Bakı Şəhəri Nəsimi Rayon Məhkəməsi Qərardad — İş №3(006)-3763/2023

Azərbaycan Respublikası adından QƏRARDAD Bakı şəhəri İş № 3(006)-3763/2023 28.08.2023 BAKI ŞƏHƏRİ NƏSİMİ RAYON MƏHKƏMƏSİ Hakim: Pənahov Babək Əkbər oğlunun sədrliyi Məhkəmə iclasının katibi: X1 Barəsində inzibati xəta haqqında Şəxs iş üzrə icraat aparılan şəxs: iştirakları ilə xx.xx.1994-cü il tarixdə anadan olmuş, Azərbaycan Respublikasının vətəndaşı (FİN: xxxxxxx), subay, Bakı şəhəri, Sabunçu rayonu, Bakıxanov qəsəbəsi, Sakit Qocayev küçəsi, ev 29, mənzil 38-də qeydiyyatda olan Şəxs barəsində Azərbaycan Respublikası İnzibati Xətalar Məcəlləsinin 342.9-cu maddəsi üzrə tərtib olunmuş xx.xx.2023-cü il tarixli, İXP ******* saylı inzibati xəta haqqında protokola iş materialları ilə birlikdə açıq məhkəmə iclasında baxaraq məhkəmə M Ü Ə Y Y Ə N E T D İ: Protokola görə Şəxs xx.xx.2023-cü il tarixdə, saat 11:08-də ünvan 1 ünvanda idarə etdiyi “KİA OPTİMA” markalı, **-NK-*** dövlət qeydiyyat nişanlı nəqliyyat vasitəsinin dövlət qeydiyyat nişanı görünüşünü çətinləşdirən örtükdən istifadə etmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs izahatında göstərdi ki, o, xx.xx.2023-cü il tarixdə, saat 11 radələrində idarə etdiyi “KİA OPTİMA” markalı, **-NK-*** dövlət qeydiyyat nişanlı avtomobili ünvan 2 ünvanda saxlamış, hava şəraiti isti olduğundan avtomobilin yük yerini açmış və sərnişinləri gözləmişdir ki, onlar əşyalarını gəlib yük yerinə qoyacaqlar. Lakin, bir müddət sonra yolpatrul xidməti əməkdaşı ona yaxınlaşaraq avtomobilin yük yerinin açıq olmasının səbəbini soruşmuş, o da bununla bağlı izah versə də, polis əməkdaşı buna əhəmiyyət verməyib demişdir ki, guya o cərimədən yayınmaq üçün bunu edib və buna görə barəsində İnzibati Xətalar Məcəlləsinin 342.9-cu maddəsi üzrə protokol tərtib etmişdir. Hesab edir ki, protokol tam əsassız və qanunsuzdur. Belə ki, İnzibati Xətalar Məcəlləsinin 342.9-cü maddəsi nəqliyyat vasitəsinin dövlət qeydiyyat nişanının görünüşünü çətinləşdirən örtüklərdən və ya qurğulardan istifadəyə görə məsuliyyət nəzərdə tutur. O isə belə örtük və ya qurğudan istifadə etməmişdir. Bundan əlavə, protokolda hadisənin baş verdiyi yer düzgün qeyd olunmamışdır. Çünki o, avtomobilini Ü.Hacıbəyli küçəsində “Hökümət Evi” tərəfdə saxlamışdır. Məhkəmə iclasının vaxtı və yeri barədə xəbardarlıq edilməsinə baxmayaraq, inzibati xəta haqqında protokolu tərtib etmiş orqanın nümayəndəsi məhkəməyə gəlməmiş və bunun səbəbləri barədə məlumat verilməmişdir. Məhkəmə işə onun iştirakı olmadan baxılmasını mümkün hesab etmişdir. Məhkəmə proses iştirakçısının izahatını dinləyib və iş materiallarını araşdıraraq hesab edir ki, təqdim edilmiş inzibati xəta haqqında protokol qanunvericiyilin tələblərinə müvafiq halda tərtib edilmədiyindən və təqdim edilmiş materiallar natamam olduğundan protokol onu tərtib orqana geri qaytarılmalıdır. Belə ki, məhkəmə də barəsində inzibati xəta haqqında iş üzrə icraat aparılan şəxs hadisənin ünvan 2 ünvanda baş verdiyini bildirsə də, inzibati xəta haqqında protokolda hadisənin ünvan 1 ünvanda baş verdiyi qeyd olunub. Məhkəməyə təqdim edilmiş foto şəkildən də hadisə yerinin ünvanını dəqiq müəyyən etmək mümkün olmur. Azərbaycan Respublikası İnzibati Xətalar Məcəlləsinin 3-cü maddəsinə görə yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. İnzibati Xətalar Məcəlləsinin 106.0.3-cü və 106.0.5-ci maddələrinə əsasən hakim, səlahiyyətli orqan (vəzifəli şəxs) inzibati xətalar haqqında işlərə baxarkən inzibati xəta haqqında protokol və işin digər materialları bu Məcəllənin tələblərinə müvafiq olaraq tərtib edilib-edilməməsini və mahiyyəti üzrə baxılması üçün işdə kifayət qədər sübutların toplanıb-toplanmaması məsələlərini həll edir. İnzibati Xətalar Məcəlləsinin 109.1.6-cı maddəsinə görə inzibati xəta haqqında işin baxılmağa hazırlanması zamanı protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda, işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması barəsində qərardad qəbul edilir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 109-cu maddəsini rəhbər tutaraq məhkəmə Q Ə R A R A A L D İ: Şəxs barəsində Azərbaycan Respublikası İnzibati Xətalar Məcəlləsinin 342.9-cu maddəsi üzrə tərtib olunmuş xx.xx.2023-cü il tarixli, İXP ******* saylı inzibati xəta haqqında protokol və ona əlavə edilmiş sənədlər geri qaytarılsın. Hakim Babək Pənahov