Bakı Şəhəri Nəsimi Rayon Məhkəməsi Qərar — İş №3(006)-3523/2024

Azərbaycan Respublikası adından QƏRAR Bakı şəhəri İş № 3(006)-3523/2024 27.12.2024 BAKI ŞƏHƏRİ NƏSİMİ RAYON MƏHKƏMƏSİ Bakı şəhəri Nəsimi Rayon Məhkəməsinin hakimi Hüseynov Elməddin Mirpaşa oğlunun sədrliyi, məhkəmə iclas katibi Mustafayeva İlhamə Mövlan qızının katibliyi ilə, Şəxs Nəsimi Rayon Məhkəməsinin xx.xx.2024-cü il tarixli, 3(006)-3523/2024 saylı qərarının ləğv edilərək iş üzrə icraata xitam verilməsinə dair ərizəsinə baxaraq, məhkəmə müəyyən etdi: Şəxs EQ 20661620 saylı inzibati xəta haqqında elektron qərar əsasında Azərbaycan Respublikası İnzibati Xətalar Məcəlləsinin 346.1-ci maddəsi ilə təqsirli bilinərək 20 (iyirmi) manat məbləğində cərimə olunmasına dair xx.xx.2024-cü il tarixli qərarı qanuni qüvvəyə mindiyi gündən 3 (üç) ay müddətində qanunla müəyyən olunmuş əsaslar olmadan icra etməmiş, bu səbəbdən onun barəsində İnzibati Xətalar Məcəlləsinin 529.3-cü maddəsi üzrə inzibati xəta haqqında protokol tərtib edilmişdir. Bakı şəhəri Nəsimi Rayon Məhkəməsinin xx.xx.2024-cü il tarixli, 3(006)-3523/2024 saylı qərarına əsasən Şəxs Azərbaycan Respublikası İnzibati Xətalar Məcəlləsinin 529.3cü maddəsi ilə təqsirli bilinərək ona nəqliyyat vasitələrini idarə etmə hüququnun 06 (altı) ay müddətinə məhdudlaşdırılması növündə inzibati tənbeh tətbiq edilmişdir. Hazırda Şəxs məhkəməyə ərizə ilə müraciət edərək cərimə və ona hesablanmış faizi tam ödədiyindən məhkəmənin xx.xx.2024-cü il tarixli qərarın ləğv edilməsini xahiş etmişdir. “Asanpay.az” saytına aid hökumət ödəniş portalından əldə edilmiş çıxarışdan görünür ki, Şəxs tərəfindən EQ 20661620 saylı inzibati xəta haqqında elektron qərar üzrə cərimə ona hesablanmış faizi ilə birlikdə ödənilmişdir. Məhkəmə iş materiallarını nəzərdən keçirərək hesab edir ki, barəsində nəqliyyat vasitəsini idarə etmək hüququnun məhdudlaşdırılmasına dair qərar çıxarılmış Şəxs həmin qərarın çıxarılmasına əsas olmuş inzibati cərimə növündə inzibati tənbeh tətbiq etmə haqqında protokolla tətbiq edilən inzibati cəriməni və müvafiq olaraq hesablanmış dəbbə pulunu ödədiyindən ərizə təmin edilməli, Bakı şəhəri Nəsimi Rayon Məhkəməsinin xx.xx.2024-cü il tarixli, 3(006)-3523/2024 saylı qərarına xitam verilməlidir. Belə ki, Azərbaycan Respublikası İnzibati Xətalar Məcəlləsinin 152.5-ci maddəsinə görə barəsində yol hərəkəti qaydaları əleyhinə olan inzibati xəta törətməyə görə inzibati cərimə növündə inzibati tənbeh tətbiq etmə haqqında qərarın icra edilməməsinə görə nəqliyyat vasitəsini idarə etmək hüququnun məhdudlaşdırılmasına dair qərar çıxarılmış şəxs inzibati cəriməni və müvafiq olaraq hesablanmış dəbbə pulunu ödədikdə, bu qərara onu qəbul etmiş məhkəmə tərəfindən həmin şəxsin ərizəsi əsasında xitam verilir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 118 və 152-ci maddələrini rəhbər tutaraq məhkəmə qərara aldı: Ərizə təmin edilsin. Şəxs nəqliyyat vasitəsini idarə etmək hüququnun məhdudlaşdırılmasına dair Bakı şəhəri Nəsimi Rayon Məhkəməsinin xx.xx.2024-cü il tarixli, 3(006)-3523/2024 saylı qərarına xitam verilsin. Qərardan, onun surəti rəsmi qaydada verildiyi vaxtdan 10 (on) gün müddətində Bakı şəhəri Nəsimi Rayon Məhkəməsi vasitəsilə Bakı Apelyasiya Məhkəməsinə şikayət verilə bilər. Hakim: Elməddin Hüseynov