Bakı Şəhəri Nəsimi Rayon Məhkəməsi Qərar — İş №3(006)-3670/2023

Azərbaycan Respublikası adından QƏRAR Bakı şəhəri İş № 3(006)-3670/2023 24.08.2023 BAKI ŞƏHƏRİ NƏSİMİ RAYON MƏHKƏMƏSİ Hakim: Pənahov Babək Əkbər oğlunun sədrliyi Məhkəmə iclasının katibi: X1 Barəsində inzibati xəta haqqında Şəxs MMC-nin nümayəndəsi iş üzrə icraat aparılan şəxs: X2 iştirakları ilə Şəxs MMC (hüquqi ünvanı: Bakı şəhəri, Nəsimi rayonu, Xətai pr., ev 36, VÖEN: **********) barəsində Azərbaycan Respublikası İnzibati Xətalar Məcəlləsinin 347-ci maddəsi üzrə tərtib olunmuş xx.xx.2023-cü il tarixli, İXP ******* saylı inzibati xəta haqqında protokola və ona əlavə edilmiş sənədlərə açıq məhkəmə iclasında baxaraq məhkəmə M Ü Ə Y Y Ə N E T D İ: İnzibati xəta haqqında protokola görə Şəxs MMC mülkiyyətində olan «NİSSAN SENTRA MİNİK» markalı, **-AH-*** dövlət qeydiyyat nişanlı avtomobillə xx.xx.2023-cü il tarixdə, saat 11:00-da inzibati xətanı törətmiş fiziki şəxs barəsində olan sorğuya qanunvericiliklə müəyən edilmiş 5 gün müddətində məlumat verməmişdir. Məhkəmə iclasında barəsində inzibati xəta haqqında iş üzrə icraat aparılan hüquqi şəxs Şəxs MMC-nin nümayəndəsi X4 izahatında göstərdi ki, şirkət həm Bakı şəhər Yasamal Rayon Dövlət X7, həm də Baş Dövlət Yol Polisi İdarəsinə ünvanladığı məktublarda cəmiyyətin hüquqi ünvanında ünvan 3 və bununla əlaqədar olaraq şirkətə aid sənədlərin Bakı şəhəri, Nərimanov rayonu, Müzəffər Nərimanov küçəsi, 2054-cü məhəllədə yerləşən baş ofisə göndərilməsini xahiş etmişdir. Lakin, buna baxmayaraq şirkətin mülkiyyətində olan «NİSSAN SENTRA MİNİK» markalı, **-AH-*** dövlət qeydiyyat nişanlı avtomobil ilə xx.xx.2023-cü il tarixdə, saat 11:00-da inzibati xətanı törətmiş sürücü barədə məlumatın verilməsinə dair Bakı şəhər Yasamal Rayon Dövlət X8 tərəfindən verilmiş sorğu Bakı şəhəri, Nəsimi rayonu, Xətai prospekti, ev 36-ya göndərilmişdir. Şirkət də bu barədə məlumatı aldıqdan sonra xx.xx.2023-cü il tarixdə rəsmi qaydada Bakı şəhər Yasamal Rayon Dövlət X7 cavab vermişdir. Göstərilənləri nəzərə alaraq iş üzrə icraata xitam verilməsini xahiş edir. Məhkəmə iclasının vaxtı və yeri barədə məlumatlandırılması üzrə görülmüş tədbirlərə baxmayaraq, inzibati xəta haqqında protokolu tərtib etmiş qurumun nümayəndəsi məhkəməyə gəlməmiş, bunun səbəbləri barədə məlumat verilməmişdir. Məhkəmə işə nümayəndənin iştirakı olmadan baxılmasını mümkün hesab etmişdir. İş materiallarına əsasən:  Bakı şəhər Yasamal Rayon Dövlət X5 məktubu və müvafiq poçt qəbzindən görünür ki, Şəxs MMC-dən cəmiyyətə məxsus «NİSSAN SENTRA MİNİK» markalı, **-AH- *** dövlət qeydiyyat nişanlı avtomobil ilə xx.xx.2023-cü il tarixdə, saat 11:00-da İnzibati Xətalar Məcəlləsinin 328.1-ci maddəsində nəzərdə tutulmuş xətanı törədən şəxs barəsində şöbəyə 5 gün ərzində məlumatın verilməsi xahiş olunmuş və bu sorğu xx.xx.2023-cü il tarixdə Bakı şəhəri, Nəsimi rayonu, Xətai prospekti, ev 36 ünvana çatdırılmışdır;  Şəxs MMC-nin Bakı şəhər Yasamal Rayon Dövlət X7 ünvanlanmış 10 noyabr 2022ci il tarixli və Baş Dövlət Yol Polisi İdarəsinə ünvanlanmış 11 noyabr 2022-ci il tarixli məktublarından görünür ki, şirkət ünvan 5 ünvanda fəaliyyət göstərmədiyini, şirkətin balansında olan nəqliyyat vasitələrinə aid sorğuların, bildirişlərin, protokolların və s. yazışmaların Bakı şəhəri, Nərimanov rayonu, Müzəffər Nərimanov küçəsi, 2054-cü məhəllədə yerləşən baş ofisə göndərilməsi xahiş edilir və bu məktublar müvafiq poçt qəbzlərinə əsasən həmin qurumlara çatdırılıb;  Baş Dövlət Yol Polisi İdarəsi tərəfindən Şəxs MMC-yə ünvanlanmış xx.xx.2022-ci il tarixli məktubda şirkətin balansında olan nəqliyyat vasitələrinə aid sorğuların, bildirişlərin, protokolların və s. yazışmaların qurumun baş ofisinə göndərilməsi ilə bağlı müraciətə baxıldığı qeyd olunur;  Şəxs MMC-nin baş direktoru tərəfindən Yasamal Rayon Dövlət X7 ünvanlanmış xx.xx.2023-cü il tarixli məktubda «NİSSAN SENTRA MİNİK» markalı, **-AH-*** dövlət qeydiyyat nişanlı avtomobili xx.xx.2023-cü il tarixdə, saat 11:00-da idarə etmiş şəxs barədə məlumat verilir;  "xxxx" MMC tərəfindən verilmiş 352311 saylı qəbzə əsasən bu məktub xx.xx.2023cü il tarixdə Bakı şəhəri Yasamal Rayon Dövlət X7 çatdırılıb. Beləliklə müəyyən olunur olur ki, Şəxs MMC-nin Bakı şəhər Yasamal Rayon Dövlət X7 ünvanlanmış 10 noyabr 2022-ci il tarixli və Baş Dövlət Yol Polisi İdarəsinə ünvanlanmış 11 noyabr 2022-ci il tarixli müraciətlərində şirkətin ünvan 5 ünvanda fəaliyyət göstərməməsi səbəbindən onun balansında olan nəqliyyat vasitələrinə aid sorğuların, bildirişlərin, protokolların və s. yazışmaların Bakı şəhəri, Nərimanov rayonu, Müzəffər Nərimanov küçəsi, 2054-cü məhəllədə yerləşən baş ofisə göndərilməsi xahiş olunaraq bu məktublar həmin orqanlara rəsmi qaydada təqdim edilsələr də, Bakı şəhər Yasamal Rayon Dövlət X8 tərəfindən MMC-yə məxsus «NİSSAN SENTRA MİNİK» markalı, **-AH-*** dövlət qeydiyyat nişanlı avtomobil ilə xx.xx.2023-cü il tarixdə, saat 11:00-da inzibati xətanı törədən şəxs barəsində məlumatın verilməsinə dair sorğu Bakı şəhəri, Nəsimi rayonu, Xətai prospekti, ev 36 ünvanna göndərilmişdir. MMC də bu sorğunu əldə etdikdən sonra müvafiq məlumatı aidiyyəti üzrə təqdim etmişdir. Belə olan halda isə iş üzrə inzibati xəta tərkibinin olması müəyyən olunmur. Azərbaycan Respublikası İnzibati Xətalar Məcəlləsinin 347-ci maddəsi hüquqi şəxsin mülkiyyətində və ya istifadəsində, yaxud dövlət qurumunun istifadəsində olan nəqliyyat vasitəsini inzibati xətanın törədilməsi zamanı idarə etmiş fiziki şəxs haqqında məlumatın səlahiyyətli orqanın (vəzifəli şəxsin) bu barədə sorğusu daxil olduğu vaxtdan 5 gün müddətində verilməməsinə görə məsuliyyət müəyyən edir. İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 8-ci maddəsinə əsasən barəsində inzibati xəta haqqında iş üzrə icraat aparılan şəxsin təqsiri bu Məcəllədə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsirsiz hesab edilir. Bu Məcəllənin 53.1.2-ci maddəsinin tələbinə görə inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Qeyd edilən Məcəllənin 105.1-ci maddəsinə görə bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 53, 109 və 128-130-cu maddələrini rəhbər tutaraq məhkəmə QƏRARA ALDİ: Şəxs MMC barəsində İnzibati Xətalar Məcəlləsinin 347-ci maddəsi ilə başlanmış inzibati xəta haqqında iş üzrə icraata xitam verilsin. Qərardan, onun surəti rəsmi qaydada verildiyi vaxtdan 10 (on) gün müddətində Bakı şəhəri Nəsimi Rayon Məhkəməsi vasitəsilə Bakı Apellyasiya Məhkəməsinə şikayət verilə bilər. Hakim Babək Pənahov