Bakı Şəhəri Nəsimi Rayon Məhkəməsi Qərar — İş №3(006)-3368/2022

Azərbaycan Respublikası adından QƏRAR Bakı şəhəri İş № 3(006)-3368/2022 11.10.2022 BAKI ŞƏHƏRİ NƏSİMİ RAYON MƏHKƏMƏSİ Hakim: Pənahov Babək Əkbər oğlunun sədrliyi Məhkəmə iclasının katibi: X4 iştirakı ilə xx.xx.1977-ci ildə Bərdə rayonunda anadan olmuş, Azərbaycan Respublikasının vətəndaşı (FİN: xxxxxxx), "xxxx" MTK-nın direktoru vəzifəsində işləyən, Bərdə rayonu, Otuzikilər kəndində qeydiyyatda olan Şəxs barəsində Azərbaycan Respublikası İnzibati Xətalar Məcəlləsinin 528.1-ci maddəsi üzrə tərtib olunmuş xx.xx.2022-ci il tarixli, MN ******* saylı inzibati xəta haqqında protokola və ona əlavə edilmiş sənədlərə açıq məhkəmə iclasında baxaraq MÜƏYYƏN ETDİ: "xxxx" MTK-nın direktoru Şəxs Bakı İnzibati Məhkəməsinin xx.xx.2022-ci il tarixli, MXMT(112)-260/2022 saylı icra vərəqəsinin icrası ilə bağlı icra məmurunun qanuni tələblərinə əməl etməmişdir. Məhkəmə iclaslarının vaxtı və yeri barədə xəbardarlıq edilməsinə baxmayaraq barəsində inzibati xəta haqqında iş üzrə icraat aparılan "xxxx" MTK-nın direktoru Şəxs və inzibati xəta haqqında protokolu tərtib etmiş səlahiyyətli orqanın nümayəndəsi məhkəməyə gəlməmiş və bunun səbəbləri barədə məlumat verməmişlər. Məhkəmə işə onların iştirakı olmadan baxılmasını mümkün hesab etmişdir. İş materiallarından görünür ki: - Bakı İnzibati Məhkəməsinin xx.xx.2022-ci il tarixli, MXMT(112)-260/2022 saylı icra vərəqəsinə görə ərizəçi X1 mülkiyyətində olan evin yerləşdiyi Bakı şəhəri, Nəsimi rayonu, N.Yusifbəyli, Mərdanov Qardaşları, A.Səhhət və Novruzov Qardaşları küçələrinin əhatə etdiyi 997-ci məhəllədə tikinti işlərinin aparılması "xxxx" MTK-ya və digər hüquqi və fiziki şəxslərə qadağan edilmişdir; - Bakı şəhər Nəsimi rayon İcra şöbəsinin icra məmuru X2 tərəfindən qeyd olunan icra sənədinin icrasının təmin olunması məqsədilə xx.xx.2022-ci il tarixli qərarla icraata başlanılmışdır; - xx.xx.2022-ci il tarixdə tələbin könünllü icrası ilə bağlı bildiriş "xxxx" MTK-nın ünvan 1 ünvanına göndərilmişdir; - xx.xx.2022-ci il tarixli aktdan görünür ki, icra məmuru icra sənədinin icrası ilə əlaqədar orada qeyd olunan ünvana gələrək ərazidə tikinti işlərini dayandırımışdır; - Təqdim edilmiş fotoşəkillərdən aydın olur ki, "xxxx" MTK tərəfindən Bakı şəhəri, Nəsimi rayonu, N.Yusifbəyli, Mərdanov Qardaşları, A.Səhhət və Novruzov Qardaşları küçələrinin əhatə etdiyi 997-ci məhəllədə tikinti işlərinin aparılması davam etdirilir; - xx.xx.2022-ci il tarixli aktda əsasən icra sənədinin icrası ilə əlaqədar icra məmuru həmin ünvana gəlmiş, ərazidə tikinti işləri aparılıdığı müəyyən edilmiş və onun tərəfindən orada tikinti işləri dayandırılmışdır; - Şəxs xx.xx.2022-ci il və xx.xx.2022-ci il tarixlərdə qeyd olunan icra sənədinin icrası ilə bağlı Bakı şəhəri Nəsimi rayon İcra şöbəsinə izahatlar verərək Bakı şəhəri, Nəsimi rayonu, N.Yusifbəyli, Mərdanov Qardaşları, A.Səhhət və Novruzov Qardaşları küçələrinin əhatə etdiyi 997-ci məhəllədə heç bir tikinti işinin aparılmadığını bildirmişdir. Beləliklə, məhkəmə müəyyən olunur ki, icra məmuru tərəfindən Bakı İnzibati Məhkəməsinin xx.xx.2022-ci il tarixli, MXMT(112)-260/2022 saylı icra vərəqəsinin icrası ilə bağlı xx.xx.2022-ci il tarixdə Bakı şəhəri, Nəsimi rayonu, N.Yusifbəyli, Mərdanov Qardaşları, A.Səhhət və Novruzov Qardaşları küçələrinin əhatə etdiyi 997-ci məhəllədə aparılmış tikinti işləri dayandırılmasına baxmayaraq, orada xx.xx.2022-ci il tarixdə yenidən tikinti işlərinin davam etdirildiyi aşkar olunmuşdur. Məhkəmə iş materiallarını araşdıraraq hesab edir ki, "xxxx" MTK-nın direktoru Şəxs tərəfindən Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulmuş inzibati xətanın törədilməsi tam sübuta yetirilir və buna görə o, inzibati məsuliyyətə cəlb edilməlidir. Azərbaycan Respublikası Konstitusiyanın 129-cu maddəsinə görə məhkəmənin qəbul etdiyi qərarlar dövlətin adından çıxarılır və onların icrası məcburidir. Məhkəmə qərarının icra olunmaması qanunla müəyyən edilmiş məsuliyyətə səbəb olur. İnsan Hüquqları üzrə Avropa Məhkəməsi “Hornsbi Yunanıstana qarşı” iş üzrə Qərarında vurğulayır ki, Razılığa gələn Dövlətlərin daxili hüquq sistemləri məcburi qüvvəyə malik yekun məhkəmə qərarının tərəflərdən birinin ziyanına olaraq icra olunmadan qalmasına yol versəydi, 6-cı maddə ilə təmin olunan məhkəməyə müraciət hüququ xəyali hüquq olardı. Həmçinin Avropa Məhkəməsi “Burdov Rusiyaya qarşı” iş üzrə Qərarında qeyd edir ki, məhkəmə qərarının icrasının gecikdirilməsinə xüsusi hallarda haqq qazandırıla bilər. Amma bu gecikdirmə Konvensiyanın 6-cı maddəsinin 1-ci bəndi ilə qorunan hüququn mahiyyətinə xələl gətirməməlidir. “İcra haqqında” Azərbaycan Respublikası Qanununun 2-ci və 3-cü maddələrinə əsasən Azərbaycan Respublikasında məhkəmə və digər orqanların qərarlarının məcburi icrası icra məmurları tərəfindən həyata keçirilir. Məhkəmə və digər orqanların qərarlarının icrası ilə əlaqədar icra məmurunun tələbləri Azərbaycan Respublikasının ərazisində bütün orqanlar, hüquqi şəxslər, onların vəzifəli şəxsləri və fiziki şəxslər üçün məcburidir. Məhkəmə və digər orqanların qərarlarının icrası ilə əlaqədar icra məmurlarının tələblərini yerinə yetirməyən, onlara həvalə edilmiş vəzifələrin icrasına mane olan şəxslər Azərbaycan Respublikasının qanunvericiliyi ilə nəzərdə tutulmuş qaydada məsuliyyət daşıyırlar. Azərbaycan Respublikası İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 9.1-ci maddəsinin tələbinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmçinin bu Məcəllənin 84-cü maddəsinə görə inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. İnzibati Xətalar Məcəlləsinin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə iclasında "xxxx" MTK-nın direktoru Şəxsnın məsuliyyətini yüngülləşdirən və ağırlaşdıran hallar müəyyən edilmədi. Məhkəmə "xxxx" MTK-nın direktoru Şəxs tərəfindən törədilən inzibati xətanın xarakterini, təqsirinin dərəcəsini və işin digər hallarını nəzərə alaraq belə nəticəyə gəlir ki, o, Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirli bilinərək vəzifəli şəxs kimi həmin maddənin sanksiyasında nəzərdə tutulan cərimə növündə inzibati tənbeh növü tətbiq olunmalıdır. Göstərilənləri nəzərə alaraq və Azərbaycan Respublikası İnzibati Xətalar Məcəlləsinin 40-cı, 43-cü, 48-50-ci, 114-115-ci və 128-130-cu maddələrini rəhbər tutaraq məhkəmə QƏRARA ALDİ: "xxxx" MTK-nın direktoru Şəxs Azərbaycan Respublikası İnzibati Xətalar Məcəlləsinin 528.1-ci maddəsində nəzərdə tutulmuş xətanın törədilməsində təqsirli bilinərək 2.000 (iki min) manat məbləğində cərimə edilsin. Qərardan, onun surəti rəsmi qaydada verildiyi vaxtdan 10 (on) gün müddətində Bakı şəhəri Nəsimi Rayon Məhkəməsi vasitəsilə Bakı Apellyasiya Məhkəməsinə şikayət verilə bilər. Hakim Babək Pənahov