Bakı Şəhəri Nəsimi Rayon Məhkəməsi Qərar — İş №3(006)-3677/2023

Azərbaycan Respublikası adından QƏRAR Bakı şəhəri İş № 3(006)-3677/2023 18.08.2023 BAKI ŞƏHƏRİ NƏSİMİ RAYON MƏHKƏMƏSİ Hakim: Pənahov Babək Əkbər oğlunun sədrliyi Məhkəmə iclasının katibi: X1 Şikayətçi: X5 iştirakları ilə Bakı Şəhər X10 İdarəsi tərəfindən qəbul edilmiş xx.xx.2023-cü il tarixli, TP ******* saylı inzibati tənbeh vermə haqqında qərardan verilmiş şikayətə açıq məhkəmə iclasında baxaraq M Ü Ə Y Y Ə N E T D İ: X8 qeyd olunan qərardan şikayətlə məhkəməyə müraciət edərək göstərmişdir ki, o, idarə etdiyi “Nissan Kicks” markalı, **-KF-*** dövlət qeydiyyat nişalı avtomobillə 26 iyul 2023-cü il tarixdə Bakı şəhəri, Məmmədcəfər Cəfərov küçəsində hərəkətdə olarkən işıqforun sarı işığında yolayrıcına çatsa da, qadağanedici işığın yanması halında belə onun kəskin tormozlama etməmək və ya yolayrıcında durmamaq üçün hərəkəti davam etdirə bilmək hüququ olmuşdur. O, yolayrıcını keçdikdən sonra işıqforun qırmızı işığı yanmış, buna baxmayaraq polis əməkdaşı ona “saxla” işarəsi vermiş və işıqforun qadağanedici işığında hərəkəti davam etdirdiyini bildirmişdir. O, polis əməkdaşına heç bir qayda pozuntusu etmədiyini bildirdiyi və inzibati pozuntunu törətməyi sübut olunmadığı halda, polis əməkdaşı X3 onun barəsində İnzibati Xətalar Məcəlləsinin 327.2-ci maddəsi üzrə İXP ******* nömrəli inzibati protokol tərtib etmişdir. Daha sonra xx.xx.2023-cü il tarixdə o, “Asanpay“ödəniş sistemində şəxsi kabinetinə daxil olduqda İXP ******* nömrəli protokol üzrə şikayət etmək istədiyi zaman belə bir protokolun mövcud olmaması barədə bildiriş almışdır. “Asanpay” ödəniş sistemində həmin protokol görünsə də, “Ətraflı” bölməsindən daxil olmaq istədikdə “protokol mövcud deyil” qeyd olunduğu üçün heç bir əməliyyat icra etmək mümkün olmamışdır. Bundan sonra o, “Asanpay” ödəniş sisteminin “108” nömrəli çağrı mərkəzi ilə əlaqə saxlamış və ona sistemdə protokolun olmaması barədə məlumat verilmiş, yoxlama aparıldıqdan sonra elektron əlaqə sistemi vasitəsilə şikayət vermək hüququnun olduğu izah olunmuşdur. Buna görə də o, xx.xx.2023-cü il tarixdə sistem üzərindən şikayət ilə müraciət etmişdir. xx.xx.2023-cü il tarixdə şəxsi kabinetinə daxil olduqda şikayət etməyinə baxmayaraq, protokol sistemə yerləşdirilmiş, xx.xx.2023-cü il tarixli inzibati qərarla ona 80 manat cərimə və 03 bal tətbiq olunmuşdur. Göstərilənlərə əsasən Bakı Şəhər X10 İdarəsi tərəfindən qəbul edilmiş xx.xx.2023-cü il tarixli, TP ******* saylı inzibati tənbeh vermə haqqında qərarın ləğv edilməsi və inzibati xəta haqqında iş üzrə icraata xitam verilməsinə dair qərar qəbul edilməsi xahiş olunur. Məhkəmə iclasında şikayətçi X8 bildirdi ki, barəsində tərtib olunmuş protokolda ünvan düzgün qeyd olunmamış, polis əməkdaşı onu Bakı şəhəri, Həsən bəy Zərdabi prospekti ilə Tbilisi prospektinin kəsişməsində saxladığı halda, hadisənin Bakı şəhəri, Məmmədcəfər Cəfərov küçəsində baş verdiyi göstərilmişdir. Bundan əlavə, işə onun iştirakı olmadan baxılmış, sübutlar təqdim olunmamışdır. Qeyd olunanları nəzərə alaraq şikayətin təmin olunmasını xahiş etdi. Məhkəmə iclasının yeri və vaxtı barədə rəsmi qaydada xəbərdarlıq edilməsinə baxmayaraq qərarı qəbul etmiş qurumun nümayəndəsi məhkəməyə gəlməmiş, bunun səbəbləri barədə məlumat verilməmişdir. Məhkəmə işə nümayəndənin iştirakı olmadan baxılmasını mümkün hesab etmişdir. İş materiallarında olan: • Bakı Şəhər X10 İdarəsi tərəfindən tərtib edilmiş xx.xx.2023-cü il tarixli, İXP ******* saylı inzibati xəta haqqında protokola əsasən X8 həmin tarixdə, saat 11:56 radələrində Bakı şəhəri, Məmmədcəfər Cəfərov küçəsində idarə etdiyi “Nissan Kicks” markalı, **-KF- *** dövlət qeydiyyat nişanlı avtomobillə svetoforun və ya nizamlayıcının qadağanedici işarəsi verilərkən hərəkəti davam etdirərək İnzibati Xətalar Məcəlləsinin 327.2-ci maddəsində nəzərdə tutulmuş inzibati xətanı törətmişdir; • Bakı Şəhər X10 İdarəsi tərəfindən qəbul edilmiş xx.xx.2023-cü il tarixli, TP ******* saylı inzibati tənbeh vermə haqqında qərarla X2 Xətalar Məcəlləsinin 327.2-ci maddəsində nəzərdə tutulmuş əməli törətməkdə təqsirli bilinərək 80 manat məbləğində cərimə edilmişdir. Azərbaycan Respublikası İnzibati Xətalar Məcəlləsinə əsasən: • İnzibati xətalar haqqında işlər üzrə icraatın təmin edilməsi tədbirləri tətbiq edilərkən, qanunvericiliyin tələblərinə əməl olunması yuxarı orqanların və vəzifəli şəxslərin idarə nəzarəti ilə, məhkəmə və prokuror nəzarəti ilə və şikayət etmək hüquqi ilə təmin edilir (6.2ci maddə); • İnzibati xəta haqqında işə barəsində inzibati xəta haqqında iş üzrə icraat aparılan şəxsin iştirakı ilə baxılır. Həmin işə şəxsin iştirakı olmadan, yalnız o hallarda baxılır ki, işə baxılmasının yeri və müddətinin ona vaxtında bildirilməsi barədə məlumat olsun və ya işə baxılmasını təxirə salmaq haqqında ondan vəsatət daxil olmasın, yaxud belə vəsatət rədd edilmiş olsun (61.3-cü maddə); • İnzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir (76.1-ci maddə); • İnzibati xəta haqqında iş üzrə qərarda aşağıdakılar göstərilir: qərarı çıxarmış hakimin, vəzifəli şəxsin vəzifəsi, soyadı, adı, atasının adı, kollegial orqanın adı və tərkibi; işin baxılması tarixi və yeri; işinə baxılan şəxs haqqında məlumat, o cümlədən vətəndaşın fərdi identifikasiya nömrəsi; işə baxılarkən müəyyən edilmiş hallar; inzibati xətaya görə məsuliyyət nəzərdə tutan bu Məcəllənin müvafiq maddəsi“və inzibati xətaya görə tətbiq edilən inzibati tənbeh növü; inzibati cərimə şərti olaraq tətbiq edildikdə, hüquqpozmanın aradan qaldırılması üçün müəyyən edilmiş müddət və bu müddətdə hüquqpozma aradan qaldırıldığı təqdirdə, cərimənin ödənilməməsi barədə qeyd; iş üzrə icraata xitam verilməsi və ya dayandırılması üçün əsas olan bu Məcəllənin müvafiq maddəsi; qərardan şikayət verilməsi müddəti və qaydası (115.1-ci maddə); • İnzibati xətalar haqqında işlərə baxmaq hüququ səlahiyyətli orqana (vəzifəli şəxsə) aid edilmiş yol hərəkəti qaydaları əleyhinə olan inzibati xətalar səlahiyyətli vəzifəli şəxs tərəfindən bilavasitə aşkar edildikdə və barəsində inzibati xəta haqqında iş üzrə icraat aparılan şəxs inzibati xəta hadisəsinin mövcudluğu ilə razılaşdıqda, inzibati tənbeh tətbiq etmə haqqında qərar çıxarılır (124.2-ci maddə); • Barəsində inzibati xəta haqqında iş üzrə icraat aparılan şəxs inzibati xəta hadisəsinin mövcudluğu ilə razılaşmadıqda, səlahiyyətli vəzifəli şəxs inzibati xəta haqqında protokol tərtib edir (124.3-cü maddə). Məhkəmədə müəyyən edilir ki, Bakı Şəhər X10 İdarəsi tərəfindən hazırkı inzibati xəta haqqında işə baxılarkən qanunvericiliyin yuxarıda göstərilmiş tələblərinə riayət olunmamış, işin bütün halları tədqiq edilmədən, barəsində icraat aparılan şəxsin iştirakı təmin olunmadan, zəruri araşdırma aparılmadan, barəsində icraat aparılan şəxsin təqsirliliyinə dair hər hansı görüntü və ya başqa bir təkzibedilməz dəlil olmadan inzibati tənbeh tətbiq etmə haqqında qərar qəbul olunmuşdur. Bundan başqa, məhkəmə iclasında barəsində icraat aparılan şəxs polis əməkdaşının onu Bakı şəhəri, Həsən bəy Zərdabi prospekti ilə Tbilisi prospektinin kəsişməsində saxladığını bildirsə də, həm protokolda, həm də qərarda inzibati xətanın Bakı şəhəri, Məmmədcəfər Cəfərov küçəsində törədildiyi göstərilmişdir. İnzibati Xətalar Məcəlləsinin 135.1.6-cı maddəsinə görə bu Məcəllə ilə müəyyən edilmiş tələblərin işin hallarının hərtərəfli, tam və obyektiv araşdırılmasına maneə törədəcək dərəcədə pozulması inzibati xəta haqqında iş üzrə qərarın ləğv edilməsi və ya dəyişdirilməsi üçün əsasdır. Həmin Məcəllənin 134.1.4-cü maddəsinə görə inzibati xəta haqqında iş üzrə qərardan verilən şikayətə və ya protestə baxılaraq bu Məcəllənin 135.1.1 və 135.1.6-cı maddələri ilə müəyyən edilmiş hallarda qərarın ləğv edilməsi və inzibati xəta haqqında işin yenidən baxılmaq üçün hakimə, səlahiyyətli orqana (vəzifəli şəxsə) göndərilməsi haqqında qərar qəbul edilə bilər. Göstərilənləri nəzərə alaraq məhkəmə hesab edir ki, şikayət qismən təmin edilməli, Bakı şəhər X10 İdarəsi tərəfindən qəbul edilmiş xx.xx.2023-cü il tarixli, TP ******* saylı inzibati tənbeh vermə haqqında qərar ləğv edilməli və iş yenidən baxılması üçün həmin quruma göndərilməlidir. Qeyd edilənlərə əsasən və Azərbaycan Respublikası İnzibati Xətalar Məcəlləsinin 128-130 və 133-135-ci maddələrini rəhbər tutaraq məhkəmə Q Ə R A R A A L D İ: Şikayət qismən təmin edilsin. Bakı şəhər X10 İdarəsi tərəfindən qəbul edilmiş xx.xx.2023-cü il tarixli, TP ******* saylı inzibati tənbeh vermə haqqında qərar ləğv edilsin və iş baxılması üçün həmin quruma göndərilsin. Qərardan, onun surəti rəsmi qaydada verildiyi andan 10 gün müddətində Bakı şəhəri Nəsimi Rayon Məhkəməsi vasitəsi ilə Bakı Apellyasiya Məhkəməsinə şikayət verilə bilər. Hakim Babək Pənahov