Bakı Şəhəri Nəsimi Rayon Məhkəməsi Qərar — İş №3(006)-3608/2023

Azərbaycan Respublikası adından QƏRAR Bakı şəhəri İş № 3(006)-3608/2023 23.08.2023 BAKI ŞƏHƏRİ NƏSİMİ RAYON MƏHKƏMƏSİ Hakim Mustafayeva Solmaz Rafael qızının sədrliyi, Məhkəmə iclasının katibi Fərəcova Təranə Aydın qızının katibliyi Barəsində inzibati xəta haqqında iş üzrə icraat aparılan hüquqi şəxs "xxxx" Məhdud Məsuliyyətli Cəmiyyətin (bundan sonra "xxxx" MMC) nümayəndəsi X1, "xxxx" MMC-nin (hüquqi ünvanı: Bakı şəhəri, Nəsimi rayonu, Bülbül prospekti, ev 25, mənzil 52, VÖEN: **********) barəsində Azərbaycan Respublikası İnzibati Xətalar Məcəlləsinin (bundan sonra Azərbaycan Respublikası İXM) 430.4-cü maddəsi üzrə tərtib olunmuş xx.xx.2023-cü il tarixli, EP ******* saylı inzibati xəta haqqında protokola və ona əlavə edilmiş sənədlərə açıq məhkəmə iclasında baxaraq, MÜƏYYƏNETDİ: İnzibati xəta haqqında protokola görə "xxxx" MMC 80000,00 ABŞ dolları məbləğində olan vəsaiti bank hesabından xx.xx.2021-ci il tarixdə Azərbaycan Respublikasından kənara qabaqcadan ödəniş etməklə köçürmüş, lakin ödənişin aparıldığı gündən 2 il müddətin keçməsinə baxmayaraq 40380,00 ABŞ dolları vəsait hesabına alınan malların ölkəyə idxalını təsdiq edən gömrük bəyannaməsi və ya idxal olunan xidmətlərin göstərilməsini təsdiq edən sənəd təqdim edilməmiş, qabaqcadan ödənilmiş valyuta vəsaiti xaricdən geri qaytarılmamışdır. Məhkəmə iclasında "xxxx" MMC-nin nümayəndəsi X4 məhkəməyə ünvanlamış ərizəsinə uyğun izahat verərək göstərdi ki, Şəxs barəsində protokol tərtib edilərkən şirkətin nümayəndəsi dəvət edilməmiş və bundan əvvəl də bu tip münasibətlər üzrə olan işin həqiqi halları, "xxxx" pandemiyasının təsirləri nəzərə alınmamışdır. Şirkətin izahatı yoxdur. Şirkət tərəfindən Mərkəzi Banka ünvanlanan rəsmi məktublar mahiyyəti üzrə cavablandırılmamışdır. Barələrində protokol tərtib edilsə də, 40380.00 ABŞ dolları məbləğində vəsait hesabına alınan mallar ölkəyə idxal edilməsə də, həmin vəsait ölkəyə geri qaytarılmışdır. Protokol tərtib edilməzdən əvvəl Mərkəzi Bank tərəfindən barələrində inzibati xətanın tördilməsi üzrə müddətin bitməsinə az zaman qalması barədə şirkət bildiriş almamışdır. Məhkəmənin diqqətinə çatdırır ki, Şəxs MMC 2001-ci ildən tikinti sektorunda fəaliyyət göstərir. Şirkət tərəfindən bir çox dövlət sifarişləri, xüsusən də əhəmiyyətli obyektlərin tikintisi icra edilmişdir. Həmin sifarişlər arasında Milli Konservatoriyanın binası, Dövlət Təhlükəsizliyi Xidmətinin Nəsimi rayon şöbəsi, X2 müəyyən işləri və s. uğurla icra edilmişdir. Bu işləri görmək üçün şirkət mütəmadi olaraq Türkiyə Respublikası ilə, həmçinin Avropa ölkələri ilə müqavilələr bağlayır və malmaterial idxal edir. Həmçinin, hazırki iş üzrə “X5” şirkəti tərəfindən ölkəyə idxal edilməsi nəzərdə tutulan mallara zərurət qalmadığından, vəsait geri qaytarılmışdır. Bu barədə sənədlər Mərkəzi Banka təqdim edilmişdir. Göstərilənləri nəzərə alınmaqla iş üzrə icraata xitam verilməsi barədə qərar qəbul edilməsini məhkəmədən xahiş etmişdir. Məhkəmə iclasının vaxtı və yeri barədə barəsində inzibati xəta haqqında protokolu tərtib etmiş quruma bildiriş göndərilsə də, qurumun nümayəndəsi məhkəmədə iştirak etməmişdir. Məhkəmə işə nümayəndənin iştirakı olmadan baxılmasını mümkün hesab etmişdir. İş materiallarında olan: - "xxxx" ASC tərəfindən Azərbaycan Respublikası Mərkəzi Bankına göndərilmiş xx.xx.2023-cü il tarixli məlumatda "xxxx" MMC-nin ödənişin aparıldığı gündən 02 il müddətində malların ölkəyə idxalını təsdiq edən gömrük bəyannaməsi və ya idxal olunan xidmətlərin göstərilməsini təsdiq edən sənədlərin təqdim edilməməsi göstərilmişdir. - Ödəniş sənədinə əsasən "xxxx" MMC tərəfindən Türkiyə Respublikasında yerləşən “X5” şirkətinin hesabına xx.xx.2021-ci il tarixli, CSAB-0020 müqavilə üzrə xx.xx.2021-ci il tarixdə 80000,00 ABŞ dolları məbləğində pul göndərilmişdir; - "xxxx" MMC-nin hesabdan çıxarışından görünür ki, 40380,00 ABŞ dolları məbləğində vəsait hesabına alınan mallar ölkəyə idxal edilmədiyindən həmin vəsait ölkəyə geri qaytarılmışdır. Azərbaycan Respublikası İXM-nin 430.4-cü maddəsinə avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmamasına görə məsuliyyət nəzərdə tutur. Azərbaycan Respublikası Mərkəzi X3 xx.xx.2016-cı il tarixli, 45/1 saylı qərarı ilə təsdiq edilmiş “Azərbaycan Respublikasının rezident və qeyrirezidentlərinin xarici valyuta əməliyyatlarının aparılması Qaydaları”nın 4.3.1.3-cü bəndinə görə qabaqcadan ödəniş aparıldıqda banka ödənişin təyinatını, şərtlərini və məbləğini əks etdirən sənəd təqdim edilir. Qabaqcadan ödəniş müqabilində malların ölkəyə idxalını (xidmətlərin göstərilməsini) təsdiq edən gömrük bəyannaməsi (xidmətlərin göstərilməsini təsdiq edən sənəd) banka təqdim olunmalıdır və ya xeyrinə qabaqcadan ödənişin edildiyi şəxs və ya üçüncü şəxs tərəfindən qabaqcadan ödənilmiş məbləğ geri qaytarılmalıdır. Müvafiq sənədlər ödənişin aparıldığı gündən ən geci 2 (iki) il müddətində banka təqdim edilmədikdə və ya qabaqcadan ödənilmiş məbləğ geri qaytarılmadıqda və bu zaman idxal edilməyən malların (göstərilməyən xidmətlərin) və ya geri qaytarılmayan məbləğin qalıq dəyəri 10.000 (on min) ABŞ dolları ekvivalenti məbləğindən çox olduqda, bank tərəfindən qabaqcadan ödəniş əməliyyatına dair bütün sənədlər 5 (beş) iş günü ərzində Azərbaycan Respublikasının Mərkəzi Bankına təqdim edilir. Beləliklə məhkəmə iclasında müəyyən olundu ki, "xxxx" MMC Türkiyə Respublikasında “X5” şirkətinin hesabına xx.xx.2021-ci il tarixli, CSAB-0020 müqavilə üzrə 80000,00 ABŞ dolları məbləğində olan vəsaiti bank hesabından xx.xx.2021-ci il tarixdə Azərbaycan Respublikasından kənara qabaqcadan ödəniş etməklə köçürmüş, lakin həmin məbləğin 40380,00 ABŞ dolları vəsait hesabına alınan mallar ölkəyə idxal edilmədiyindən həmin vəsait ölkəyə geri qaytarılmışdır. Azərbaycan Respublikası İXM-nin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 12.1-ci maddəsinə görə bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Bu Məcəllənin 53.1.1-ci maddəsinin tələbinə görə inzibati xəta hadisəsi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Qeyd edilən Məcəllənin 105.1-ci maddəsinə görə bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Beləliklə, məhkəmə göstərilənləri nəzərdən keçirərək hesab edir ki, hazırkı iş üzrə inzibati xəta hadisəsi olmadığından "xxxx" MMC barəsində başlanılmış inzibati xəta haqqında iş üzrə icraata xitam verilməlidir. Yuxarıda göstərilənlərə əsasən və Azərbaycan Respublikası İXM-nin 40-cı, 43-cü, 48-50-ci, 114-115-ci və 128-130-cu maddələrini rəhbər tutaraq məhkəmə QƏRARAALDİ: "xxxx" MMC barəsində Azərbaycan Respublikası İXM-nin 430.4-cü maddəsi ilə başlanılmış inzibati xəta haqqında iş üzrə icraata xitam verilsin. Qərardan, onun surəti rəsmi qaydada verildiyi vaxtdan 10 (on) gün müddətində Bakı şəhəri Nəsimi Rayon Məhkəməsi vasitəsilə Bakı Apelyasiya Məhkəməsinə apellyasiya şikayəti verilə bilər. Sədrlik edən Solmaz Mustafayeva