Bakı Şəhəri Nəsimi Rayon Məhkəməsi Qərar — İş №3(006)-346/2023

Azərbaycan Respublikası adından QƏRAR Bakı şəhəri İş № 3(006)-346/2023 23.01.2023 BAKI ŞƏHƏRİ NƏSİMİ RAYON MƏHKƏMƏSİ Hakim Tağıyev Azər Heydər oğlunun sədrliyi, Lətifov Vəli Abdurəşid oğlunun katibliyi, barəsində inzibati xəta haqqında iş üzrə icraat aparılan şəxs Şəxs iştirakı ilə, xx.xx.1974-cü il tarixdə Cəbrayıl rayonunda anadan olmuş, Azərbaycan Respublikasının vətəndaşı (FİN: xxxxxxx), ünvan 1 ünvanında qeydiyyatda olan Şəxs Azərbaycan Respublikasının İnzibati Xətalar Məcəlləsinin 529.3-cü maddəsi ilə nəzərdə tutulmuş inzibati xətanı törətməsinə dair inzibati xəta haqqında protokola və ona əlavə olunmuş materiallara açıq məhkəmə iclasında baxaraq, məhkəmə MÜƏYYƏN ETDİ: Şəxs Azərbaycan Respublikasının İnzibati Xətalar Məcəlləsinin 529.3-cü maddəsi ilə nəzərdə tutulmuş inzibati xətanı törətməsinə dair xx.xx.2022-ci il tarixli, İXP ******* saylı inzibati xəta haqqında protokol və ona əlavə edilmiş sənədlər Nəsimi Rayon Məhkəməsinə daxil olmuşdur. İnzibati xəta haqqında protokola və ona əlavə edilmiş sənədlərə əsasən Şəxs barəsində Azərbaycan Respublikasının İXM-nin 339.1-1-ci maddəsi ilə qəbul edilmiş xx.xx.2022-ci il tarixli, EQ 10116308 nömrəli inzibati tənbeh vermə haqqında iş üzrə qərar qüvvəyə mindiyi gündən 3 ay müddətinə icra etməmiş və bununla da, Azərbaycan Respublikasının İXM-nin 529.3-cü maddəsində nəzərdə tutulmuş inzibati xətanı törətmişdir. Məhkəmə iclasında iştirak edən Şəxs bildirmişdir ki, “Shacman” yük markalı, **-DC- *** dövlət qeydiyyat nişanlı avtomobil onun adına olsa da, həmin avtomobili onun istifadəsində deyil. Belə ki, həmin avtomobillərlə, yəni “Shacman” yük markalı, **-DC-*** dövlət qeydiyyat nişanlı, “Shacman” yük markalı, **-DA-*** dövlət qeydiyyat nişanlı, “Shacman” yük markalı, **-DA-*** dövlət qeydiyyat nişanlı, “Shacman” yük markalı, **-DA- *** dövlət qeydiyyat nişanlı, “Shacman SX3314DT366” yük markalı, **-KU-*** dövlət qeydiyyat nişanlı avtomobillərin cavabdeh "xxxx" MMC-dən alınaraq ona geri qaytarılması barədə 13 may 2019-cu il tarixli məhkəmə qətnaməsi vardır. Həmin qətnamə icradadır və avtomobillər axtarışdadır. Göstərilənləri, həmin avtomobillərin onun tərəfindən idarə edilməməsi, avtomobillərin axtarışda olmasını nəzərə alaraq barəsində başlanılmış inzibati xəta haqqında iş üzrə icraata xitam verilməsini məhkəmədən xahiş etmişdir. Məhkəmə inzibati protokolu nəzərdən keçirib, toplanmış sübutlara məcmu halda hüquqi qiymət verərək hesab edir ki, Şəxs inzibati xəta törədilməsinə aidiyyəti olmadığından Azərbaycan Respublikasının İXM-nin 529.3-cü maddəsində nəzərdə tutulan əməli törətməsinə dair inzibati iş üzrə icraata xitam verilməlidir. Belə ki, iş materillarına əlavə edilmiş AR DİN BDYPİ-nin rəisi Elçin Xasiyevin xx.xx.2021-ci il tarixli qərarından görünür ki, Azərbaycan Respublikasının İnzibati Xətalar Məcəlləsinin 96.1.6-cı maddəsinə əsasən yol hərəkəti qaydaları əleyhinə olan inzibati xətaların törədilməsinə görə inzibati cərimə növündə inzibati tənbeh tətbiq etmə haqqında qərarın qanuni qüvvəyə mindiyi gündən 2 ay müddətində icra edilməməsinə görə “Shacman Yük“ markalı, **-DC-*** dövlət qeydiyyat nişanlı nəqliyyat vasitəsinin saxlanılması və BDYPİ-nin mühafizə olunan duracağına yerləşdirilməsi qərara alınmışdır. İş materiallarına əlavə edilmiş şəhadətnamələrin surətindən görünür ki, “Shacman” yük markalı, **-DC-*** dövlət qeydiyyat nişanlı, “Shacman” yük markalı, **-DA-*** dövlət qeydiyyat nişanlı, “Shacman” yük markalı, **-DA-*** dövlət qeydiyyat nişanlı, “Shacman” yük markalı, **-DA-*** dövlət qeydiyyat nişanlı, “Shacman SX3314DT366” yük markalı, **- KU-*** dövlət qeydiyyat nişanlı avtomobillər Şəxs tərəfindən etibarnamələr əsasında "xxxx" MMC-yə verilmiş və həmin etibarnamələrə Şəxs tərəfindən xx.xx.2013-cü il və xx.xx.2014-cü il tarixlərdə xitam verilmişdir. İş materillarına əlavə edilmiş Nəsimi Rayon Məhkəməsinin xx.xx.2019-cu il tarixli, 2(006)-2682/2019 saylı qətnaməsindən görünür ki, “Shacman” yük markalı, **-DC-*** dövlət qeydiyyat nişanlı, “Shacman” yük markalı, **-DA-*** dövlət qeydiyyat nişanlı, “Shacman” yük markalı, **-DA-*** dövlət qeydiyyat nişanlı, “Shacman” yük markalı, **-DA- *** dövlət qeydiyyat nişanlı, “Shacman SX3314DT366” yük markalı, **-KU-*** dövlət qeydiyyat nişanlı avtomobillərin cavabdeh "xxxx" MMC-dən alınaraq iddiaçı Şəxs geri qaytarılması qət edilmişdir. Beləliklə, məhkəmə iclasında müəyyən edilmişdir ki, Şəxs xx.xx.2022-ci il tarixdə Z.Bünyadov prospekti Qızlar YDM-nin yaxınlığı 20 Yanvar küçəsində “Shacman yük” markalı, **-DC-*** dövlət qeydiyyat nişanlı nəqliyyat vasitəsi ilə hərəkət edərkən Azərbaycan Respublikasının İXM-nin 339.1-1-ci maddəsi ilə nəzərdə tutulmuş inzibati xəta hadisəsini törətməmişdir. Həmçinin məhkəmə iclasında müəyyən edilmişdir ki, “Shacman yük” markalı **-DC- *** dövlət qeydiyyat nişanlı, “Shacman yük” markalı **-DA-*** dövlət qeydiyyat nişanlı, “Shacman yük” markalı **-DA-*** dövlət qeydiyyat nişanlı, “Shacman yük” markalı **-DA- *** dövlət qeydiyyat nişanlı, “Shacman SX3314DT366 yük” markalı **-KU-*** dövlət qeydiyyat nişanlı avtomobillər Şəxs xüsusi mülkiyyətindədir. Həmin avtomobillər "xxxx" MMC-nin etibarnamə əsasında illik hər biri 2000 manata olmaqla sahiblik və istifadəsinə verilmişdir. Lakin "xxxx" MMC tərəfindən 20.000 manat vəsaiti ödəmədiyindən sonradan cavabdehin adına verilmiş bütün etibarnamələr Şəxs tərəfindən ləğv edilmiş və "xxxx" MMC-yə müraciət edilərək xüsusi mülkiyyət hüququ ilə Şəxs məxsus olan avtomobillər geri qaytarılması tələb edilmişdir. Lakin "xxxx" MMC bugünədək həmin avtomobilləri geri qaytarmamışdır. Bununla da məhkəmə hesab edir ki, Şəxs barəsində Azərbaycan Respublikasının İXM-nin 339.1-1-ci maddəsi ilə qəbul edilmiş xx.xx.2022-ci il tarixli, EQ 10116308 nömrəli inzibati tənbeh vermə haqqında iş üzrə qərar inzibati xəta hadisəsini törədən şəxs, yəni subyekt düzgün müəyyən edilmədən qəbul edilmişdir. Məhkəmə qeyd edir ki, hazırki iş üzrə Şəxs əməlində Azərbaycan Respublikasının İnzibati Xətalar Məcəlləsinin 529.3-cü maddəsi ilə nəzərdə tutulmuş inzibati xəta tərkibi yoxdur. Azərbaycan Respublikasının İnzibati Xətalar Məcəlləsinin 3-cü maddəsinə əsasən, yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 8.1-ci maddəsinə əsasən, barəsində inzibati xəta haqqında iş üzrə icraat aparılan şəxsin təqsiri bu Məcəllədə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsirsiz hesab edilir. Həmin Məcəllənin 8.2-ci maddəsinə əsasən, inzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. Həmin Məcəllənin 8.3-cü maddəsinə əsasən, inzibati məsuliyyətə cəlb olunan şəxsin təqsirli olması barəsində şübhələr onun xeyrinə həll edilir. Həmin Məcəllənin 53.2-ci maddəsinə əsasən hər hansı şəxs barəsində başlanılmış inzibati xətalar haqqında işlər üzrə icraata, həmçinin onun inzibati xəta törədilməsinə aidiyyəti olmadıqda və ya təqsirliliyi sübuta yetirilmədikdə, o cümlədən təqsirliliyin sübuta yetirilməsində qanuna zidd olaraq əldə edilmiş sübutlardan istifadə edildikdə xitam verilir. Həmin Məcəllənin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, müvafiq icra hakimiyyəti orqanının müəyyən etdiyi orqanın (qurumun) informasiya sistemində, habelə digər dövlət informasiya sistemlərində (ehtiyatlarında) aşkar olunan məlumatlarla, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Həmin Məcəllənin 105.1-ci maddəsinə əsasən həmin Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Həmin Məcəllənin 109.2-ci maddəsinə əsasən, bu Məcəllənin 53 və 104.1-ci maddələrində nəzərdə tutulmuş hallar olduqda inzibati xəta haqqında iş üzrə icraata xitam verilməsi və ya inzibati xəta haqqında iş üzrə icraatın dayandırılması barədə qərar qəbul edilir. Beləliklə, məhkəmə hesab edir ki, hazırkı iş üzrə barəsində protokol tərtib edilmiş şəxsə münasibətdə təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) mövcud deyildir, onun əməlində inzibati məsuliyyətə səbəb ola biləcək inzibati xəta tərkibinin bütün əlamətləri mövcud deyildir. Ona görə də, Şəxs barəsində Azərbaycan Respublikasının İnzibati Xətalar Məcəlləsinin 529.3-cü maddəsi ilə başlanılmış inzibati iş üzrə icraata xitam verilməlidir. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 40, 43, 48-51, 114-117, 128-130 və 529.3-cü maddələrini rəhbər tutaraq, məhkəmə QƏRARA ALDİ: Şəxs Azərbaycan Respublikasının İnzibati Xətalar Məcəlləsinin 529.3-cü maddəsi ilə nəzərdə tutulmuş inzibati xətanı törətməsinə dair inzibati iş üzrə icraata xitam verilsin. Qərarın surəti rəsmi qaydada verldiyi vaxtdan 10 (on) gün müddətində Bakı Apelyasiya Məhkəməsinə apelyasiya şikayəti verilə bilər. Sədrlik edən: Azər Tağıyev