində nəzərdə tutulmuş inzibati xətanın törədilməsi tam sübuta yetirilir. Buna görə də o, həmin maddə ilə təqsirli bilinərək inzibati məsuliyyətə cəlb edilməlidir. Azərbaycan Respublikası İnzibati Xətalar Məcəlləsinin 227-ci maddəsi xırda talama, yəni oğurlama, mənimsəmə, israfçılıq, qulluq mövqeyindən sui-istifadə və ya dələduzluq yolu ilə özgəsinin əmlakını talamağa görə məsuliyyət müəyyən edir. Həmin maddənin “Qeyd” hissəsinə görə talanmış əmlakın dəyəri beş yüz manatdan yuxarı olmadıqda, bu, xırda talama hesab edilir. İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 9.1-ci maddəsinin tələbinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmçinin bu Məcəllənin 84-cü maddəsinə görə inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. İnzibati Xətalar Məcəlləsinin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə iclasında Şəxs məsuliyyətini yüngülləşdirən və ağırlaşdıran hallar müəyyən edilmədi. İnzibati Xətalar Məcəlləsinin 34.2-ci maddəsinə əsasən şəxsin eyni və ya müxtəlif vaxtlarda törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin işlərə eyni vaxtda baxılmalıdır. Bu Məcəllənin 34.4-cü maddəsinə görə şəxsin müxtəlif vaxtlarda öz hərəkətləri (hərəkətsizliyi) ilə törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, barəsində inzibati icraat aparılan şəxsə tətbiq olunan tənbeh bu Məcəllənin 25.4, 27.1, 28.3, 29.3 və 30.1-ci maddələrində müəyyən edilmiş hədlərdən artıq ola bilməz. Beləliklə, məhkəmə Şəxs törətdiyi inzibati xətanın xarakterini, onun şəxsiyyətini, əmlak vəziyyətini və s. halları nəzərə alaraq hesab edir ki, ona İnzibati Xətalar Məcəlləsinin 227-ci maddəsinin sanksiyasında nəzərdə tutulan inzibati həbs növündə tənbeh tədbiri tətbiq edilməli, bu zaman həmin Məcəllənin 31.4-cü maddəsinin tələbi nəzərə alınmalıdır. Eyni zamanda iş materiallarında olan inzibati qaydada tutma haqqında protokoldan görünür ki, Şəxs 03.11.2021-ci il tarixdə, saat 12:00-da tutulmuşdur. İnzibati Xətalar Məcəlləsinin 30.3-cü maddəsinə görə inzibati qaydada tutma müddəti inzibati həbs müddətinə daxil edilir. Göstərilənləri nəzərə alaraq və Azərbaycan Respublikası İnzibati Xətalar Məcəlləsinin 40-cı, 43-cü, 48-50-ci, 114-115-ci və 128-130-cu maddələrini rəhbər tutaraq məhkəmə Q Ə R A R A A L D İ: Şəxs Azərbaycan Respublikası İnzibati Xətalar Məcəlləsinin 227-ci maddəsində nəzərdə tutulmuş əməli törətməkdə təqsirli bilinsin və ona 01 (bir) ay müddətinə inzibati həbs tətbiq edilsin. İnzibati həbs müddətinin əvvəli 03 noyabr 2021-ci il tarixdən, saat 12:00-dan hesablansın. Qərarın icrası Bakı şəhər Nəsimi Rayon Polis İdarəsinin 19-cu polis şöbəsinə və Daxili İşlər Nazirliyinə bilavasitə tabe olan İnzibati həbs olunanların saxlanılma mərkəzinə həvalə edilsin. Qərardan, onun surəti rəsmi qaydada verildiyi vaxtdan 10 (on) gün müddətində Bakı şəhəri Nəsimi Rayon Məhkəməsi vasitəsilə Bakı Apellyasiya Məhkəməsinə şikayət verilə bilər. Hakim Babək Pənahov